अवलोकितेश्वराष्टोत्तरशतनामस्तोत्रम् Avalokiteshvara Ashtottarashata Nama Stotram

ॐ नमोऽवलोकितेश्वराय ।पद्मसत्त्व महापद्म लोकेश्वर महेश्वर ।अवलोकितेश धीराग्र्य वज्रधर्म नमोऽस्तु ते ॥ १॥

oṃ namo'valokiteśvarāya |padmasattva mahāpadma lokeśvara maheśvara |avalokiteśa dhīrāgrya vajradharma namo'stu te || 1||

धर्मराज महाशुद्ध सत्त्वराज महामते ।पद्मात्मक महापद्म पद्मनाथ नमोऽस्तु ते ॥ २॥

dharmarāja mahāśuddha sattvarāja mahāmate |padmātmaka mahāpadma padmanātha namo'stu te || 2||

पद्मोद्भव सुपद्माभ पद्मशुद्ध सुशोधक ।वज्रपद्म सुपद्माङ्क पद्मपद्म नमोऽस्तु ते ॥ ३॥

padmodbhava supadmābha padmaśuddha suśodhaka |vajrapadma supadmāṅka padmapadma namo'stu te || 3||

महाविश्व महालोक महाकाय महोपम ।महाधीर महावीर महाशौरे नमोऽस्तु ते ॥ ४॥

mahāviśva mahāloka mahākāya mahopama |mahādhīra mahāvīra mahāśaure namo'stu te || 4||

सत्त्वाशय महायान महायोग पितामह ।शम्भु शङ्कर शुद्धार्थ बुद्धपद्म नमोऽस्तु ते ॥ ५॥

sattvāśaya mahāyāna mahāyoga pitāmaha |śambhu śaṅkara śuddhārtha buddhapadma namo'stu te || 5||

धर्मतत्त्वार्थ सद्धर्म शुद्धद्धर्मं सुधर्मकृत् ।महाधर्म सुधर्माग्र्य धर्मचक्र नमोऽस्तु ते ॥ ६॥

dharmatattvārtha saddharma śuddhaddharmaṃ sudharmakṛt |mahādharma sudharmāgrya dharmacakra namo'stu te || 6||

बुद्धसत्त्व सुसत्त्वाग्र्य धर्मसत्त्व सुसत्त्वधृक् ।सत्त्वोत्तम सुसत्त्वज्ञ सत्त्वसत्त्व नमोऽस्तु ते ॥ ७॥

buddhasattva susattvāgrya dharmasattva susattvadhṛk |sattvottama susattvajña sattvasattva namo'stu te || 7||

अवलोकितेश नाथाग्र्य महानाथ विलोकित ।आलोकलोक लोकार्थ लोकनाथ नमोऽस्तु ते ॥ ८॥

avalokiteśa nāthāgrya mahānātha vilokita |ālokaloka lokārtha lokanātha namo'stu te || 8||

लोकाक्षराक्षर महा अक्षराग्र्याक्षरोपम ।अक्षराक्षर सर्वाक्ष चक्राक्षर नमोऽस्तु ते ॥ ९॥

lokākṣarākṣara mahā akṣarāgryākṣaropama |akṣarākṣara sarvākṣa cakrākṣara namo'stu te || 9||

पद्महस्त महाहस्त समाश्वासक दायक ।बुद्धधर्म महाबुद्ध बुद्धात्मक नमोऽस्तु ते ॥ १०॥

padmahasta mahāhasta samāśvāsaka dāyaka |buddhadharma mahābuddha buddhātmaka namo'stu te || 10||

बुद्धरूप महारूप वज्ररूप सुरूपवित् ।धर्मालोक सुतेजाग्र्य लोकालोक नमोऽस्तु ते ॥ ११॥

buddharūpa mahārūpa vajrarūpa surūpavit |dharmāloka sutejāgrya lokāloka namo'stu te || 11||

पद्मश्रीनाथ नाथाग्र्य धर्मश्रीनाथ नाथवान् ।ब्रह्यनाथ महाब्रह्म ब्रह्मपुत्र नमोऽस्तु ते ॥ १२॥

padmaśrīnātha nāthāgrya dharmaśrīnātha nāthavān |brahyanātha mahābrahma brahmaputra namo'stu te || 12||

दीप दीपाग्र्य दीपोग्र दीपालोक सुदीपक ।दीपनाथ महादिप बुद्धदीप नमोऽस्तु ते ॥ १३॥

dīpa dīpāgrya dīpogra dīpāloka sudīpaka |dīpanātha mahādipa buddhadīpa namo'stu te || 13||

बुद्धाभिषिक्त बुद्धाग्र्य बुद्धपुत्र महाबुध ।बुद्धाभिषेकमुर्द्धाग्र्य बुद्धबुद्ध नमोऽस्तु ते ॥ १४॥

buddhābhiṣikta buddhāgrya buddhaputra mahābudha |buddhābhiṣekamurddhāgrya buddhabuddha namo'stu te || 14||

बुद्धचक्षो महाचक्षो धर्मचक्षो महेक्षण ।समाधिज्ञानसर्वस्व वज्रनेत्र नमोऽस्तु ते ॥ १५॥

buddhacakṣo mahācakṣo dharmacakṣo mahekṣaṇa |samādhijñānasarvasva vajranetra namo'stu te || 15||

एवं सर्वात्मना गौणं नाम्नामष्टशतं तव ।भावयेत् स्तुनुयाद्वापि लोकैश्वर्यमवाप्नुयात् ॥ १६॥

evaṃ sarvātmanā gauṇaṃ nāmnāmaṣṭaśataṃ tava |bhāvayet stunuyādvāpi lokaiśvaryamavāpnuyāt || 16||

इति आर्यावलोकितेश्वरनामाष्टोत्तरशताध्येषणास्तोत्रं सम्पूर्णम् ॥

iti āryāvalokiteśvaranāmāṣṭottaraśatādhyeṣaṇāstotraṃ sampūrṇam ||