अवलोकितेश्वरस्तवः Avalokiteshvara Stava
avalokiteśvarastavaḥ
Avalokiteshvara Stava (अवलोकितेश्वरस्तवः): a hymn of praise (stuti) to Other Devatās & Sages. 10 verses in Sanskrit with Devanagari and IAST.
- Stotra
- Stuti
- Other Devatās & Sages
- Stuti
अवलोकितेश्वरस्तवः
1 / 10
ॐ नमोऽवलोकितेश्वराय ।भुवनत्रयवन्दितलोकगुरुममराधिपतिस्तुतब्रह्मवरम् ।मुनिराजवरं द्युतिसिद्धिकरं प्रणमाम्यवलोकितनामधरम् ॥ १॥
oṃ namo'valokiteśvarāya |bhuvanatrayavanditalokagurumamarādhipatistutabrahmavaram |munirājavaraṃ dyutisiddhikaraṃ praṇamāmyavalokitanāmadharam || 1||
सुगतात्मजरूपसुरूपधरं बहुलक्षणभूषितदेहवरम् ।अमिताभतथागतमौलिधरं कनकाब्जविभूषितवामकरम् ॥ २॥
sugatātmajarūpasurūpadharaṃ bahulakṣaṇabhūṣitadehavaram |amitābhatathāgatamaulidharaṃ kanakābjavibhūṣitavāmakaram || 2||
कुटिलामलपिङ्गलधूम्रजटं शशिबिम्बसमुज्ज्वलपूर्णमुखम् ।कमलायतलोचनचारुवरं हिमखण्डविपाण्डुरगण्डयुगम् ॥ ३॥
kuṭilāmalapiṅgaladhūmrajaṭaṃ śaśibimbasamujjvalapūrṇamukham |kamalāyatalocanacāruvaraṃ himakhaṇḍavipāṇḍuragaṇḍayugam || 3||
अधरं जितपङ्कजनाभिसमं शरदम्बुदगर्जितमेघरुतम् ।बहुरत्नविभूषितबाहुयुगं तनुकोमलशाद्वलपाणितलम् ॥ ४॥
adharaṃ jitapaṅkajanābhisamaṃ śaradambudagarjitamegharutam |bahuratnavibhūṣitabāhuyugaṃ tanukomalaśādvalapāṇitalam || 4||
मृगचर्मविवेष्टितवामतनुं शुभकुण्डलमण्डितलोलधरम् ।विमलं कमलोदरनाभितलं मणिमण्डितमेखलहेमवरम् ॥ ५॥
mṛgacarmaviveṣṭitavāmatanuṃ śubhakuṇḍalamaṇḍitaloladharam |vimalaṃ kamalodaranābhitalaṃ maṇimaṇḍitamekhalahemavaram || 5||
कटिवेष्टितचित्रसुवस्त्रधरं जिनबोधिमहोदधिपारगतम् ।बहुपुण्यमुपार्जितलब्धवरं ज्वरव्याधिहरं बहुसौख्यकरम् ॥ ६॥
kaṭiveṣṭitacitrasuvastradharaṃ jinabodhimahodadhipāragatam |bahupuṇyamupārjitalabdhavaraṃ jvaravyādhiharaṃ bahusaukhyakaram || 6||
शुभशान्तिकरं त्रिभवास्यकरं सचरं खचरं स्तुतिदेहधरम् ।विविधाकुलनिर्जितमारबलं दशपारमितापरमार्थकरम् ॥ ७॥
śubhaśāntikaraṃ tribhavāsyakaraṃ sacaraṃ khacaraṃ stutidehadharam |vividhākulanirjitamārabalaṃ daśapāramitāparamārthakaram || 7||
चतुरस्रविहारविवेकपरं तथताद्वयबोधविबोधकरम् ।मणिनूपुरगर्जितपादयुगं गजमन्दविलम्बितहंसगतिम् ॥ ८॥
caturasravihāravivekaparaṃ tathatādvayabodhavibodhakaram |maṇinūpuragarjitapādayugaṃ gajamandavilambitahaṃsagatim || 8||
परिपूर्णमहामृतलब्धधृतिं क्षीरोदजलार्णवनित्यगतिम् ।श्रीपोतलकाभिनिवासरतिं करुणामयनिर्मलचारुदृशम् ॥ ९॥
paripūrṇamahāmṛtalabdhadhṛtiṃ kṣīrodajalārṇavanityagatim |śrīpotalakābhinivāsaratiṃ karuṇāmayanirmalacārudṛśam || 9||
इति श्रीमदार्यावलोकितेश्वरभट्टारकस्यचन्द्रकान्ताभिक्षुणीविरचितः स्तवः समाप्तः ॥
iti śrīmadāryāvalokiteśvarabhaṭṭārakasyacandrakāntābhikṣuṇīviracitaḥ stavaḥ samāptaḥ ||
॥ इति अवलोकितेश्वरस्तवः सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Avalokiteshvara Stava?
Avalokiteshvara Stava has 10 verses on this page, each shown with its number, Devanagari text and transliteration, and meaning where available.
Can I read Avalokiteshvara Stava in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Avalokiteshvara Stava?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
