अवधूताष्टकम् स्वामीशुकदेवस्तुतिः च Avadhutashtakam

श्री परमात्मने नमः ॥अथ परमहंस शिरोमणिअवधूतश्रीस्वामीशुकदेवस्तुतिःनिर्वासनं निराकाङ्क्षं सर्वदोषविवर्जितम् ।निरालम्बं निरातङ्कं ह्यवधूतं नमाम्यहम् ॥ १॥

śrī paramātmane namaḥ ||atha paramahaṃsa śiromaṇiavadhūtaśrīsvāmīśukadevastutiḥnirvāsanaṃ nirākāṅkṣaṃ sarvadoṣavivarjitam |nirālambaṃ nirātaṅkaṃ hyavadhūtaṃ namāmyaham || 1||

निर्ममं निरहङ्कारं समलोष्टाश्मकाञ्चनम् ।समदुःखसुखं धीरं ह्यवधूतं नमाम्यहम् ॥ २॥

nirmamaṃ nirahaṅkāraṃ samaloṣṭāśmakāñcanam |samaduḥkhasukhaṃ dhīraṃ hyavadhūtaṃ namāmyaham || 2||

अविनाशिनमात्मानं ह्येकं विज्ञाय तत्त्वतः ।वीतरागभयक्रोधं ह्यवधूतं नमाम्यहम् ॥ ३॥

avināśinamātmānaṃ hyekaṃ vijñāya tattvataḥ |vītarāgabhayakrodhaṃ hyavadhūtaṃ namāmyaham || 3||

नाहं देहो न मे देहो जीवो नाहमहं हि चित् ।एवं विज्ञाय सन्तुष्टम् ह्यवधूतं नमाम्यहम् ॥ ४॥

nāhaṃ deho na me deho jīvo nāhamahaṃ hi cit |evaṃ vijñāya santuṣṭam hyavadhūtaṃ namāmyaham || 4||

समस्तं कल्पनामात्रं ह्यात्मा मुक्तः सनातनः ।इति विज्ञाय सन्तुष्टं ह्यवधूतं नमाम्यहम् ॥ ५॥

samastaṃ kalpanāmātraṃ hyātmā muktaḥ sanātanaḥ |iti vijñāya santuṣṭaṃ hyavadhūtaṃ namāmyaham || 5||

ज्ञानाग्निदग्धकर्माणं कामसङ्कल्पवर्जितम् ।हेयोपादेयहीनं तं ह्यवधूतं नमाम्यहम् ॥ ६॥

jñānāgnidagdhakarmāṇaṃ kāmasaṅkalpavarjitam |heyopādeyahīnaṃ taṃ hyavadhūtaṃ namāmyaham || 6||

व्यामोहमात्रविरतौ स्वरूपादानमात्रतः ।वीतशोकं निरायासं ह्यवधूतं नमाम्यहम् ॥ ७॥

vyāmohamātraviratau svarūpādānamātrataḥ |vītaśokaṃ nirāyāsaṃ hyavadhūtaṃ namāmyaham || 7||

आत्मा ब्रह्मेति निश्चित्य भावाभावौ च कल्पितौ ।उदासीनं सुखासीनं ह्यवधूतं नमाम्यहम् ॥ ८॥

ātmā brahmeti niścitya bhāvābhāvau ca kalpitau |udāsīnaṃ sukhāsīnaṃ hyavadhūtaṃ namāmyaham || 8||

स्वभावेनैव यो योगी सुखं भोगं न वाञ्छति ।यदृच्छालाभसन्तुष्टं ह्यवधूतं नमाम्यहम् ॥ ९॥

svabhāvenaiva yo yogī sukhaṃ bhogaṃ na vāñchati |yadṛcchālābhasantuṣṭaṃ hyavadhūtaṃ namāmyaham || 9||

नैव निन्दाप्रशंसाभ्यां यस्य विक्रियते मनः ।आत्मक्रीडं महात्मानं ह्यवधूतं नमाम्यहम् ॥ १०॥

naiva nindāpraśaṃsābhyāṃ yasya vikriyate manaḥ |ātmakrīḍaṃ mahātmānaṃ hyavadhūtaṃ namāmyaham || 10||

नित्यं जाग्रदवस्थायां स्वप्नवद्योऽवतिष्ठते ।निश्चिन्तं चिन्मयात्मानं ह्यवधूतं नमाम्यहम् ॥ ११॥

nityaṃ jāgradavasthāyāṃ svapnavadyo'vatiṣṭhate |niścintaṃ cinmayātmānaṃ hyavadhūtaṃ namāmyaham || 11||

द्वेष्यं नास्ति प्रियं नास्ति नास्ति यस्य शुभाशुभम् ।भेदज्ञानविहीनं तं ह्यवधूतं नमाम्यहम् ॥ १२॥

dveṣyaṃ nāsti priyaṃ nāsti nāsti yasya śubhāśubham |bhedajñānavihīnaṃ taṃ hyavadhūtaṃ namāmyaham || 12||

जडं पश्यति नो यस्तु जगत् पश्यति चिन्मयम् ।नित्ययुक्तं गुणातीतं ह्यवधूतं नमाम्यहम् ॥ १३॥

jaḍaṃ paśyati no yastu jagat paśyati cinmayam |nityayuktaṃ guṇātītaṃ hyavadhūtaṃ namāmyaham || 13||

यो हि दर्शनमात्रेण पवते भुवनत्रयम् ।पावनं जङ्गमं तीर्थं ह्यवधूतं नमाम्यहम् ॥ १४॥

yo hi darśanamātreṇa pavate bhuvanatrayam |pāvanaṃ jaṅgamaṃ tīrthaṃ hyavadhūtaṃ namāmyaham || 14||

निष्कलं निष्क्रियं शान्तं निर्मलं परमामृतम् ।अनन्तं जगदाधारं ह्यवधूतं नमाम्यहम् ॥ १५॥

niṣkalaṃ niṣkriyaṃ śāntaṃ nirmalaṃ paramāmṛtam |anantaṃ jagadādhāraṃ hyavadhūtaṃ namāmyaham || 15||

॥ इति अवधूताष्टकं समाप्तम् ॥

|| iti avadhūtāṣṭakaṃ samāptam ||