सोमस्तोत्रम् Somastotram

अथ सोमस्तोत्रप्रारम्भः ।अस्य श्रीसोमस्तोत्रमहामन्त्रस्य गौतम ऋषिः । अनुष्टुप्छन्दः ।सोमो देवता । सोमप्रीत्यर्थे जपे विनियोगः ।वां अङ्गुष्ठाभ्यां नमः । वीं तर्जनीभ्यां नमः ।वूं मध्यमाभ्यां नमः । वैं अनामिकाभ्यां नमः ।वौं कनिष्ठिकाभ्यां नमः । वः करतलकरपृष्ठाभ्यां नमः ।वां हृदयाय नमः । वीं शिरसे स्वाहा ।वूं शिखायै वषट् । वैं कवचाय हुम् ।वौं नेत्रत्रयाय वौषट् । वः अस्त्राय फट् ।भूर्भुवः सुवरोमिति दिग्बन्धः ।ध्यानम् ।श्वेताम्बरोज्ज्वलतनुं सितमाल्यगन्धंश्वेताश्वयुक्तरथगं सुरसेविताङ्घ्रिम् ।दोर्भ्यां धृताभयगदं वरदं सुधांशुंश्रीवत्समौक्तिकधरं प्रणमामि चन्द्रं ॥ १॥

atha somastotraprārambhaḥ |asya śrīsomastotramahāmantrasya gautama ṛṣiḥ | anuṣṭupchandaḥ |somo devatā | somaprītyarthe jape viniyogaḥ |vāṃ aṅguṣṭhābhyāṃ namaḥ | vīṃ tarjanībhyāṃ namaḥ |vūṃ madhyamābhyāṃ namaḥ | vaiṃ anāmikābhyāṃ namaḥ |vauṃ kaniṣṭhikābhyāṃ namaḥ | vaḥ karatalakarapṛṣṭhābhyāṃ namaḥ |vāṃ hṛdayāya namaḥ | vīṃ śirase svāhā |vūṃ śikhāyai vaṣaṭ | vaiṃ kavacāya hum |vauṃ netratrayāya vauṣaṭ | vaḥ astrāya phaṭ |bhūrbhuvaḥ suvaromiti digbandhaḥ |dhyānam |śvetāmbarojjvalatanuṃ sitamālyagandhaṃśvetāśvayuktarathagaṃ surasevitāṅghrim |dorbhyāṃ dhṛtābhayagadaṃ varadaṃ sudhāṃśuṃśrīvatsamauktikadharaṃ praṇamāmi candraṃ || 1||

आग्नेयभागे सरथो दशाश्वश्चात्रेयजो यामुनदेशजश्च ।प्रत्यङ्मुखस्थश्चतुरश्रपीठे गदाधरो नोऽवतु रोहिणीशः ॥ २॥

āgneyabhāge saratho daśāśvaścātreyajo yāmunadeśajaśca |pratyaṅmukhasthaścaturaśrapīṭhe gadādharo no'vatu rohiṇīśaḥ || 2||

चन्द्रं नमामि वरदं शङ्करस्य विभूषणम् ।कलानिधिं कान्तरूपं केयूरमकुटोज्ज्वलम् ॥ ३॥

candraṃ namāmi varadaṃ śaṅkarasya vibhūṣaṇam |kalānidhiṃ kāntarūpaṃ keyūramakuṭojjvalam || 3||

वरदं वन्द्यचरणं वासुदेवस्य लोचनम् ।वसुधाह्लादनकरं विधुं तं प्रणमाम्यहम् ॥ ४॥

varadaṃ vandyacaraṇaṃ vāsudevasya locanam |vasudhāhlādanakaraṃ vidhuṃ taṃ praṇamāmyaham || 4||

श्वेतमाल्याम्बरधरं श्वेतगन्धानुलेपनम् ।श्वेतछत्रोल्लसन्मौलिं शशिनं प्रणमाम्यहम् ॥ ५॥

śvetamālyāmbaradharaṃ śvetagandhānulepanam |śvetachatrollasanmauliṃ śaśinaṃ praṇamāmyaham || 5||

सर्वं जगज्जीवयसि सुधारसमयैः करैः ।सोम देहि ममारोग्यं सुधापूरितमण्डलम् ॥ ६॥

sarvaṃ jagajjīvayasi sudhārasamayaiḥ karaiḥ |soma dehi mamārogyaṃ sudhāpūritamaṇḍalam || 6||

राजा त्वं ब्राह्मणानां च रमाया अपि सोदरः ।राजा नाथश्चौषधीनां रक्ष मां रजनीकर ॥ ७॥

rājā tvaṃ brāhmaṇānāṃ ca ramāyā api sodaraḥ |rājā nāthaścauṣadhīnāṃ rakṣa māṃ rajanīkara || 7||

शङ्करस्य शिरोरत्नं शार्ङ्गिणश्च विलोचनम् ।तारकाणामधीशस्त्वं तारयाऽस्मान्महापदः ॥ ८॥

śaṅkarasya śiroratnaṃ śārṅgiṇaśca vilocanam |tārakāṇāmadhīśastvaṃ tārayā'smānmahāpadaḥ || 8||

कल्याणमूर्ते वरद करुणारसवारिधे ।कलशोदधिसञ्जातकलानाथ कृपां कुरु ॥ ९॥

kalyāṇamūrte varada karuṇārasavāridhe |kalaśodadhisañjātakalānātha kṛpāṃ kuru || 9||

क्षीरार्णवसमुद्भूत चिन्तामणिसहोद्भव ।कामितार्थान् प्रदेहि त्वं कल्पद्रुमसहोदर ॥ १०॥

kṣīrārṇavasamudbhūta cintāmaṇisahodbhava |kāmitārthān pradehi tvaṃ kalpadrumasahodara || 10||

श्वेताम्बरः श्वेतविभूषणाढ्यो गदाधरः श्वेतरुचिर्द्विबाहुः ।चन्द्रः सुधात्मा वरदः किरीटी श्रेयांसि मह्यं प्रददातु देवः ॥ ११॥

śvetāmbaraḥ śvetavibhūṣaṇāḍhyo gadādharaḥ śvetarucirdvibāhuḥ |candraḥ sudhātmā varadaḥ kirīṭī śreyāṃsi mahyaṃ pradadātu devaḥ || 11||

इदं निशाकरस्तोत्रं यः पठेत् प्रत्यहं नरः ।उपद्रवात्स मुच्येत नात्र कार्या विचारणा ॥ १२॥

idaṃ niśākarastotraṃ yaḥ paṭhet pratyahaṃ naraḥ |upadravātsa mucyeta nātra kāryā vicāraṇā || 12||

इति सोमस्तोत्रं सम्पूर्णम् ।

iti somastotraṃ sampūrṇam |