शुक्रस्तोत्रम् २ Shukrastotram 2

श्रीगणेशाय नमः ।शुक्रः काव्यः शुक्ररेता शुक्लाम्बरधरः सुधीः ।हिमाभः कुन्तधवलः शुभ्रांशुः शुक्लभूषणः ॥ १॥

śrīgaṇeśāya namaḥ |śukraḥ kāvyaḥ śukraretā śuklāmbaradharaḥ sudhīḥ |himābhaḥ kuntadhavalaḥ śubhrāṃśuḥ śuklabhūṣaṇaḥ || 1||

नीतिज्ञो नीतिकृन्नीतिमार्गगामी ग्रहाधिपः ।उशना वेदवेदाङ्गपारगः कविरात्मवित् ॥ २॥

nītijño nītikṛnnītimārgagāmī grahādhipaḥ |uśanā vedavedāṅgapāragaḥ kavirātmavit || 2||

भार्गवः करुणाः सिन्धुर्ज्ञानगम्यः सुतप्रदः ।शुक्रस्यैतानि नामानि शुक्रं स्मृत्वा तु यः पठेत् ॥ ३॥

bhārgavaḥ karuṇāḥ sindhurjñānagamyaḥ sutapradaḥ |śukrasyaitāni nāmāni śukraṃ smṛtvā tu yaḥ paṭhet || 3||

आयुर्धनं सुखं पुत्रं लक्ष्मींवसतिमुत्तमाम् ।विद्यां चैव स्वयं तस्मै शुक्रस्तुष्टोददाति च ॥ ४॥

āyurdhanaṃ sukhaṃ putraṃ lakṣmīṃvasatimuttamām |vidyāṃ caiva svayaṃ tasmai śukrastuṣṭodadāti ca || 4||

इति श्रीस्कन्दपुराणे शुक्रस्तोत्रं सम्पूर्णम् ।

iti śrīskandapurāṇe śukrastotraṃ sampūrṇam |