शुक्रस्तोत्रम् Shukrastotram

अथ शुक्रस्तोत्रप्रारम्भः ।शृण्वन्तु मुनयः सर्वे शुक्रस्तोत्रमिदं शुभम् ।रहस्यं सर्वभूतानां शुक्रप्रीतिकरं शुभम् ॥ १॥

atha śukrastotraprārambhaḥ |śṛṇvantu munayaḥ sarve śukrastotramidaṃ śubham |rahasyaṃ sarvabhūtānāṃ śukraprītikaraṃ śubham || 1||

येषां सङ्कीर्तनान्नित्यं सर्वान् कामानवाप्नुयात् ।तानि शुक्रस्य नामानि कथयामि शुभानि च ॥ २॥

yeṣāṃ saṅkīrtanānnityaṃ sarvān kāmānavāpnuyāt |tāni śukrasya nāmāni kathayāmi śubhāni ca || 2||

शुक्रः शुभग्रहः श्रीमान् वर्षकृद्वर्षविघ्नकृत् ।तेजोनिधिर्ज्ञानदाता योगी योगविदां वरः ॥ ३॥

śukraḥ śubhagrahaḥ śrīmān varṣakṛdvarṣavighnakṛt |tejonidhirjñānadātā yogī yogavidāṃ varaḥ || 3||

दैत्यसञ्जीवनो धीरो दैत्यनेतोशना कविः ।नीतिकर्ता ग्रहाधीशो विश्वात्मा लोकपूजितः ॥ ४॥

daityasañjīvano dhīro daityanetośanā kaviḥ |nītikartā grahādhīśo viśvātmā lokapūjitaḥ || 4||

शुक्लमाल्याम्बरधरः श्रीचन्दनसमप्रभः ।अक्षमालाधरः काव्यः तपोमूर्तिर्धनप्रदः ॥ ५॥

śuklamālyāmbaradharaḥ śrīcandanasamaprabhaḥ |akṣamālādharaḥ kāvyaḥ tapomūrtirdhanapradaḥ || 5||

चतुर्विंशतिनामानि अष्टोत्तरशतं यथा ।देवस्याग्रे विशेषेण पूजां कृत्वा विधानतः ॥ ६॥

caturviṃśatināmāni aṣṭottaraśataṃ yathā |devasyāgre viśeṣeṇa pūjāṃ kṛtvā vidhānataḥ || 6||

य इदं पठति स्तोत्रं भार्गवस्य महात्मनः ।विषमस्थोऽपि भगवान् तुष्टः स्यान्नात्र संशयः ॥ ७॥

ya idaṃ paṭhati stotraṃ bhārgavasya mahātmanaḥ |viṣamastho'pi bhagavān tuṣṭaḥ syānnātra saṃśayaḥ || 7||

स्तोत्रं भृगोरिदमनन्तगुणप्रदं योभक्त्या पठेच्च मनुजो नियतः शुचिः सन् ।प्राप्नोति नित्यमतुलां श्रियमीप्सितार्थान्राज्यं समस्तधनधान्ययुतां समृद्धिम् ॥ ८॥

stotraṃ bhṛgoridamanantaguṇapradaṃ yobhaktyā paṭhecca manujo niyataḥ śuciḥ san |prāpnoti nityamatulāṃ śriyamīpsitārthānrājyaṃ samastadhanadhānyayutāṃ samṛddhim || 8||

इति शुक्रस्तोत्रं समाप्तम् ।

iti śukrastotraṃ samāptam |