सूर्याष्टोत्तरशतनामस्तोत्रम् ५ Shakraproktam Surya Ashtottarashata Nama Stotram

धौम्येन तु यथापूर्वं पार्थाय सुमहात्मने ॥ ४॥

dhaumyena tu yathāpūrvaṃ pārthāya sumahātmane || 4||

नामाष्टशतमाख्यातं तच्छृणुष्व महामते ।ॐ सूर्योऽर्यमा भगस्त्वष्टा पूषाऽर्कः सविता रविः ॥ ५॥

nāmāṣṭaśatamākhyātaṃ tacchṛṇuṣva mahāmate |oṃ sūryo'ryamā bhagastvaṣṭā pūṣā'rkaḥ savitā raviḥ || 5||

गभस्तिमानजः कालो मृत्युर्द्धाता प्रभाकरः ।पृथिव्यापश्च तेजश्च खं वायुश्च परायणः ॥ ६॥

gabhastimānajaḥ kālo mṛtyurddhātā prabhākaraḥ |pṛthivyāpaśca tejaśca khaṃ vāyuśca parāyaṇaḥ || 6||

सोमो बृहस्पतिः शुक्रो बुधोंऽगारक एव च ।इन्द्रो विवस्वान्दीप्तांशुः शुचिः सौरिः शनैश्चरः ॥ ७॥

somo bṛhaspatiḥ śukro budhoṃ'gāraka eva ca |indro vivasvāndīptāṃśuḥ śuciḥ sauriḥ śanaiścaraḥ || 7||

ब्रह्मा रुद्रश्च विष्णुश्च स्कन्दो वैश्रवणो यमः ।वैद्युतो जाठरश्चाग्निरिन्धनस्तेजसां पतिः ॥ ८॥

brahmā rudraśca viṣṇuśca skando vaiśravaṇo yamaḥ |vaidyuto jāṭharaścāgnirindhanastejasāṃ patiḥ || 8||

धर्मध्वजो वेदकर्त्ता वेदाङ्गो वेदवाहनः ।कृतं त्रेता द्वापरश्च कलिः सर्वामराश्रयः ॥ ९॥

dharmadhvajo vedakarttā vedāṅgo vedavāhanaḥ |kṛtaṃ tretā dvāparaśca kaliḥ sarvāmarāśrayaḥ || 9||

कलाकाष्ठामुहूर्त्ताश्च पक्षा मासा अहर्निशाः ।संवत्सरकरोऽश्वस्थः कालचक्रो विभावसुः ॥ १\।२७९\।१०॥पुरुषः शाश्वतो योगी व्यक्ताव्यक्तः सनातनः ।लोकाध्यक्षः प्रजाध्यक्षो विश्वकर्मा तमोनुदः ॥ ११॥

kalākāṣṭhāmuhūrttāśca pakṣā māsā aharniśāḥ |saṃvatsarakaro'śvasthaḥ kālacakro vibhāvasuḥ || 1\|279\|10||puruṣaḥ śāśvato yogī vyaktāvyaktaḥ sanātanaḥ |lokādhyakṣaḥ prajādhyakṣo viśvakarmā tamonudaḥ || 11||

वरुणः सागरोंशुश्च जीवन्तो जीवनोऽरिहा ।भूताश्रयो भूतपतिः सर्वभूतनिषेवितः ॥ १२॥

varuṇaḥ sāgaroṃśuśca jīvanto jīvano'rihā |bhūtāśrayo bhūtapatiḥ sarvabhūtaniṣevitaḥ || 12||

स्रष्टा संवर्त्तको वह्निः सर्वस्यादिकरोऽमलः ।अनन्तः कपिलो भानुः कामदः सर्वतोमुखः ॥ १३॥

sraṣṭā saṃvarttako vahniḥ sarvasyādikaro'malaḥ |anantaḥ kapilo bhānuḥ kāmadaḥ sarvatomukhaḥ || 13||

जयो विषादो वरदः सर्वधातुनिषेवितः ।समः सुवर्णो भूतादिः शीघ्रगः प्राणधारकः ॥ १४॥

jayo viṣādo varadaḥ sarvadhātuniṣevitaḥ |samaḥ suvarṇo bhūtādiḥ śīghragaḥ prāṇadhārakaḥ || 14||

धन्वन्तरिर्धूमकेतुरादिदेवोऽदितेः सुतः ।द्वादशात्माऽरविन्दाक्षः पिता माता पितामहः ॥ १५॥

dhanvantarirdhūmaketurādidevo'diteḥ sutaḥ |dvādaśātmā'ravindākṣaḥ pitā mātā pitāmahaḥ || 15||

स्वर्गद्वारं प्रजाद्वारं मोक्षद्वारं त्रिविष्टपम् ।देहकर्त्ता प्रशान्तात्मा विश्वात्मा विश्वतोमुखः ।चराचरात्मा सूक्ष्मात्मा मैत्रेण वपुषाऽन्वितः ॥ १५॥

svargadvāraṃ prajādvāraṃ mokṣadvāraṃ triviṣṭapam |dehakarttā praśāntātmā viśvātmā viśvatomukhaḥ |carācarātmā sūkṣmātmā maitreṇa vapuṣā'nvitaḥ || 15||

एतद्वै कीर्तनीयस्य सूर्यस्यामिततेजसः ।नाम्नामष्टोत्तरशतं प्रोक्तं शक्रेण धीमता ॥ १७॥

etadvai kīrtanīyasya sūryasyāmitatejasaḥ |nāmnāmaṣṭottaraśataṃ proktaṃ śakreṇa dhīmatā || 17||

इति श्रीस्कन्दपुराणे प्रभासखण्डे प्रभासक्षेत्रमाहात्म्येएकोनाशीत्यधिकद्विशततमाध्यायान्तर्गतं शक्रप्रोक्तंसूर्याष्टोत्तरशतनामस्तोत्रं समाप्तम् ।स्कन्दपुराण । प्रभासखण्ड । अध्याय २७९/५१९॥स्कन्दपुराण । प्रभासखण्ड । अध्याय २७९/५-१९॥

iti śrīskandapurāṇe prabhāsakhaṇḍe prabhāsakṣetramāhātmyeekonāśītyadhikadviśatatamādhyāyāntargataṃ śakraproktaṃsūryāṣṭottaraśatanāmastotraṃ samāptam |skandapurāṇa | prabhāsakhaṇḍa | adhyāya 279/519||skandapurāṇa | prabhāsakhaṇḍa | adhyāya 279/5-19||