राहुस्तोत्रम् Rahustotram

ॐ नमो राहवे ।नमस्ते दैत्यरूपाय देवारिं प्रणमाम्यहम् ।नमस्ते सर्वभक्ष्याय घोररूपाय वै नमः ॥ १॥

oṃ namo rāhave |namaste daityarūpāya devāriṃ praṇamāmyaham |namaste sarvabhakṣyāya ghorarūpāya vai namaḥ || 1||

त्वं ब्रह्मा वरुणो देवस्त्वं विष्णुस्त्वं हरिः शिवः ।मर्त्यलोके भवान्प्रीतः संसारजनतारकः ॥ २॥

tvaṃ brahmā varuṇo devastvaṃ viṣṇustvaṃ hariḥ śivaḥ |martyaloke bhavānprītaḥ saṃsārajanatārakaḥ || 2||

कूटपर्वतदुर्गाणि नगराणि पुराणि च ।यस्य क्रोधवशाद्भस्मीभवन्ति क्षणमात्रकम् ॥ ३॥

kūṭaparvatadurgāṇi nagarāṇi purāṇi ca |yasya krodhavaśādbhasmībhavanti kṣaṇamātrakam || 3||

धूम्रवर्णो भवान् राहू रक्ताक्षः पिङ्गलोपमः ।क्रूरग्रहस्तथा भीमो यमरूपो महाबलः ॥ ४॥

dhūmravarṇo bhavān rāhū raktākṣaḥ piṅgalopamaḥ |krūragrahastathā bhīmo yamarūpo mahābalaḥ || 4||

यस्य स्थाने पञ्चमेऽपि षष्ठे चैव तृतीयके ।दशमैकादशे चैव तस्य श्रेयः करोत्यलम् ॥ ५॥

yasya sthāne pañcame'pi ṣaṣṭhe caiva tṛtīyake |daśamaikādaśe caiva tasya śreyaḥ karotyalam || 5||

अन्नं खड्गं च यद्दत्तं राहवे सुफलप्रदम् ।पृथिव्यां ब्रह्मपीडां च गोपीडां तन्निवारयेत् ॥ ६॥

annaṃ khaḍgaṃ ca yaddattaṃ rāhave suphalapradam |pṛthivyāṃ brahmapīḍāṃ ca gopīḍāṃ tannivārayet || 6||

कृमिकीटपतङ्गेषु चरन्तं सचराचरम् ।गोदानं भूमिदानं च ह्यन्नं वस्त्रं च दापयेत् ॥ ७॥

kṛmikīṭapataṅgeṣu carantaṃ sacarācaram |godānaṃ bhūmidānaṃ ca hyannaṃ vastraṃ ca dāpayet || 7||

सौवर्णरौप्यदानं च कन्यादानं च तत्क्षणात् ।एतद्दानं च सम्पूर्णं राहुमोक्षकरं नृणाम् ।अस्य स्तोत्रस्य माहात्म्याद्राहुपीडा विनश्यति ॥ ८॥

sauvarṇaraupyadānaṃ ca kanyādānaṃ ca tatkṣaṇāt |etaddānaṃ ca sampūrṇaṃ rāhumokṣakaraṃ nṛṇām |asya stotrasya māhātmyādrāhupīḍā vinaśyati || 8||

रक्ताक्षो धूम्रवर्णाभो विजितारिर्महाबलः ।अबाहुश्चान्तरिक्षस्थः स राहुः प्रीयतां मम ॥ ९॥

raktākṣo dhūmravarṇābho vijitārirmahābalaḥ |abāhuścāntarikṣasthaḥ sa rāhuḥ prīyatāṃ mama || 9||

इति राहुस्तोत्रं सम्पूर्णम् ।

iti rāhustotraṃ sampūrṇam |