स्वस्वामियुगलाष्टकम् Svasvamiyugalashtakam

आसातामेकशरणे विहिताकरणे हृदि ।स्वामिनौ वल्लभाधीशविठ्ठलेशाभिधौ सदा ॥ १॥

āsātāmekaśaraṇe vihitākaraṇe hṛdi |svāminau vallabhādhīśaviṭhṭhaleśābhidhau sadā || 1||

कृपां प्रकुरुतां दीने स्वत एक कृपाकरौ ।स्वामिनौ वल्लभाधीशविठ्ठलेशाभिधौ सदा ॥ २॥

kṛpāṃ prakurutāṃ dīne svata eka kṛpākarau |svāminau vallabhādhīśaviṭhṭhaleśābhidhau sadā || 2||

प्रसीदेतां मयि श्रीमद्व्रजेशचरणाश्रये ।स्वामिनौ वल्लभाधीशविठ्ठलेशाभिधौ सदा ॥ ३॥

prasīdetāṃ mayi śrīmadvrajeśacaraṇāśraye |svāminau vallabhādhīśaviṭhṭhaleśābhidhau sadā || 3||

दास्यं प्रयच्छतां मह्यं समस्तफलमूर्धगम् ।स्वामिनौ वल्लभाधीशविठ्ठलेशाभिधौ सदा ॥ ४॥

dāsyaṃ prayacchatāṃ mahyaṃ samastaphalamūrdhagam |svāminau vallabhādhīśaviṭhṭhaleśābhidhau sadā || 4||

कदाऽपि मामनन्यं मा त्यजेतां निजसेवकम् ।स्वामिनौ वल्लभाधीशविठ्ठलेशाभिधौ सदा ॥ ५॥

kadā'pi māmananyaṃ mā tyajetāṃ nijasevakam |svāminau vallabhādhīśaviṭhṭhaleśābhidhau sadā || 5||

प्रमेयबलमात्रेण गृह्णीतां मत्करं दृढम् ।स्वामिनौ वल्लभाधीशविठ्ठलेशाभिधौ सदा ॥ ६॥

prameyabalamātreṇa gṛhṇītāṃ matkaraṃ dṛḍham |svāminau vallabhādhīśaviṭhṭhaleśābhidhau sadā || 6||

आर्तिं निवारयेतां मे मस्तके हस्तधारणैः ।स्वामिनौ वल्लभाधीशविठ्ठलेशाभिधौ सदा ॥ ७॥

ārtiṃ nivārayetāṃ me mastake hastadhāraṇaiḥ |svāminau vallabhādhīśaviṭhṭhaleśābhidhau sadā || 7||

मन्मूर्धनि विराजेतां प्रभू लोकविलक्षणौ ।स्वामिनौ वल्लभाधीशाविठ्ठलेशाभिधौ मम ॥ ८॥

manmūrdhani virājetāṃ prabhū lokavilakṣaṇau |svāminau vallabhādhīśāviṭhṭhaleśābhidhau mama || 8||

इति श्रीमद्धरिदासोदितं स्वस्वामियुगलाष्टकं सम्पूर्णम् ।

iti śrīmaddharidāsoditaṃ svasvāmiyugalāṣṭakaṃ sampūrṇam |