स्वामिनारायणप्रकटहेतुः Svaminarayanaprakatahetuh

(भुजङ्गप्रयातम्)प्रभौ प्रेमवन्तः परैकान्तिका ये जना वैष्णवाः सन्ति तेषां सुखाय ।तदिच्छाप्रपूर्णाय तल्लालनायाक्षरादागतस्तत्र हेतुः परोऽयम् ॥ १॥

(bhujaṅgaprayātam)prabhau premavantaḥ paraikāntikā ye janā vaiṣṇavāḥ santi teṣāṃ sukhāya |tadicchāprapūrṇāya tallālanāyākṣarādāgatastatra hetuḥ paro'yam || 1||

अधर्म्यासुरक्लेशगौ भक्तिधर्मो तयो रक्षणाय प्रवृत्त्यै पृथिव्याम् ।स्वयं कोसलच्छुप्पयोधामधर्मालये जन्म जग्राह हेतुर्द्वितीयः ॥ २॥

adharmyāsurakleśagau bhaktidharmo tayo rakṣaṇāya pravṛttyai pṛthivyām |svayaṃ kosalacchuppayodhāmadharmālaye janma jagrāha heturdvitīyaḥ || 2||

सदा स्वाक्षरस्थावतारी प्रभुर्यः स सर्वोपरि ज्ञानमस्ति स्वकीयम् ।निजोपासनायाः पृथिव्यां प्रवृत्त्यै तयोरागतो हेतुरुक्तस्तृतीयः ॥ ३॥

sadā svākṣarasthāvatārī prabhuryaḥ sa sarvopari jñānamasti svakīyam |nijopāsanāyāḥ pṛthivyāṃ pravṛttyai tayorāgato heturuktastṛtīyaḥ || 3||

स्वकीयावतारास्तदीयाश्च भक्ता निजोपासनां ज्ञानमाबोध्य तेषाम् ।तथैतान् स्वधामाधिनेतुं विचिन्त्यागतः श्रीहरिर्हेतुरुक्तश्चतुर्थः ॥ ४॥

svakīyāvatārāstadīyāśca bhaktā nijopāsanāṃ jñānamābodhya teṣām |tathaitān svadhāmādhinetuṃ vicintyāgataḥ śrīharirheturuktaścaturthaḥ || 4||

चिरान्नष्ट एकान्तिको धर्म उर्व्यां स तत्स्थापनायासतां निग्रहाय ।सदैकान्तिकानां सतां रक्षणायागतः श्रीहरिः पञ्चमो हेतुरुक्तः ॥ ५॥

cirānnaṣṭa ekāntiko dharma urvyāṃ sa tatsthāpanāyāsatāṃ nigrahāya |sadaikāntikānāṃ satāṃ rakṣaṇāyāgataḥ śrīhariḥ pañcamo heturuktaḥ || 5||

स्वयं पूर्वजीवान्मुमुक्षून्निजोपासनाज्ञानमाबोध्य नेतुं स्वधाम ।तथा स्वस्वभक्ताश्रयेणापि कर्तुं मुमुक्षून्नवानागतः षष्ठहेतुः ॥ ६॥

svayaṃ pūrvajīvānmumukṣūnnijopāsanājñānamābodhya netuṃ svadhāma |tathā svasvabhaktāśrayeṇāpi kartuṃ mumukṣūnnavānāgataḥ ṣaṣṭhahetuḥ || 6||

इति श्रीस्वामिनारायणभगवानस्य प्रकटहेतुः समाप्ता ।

iti śrīsvāminārāyaṇabhagavānasya prakaṭahetuḥ samāptā |