New: Bhagavad Gītā 2.47 deep study with word-by-word grammar Open the verse

श्रीकृष्णस्य द्वाविंशत्यक्षरात्म्को मन्त्रः Shrikrishnasya Dvavimshatyaksharo Mantroh

śrīkṛṣṇasya dvāviṃśatyakṣarātmko mantraḥ

Shrikrishnasya Dvavimshatyaksharo Mantroh (श्रीकृष्णस्य द्वाविंशत्यक्षरात्म्को मन्त्रः): mantras to Kṛṣṇa. 19 verses in Sanskrit with Devanagari and IAST.

श्रीकृष्णस्य द्वाविंशत्यक्षरात्म्को मन्त्रः

1 / 19

Verse 1

श्री गणेशाय नमः ।शौनक उवाच ।कं मन्त्रं बालकः प्राप कुमारेण च धीमता ।दत्तं परं श्रीहरेश्च तद्भवान् वक्तुमर्हति ॥ १॥

śrī gaṇeśāya namaḥ |śaunaka uvāca |kaṃ mantraṃ bālakaḥ prāpa kumāreṇa ca dhīmatā |dattaṃ paraṃ śrīhareśca tadbhavān vaktumarhati || 1||

Verse 2

सौतिरुवाच ।कृष्णेन दत्तो गोलोके कृपया ब्रह्मणे पुरा ।द्वाविंशत्यक्षरो मन्त्रो वेदेषु च सुदुर्लभः ॥ २॥

sautiruvāca |kṛṣṇena datto goloke kṛpayā brahmaṇe purā |dvāviṃśatyakṣaro mantro vedeṣu ca sudurlabhaḥ || 2||

Verse 3

तं च ब्रह्मा ददौ भक्त्या कुमाराय च धीमते ।कुमारेण स दत्तश्च मन्त्रश्च शिशवे द्विज ॥ ३॥

taṃ ca brahmā dadau bhaktyā kumārāya ca dhīmate |kumāreṇa sa dattaśca mantraśca śiśave dvija || 3||

Verse 4

ॐ श्रीं नमो भगवते रासमण्डलेश्वराय ।श्रीकृष्णाय स्वाहेति च मन्त्रोऽयं कल्पपादयः ॥ ४॥

oṃ śrīṃ namo bhagavate rāsamaṇḍaleśvarāya |śrīkṛṣṇāya svāheti ca mantro'yaṃ kalpapādayaḥ || 4||

Verse 5

महापुरुषस्तोत्रं च पूर्वोक्तं कवचं च यत् ।अस्यौपयोगिकं ध्यानं सामवेदोक्तमेव च ॥ ५॥

mahāpuruṣastotraṃ ca pūrvoktaṃ kavacaṃ ca yat |asyaupayogikaṃ dhyānaṃ sāmavedoktameva ca || 5||

Verse 6

तेजोमण्डलरूपे च सूर्यकोटिसमप्रभे ।योगिभिर्वाञ्छितं ध्याने योगैः सिद्धगणैः सुरैः ॥ ६॥

tejomaṇḍalarūpe ca sūryakoṭisamaprabhe |yogibhirvāñchitaṃ dhyāne yogaiḥ siddhagaṇaiḥ suraiḥ || 6||

Verse 7

ध्यायन्ते वैष्णवा रूपं तदभ्यन्तरसन्निधौ ।अतीवकमनीयानिर्वचनीयं मनोहरम् ॥ ७॥

dhyāyante vaiṣṇavā rūpaṃ tadabhyantarasannidhau |atīvakamanīyānirvacanīyaṃ manoharam || 7||

Verse 8

नवीनजलदश्यामं शरत्पङ्कजलोचनम् ।शरत्पार्वणचन्द्रास्यं पक्वविम्बाधिकाधरम् ॥ ८॥

navīnajaladaśyāmaṃ śaratpaṅkajalocanam |śaratpārvaṇacandrāsyaṃ pakvavimbādhikādharam || 8||

Verse 9

मुक्तापङ्क्तिविनिन्द्येकदन्तपङ्क्तिमनोहरम् ।सस्मितं मुरलीन्यस्तहस्तावलम्बनेन च ॥ ९॥

muktāpaṅktivinindyekadantapaṅktimanoharam |sasmitaṃ muralīnyastahastāvalambanena ca || 9||

Verse 10

कोटिकन्दर्पलावण्यलीलाधाम मनोहरम् ।चन्द्रलक्षप्रभाजुष्टं पुष्ट श्रीयुक्तविग्रहम् ॥ १०॥

koṭikandarpalāvaṇyalīlādhāma manoharam |candralakṣaprabhājuṣṭaṃ puṣṭa śrīyuktavigraham || 10||

Verse 11

त्रिभङ्गभङ्गिमायुक्तं द्विभुजं पीतवाससम् ।रत्नकेयूरवलयरत्न नूपुरभूषितम् ॥ ११॥

tribhaṅgabhaṅgimāyuktaṃ dvibhujaṃ pītavāsasam |ratnakeyūravalayaratna nūpurabhūṣitam || 11||

Verse 12

रत्नकुण्डलयुग्मेन गण्डस्थलविराजितम् ।मयूरपिच्छचूडं च रत्नमालाविभूषितम् ॥ १२॥

ratnakuṇḍalayugmena gaṇḍasthalavirājitam |mayūrapicchacūḍaṃ ca ratnamālāvibhūṣitam || 12||

Verse 13

शोभितं जानुपर्यन्तं मालतीवनमालया ।चन्दनोक्षितसर्वाङ्गं भक्तानुग्रहकारकम् ॥ १३॥

śobhitaṃ jānuparyantaṃ mālatīvanamālayā |candanokṣitasarvāṅgaṃ bhaktānugrahakārakam || 13||

Verse 14

मणिनाकौस्तुभेन्द्रेणवक्षः स्थलसमुज्ज्वलम् ।वीक्षितं गोपिकाभिश्च शश्वद्वङ्किमलोचनैः ॥ १४॥

maṇinākaustubhendreṇavakṣaḥ sthalasamujjvalam |vīkṣitaṃ gopikābhiśca śaśvadvaṅkimalocanaiḥ || 14||

Verse 15

स्थिरयौवनयुक्तभिर्वेष्टिताभिश्च सन्ततम् ।भूषणैर्भूषिताभिश्च राधावक्षः स्थलस्थितम् ॥ १५॥

sthirayauvanayuktabhirveṣṭitābhiśca santatam |bhūṣaṇairbhūṣitābhiśca rādhāvakṣaḥ sthalasthitam || 15||

Verse 16

ब्रह्मविष्णुशिवाद्यैश्च पूजितं वन्दितं स्तुतम् ।किशोरं राधिकाकान्तं शान्तरूपं परात्परम् ॥ १६॥

brahmaviṣṇuśivādyaiśca pūjitaṃ vanditaṃ stutam |kiśoraṃ rādhikākāntaṃ śāntarūpaṃ parātparam || 16||

Verse 17

निर्लिप्तं साक्षिरूपं च निर्गुणं प्रकृतेः परम् ।ध्यायेत् सर्वेश्वरं तं च परमात्मानमीश्वरम् ॥ १७॥

nirliptaṃ sākṣirūpaṃ ca nirguṇaṃ prakṛteḥ param |dhyāyet sarveśvaraṃ taṃ ca paramātmānamīśvaram || 17||

Verse 18

इदं ते कथितं ध्यानं स्तोत्रं च कवचं मुने ।मन्त्रौपयोगिकं सत्यं मन्त्रश्च कल्पपादपः ॥ १८॥

idaṃ te kathitaṃ dhyānaṃ stotraṃ ca kavacaṃ mune |mantraupayogikaṃ satyaṃ mantraśca kalpapādapaḥ || 18||

Verse 19

॥ श्रीकृष्णस्य द्वाविंशत्यक्षरो मन्त्रो ध्यानं च सम्पूर्णम् ॥

|| śrīkṛṣṇasya dvāviṃśatyakṣaro mantro dhyānaṃ ca sampūrṇam ||

॥ इति श्रीकृष्णस्य द्वाविंशत्यक्षरात्म्को मन्त्रः सम्पूर्णम् ॥

Recitation complete

Read inside the frame. The rest of the page opens when you reach the end.

How many verses are in Shrikrishnasya Dvavimshatyaksharo Mantroh?

Shrikrishnasya Dvavimshatyaksharo Mantroh has 19 verses on this page, each shown with its number, Devanagari text and transliteration, and meaning where available.

Can I read Shrikrishnasya Dvavimshatyaksharo Mantroh in Telugu, Kannada or Tamil?

Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.

Is there a PDF of Shrikrishnasya Dvavimshatyaksharo Mantroh?

You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.

Learn Sanskrit

About Shrikrishnasya Dvavimshatyaksharo Mantroh

Shrikrishnasya Dvavimshatyaksharo Mantroh is a mantra, in Sanskrit (in Devanagari: श्रीकृष्णस्य द्वाविंशत्यक्षरात्म्को मन्त्रः (śrīkṛṣṇasya dvāviṃśatyakṣarātmko mantraḥ)). Source: Mantra.

Shrikrishnasya Dvavimshatyaksharo Mantroh (श्रीकृष्णस्य द्वाविंशत्यक्षरात्म्को मन्त्रः): mantras to Kṛṣṇa. 19 verses in Sanskrit with Devanagari and IAST.

What you will find on this page

This page gives the original text in Devanagari and IAST transliteration.

Related

More mantras

A verse in your inbox, every morning

One verse, its meaning, and one word to learn. Two minutes a day.