श्रीकृष्णध्यानानि प्रातः मध्याह्न सायंकालीन Shrikrishna Dhyanani

श्रीकृष्णस्य प्रातः मध्याह्न सायं कालीन ध्यानानिश्रीगणेशाय नमः ।

śrīkṛṣṇasya prātaḥ madhyāhna sāyaṃ kālīna dhyānāniśrīgaṇeśāya namaḥ |

समुद्धूसरोरःस्थलेधेनुधूल्यासुपुष्टाङ्गमष्टापदाकल्पदीप्तम् ।कटीरस्थले चारु जङ्घान्तयुग्मंपिनद्धं क्वणत् किङ्किणीजालदाम्ना ॥ १॥

samuddhūsaroraḥsthaledhenudhūlyāsupuṣṭāṅgamaṣṭāpadākalpadīptam |kaṭīrasthale cāru jaṅghāntayugmaṃpinaddhaṃ kvaṇat kiṅkiṇījāladāmnā || 1||

हसन्तं हसत् बन्धु जीव प्रसूनप्रभापाणि पादाम्बुजोदार कान्त्या ।दधानं करे दक्षिणे पायसान्नंसुहैयङ्गवीनं तथा वाम हस्ते ॥ २॥

hasantaṃ hasat bandhu jīva prasūnaprabhāpāṇi pādāmbujodāra kāntyā |dadhānaṃ kare dakṣiṇe pāyasānnaṃsuhaiyaṅgavīnaṃ tathā vāma haste || 2||

लसत् गोपगोपी गवां वृन्दमध्येसितं वास वाद्यैः सुरैरर्चिताङ्घ्रिम् ।महीभार भूता मराराति यूथांस्ततः पूतनादीन् निहन्तुं प्रवृत्तम् ॥ ३॥ (नारदपुराण ८०७५८०)

lasat gopagopī gavāṃ vṛndamadhyesitaṃ vāsa vādyaiḥ surairarcitāṅghrim |mahībhāra bhūtā marārāti yūthāṃstataḥ pūtanādīn nihantuṃ pravṛttam || 3|| (nāradapurāṇa 807580)

लसत् गोपगोपी गवांवृन्दमध्येस्थितंसान्द्र मेघप्रभं सुन्दराङ्गम् ।शिखण्डीच्छदापीडमब्जायताक्षंलसच्चिल्लिकं पूर्णचन्द्राननं च ॥ १॥

lasat gopagopī gavāṃvṛndamadhyesthitaṃsāndra meghaprabhaṃ sundarāṅgam |śikhaṇḍīcchadāpīḍamabjāyatākṣaṃlasaccillikaṃ pūrṇacandrānanaṃ ca || 1||

चलत् कुण्डलोल्लासि गण्डस्थल श्रीभरं सुन्दरं मन्दहासं सुनासम् ।सुकार्तस्वराभाम्बरं दिव्यभूषंक्वणत् किङ्किणीजालमात्तानुलेपम् ॥ २॥

calat kuṇḍalollāsi gaṇḍasthala śrībharaṃ sundaraṃ mandahāsaṃ sunāsam |sukārtasvarābhāmbaraṃ divyabhūṣaṃkvaṇat kiṅkiṇījālamāttānulepam || 2||

वेणुन्धमन्तं स्वकरेदधानंसव्येदरयष्टिमुदारवेषम् ।दक्षे तथैवेप्सितदानदक्षंध्यात्त्वार्चयन्नन्दजमिन्दिराप्यैः ॥ ३॥ (नारदपुराण ८०८३८५)

veṇundhamantaṃ svakaredadhānaṃsavyedarayaṣṭimudāraveṣam |dakṣe tathaivepsitadānadakṣaṃdhyāttvārcayannandajamindirāpyaiḥ || 3|| (nāradapurāṇa 808385)

सायह्ने द्वारवत्यां तु चित्रोद्यानोपशोभिते ।द्वयष्टसाहस्रसङ्ख्यातैः भवनैरूपमण्डिते ॥ १॥

sāyahne dvāravatyāṃ tu citrodyānopaśobhite |dvayaṣṭasāhasrasaṅkhyātaiḥ bhavanairūpamaṇḍite || 1||

हंससारससङ्कीर्णं कमलोत्पलशालिभिः ।सरोभिर्निर्मलाम्भोभिः परीते भवनोत्तमे ॥ २॥

haṃsasārasasaṅkīrṇaṃ kamalotpalaśālibhiḥ |sarobhirnirmalāmbhobhiḥ parīte bhavanottame || 2||

उद्यत्प्रद्योतनोद्योत द्युतौ श्रीमणिमण्डपे ।हेमाम्भोजसमासीनं कृष्णं त्रैलोक्य मोहनम् ॥ ३॥

udyatpradyotanodyota dyutau śrīmaṇimaṇḍape |hemāmbhojasamāsīnaṃ kṛṣṇaṃ trailokya mohanam || 3||

तेभ्यो मुनिभ्यः स्वन्धाम दिशन्तं परमक्षरम् ।मुनिवृन्दैः परिवृतमात्मतत्त्व विनिर्णये ॥ ४॥

tebhyo munibhyaḥ svandhāma diśantaṃ paramakṣaram |munivṛndaiḥ parivṛtamātmatattva vinirṇaye || 4||

उन्निन्द्रेन्दिवर श्यामं पद्मपत्रायतेक्षणम् ।स्निग्धकुन्तल सम्भिन्न किरीटवनमालिनम् ॥ ५॥

unnindrendivara śyāmaṃ padmapatrāyatekṣaṇam |snigdhakuntala sambhinna kirīṭavanamālinam || 5||

चारूप्रसन्नवदनं स्फुरन्मकरकुण्डलम् ।श्रीवत्सवक्षसंभ्राजत्कौस्तुभं सुमनोहरम् ॥ ६॥

cārūprasannavadanaṃ sphuranmakarakuṇḍalam |śrīvatsavakṣasaṃbhrājatkaustubhaṃ sumanoharam || 6||

काश्मीरकपिशोरस्कंपीतकौशेयवाससम् ।हारकेयूरकटककटि सूत्रैरलङ्कृतम् ॥ ७॥

kāśmīrakapiśoraskaṃpītakauśeyavāsasam |hārakeyūrakaṭakakaṭi sūtrairalaṅkṛtam || 7||

हृतविश्वम्भराभूरि भारंमुदितमानसम् ।शङ्खचक्रगदापद्म राजद्भुजचतुष्टयम् ॥ ८॥ (नारदपुराण ५०८०९२)

hṛtaviśvambharābhūri bhāraṃmuditamānasam |śaṅkhacakragadāpadma rājadbhujacatuṣṭayam || 8|| (nāradapurāṇa 508092)

मूल मन्त्र

mūla mantra