श्री कृष्ण चालीसा Shrikrishna Chalisa

दोहाबंशी शोभित कर मधुर, नील जलद तन श्याम ।अरुण अधर जनु बिम्बफल, नयन कमल अभिराम ॥पूर्ण इन्द्र, अरविन्द मुख, पीताम्बर शुभ साज ।जय मनमोहन मदन छवि, कृष्णचन्द्र महाराज ॥जय यदुनंदन जय जगवंदन ।जय वसुदेव देवकी नन्दन ॥जय यशुदा सुत नन्द दुलारे ।जय प्रभु भक्तन के दृग तारे ॥जय नटनागर, नाग नथैया ।कृष्ण कन्हैया धेनु चरैया ॥पुनि नख पर प्रभु गिरिवर धारो ।आओ दीनन कष्ट निवारो ॥वंशी मधुर अधर धरि टेरौ ।होवे पूर्ण विनय यह मेरौ ॥आओ हरि पुनि माखन चाखो ।आज लाज भारत की राखो ॥गोल कपोल, चिबुक अरुणारे ।मृदु मुस्कान मोहिनी डारे ॥राजित राजिव नयन विशाला ।मोर मुकुट वैजन्तीमाला ॥कुंडल श्रवण, पीत पट आछे ।कटि किंकिणी काछनी काछे ॥नील जलज सुन्दर तनु सोहे ।छबि लखि, सुर नर मुनिमन मोहे ॥मस्तक तिलक, अलक घुंघराले ।आओ कृष्ण बांसुरी वाले ॥करि पय पान, पूतनहि तार्यो ।अका बका कागासुर मार्यो ॥मधुवन जलत अगिन जब ज्वाला ।भै शीतल लखतहिं नंदलाला ॥सुरपति जब ब्रज चढ़्यो रिसाई ।मूसर धार वारि वर्षाई ॥लगत लगत व्रज चहन बहायो ।गोवर्धन नख धारि बचायो ॥लखि यसुदा मन भ्रम अधिकाई ।मुख मंह चौदह भुवन दिखाई ॥दुष्ट कंस अति उधम मचायो ।कोटि कमल जब फूल मंगायो ॥नाथि कालियहिं तब तुम लीन्हें ।चरण चिह्न दै निर्भय कीन्हें ॥करि गोपिन संग रास विलासा ।सबकी पूरण करी अभिलाषा ॥केतिक महा असुर संहार्यो ।कंसहि केस पकिड़ दै मार्यो ॥मातपिता की बन्दि छुड़ाई ।उग्रसेन कहँ राज दिलाई ॥महि से मृतक छहों सुत लायो ।मातु देवकी शोक मिटायो ॥भौमासुर मुर दैत्य संहारी ।लाये षट दश सहसकुमारी ॥दै भीमहिं तृण चीर सहारा ।जरासिंधु राक्षस कहँ मारा ॥असुर बकासुर आदिक मार्यो ।भक्तन के तब कष्ट निवार्यो ॥दीन सुदामा के दुःख टार्यो ।तंदुल तीन मूंठ मुख डार्यो ॥प्रेम के साग विदुर घर माँगे ।दुर्योधन के मेवा त्यागे ॥लखी प्रेम की महिमा भारी ।ऐसे श्याम दीन हितकारी ॥भारत के पारथ रथ हाँके ।लिये चक्र कर नहिं बल थाके ॥निज गीता के ज्ञान सुनाए ।भक्तन हृदय सुधा वर्षाए ॥मीरा थी ऐसी मतवाली ।विष पी गई बजाकर ताली ॥राना भेजा साँप पिटारी ।शालीग्राम बने बनवारी ॥निज माया तुम विधिहिं दिखायो ।उर ते संशय सकल मिटायो ॥तब शत निन्दा करि तत्काला ।जीवन मुक्त भयो शिशुपाला ॥जबहिं द्रौपदी टेर लगाई ।दीनानाथ लाज अब जाई ॥तुरतहि वसन बने नंदलाला ।बढ़े चीर भै अरि मुंह काला ॥अस अनाथ के नाथ कन्हैया ।डूबत भंवर बचावै नैया ॥`सुन्दरदास' आस उर धारी ।दया दृष्टि कीजै बनवारी ॥नाथ सकल मम कुमति निवारो ।क्षमहु बेगि अपराध हमारो ॥खोलो पट अब दर्शन दीजै ।बोलो कृष्ण कन्हैया की जै ॥दोहायह चालीसा कृष्ण का, पाठ करै उर धारि ।अष्ट सिद्धि नवनिधि फल, लहै पदारथ चारि ॥

dohābaṃśī śobhita kara madhura, nīla jalada tana śyāma |aruṇa adhara janu bimbaphala, nayana kamala abhirāma ||pūrṇa indra, aravinda mukha, pītāmbara śubha sāja |jaya manamohana madana chavi, kṛṣṇacandra mahārāja ||jaya yadunaṃdana jaya jagavaṃdana |jaya vasudeva devakī nandana ||jaya yaśudā suta nanda dulāre |jaya prabhu bhaktana ke dṛga tāre ||jaya naṭanāgara, nāga nathaiyā |kṛṣṇa kanhaiyā dhenu caraiyā ||puni nakha para prabhu girivara dhāro |āo dīnana kaṣṭa nivāro ||vaṃśī madhura adhara dhari ṭerau |hove pūrṇa vinaya yaha merau ||āo hari puni mākhana cākho |āja lāja bhārata kī rākho ||gola kapola, cibuka aruṇāre |mṛdu muskāna mohinī ḍāre ||rājita rājiva nayana viśālā |mora mukuṭa vaijantīmālā ||kuṃḍala śravaṇa, pīta paṭa āche |kaṭi kiṃkiṇī kāchanī kāche ||nīla jalaja sundara tanu sohe |chabi lakhi, sura nara munimana mohe ||mastaka tilaka, alaka ghuṃgharāle |āo kṛṣṇa bāṃsurī vāle ||kari paya pāna, pūtanahi tāryo |akā bakā kāgāsura māryo ||madhuvana jalata agina jaba jvālā |bhai śītala lakhatahiṃ naṃdalālā ||surapati jaba braja caṛhyo risāī |mūsara dhāra vāri varṣāī ||lagata lagata vraja cahana bahāyo |govardhana nakha dhāri bacāyo ||lakhi yasudā mana bhrama adhikāī |mukha maṃha caudaha bhuvana dikhāī ||duṣṭa kaṃsa ati udhama macāyo |koṭi kamala jaba phūla maṃgāyo ||nāthi kāliyahiṃ taba tuma līnheṃ |caraṇa cihna dai nirbhaya kīnheṃ ||kari gopina saṃga rāsa vilāsā |sabakī pūraṇa karī abhilāṣā ||ketika mahā asura saṃhāryo |kaṃsahi kesa pakiड़ dai māryo ||mātapitā kī bandi chuड़āī |ugrasena kaham̐ rāja dilāī ||mahi se mṛtaka chahoṃ suta lāyo |mātu devakī śoka miṭāyo ||bhaumāsura mura daitya saṃhārī |lāye ṣaṭa daśa sahasakumārī ||dai bhīmahiṃ tṛṇa cīra sahārā |jarāsiṃdhu rākṣasa kaham̐ mārā ||asura bakāsura ādika māryo |bhaktana ke taba kaṣṭa nivāryo ||dīna sudāmā ke duḥkha ṭāryo |taṃdula tīna mūṃṭha mukha ḍāryo ||prema ke sāga vidura ghara mām̐ge |duryodhana ke mevā tyāge ||lakhī prema kī mahimā bhārī |aise śyāma dīna hitakārī ||bhārata ke pāratha ratha hām̐ke |liye cakra kara nahiṃ bala thāke ||nija gītā ke jñāna sunāe |bhaktana hṛdaya sudhā varṣāe ||mīrā thī aisī matavālī |viṣa pī gaī bajākara tālī ||rānā bhejā sām̐pa piṭārī |śālīgrāma bane banavārī ||nija māyā tuma vidhihiṃ dikhāyo |ura te saṃśaya sakala miṭāyo ||taba śata nindā kari tatkālā |jīvana mukta bhayo śiśupālā ||jabahiṃ draupadī ṭera lagāī |dīnānātha lāja aba jāī ||turatahi vasana bane naṃdalālā |baṛhe cīra bhai ari muṃha kālā ||asa anātha ke nātha kanhaiyā |ḍūbata bhaṃvara bacāvai naiyā ||`sundaradāsa' āsa ura dhārī |dayā dṛṣṭi kījai banavārī ||nātha sakala mama kumati nivāro |kṣamahu begi aparādha hamāro ||kholo paṭa aba darśana dījai |bolo kṛṣṇa kanhaiyā kī jai ||dohāyaha cālīsā kṛṣṇa kā, pāṭha karai ura dhāri |aṣṭa siddhi navanidhi phala, lahai padāratha cāri ||