कृष्णाष्टकम् ७ Shrikrishna Ashtaka

श्री गणेशाय नमः ।(प्रमाणिका छन्दः)चतुर्मुखादिसंस्तुतं समस्तसात्वतानुतम् ।हलायुधादिसंयुतं नमामि राधिकाधिपम् ॥ १॥

śrī gaṇeśāya namaḥ |(pramāṇikā chandaḥ)caturmukhādisaṃstutaṃ samastasātvatānutam |halāyudhādisaṃyutaṃ namāmi rādhikādhipam || 1||

बकादिदैत्यकालकं सगोपगोपिपालकम् ।मनोहरासितालकं नमामि राधिकाधिपम् ॥ २॥

bakādidaityakālakaṃ sagopagopipālakam |manoharāsitālakaṃ namāmi rādhikādhipam || 2||

सुरेन्द्रगर्वगञ्जनं विरञ्चिमोहभञ्जनम् ।व्रजाङ्गनानुरञ्जनं नमामि राधिकाधिपम् ॥ ३॥

surendragarvagañjanaṃ virañcimohabhañjanam |vrajāṅganānurañjanaṃ namāmi rādhikādhipam || 3||

मयूरपिच्छमण्डनं गजेन्द्रदन्तखण्डनम् ।नृशंसकंसदण्डनं नमामि राधिकाधिपम् ॥ ४॥

mayūrapicchamaṇḍanaṃ gajendradantakhaṇḍanam |nṛśaṃsakaṃsadaṇḍanaṃ namāmi rādhikādhipam || 4||

प्रदत्तविप्रदारकं सुदामधामकारकम् ।सुरद्रुमापहारकं नमामि राधिकाधिपम् ॥ ५॥

pradattavipradārakaṃ sudāmadhāmakārakam |suradrumāpahārakaṃ namāmi rādhikādhipam || 5||

धनञ्जयाजयावहं महाचमूक्षयावहम् ।पितामहव्यथापहं नमामि राधिकाधिपम् ॥ ६॥

dhanañjayājayāvahaṃ mahācamūkṣayāvaham |pitāmahavyathāpahaṃ namāmi rādhikādhipam || 6||

मुनीन्द्रशापकारणं यदुप्रजापहारणम् ।धराभरावतारणं नमामि राधिकाधिपम् ॥ ७॥

munīndraśāpakāraṇaṃ yaduprajāpahāraṇam |dharābharāvatāraṇaṃ namāmi rādhikādhipam || 7||

सुवृक्षमूलशायिनं मृगारिमोक्षदायिनम् ।स्वकीयधाममायिनं नमामि राधिकाधिपम् ॥ ८॥

suvṛkṣamūlaśāyinaṃ mṛgārimokṣadāyinam |svakīyadhāmamāyinaṃ namāmi rādhikādhipam || 8||

इदं समाहितो हितं वराष्टकं सदा मुदा ।जपञ्जनो जनुर्जरादितो द्रुतं प्रमुच्यते ॥ ९॥

idaṃ samāhito hitaṃ varāṣṭakaṃ sadā mudā |japañjano janurjarādito drutaṃ pramucyate || 9||

॥ इति श्रीपरमहंसब्रह्मानन्दविरचितं श्रीकृष्णाष्टकं सम्पूर्णम् ॥

|| iti śrīparamahaṃsabrahmānandaviracitaṃ śrīkṛṣṇāṣṭakaṃ sampūrṇam ||