श्रीकृष्णकवचम् १ Shrikrishna Kavacham

प्रणम्य देवं विप्रेशं प्रणम्य च सरस्वतीम् ।प्रणम्य च मुनीन् सर्वान् सर्वशास्त्रविशारदान् ॥ १॥

praṇamya devaṃ vipreśaṃ praṇamya ca sarasvatīm |praṇamya ca munīn sarvān sarvaśāstraviśāradān || 1||

श्रीकृष्णकवचं वक्ष्ये श्रीकीर्तिविजयप्रदम् ।कान्तारे पथि दुर्गे च सदा रक्षाकरं नृणाम् ॥ २॥

śrīkṛṣṇakavacaṃ vakṣye śrīkīrtivijayapradam |kāntāre pathi durge ca sadā rakṣākaraṃ nṛṇām || 2||

स्मृत्वा नीलाम्बुदश्यामं नीलकुञ्चितकुन्तलम् ।बर्हिपिञ्छलसन्मौलिं शरच्चन्द्रनिभाननम् ॥ ३॥

smṛtvā nīlāmbudaśyāmaṃ nīlakuñcitakuntalam |barhipiñchalasanmauliṃ śaraccandranibhānanam || 3||

राजीवलोचनं राजद्वेणुना भूषिताधरम् ।दीर्घपीनमहाबाहुं श्रीवत्साङ्कितवक्षसम् ॥ ४॥

rājīvalocanaṃ rājadveṇunā bhūṣitādharam |dīrghapīnamahābāhuṃ śrīvatsāṅkitavakṣasam || 4||

भूभारहरणोद्युक्तं कृष्णं गीर्वाणवन्दितम् ।निष्कलं देवदेवेशं नारदादिभिरर्चितम् ॥ ५॥

bhūbhāraharaṇodyuktaṃ kṛṣṇaṃ gīrvāṇavanditam |niṣkalaṃ devadeveśaṃ nāradādibhirarcitam || 5||

नारायणं जगन्नाथं मन्दस्मितविराजितम् ।जपेदेवमिमं भक्त्या मन्त्रं सर्वार्थसिद्धये ॥ ६॥

nārāyaṇaṃ jagannāthaṃ mandasmitavirājitam |japedevamimaṃ bhaktyā mantraṃ sarvārthasiddhaye || 6||

सरर्वदोषहरं पुण्यं सकलव्याधिनाशनम् ।वसुदेवसुतः पातु मूर्धानं मम सरर्वदा ॥ ७॥

sararvadoṣaharaṃ puṇyaṃ sakalavyādhināśanam |vasudevasutaḥ pātu mūrdhānaṃ mama sararvadā || 7||

ललाटं देवकीसूनुः भ्रूयुग्मं नन्दनन्दनः ।नयनौ पूतनाहन्ता नासां शकटमर्द्दनः ॥ ८॥

lalāṭaṃ devakīsūnuḥ bhrūyugmaṃ nandanandanaḥ |nayanau pūtanāhantā nāsāṃ śakaṭamarddanaḥ || 8||

यमलार्जुनहृत्कर्णौकि कपोलौ नगमर्द्दनः ।दन्तान् गोपालकः पोतु जिह्वां हय्यङ्गवीनभुक् ॥ ९॥

yamalārjunahṛtkarṇauki kapolau nagamarddanaḥ |dantān gopālakaḥ potu jihvāṃ hayyaṅgavīnabhuk || 9||

ओष्ठं धेनुकजित्पायादधरं केशिनाशनः ।चिबुकं पातु गोविन्दो बलदेवानुजो मुखम् ॥ १०॥

oṣṭhaṃ dhenukajitpāyādadharaṃ keśināśanaḥ |cibukaṃ pātu govindo baladevānujo mukham || 10||

अक्रूरसहितः कण्ठं कक्षौ दन्तिवरान्तकः ।भुजौ चाणूरहारिर्मे करौ कंसनिषूदनः ॥ ११॥

akrūrasahitaḥ kaṇṭhaṃ kakṣau dantivarāntakaḥ |bhujau cāṇūrahārirme karau kaṃsaniṣūdanaḥ || 11||

वक्षो लक्ष्मीपतिः पातु हृदयं जगदीश्वरः ।उदरं मधुरानाथो नाभिं द्वारवतीपतिः ॥ १२॥

vakṣo lakṣmīpatiḥ pātu hṛdayaṃ jagadīśvaraḥ |udaraṃ madhurānātho nābhiṃ dvāravatīpatiḥ || 12||

रुग्मिणीवल्लभः पृष्ठं जघनं शिशुपालहा ।ऊरू पाण्डवदूतो मे जानुनी पार्थसारथिः ॥ १३॥

rugmiṇīvallabhaḥ pṛṣṭhaṃ jaghanaṃ śiśupālahā |ūrū pāṇḍavadūto me jānunī pārthasārathiḥ || 13||

विश्वरूपधरो जङ्घे प्रपदे भूमिभारहृत् ।चरणौ यादवः पातु पातु विघ्नोऽखिलं वपुः ॥ १४॥

viśvarūpadharo jaṅghe prapade bhūmibhārahṛt |caraṇau yādavaḥ pātu pātu vighno'khilaṃ vapuḥ || 14||

दिवा पायाज्जगन्नाथो रात्रौ नारायणः स्वयम् ।सरर्वकालमुपासीरिस्सर्वकामार्थसिद्धये ॥ १५॥

divā pāyājjagannātho rātrau nārāyaṇaḥ svayam |sararvakālamupāsīrissarvakāmārthasiddhaye || 15||

इदं कृष्णबलोपेतं यः पठेत् कवचं नरः ।सर्वदाऽऽर्तिभयान्मुक्तः कृष्णभक्तिं समाप्नुयात् ॥ १६॥

idaṃ kṛṣṇabalopetaṃ yaḥ paṭhet kavacaṃ naraḥ |sarvadā''rtibhayānmuktaḥ kṛṣṇabhaktiṃ samāpnuyāt || 16||

इति श्रीकृष्णकवचं सम्पूर्णम् ।

iti śrīkṛṣṇakavacaṃ sampūrṇam |