मधुरापुरीस्तुतिः Shri Madhurapuri Stuti

श्वेतद्वीपमधिष्ठिता सुविपुला सा सत्यलोकस्थिताचायोध्या च कुशस्थली मधुपुरीत्यत्युज्ज्वला निस्तुलाः ।पञ्च श्रीकमितुः प्रपञ्चकुहरे पुर्यः स्फुरन्ति स्फुटंतासां मध्यगता विभाति मधुरा सा हन्त सर्वोत्तरा ॥ १॥

śvetadvīpamadhiṣṭhitā suvipulā sā satyalokasthitācāyodhyā ca kuśasthalī madhupurītyatyujjvalā nistulāḥ |pañca śrīkamituḥ prapañcakuhare puryaḥ sphuranti sphuṭaṃtāsāṃ madhyagatā vibhāti madhurā sā hanta sarvottarā || 1||

काञ्ची काशिपुरी च सा पुनरयोध्या सापि चावन्तिकामायाख्या च कुशस्थली मधुपुरीत्यत्यन्तपुण्योत्तराः ।पुर्यः सप्त समुल्लसन्ति परितः क्षोणीतले तास्वहोमध्यस्था मधुरा विराजति सरोमध्ये यथाम्भोरुहम् ॥ २॥

kāñcī kāśipurī ca sā punarayodhyā sāpi cāvantikāmāyākhyā ca kuśasthalī madhupurītyatyantapuṇyottarāḥ |puryaḥ sapta samullasanti paritaḥ kṣoṇītale tāsvahomadhyasthā madhurā virājati saromadhye yathāmbhoruham || 2||

वृन्दारण्यबृहद्वनं मधुवनं तालाटवी श्रीवनंभद्राख्यं कुमुदाटवी च बकुळारण्यञ्च लोध्राटवी ।माण्डीराख्यवनं तथैव खदिरारण्यञ्च कात्याटवीत्येतैर्द्वादशभिर्वनैः परिवृता जेजेति सा भूतले ॥ ३॥

vṛndāraṇyabṛhadvanaṃ madhuvanaṃ tālāṭavī śrīvanaṃbhadrākhyaṃ kumudāṭavī ca bakuḷāraṇyañca lodhrāṭavī |māṇḍīrākhyavanaṃ tathaiva khadirāraṇyañca kātyāṭavītyetairdvādaśabhirvanaiḥ parivṛtā jejeti sā bhūtale || 3||

योगीन्द्रादृतपुण्यतोयमरिता भागीरथीसङ्गताकाळिन्दी परिखेव यत्र सरितामग्रेसरी भासते ।श्रीगोवर्धनरोहितादिभिरगश्रेष्ठैश्च गोष्ठैर्वृतासा गोपालपुरी विभाति मधुरा नाम प्रपञ्चोदरे ॥ ४॥

yogīndrādṛtapuṇyatoyamaritā bhāgīrathīsaṅgatākāḷindī parikheva yatra saritāmagresarī bhāsate |śrīgovardhanarohitādibhiragaśreṣṭhaiśca goṣṭhairvṛtāsā gopālapurī vibhāti madhurā nāma prapañcodare || 4||

निर्मान्ति स्मातिरभ्यामहह दिविषदो यां पुरैवादिकालेधर्मासक्तान्तरात्मा बहुयुगमवसद्यत्र मध्वाख्यदैत्यः ।निर्मायैर्मानवौघैस्सततपरिगता निर्मला शर्मदात्रीसेयं निर्वाणभूमिर्जयति मधुपुरी सर्वगीर्वाणसेव्या ॥ ५॥

nirmānti smātirabhyāmahaha diviṣado yāṃ puraivādikāledharmāsaktāntarātmā bahuyugamavasadyatra madhvākhyadaityaḥ |nirmāyairmānavaughaissatataparigatā nirmalā śarmadātrīseyaṃ nirvāṇabhūmirjayati madhupurī sarvagīrvāṇasevyā || 5||

दिव्यां दिव्यैकभोग्यां मणिगणकिरणापूरिताशेषलोकांमर्त्यानां दुर्विलोकां मधुसुतमथने यां पुरा कोसलेन्द्रः ।गीर्वाणानां प्रसादादकृत निजपुरीं धिक्कृतस्वर्गलोकांतां साक्षाद् ब्रह्मगोपालकदयितपुरीमीक्षिताहे कदा नु ॥ ६॥

divyāṃ divyaikabhogyāṃ maṇigaṇakiraṇāpūritāśeṣalokāṃmartyānāṃ durvilokāṃ madhusutamathane yāṃ purā kosalendraḥ |gīrvāṇānāṃ prasādādakṛta nijapurīṃ dhikkṛtasvargalokāṃtāṃ sākṣād brahmagopālakadayitapurīmīkṣitāhe kadā nu || 6||

यत्राविर्भूय भूयस्तरनिजकलया गूढमध्यास्त गोष्टंयामेवाभ्येत्य भूयः क्षितिपतिमकरोदुग्रसेनं मुरारिः ।यामग्रे शूरसेनश्चिरमनुबुभुजे वज्रमुख्यास्तथान्तेसेयं वृष्णीश्वरस्य प्रियतमनगरी लालसीति त्रिलोक्याम् ॥हृष्टात्मा मुष्टिकारिप्रमुखयदुवरैर्द्व्यष्टसाहस्रयोषाजुष्टः सम्मृष्टशक्रोपलतुलितरुचिर्यत्र चिक्रीड चक्री ।चक्राद्यैश्शस्त्रजालैरभितनिजमहश्चक्रविद्योतिताशाचक्रैरापालिता सा जयति मधुपुरी शक्रमुख्यैर्निषेव्या ॥ ८॥

yatrāvirbhūya bhūyastaranijakalayā gūḍhamadhyāsta goṣṭaṃyāmevābhyetya bhūyaḥ kṣitipatimakarodugrasenaṃ murāriḥ |yāmagre śūrasenaściramanububhuje vajramukhyāstathānteseyaṃ vṛṣṇīśvarasya priyatamanagarī lālasīti trilokyām ||hṛṣṭātmā muṣṭikāripramukhayaduvarairdvyaṣṭasāhasrayoṣājuṣṭaḥ sammṛṣṭaśakropalatulitaruciryatra cikrīḍa cakrī |cakrādyaiśśastrajālairabhitanijamahaścakravidyotitāśācakrairāpālitā sā jayati madhupurī śakramukhyairniṣevyā || 8||

यस्यां यत्सन्निधौ वा क्वचिदपि विपिने यां परीत्य स्थितासुद्वार्वत्याद्यासु वापि प्रथितहरिहरक्षेत्रतीर्थाङ्कितेषु ।प्रेता जाताः स्थिता वा न खलु शमलवन्तोऽपि पश्यन्ति घोरान्प्रेताधीशस्य दूतानपि बत मधुरां तां व्रजेमाशुभान्ताम् ॥ ९॥

yasyāṃ yatsannidhau vā kvacidapi vipine yāṃ parītya sthitāsudvārvatyādyāsu vāpi prathitahariharakṣetratīrthāṅkiteṣu |pretā jātāḥ sthitā vā na khalu śamalavanto'pi paśyanti ghorānpretādhīśasya dūtānapi bata madhurāṃ tāṃ vrajemāśubhāntām || 9||

व्युष्ट्यां दिष्ट्यापि यस्याः स्मृतिरखिलनृणां हन्त नक्तन्दिवान्तर्जातं सर्वाघजातं क्षपयति तरसा मङ्गळञ्चातनोति ।सेयं श्रेयस्स्वरूपा दिनकरदुहितुः पश्चिमे तीरभागेगाढं बाभाति पृथ्वीकुचभरकलिता चन्द्रलेखेव पृथ्वी ॥ १०॥

vyuṣṭyāṃ diṣṭyāpi yasyāḥ smṛtirakhilanṛṇāṃ hanta naktandivāntarjātaṃ sarvāghajātaṃ kṣapayati tarasā maṅgaḷañcātanoti |seyaṃ śreyassvarūpā dinakaraduhituḥ paścime tīrabhāgegāḍhaṃ bābhāti pṛthvīkucabharakalitā candralekheva pṛthvī || 10||

नित्यं यत्र परिस्फुरत्सु नितरां पुण्येष्वरण्येष्वहोरामाद्या निवसन्ति दैवतगणोपास्या हरेर्मूर्तयः ।नृत्यन्त्यप्सरसः सहामरगणैरत्यन्तहर्षोदयादित्थम्भूतमहोदया मधुपुरी जेजेति सा भूतले ॥ ११॥

nityaṃ yatra parisphuratsu nitarāṃ puṇyeṣvaraṇyeṣvahorāmādyā nivasanti daivatagaṇopāsyā harermūrtayaḥ |nṛtyantyapsarasaḥ sahāmaragaṇairatyantaharṣodayāditthambhūtamahodayā madhupurī jejeti sā bhūtale || 11||

दृश्या विष्णुपदोज्ज्वला सुविमला निश्शेषतापार्दिनीशश्वद्विश्वजनेषु चिद्रससुधानिष्यन्दसन्दोहिनी ।काळिन्दीसरिदम्बुबिम्बितकलानाथार्थबिम्बोपमामौकुन्दो परिलालसीति नगरी सेयं धरित्रीतले ॥ १२॥

dṛśyā viṣṇupadojjvalā suvimalā niśśeṣatāpārdinīśaśvadviśvajaneṣu cidrasasudhāniṣyandasandohinī |kāḷindīsaridambubimbitakalānāthārthabimbopamāmaukundo parilālasīti nagarī seyaṃ dharitrītale || 12||

या गुप्ता मधुना पुरा मधुपुरीत्याख्यामवाप स्फुटांसद्यः पापनिमन्थनेन मथुरेत्याख्यायते या बुधैः ।यां लोके मधुरेति चाभिदधते माधुर्यसर्वङ्कषांवृष्णीनां नियता पुरी विजयते सेयं धरामण्डले ॥ १३॥

yā guptā madhunā purā madhupurītyākhyāmavāpa sphuṭāṃsadyaḥ pāpanimanthanena mathuretyākhyāyate yā budhaiḥ |yāṃ loke madhureti cābhidadhate mādhuryasarvaṅkaṣāṃvṛṣṇīnāṃ niyatā purī vijayate seyaṃ dharāmaṇḍale || 13||

उद्याद्विऋमशालिनां निजयशःप्रद्योतशौर्योष्मभिःखद्योतीकृतलोकपालमहसां चक्रायुधालम्बिनाम् ।आवासात्किल शूरसेननृपतीनां शौरसेनीति साविख्याता भुवने विकुण्ठभवनप्रख्या विजेजीयते ॥ १४॥

udyādviṛmaśālināṃ nijayaśaḥpradyotaśauryoṣmabhiḥkhadyotīkṛtalokapālamahasāṃ cakrāyudhālambinām |āvāsātkila śūrasenanṛpatīnāṃ śaurasenīti sāvikhyātā bhuvane vikuṇṭhabhavanaprakhyā vijejīyate || 14||

यस्यां ध्यातुर्मुकुन्दः प्रदिशति भगवानाशु मुक्ति विशेषाद्यस्यामष्टच्छदाढ्या विकसति विलसच्चित्तपद्मं त्रिलोक्याः ।यस्यां तिष्ठन्ति हृष्टास्सततमपि हरिं द्रष्टुमष्टौ दिगीशाविश्वोत्कृष्टा सुपुष्टा विलसति मधुरा नाम सा राजधानी ॥ १५॥

yasyāṃ dhyāturmukundaḥ pradiśati bhagavānāśu mukti viśeṣādyasyāmaṣṭacchadāḍhyā vikasati vilasaccittapadmaṃ trilokyāḥ |yasyāṃ tiṣṭhanti hṛṣṭāssatatamapi hariṃ draṣṭumaṣṭau digīśāviśvotkṛṣṭā supuṣṭā vilasati madhurā nāma sā rājadhānī || 15||

अश्रान्तानन्तशक्तेः पशुपकुलशिशोर्नित्यलीलानिकेतैर्विश्रान्त्याद्यैः पवित्रैर्हरिहरगिरिजामन्दिरैरङ्कितायाम् ।अश्रान्तं हन्त विश्वेश्वरमहितमहाविष्णुपुर्याममुष्यांविश्रान्तिं स्वान्त! कुर्यास्त्वमिह भवपथे मा वृथैव व्यथेथाः ॥ १६॥

aśrāntānantaśakteḥ paśupakulaśiśornityalīlāniketairviśrāntyādyaiḥ pavitrairhariharagirijāmandirairaṅkitāyām |aśrāntaṃ hanta viśveśvaramahitamahāviṣṇupuryāmamuṣyāṃviśrāntiṃ svānta! kuryāstvamiha bhavapathe mā vṛthaiva vyathethāḥ || 16||

यस्यां भीमोर्मिचक्राहतिमतिपरुषां दूरतो वारयन्त्यांश्रीमद्वैकुण्ठनामा पशुपकुलशिशुः कोऽपि सत्कर्णधारः ।काळिन्दीतीरनिष्ठां यदुपतिनगरीनामधेयां गरिष्ठांसंसाराब्धेस्तरीं तामतुलसुखकरीं गाढमद्यावलम्बे ॥ १७॥

yasyāṃ bhīmormicakrāhatimatiparuṣāṃ dūrato vārayantyāṃśrīmadvaikuṇṭhanāmā paśupakulaśiśuḥ ko'pi satkarṇadhāraḥ |kāḷindītīraniṣṭhāṃ yadupatinagarīnāmadheyāṃ gariṣṭhāṃsaṃsārābdhestarīṃ tāmatulasukhakarīṃ gāḍhamadyāvalambe || 17||

यस्यां हा हन्त विश्वाद्भुतमनुजकिशोराकृतेश्चक्रपाणेर्लीलावंशीरवास्वादनपरमचिदानन्दसिद्धा निमग्नाः ।योगीन्द्रास्ताद्विकुण्ठास्पदमभिलषितं नाधिरोढुं क्षमन्तेतस्यौँ गोपालपुर्याः शिव शिव ! महिमोद्रेकसीम्ने नमोऽस्तु ॥ १८॥

yasyāṃ hā hanta viśvādbhutamanujakiśorākṛteścakrapāṇerlīlāvaṃśīravāsvādanaparamacidānandasiddhā nimagnāḥ |yogīndrāstādvikuṇṭhāspadamabhilaṣitaṃ nādhiroḍhuṃ kṣamantetasyaum̐ gopālapuryāḥ śiva śiva ! mahimodrekasīmne namo'stu || 18||

गाढोद्भासिकुशस्थलीमुखजगन्नाथाधिवासस्थलीमध्यस्थं निजरोचिषैव हरितामापूरयन्मण्डलम् ।श्रीमन्माधुरमण्डलं विजयते मध्येधरामण्डलंज्योतिर्मण्डलमध्यगं दिवि यथा तारापतेर्मण्डलम् ॥ १९॥

gāḍhodbhāsikuśasthalīmukhajagannāthādhivāsasthalīmadhyasthaṃ nijarociṣaiva haritāmāpūrayanmaṇḍalam |śrīmanmādhuramaṇḍalaṃ vijayate madhyedharāmaṇḍalaṃjyotirmaṇḍalamadhyagaṃ divi yathā tārāpatermaṇḍalam || 19||

श्रीगोपालकमलमूर्तिरमला सारा सलीलोत्सुकातारुण्योदयरामणीयकहठाकृष्टत्रिलोकीमनाः ।यस्मिन् खेलति वेणुनादलहरी निर्मज्जिताशामुखातस्मिन् माधुरमण्डले भवतु मे गुल्मादिजन्मापि वा ॥ २०॥

śrīgopālakamalamūrtiramalā sārā salīlotsukātāruṇyodayarāmaṇīyakahaṭhākṛṣṭatrilokīmanāḥ |yasmin khelati veṇunādalaharī nirmajjitāśāmukhātasmin mādhuramaṇḍale bhavatu me gulmādijanmāpi vā || 20||

इत्येतां मधुरापुरीस्तुतिकथां श्रुत्यन्तसारोदितांप्रत्यूषे प्रतिबुध्य शुद्धमनसा नित्यं पठन् मानवः ।मृत्योर्मस्ततटार्पिताङ्घ्रिरखिलान् भुक्त्वेह भोगोत्करानत्युत्कृष्टमकुण्ठधाम तदहो वैकुण्ठधाम व्रजेत् ॥ २१॥

ityetāṃ madhurāpurīstutikathāṃ śrutyantasāroditāṃpratyūṣe pratibudhya śuddhamanasā nityaṃ paṭhan mānavaḥ |mṛtyormastataṭārpitāṅghrirakhilān bhuktveha bhogotkarānatyutkṛṣṭamakuṇṭhadhāma tadaho vaikuṇṭhadhāma vrajet || 21||

इति श्रीमधुरापुरीस्तुतिः समाप्ता ।

iti śrīmadhurāpurīstutiḥ samāptā |