कृष्णस्तुतिः (गुह्यकविरचिता भागवतपुराणान्तर्गता) Shri Krishnastutihguhyaka

गुह्यककृताकृष्ण कृष्ण महायोगिंस्त्वमाद्यः पुरुषः परः ।व्यक्ताव्यक्तमिदं विश्वं रूपं ते ब्राह्मणा विदुः ॥ १॥

guhyakakṛtākṛṣṇa kṛṣṇa mahāyogiṃstvamādyaḥ puruṣaḥ paraḥ |vyaktāvyaktamidaṃ viśvaṃ rūpaṃ te brāhmaṇā viduḥ || 1||

त्वमेकः सर्वभूतानां देहास्वात्मेन्द्रयेश्वरः ।त्वमेव कालो भगवान् विष्णुरव्यय ईश्वरः ॥ २॥

tvamekaḥ sarvabhūtānāṃ dehāsvātmendrayeśvaraḥ |tvameva kālo bhagavān viṣṇuravyaya īśvaraḥ || 2||

त्वं महान् प्रकृतिः सूक्ष्मा रजःसत्त्वतमोमयी ।त्वमेव पुरुषोऽध्यक्षः सर्वक्षेत्रविकारवित् ॥ ३॥

tvaṃ mahān prakṛtiḥ sūkṣmā rajaḥsattvatamomayī |tvameva puruṣo'dhyakṣaḥ sarvakṣetravikāravit || 3||

गृह्यमाणैस्त्वमग्राह्यो विकारैः प्राकृतैर्गुणैः ।को न्विहार्हति विज्ञातुं प्राक्सिद्धं गुणसंवृतः ॥ ४॥

gṛhyamāṇaistvamagrāhyo vikāraiḥ prākṛtairguṇaiḥ |ko nvihārhati vijñātuṃ prāksiddhaṃ guṇasaṃvṛtaḥ || 4||

तस्मै तुभ्यं भगवते वासुदेवाय वेधसे ।आत्मद्योतगुणैश्छन्नमहिम्ने ब्रह्मणे नमः ॥ ५॥

tasmai tubhyaṃ bhagavate vāsudevāya vedhase |ātmadyotaguṇaiśchannamahimne brahmaṇe namaḥ || 5||

यस्यावतारा ज्ञायन्ते शरीरेष्वशरीरिणः ।तैस्तैरतुल्यातिशयैर्वीर्यैर्देहिष्वसङ्गतैः ॥ ६॥

yasyāvatārā jñāyante śarīreṣvaśarīriṇaḥ |taistairatulyātiśayairvīryairdehiṣvasaṅgataiḥ || 6||

स भवान् सर्वलोकस्य भवाय विभवाय च ।अवतीर्णोऽम्शभागेन साम्प्रतं पतिराशिषाम् ॥ ७॥

sa bhavān sarvalokasya bhavāya vibhavāya ca |avatīrṇo'mśabhāgena sāmprataṃ patirāśiṣām || 7||

नमः परमकल्याण नमः परममङ्गल ।वासुदेवाय शान्ताय यदूनां पतये नमः ॥ ८॥

namaḥ paramakalyāṇa namaḥ paramamaṅgala |vāsudevāya śāntāya yadūnāṃ pataye namaḥ || 8||

अनुजानीहि नौ भूमंस्तवानुचरकिङ्करौ ।दर्शनं नौ भगवत ऋषेरासीदनुग्रहात् ॥ ९॥

anujānīhi nau bhūmaṃstavānucarakiṅkarau |darśanaṃ nau bhagavata ṛṣerāsīdanugrahāt || 9||

वाणी गुणानुकथने श्रवणौ कथायांहस्तौ च कर्मसु मनस्तव पादयोर्नः ।स्मृत्यां शिरस्तव निवासजगत्प्रणामेदृष्टिः सतां दर्शनेऽस्तु भवत्तनूनाम् ॥ १०॥

vāṇī guṇānukathane śravaṇau kathāyāṃhastau ca karmasu manastava pādayornaḥ |smṛtyāṃ śirastava nivāsajagatpraṇāmedṛṣṭiḥ satāṃ darśane'stu bhavattanūnām || 10||

इति श्रीमद्भागवतान्तर्गतं गुह्यककृता श्रीकृष्णस्तुतिः समाप्ता ।

iti śrīmadbhāgavatāntargataṃ guhyakakṛtā śrīkṛṣṇastutiḥ samāptā |