गुरुवायुपुरेशसुप्रभातम् २ Shri Guruvayupuresha Suprabhatam 2

श्यामाभिरामशरणीकरणीयमूर्ते,कामानुरूपफलदामितपुण्यकीर्ते ।सीमाविहीनकरुणामृतदिव्यसिन्धो,श्रीमारुतालयपते, तव सुप्रभातम् ॥ १॥

śyāmābhirāmaśaraṇīkaraṇīyamūrte,kāmānurūpaphaladāmitapuṇyakīrte |sīmāvihīnakaruṇāmṛtadivyasindho,śrīmārutālayapate, tava suprabhātam || 1||

उन्मीलयस्व भगवन्, नयनारविन्दमाकेकरातिमधुराकृति मन्दमन्दम् ।लक्ष्मीरुपैति ननु काल्यमयी भवन्तंश्रीमारुतालयपते, तव सुप्रभातम् ॥ २॥

unmīlayasva bhagavan, nayanāravindamākekarātimadhurākṛti mandamandam |lakṣmīrupaiti nanu kālyamayī bhavantaṃśrīmārutālayapate, tava suprabhātam || 2||

पश्याऽप्लुता हिमजले विमलाम्बरैषातारासुमानि दधती वियदब्जपत्रे ।सन्तिष्ठते भवदुपासनजागरूकाश्रीमारुतालयपते, तव सुप्रभातम् ॥ ३॥

paśyā'plutā himajale vimalāmbaraiṣātārāsumāni dadhatī viyadabjapatre |santiṣṭhate bhavadupāsanajāgarūkāśrīmārutālayapate, tava suprabhātam || 3||

अभ्यङ्गपूर्वकमनन्त, तवाभिषेकपुण्योत्सवं नयनगोचरतां निनीषुः ।भक्तव्रजोऽत्र भरितोत्सुकभावमास्तेश्रीमारुतालयपते, तव सुप्रभातम् ॥ ४॥

abhyaṅgapūrvakamananta, tavābhiṣekapuṇyotsavaṃ nayanagocaratāṃ ninīṣuḥ |bhaktavrajo'tra bharitotsukabhāvamāsteśrīmārutālayapate, tava suprabhātam || 4||

तैलाभिषेकविमलीकृतनीलकान्तिस्त्वं भूषणैः कतिपयैः परिशोभिताङ्ग ।विभ्राजसे ललितशैशववेषधारीश्रीमारुतालयपते, तव सुप्रभातम् ॥ ५॥

tailābhiṣekavimalīkṛtanīlakāntistvaṃ bhūṣaṇaiḥ katipayaiḥ pariśobhitāṅga |vibhrājase lalitaśaiśavaveṣadhārīśrīmārutālayapate, tava suprabhātam || 5||

भक्तावली विगलितस्तुतिगीतिभिन्नघण्टानिनादपरिपूतदिगन्तरालम् ।क्षेत्रं विभाति तव दीपसहस्रदीप्रंश्रीमारुतालयपते, तव सुप्रभातम् ॥ ६॥

bhaktāvalī vigalitastutigītibhinnaghaṇṭāninādaparipūtadigantarālam |kṣetraṃ vibhāti tava dīpasahasradīpraṃśrīmārutālayapate, tava suprabhātam || 6||

पूजाविधानमघनाशनमौषसं तेद्रुष्टुं समुत्सुकधियः पुलकाञ्चिताङ्गाः ।तिष्ठन्ति भक्तनिवहाः मुकुलत्कराब्जाः ।श्रीमारुतालयपते, तव सुप्रभातम् ॥ ७॥

pūjāvidhānamaghanāśanamauṣasaṃ tedruṣṭuṃ samutsukadhiyaḥ pulakāñcitāṅgāḥ |tiṣṭhanti bhaktanivahāḥ mukulatkarābjāḥ |śrīmārutālayapate, tava suprabhātam || 7||

उद्धटिते च पुरतो भवतो निकेतद्वारे क्कणन्मधुरघण्टमखण्डधामन् ।वीक्षामहे विमलकोमलविग्रहं त्वांश्रीमारुतालयपते, तव सुप्रभातम् ॥ ८॥

uddhaṭite ca purato bhavato niketadvāre kkaṇanmadhuraghaṇṭamakhaṇḍadhāman |vīkṣāmahe vimalakomalavigrahaṃ tvāṃśrīmārutālayapate, tava suprabhātam || 8||

ढक्कानिनादमधुराष्टपदीमनोज्ञगानानुरञ्चितमुदञ्चितभक्तवृन्दम् ।वैकुण्ठमन्यदिदमेत्य विभो विभासिश्रीमारुतालयपते, तव सुप्रभातम् ॥ ९॥

ḍhakkāninādamadhurāṣṭapadīmanojñagānānurañcitamudañcitabhaktavṛndam |vaikuṇṭhamanyadidametya vibho vibhāsiśrīmārutālayapate, tava suprabhātam || 9||

धन्या वयं भवदुपाश्रयमेव यातामन्वामहे जनिफलं सभवाप्तमद्य ।नाऽन्या गतिस्त्वमसि देहभृतां चिदात्मन्!श्रीमारुतालयपते, तव सुप्रभातम् ॥ १०॥

dhanyā vayaṃ bhavadupāśrayameva yātāmanvāmahe janiphalaṃ sabhavāptamadya |nā'nyā gatistvamasi dehabhṛtāṃ cidātman!śrīmārutālayapate, tava suprabhātam || 10||

जयति जयति नित्यं देवकीपुण्यकन्दंजयति जयति साक्षात् ब्रह्म साकारमेकम् ।जयति जयति शान्तं सुन्दरं धाम मुख्यंश्रीमारुतालयपते, तव सुप्रभातम् ॥ ११॥

jayati jayati nityaṃ devakīpuṇyakandaṃjayati jayati sākṣāt brahma sākāramekam |jayati jayati śāntaṃ sundaraṃ dhāma mukhyaṃśrīmārutālayapate, tava suprabhātam || 11||

इति श्रीवासुदेवन् एलयथेन विरचितं श्रीगुरुवायुपुरेशसुप्रभातं सम्पूर्णम् ।

iti śrīvāsudevan elayathena viracitaṃ śrīguruvāyupureśasuprabhātaṃ sampūrṇam |