गुरुवायुरप्पन् सुप्रभातम् Shri Guruvayupuresa Suprabhatam

उत्तिष्ठ कृष्ण गुरुवायुपुरेश शौरेउत्तिष्ठ देव वसुदेवसुपुण्यमूर्ते ।उत्तिष्ठ माधव जनार्दन राधिकेशत्रैलोक्यमेतदखिलं कुरु मङ्गलाढ्यम् ॥ १॥

uttiṣṭha kṛṣṇa guruvāyupureśa śaureuttiṣṭha deva vasudevasupuṇyamūrte |uttiṣṭha mādhava janārdana rādhikeśatrailokyametadakhilaṃ kuru maṅgalāḍhyam || 1||

श्रीजामदग्न्यभुवि सर्वजगद्धितार्थेजीवेन मारुतयुतेन कृतप्रतिष्ठम् ।गुर्वादिवायुपुरनाथमनाथनाथंवाचा नमामि मनसां वचसामगम्यम् ॥ २॥

śrījāmadagnyabhuvi sarvajagaddhitārthejīvena mārutayutena kṛtapratiṣṭham |gurvādivāyupuranāthamanāthanāthaṃvācā namāmi manasāṃ vacasāmagamyam || 2||

विश्वप्रकाश गुरुवायुकृतप्रतिष्ठक्षेत्रज्ञरूप परमेश्वर विश्वबन्धो ।आनन्दरूप जगतां स्थितिसृष्टि हेतोस्वात्मानमेव भगवन्तमभीष्टवीमि ॥ ३॥

viśvaprakāśa guruvāyukṛtapratiṣṭhakṣetrajñarūpa parameśvara viśvabandho |ānandarūpa jagatāṃ sthitisṛṣṭi hetosvātmānameva bhagavantamabhīṣṭavīmi || 3||

मायागृहीतविधिविष्णुमहेशरूपसूत्रात्म वायुगुरुगेहग विश्वरूप ।विश्वोद्भवप्रलयकेलिषुलोल भूमन्ब्रह्मात्मरूप बहुरूप नमो नमस्ते ॥ ४॥

māyāgṛhītavidhiviṣṇumaheśarūpasūtrātma vāyugurugehaga viśvarūpa |viśvodbhavapralayakeliṣulola bhūmanbrahmātmarūpa bahurūpa namo namaste || 4||

मायामहाजवनिकापिहितात्मदृष्टिःविश्वोद्भव प्रलयकेलिषु जागरूकम् ।नित्यप्रबुद्धमपि बोधयितुं प्रवृत्तःसूर्यं तमोवृतमवैति तमोऽन्धदृष्टिः ॥ ५॥

māyāmahājavanikāpihitātmadṛṣṭiḥviśvodbhava pralayakeliṣu jāgarūkam |nityaprabuddhamapi bodhayituṃ pravṛttaḥsūryaṃ tamovṛtamavaiti tamo'ndhadṛṣṭiḥ || 5||

निद्रा न तेऽस्ति जितमाय सदाऽप्रमेयमायाप्रपञ्चनवनाटकसूत्रधारिन् ।लोकानुसारविधाय ननु बोध्यसे त्वंवातालयेश्वर विभो तव सुप्रभातम् ॥ ६॥

nidrā na te'sti jitamāya sadā'prameyamāyāprapañcanavanāṭakasūtradhārin |lokānusāravidhāya nanu bodhyase tvaṃvātālayeśvara vibho tava suprabhātam || 6||

श्रीव्यासनारदसनन्दसनत्कुमारदुर्वासगर्गकपिलाद्यखिला मुनीन्द्राः ।प्राप्ता हरे तव पदाम्बुजदर्शनार्थंवातालयेश्वर विभो तव सुप्रभातम् ॥ ७॥

śrīvyāsanāradasanandasanatkumāradurvāsagargakapilādyakhilā munīndrāḥ |prāptā hare tava padāmbujadarśanārthaṃvātālayeśvara vibho tava suprabhātam || 7||

प्रत्यूषपूजनरताः किल पूजकास्तेपुष्पोपहारतुलसीदधिदुग्धहस्ताः ।सम्बोधयन्ति भगवन् श्रुतिसूक्तपाठैःवातालयेश्वर विभो तव सुप्रभातम् ॥ ८॥

pratyūṣapūjanaratāḥ kila pūjakāstepuṣpopahāratulasīdadhidugdhahastāḥ |sambodhayanti bhagavan śrutisūktapāṭhaiḥvātālayeśvara vibho tava suprabhātam || 8||

भक्ता जनाः सुकदलीफलशर्करादिहैयङ्गवीनपृथुकान्वितलाजपूपान् ।तुभ्यं निवेदयितुमद्य समागतास्तेवातालयेश्वर विभो तव सुप्रभातम् ॥ ९॥

bhaktā janāḥ sukadalīphalaśarkarādihaiyaṅgavīnapṛthukānvitalājapūpān |tubhyaṃ nivedayitumadya samāgatāstevātālayeśvara vibho tava suprabhātam || 9||

वातादिरोगपरिपीडितसर्वगात्राःदूरात्समेत्य सततं त्वयि भक्तियुक्ताः ।कृष्णाच्युताघहरणाम्बुजनाभ विष्णोनारायणाम्बुजभवादिनिषेविताङ्घ्रे ।मां पाहि वातपुरनाथ समीरयन्तिवातालयेश्वर विभो तव सुप्रभातम् ॥ १०॥

vātādirogaparipīḍitasarvagātrāḥdūrātsametya satataṃ tvayi bhaktiyuktāḥ |kṛṣṇācyutāghaharaṇāmbujanābha viṣṇonārāyaṇāmbujabhavādiniṣevitāṅghre |māṃ pāhi vātapuranātha samīrayantivātālayeśvara vibho tava suprabhātam || 10||

दूरात्समेत्य मनुजास्तव चक्रतीर्थेस्नात्वा विशुद्धहृदयाः फलपुष्पहस्ताः ।त्वत्पुण्यनामगणजापरता भजन्तेवातालयेश्वर विभो तव सुप्रभातम् ॥ ११॥

dūrātsametya manujāstava cakratīrthesnātvā viśuddhahṛdayāḥ phalapuṣpahastāḥ |tvatpuṇyanāmagaṇajāparatā bhajantevātālayeśvara vibho tava suprabhātam || 11||

त्वां देवकी च वसुदेवसुतश्च नन्दःसुप्तप्रबुद्धमिह दुग्धकरा यशोदा ।त्वत्प्रेमभारभरिताः प्रतिपालयन्तिवातालयेश्वर विभो तव सुप्रभातम् ॥ १२॥

tvāṃ devakī ca vasudevasutaśca nandaḥsuptaprabuddhamiha dugdhakarā yaśodā |tvatpremabhārabharitāḥ pratipālayantivātālayeśvara vibho tava suprabhātam || 12||

मायात्तदेह मधुसूदन विश्वमूर्तेकायात्तवार्चितपदाम्बुज पुण्यकीर्ते ।राधाधरस्थमधुलोलुप रम्यमूर्तेवातालयेश्वर विभो तव सुप्रभातम् ॥ १३॥

māyāttadeha madhusūdana viśvamūrtekāyāttavārcitapadāmbuja puṇyakīrte |rādhādharasthamadhulolupa ramyamūrtevātālayeśvara vibho tava suprabhātam || 13||

मीनाकृते श्रुतिसमुद्धरणाय पूर्वंकूर्माकृते गिरिसमुद्धरणाय पश्चात् ।कोलाकृते क्षितिसमुद्धरणाय भूमन्गोपाल सुन्दर विभो तव सुप्रभातम् ॥ १४॥

mīnākṛte śrutisamuddharaṇāya pūrvaṃkūrmākṛte girisamuddharaṇāya paścāt |kolākṛte kṣitisamuddharaṇāya bhūmangopāla sundara vibho tava suprabhātam || 14||

श्रीनारसिंह दितिजक्षयहेतुभूतप्रह्लादरक्षक विभो वटुवामनाख्य ।श्रीराम भार्गव हलायुध कृष्ण कल्किन्वातालयेश्वर विभो तव सुप्रभातम् ॥ १५॥

śrīnārasiṃha ditijakṣayahetubhūtaprahlādarakṣaka vibho vaṭuvāmanākhya |śrīrāma bhārgava halāyudha kṛṣṇa kalkinvātālayeśvara vibho tava suprabhātam || 15||

श्रीकृष्ण वृष्णिवर यादव राधिकेशगोवर्धनोद्धरण कंसविनाश शौरे ।गोपाल वेणुधर पाण्डुसुतैकबन्धोश्रीमारुतालयविभो तव सुप्रभातम् ॥ १६॥

śrīkṛṣṇa vṛṣṇivara yādava rādhikeśagovardhanoddharaṇa kaṃsavināśa śaure |gopāla veṇudhara pāṇḍusutaikabandhośrīmārutālayavibho tava suprabhātam || 16||

कृष्णेति वर्णयुगमत्र सुकीर्तनेनभक्तास्तरन्ति भवसिन्धुमयत्नतो हि ।सत्येवमेनमतिदीनमुपेक्षसे किंकृष्णाखिलेश्वर विभो तव सुप्रभातम् ॥ १७॥

kṛṣṇeti varṇayugamatra sukīrtanenabhaktāstaranti bhavasindhumayatnato hi |satyevamenamatidīnamupekṣase kiṃkṛṣṇākhileśvara vibho tava suprabhātam || 17||

नित्यं च भागवतवाचनबद्धदीक्षाःभक्ताः कथाश्रवणकौतुकिनश्च शौरे ।त्वत्सन्निधावनुमतिं किल तेऽर्थयन्तेवातालयेश्वर सुजागरणं तवास्तु ॥ १८॥ वर् विभो तव सुप्रभातम् ॥

nityaṃ ca bhāgavatavācanabaddhadīkṣāḥbhaktāḥ kathāśravaṇakautukinaśca śaure |tvatsannidhāvanumatiṃ kila te'rthayantevātālayeśvara sujāgaraṇaṃ tavāstu || 18|| var vibho tava suprabhātam ||

भक्तान् विलोकय दृशा करुणार्द्रया त्वंआश्वेव ताननुगृहाण कृतार्थयेश ।त्वत्पादयोर्वितर भक्तिमचञ्चलां मेनित्यं गृणामि वचसा तव मङ्गलानि ॥ १९॥

bhaktān vilokaya dṛśā karuṇārdrayā tvaṃāśveva tānanugṛhāṇa kṛtārthayeśa |tvatpādayorvitara bhaktimacañcalāṃ menityaṃ gṛṇāmi vacasā tava maṅgalāni || 19||

सर्वोपनिषदीड्याय निर्गुणाय गुणात्मने ।शङ्कराभिन्नरूपाय सच्चिद्रूपाय मङ्गलम् ॥ २०॥

sarvopaniṣadīḍyāya nirguṇāya guṇātmane |śaṅkarābhinnarūpāya saccidrūpāya maṅgalam || 20||

सत्यभामासमेताय सत्यानन्दस्वरूपिणेरुक्मिणीप्राणनाथाय लोकपूज्याय मङ्गलम् ॥ २१॥

satyabhāmāsametāya satyānandasvarūpiṇerukmiṇīprāṇanāthāya lokapūjyāya maṅgalam || 21||

राधाधरमधुप्रीतमानसाय महात्मनेगोपगोपीसमेताय गोपालायास्तु मङ्गलम् ॥ २२॥

rādhādharamadhuprītamānasāya mahātmanegopagopīsametāya gopālāyāstu maṅgalam || 22||

मङ्गलं वेदवेद्याय वासुदेवाय मङ्गलम् ।मङ्गलं पद्मनाभाय पुण्यश्लोकाय मङ्गलम् ॥ २३॥

maṅgalaṃ vedavedyāya vāsudevāya maṅgalam |maṅgalaṃ padmanābhāya puṇyaślokāya maṅgalam || 23||

मङ्गलं परमानन्दब्रह्मरूपाय मङ्गलम् ।गुरुवायुपुरेशाय श्रीकृष्णायास्तु मङ्गलम् ॥ २४॥

maṅgalaṃ paramānandabrahmarūpāya maṅgalam |guruvāyupureśāya śrīkṛṣṇāyāstu maṅgalam || 24||

इति श्रीगुरुवायुपुरेशसुप्रभातं सम्पूर्णम् ।

iti śrīguruvāyupureśasuprabhātaṃ sampūrṇam |