हरिकुसुमस्तवः Shri Harikusumastavah

गतिगञ्जितमत्ततरद्विरदंरदनिन्दितसुन्दरकुन्दमदम् ।मदनार्बुदरूपमदघ्नरुचिंरुचिरस्मितमञ्जरि मञ्जुमुखम् ॥ १॥

gatigañjitamattataradviradaṃradaninditasundarakundamadam |madanārbudarūpamadaghnaruciṃrucirasmitamañjari mañjumukham || 1||

मुखरीकृतवेणुहृतप्रमदंमदवल्गितलोचनतामरसम् ।रसपूरविकासककेलिपरंपरमार्थपरायणलोकगतिम् ॥ २॥

mukharīkṛtaveṇuhṛtapramadaṃmadavalgitalocanatāmarasam |rasapūravikāsakakeliparaṃparamārthaparāyaṇalokagatim || 2||

गतिमण्डितयामुनतीरभुवंभुवनेश्वरवन्दितचारुपदम् ।पदकोज्ज्वलकोमलकण्ठरुचंरुचकात्तविशेषकवल्गुतरम् ॥ ३॥

gatimaṇḍitayāmunatīrabhuvaṃbhuvaneśvaravanditacārupadam |padakojjvalakomalakaṇṭharucaṃrucakāttaviśeṣakavalgutaram || 3||

तरलप्रचलाकपरीतशिखंशिखरीन्द्रधृति प्रतिपन्नभुजम् ।भुजगेन्द्रफणाङ्गणरङ्गधरंधरकन्दरखेलनलुब्धहृदम् ॥ ४॥

taralapracalākaparītaśikhaṃśikharīndradhṛti pratipannabhujam |bhujagendraphaṇāṅgaṇaraṅgadharaṃdharakandarakhelanalubdhahṛdam || 4||

हृदयालुसुहृद्गणदत्तमहंमहनीयकथाकुलधूतकलिम् ।कलिताखिलदुर्जयबाहुबलंबलवल्लवशावकसन्निहितम् ॥ ५॥

hṛdayālusuhṛdgaṇadattamahaṃmahanīyakathākuladhūtakalim |kalitākhiladurjayabāhubalaṃbalavallavaśāvakasannihitam || 5||

हितसाधुसमीहितकल्पतरुंतरुणीगणनूतनपुष्पशरम् ।शरणागतरक्षणदक्षतमंतमसाधुकुलोपलचण्डकरम् ॥ ६॥

hitasādhusamīhitakalpataruṃtaruṇīgaṇanūtanapuṣpaśaram |śaraṇāgatarakṣaṇadakṣatamaṃtamasādhukulopalacaṇḍakaram || 6||

करपद्ममिलत्कुसुमस्तवकंबकदानवमत्तकरीन्द्रहरिम् ।हरिणीगणहारकवेणुकलंकलकण्ठरवोज्ज्वलकण्ठरणम् ॥ ७॥

karapadmamilatkusumastavakaṃbakadānavamattakarīndraharim |hariṇīgaṇahārakaveṇukalaṃkalakaṇṭharavojjvalakaṇṭharaṇam || 7||

रणखण्डितदुर्जनपुण्यजनंजनमङ्गलकीर्तिलताप्रभवम् ।भवसागरकुम्भजनामगुणंगुणसङ्गविवर्जितभक्तगणम् ॥ ८॥

raṇakhaṇḍitadurjanapuṇyajanaṃjanamaṅgalakīrtilatāprabhavam |bhavasāgarakumbhajanāmaguṇaṃguṇasaṅgavivarjitabhaktagaṇam || 8||

गणनातिगदिव्यगुणोल्लसितंस्मितरश्मिसहोदरवक्त्रवरम् ।वरदृप्तवृषासुरदारघनंघनविभ्रमवेशविहारमयम् ॥ ९॥

gaṇanātigadivyaguṇollasitaṃsmitaraśmisahodaravaktravaram |varadṛptavṛṣāsuradāraghanaṃghanavibhramaveśavihāramayam || 9||

मयपुत्रतमःक्षयपूर्णविधुंविधुरीकृतदानवराजकुलम् ।कुलनन्दनमत्र नमामि हरिम् ॥ १०॥

mayaputratamaḥkṣayapūrṇavidhuṃvidhurīkṛtadānavarājakulam |kulanandanamatra namāmi harim || 10||

उरसि परिस्फुरदिन्दिरमिन्दिन्दिरमन्दिरश्रजोल्लसितम् ।हरिमङ्गनातिमङ्गलमङ्गलसच्चन्दनं वन्दे ॥ ११॥

urasi parisphuradindiramindindiramandiraśrajollasitam |harimaṅganātimaṅgalamaṅgalasaccandanaṃ vande || 11||

इति श्रीरूपगोस्वामिविरचितस्तवमालायां श्रीहरिकुसुमस्तवः सम्पूर्णः ।

iti śrīrūpagosvāmiviracitastavamālāyāṃ śrīharikusumastavaḥ sampūrṇaḥ |