गुरुवायुपुराधीश अथवा वातपुराष्टोत्तरशतनामस्तोत्रम् Shri Guruvatapuradhishashtottarashatanamastotram

ध्यानम्पीताम्बरं करविराजितशङ्खचक्रकौमोदकीसरसिजं करुणासमुद्रम् ।राधासहायमतिसुन्दरमन्दहासंवातालयेशमनिशां हृदि भावयामि ॥कृष्णो वातपुराधीशः भक्तकल्पद्रुमः प्रभुः ।रोगहन्ता परं धामा कलौ सर्वसुखप्रदः ॥ १॥

dhyānampītāmbaraṃ karavirājitaśaṅkhacakrakaumodakīsarasijaṃ karuṇāsamudram |rādhāsahāyamatisundaramandahāsaṃvātālayeśamaniśāṃ hṛdi bhāvayāmi ||kṛṣṇo vātapurādhīśaḥ bhaktakalpadrumaḥ prabhuḥ |rogahantā paraṃ dhāmā kalau sarvasukhapradaḥ || 1||

वातरोगहरो विष्णुः उद्धवादिप्रपूजितः ।भक्तमानससंविष्टः भक्तकामप्रपूरकः ॥ २॥

vātarogaharo viṣṇuḥ uddhavādiprapūjitaḥ |bhaktamānasasaṃviṣṭaḥ bhaktakāmaprapūrakaḥ || 2||

लोकविख्यातचारित्रः शङ्कराचार्यपूजितः ।पाण्ड्येशविषहन्ता च पाण्ड्यराजकृतालयः ॥ ३॥

lokavikhyātacāritraḥ śaṅkarācāryapūjitaḥ |pāṇḍyeśaviṣahantā ca pāṇḍyarājakṛtālayaḥ || 3||

नारायणकविप्रोक्तस्तोत्रसन्तुष्टमानसः ।नारायणसरस्तीरवासी नारदपूजितः ॥ ४॥

nārāyaṇakaviproktastotrasantuṣṭamānasaḥ |nārāyaṇasarastīravāsī nāradapūjitaḥ || 4||

विप्रनित्यान्नदाता च विविधाकृतिशोभितः ।तैलाभिषेकसन्तुष्टः सिक्ततैलार्तिहारकः ॥ ५॥

vipranityānnadātā ca vividhākṛtiśobhitaḥ |tailābhiṣekasantuṣṭaḥ siktatailārtihārakaḥ || 5||

कौपीनदरुजाहन्ता पीताम्बरधरोऽव्ययः ।क्षीराभिषेकात्सौभाग्यदाता कलियुगप्रभुः ॥ ६॥

kaupīnadarujāhantā pītāmbaradharo'vyayaḥ |kṣīrābhiṣekātsaubhāgyadātā kaliyugaprabhuḥ || 6||

निर्माल्यदर्शनाद्भक्तचित्तचिन्तानिवारकः ।देवकीवसुदेवात्तपुण्यपुञ्जोऽघनाशकः ॥ ७॥

nirmālyadarśanādbhaktacittacintānivārakaḥ |devakīvasudevāttapuṇyapuñjo'ghanāśakaḥ || 7||

पुष्टिदः कीर्तिदो नित्यकल्याणततिदायकः ।मन्दारमालासंवीतः मुक्तादामविभूषितः ॥ ८॥

puṣṭidaḥ kīrtido nityakalyāṇatatidāyakaḥ |mandāramālāsaṃvītaḥ muktādāmavibhūṣitaḥ || 8||

पद्महस्तश्चक्रधारी गदाशङ्खमनोहरः ।गदापहन्ता गाङ्गेयमोक्षदाता सदोत्सवः ॥ ९॥

padmahastaścakradhārī gadāśaṅkhamanoharaḥ |gadāpahantā gāṅgeyamokṣadātā sadotsavaḥ || 9||

गानविद्याप्रदाता च वेणुनादविशारदः ।भक्तान्नदानसन्तुष्टः वैकुण्ठीकृतकेरळः ॥ १०॥

gānavidyāpradātā ca veṇunādaviśāradaḥ |bhaktānnadānasantuṣṭaḥ vaikuṇṭhīkṛtakeraḷaḥ || 10||

तुलाभारसमायातजनसर्वार्थदायकः ।पद्ममाली पद्मनाभः पद्मनेत्रः श्रियःपतिः ॥ ११॥

tulābhārasamāyātajanasarvārthadāyakaḥ |padmamālī padmanābhaḥ padmanetraḥ śriyaḥpatiḥ || 11||

पादनिस्सृतगाङ्गोदः पुण्यशालिप्रपूजितः ।तुळसीदामसन्तुष्टः विल्वमङ्गळपूजितः ॥ १२॥

pādanissṛtagāṅgodaḥ puṇyaśāliprapūjitaḥ |tuḷasīdāmasantuṣṭaḥ vilvamaṅgaḷapūjitaḥ || 12||

पून्तानविप्रसन्दृष्टदिव्यमङ्गळविग्रहः ।पावनः परमो धाता पुत्रपौत्रप्रदायकः ॥ १३॥

pūntānaviprasandṛṣṭadivyamaṅgaḷavigrahaḥ |pāvanaḥ paramo dhātā putrapautrapradāyakaḥ || 13||

महारोगहरो वैद्यनाथो वेदविदर्चितः ।धन्वन्तरिर्धर्मरूपो धनधान्यसुखप्रदः ॥ १४॥

mahārogaharo vaidyanātho vedavidarcitaḥ |dhanvantarirdharmarūpo dhanadhānyasukhapradaḥ || 14||

आरोग्यदाता विश्वेशः विधिरुद्रादिसेवितः ।वेदान्तवेद्यो वागीशः सम्यग्वाक्छक्तिदायकः ॥ १५॥

ārogyadātā viśveśaḥ vidhirudrādisevitaḥ |vedāntavedyo vāgīśaḥ samyagvākchaktidāyakaḥ || 15||

मन्त्रमूर्तिर्वेदमूर्तिः तेजोमूर्तिः स्तुतिप्रियः ।पूर्वपुण्यवदाराध्यः महालाभकरो महान् ॥ १६॥

mantramūrtirvedamūrtiḥ tejomūrtiḥ stutipriyaḥ |pūrvapuṇyavadārādhyaḥ mahālābhakaro mahān || 16||

देवकीवसुदेवादिपूजितो राधिकापतिः ।श्रीरुक्मिणीसत्यभामासंलालितपदाम्बुजः ॥ १७॥

devakīvasudevādipūjito rādhikāpatiḥ |śrīrukmiṇīsatyabhāmāsaṃlālitapadāmbujaḥ || 17||

कन्याषोडशसाहस्रकण्ठमाङ्गल्यसूत्रदः ।अन्नप्राशनसम्प्राप्तबहुबालसुखप्रदः ॥ १८॥

kanyāṣoḍaśasāhasrakaṇṭhamāṅgalyasūtradaḥ |annaprāśanasamprāptabahubālasukhapradaḥ || 18||

गुरुवायुसुसङ्क्लृप्तसत्प्रतिष्ठः सुरार्चितः ।पायसान्नप्रियो नित्यङ्गजराशिसमुज्ज्वलः ॥ १९॥

guruvāyususaṅklṛptasatpratiṣṭhaḥ surārcitaḥ |pāyasānnapriyo nityaṅgajarāśisamujjvalaḥ || 19||

पुराणरत्नपठनश्रवणानन्दपूरितः ।माङ्गल्यदाननिरतः दक्षिणद्वारकापतिः ॥ २०॥

purāṇaratnapaṭhanaśravaṇānandapūritaḥ |māṅgalyadānanirataḥ dakṣiṇadvārakāpatiḥ || 20||

दीपायुतोत्थसज्ज्वालाप्रकाशितनिजालयः ।पद्ममालाधरः श्रीमान् पद्मनाभोऽखिलार्थदः ॥ २१॥

dīpāyutotthasajjvālāprakāśitanijālayaḥ |padmamālādharaḥ śrīmān padmanābho'khilārthadaḥ || 21||

आयुर्दाता मृत्युहर्ता रोगनाशनदीक्षितः ।नवनीतप्रियो नन्दनन्दनो रासनायकः ॥ २२॥

āyurdātā mṛtyuhartā roganāśanadīkṣitaḥ |navanītapriyo nandanandano rāsanāyakaḥ || 22||

यशोदापुण्यसञ्जातः गोपिकाहृदयस्थितः ।भक्तार्तिघ्नो भव्यफलः भूतानुग्रहतत्परः ।दीक्षितानन्तरामोक्तनामसुप्रीतमानसः ॥ २३॥

yaśodāpuṇyasañjātaḥ gopikāhṛdayasthitaḥ |bhaktārtighno bhavyaphalaḥ bhūtānugrahatatparaḥ |dīkṣitānantarāmoktanāmasuprītamānasaḥ || 23||

गुरुवातपुरीशस्य नाम्नामष्टोत्तरं शतम् ।दीक्षितानन्तरामेण भक्त्या स्तोत्रं कृतं महत् ॥ २४॥

guruvātapurīśasya nāmnāmaṣṭottaraṃ śatam |dīkṣitānantarāmeṇa bhaktyā stotraṃ kṛtaṃ mahat || 24||

श्रद्धायुक्तः पठेन्नित्यं स्मरन् वातपुराधिपम् ।तस्य देवो वासुदेवः सर्वार्थफलदो भवेत् ॥ २५॥

śraddhāyuktaḥ paṭhennityaṃ smaran vātapurādhipam |tasya devo vāsudevaḥ sarvārthaphalado bhavet || 25||

इति ब्रह्मश्री सेंगलीपुरं अनन्तरामदीक्षितविरचितंश्रीगुरुवातपुरीशाष्टोत्तरशतनामस्तोत्रं सम्पूर्णम् ॥

iti brahmaśrī seṃgalīpuraṃ anantarāmadīkṣitaviracitaṃśrīguruvātapurīśāṣṭottaraśatanāmastotraṃ sampūrṇam ||