हरिमहिमाष्टकम् Shri Harimahima Ashtakam

(इन्द्रवज्राउपजाति वृत्तम्)श्रीधर्मसद्मन्यवतीर्य विष्णुर्यो वासुदेवो हरिकृष्ण ईशः ।श्रीनीलकण्ठोऽत्र पुनाति मर्त्यान्ध्याये हरिं तं हृदि धर्मपुत्रम् ॥ १॥

(indravajrāupajāti vṛttam)śrīdharmasadmanyavatīrya viṣṇuryo vāsudevo harikṛṣṇa īśaḥ |śrīnīlakaṇṭho'tra punāti martyāndhyāye hariṃ taṃ hṛdi dharmaputram || 1||

यस्य स्वरूपे तिललक्षणानिस्वभक्तचेतांसि हरन्ति यद्वत् ।अयांसि चाकर्षमणिप्रवेकाध्याये हरिं तं हृदि धर्मपुत्रम् ॥ २॥

yasya svarūpe tilalakṣaṇānisvabhaktacetāṃsi haranti yadvat |ayāṃsi cākarṣamaṇipravekādhyāye hariṃ taṃ hṛdi dharmaputram || 2||

यस्याक्षरे धामनि यत्प्रसक्ताःक्रीडन्ति दिव्येऽक्षरसंज्ञमुक्ताः ।सम्राट् तनूजा इव सर्वमान्याध्याये हरिं तं हृदि धर्मपुत्रम् ॥ ३॥

yasyākṣare dhāmani yatprasaktāḥkrīḍanti divye'kṣarasaṃjñamuktāḥ |samrāṭ tanūjā iva sarvamānyādhyāye hariṃ taṃ hṛdi dharmaputram || 3||

यस्यास्यपद्मेऽद्भुतभूरि शोभेवसन्ति नेत्रभ्रमरा जनानाम् ।हंसा यथा मानसपद्मवृन्देध्याये हरिं तं हृदि धर्मपुत्रम् ॥ ४॥

yasyāsyapadme'dbhutabhūri śobhevasanti netrabhramarā janānām |haṃsā yathā mānasapadmavṛndedhyāye hariṃ taṃ hṛdi dharmaputram || 4||

यः पोषयत्यत्र निजान् स्वकीयज्ञानोपदेशेन सुधोपमेन ।वत्सान् सुशीला पयसा यथा गौर्ध्याये हरिं तं हृदि धर्मपुत्रम् ॥ ५॥

yaḥ poṣayatyatra nijān svakīyajñānopadeśena sudhopamena |vatsān suśīlā payasā yathā gaurdhyāye hariṃ taṃ hṛdi dharmaputram || 5||

पाखण्डधर्मा ह्युदयेन यस्यशाक्ता व्यलीयन्त यथोदितेऽर्के ।घूका वृषद्वेषिण एव चान्येध्याये हरिं तं हृदि धर्मपुत्रम् ॥ ६॥

pākhaṇḍadharmā hyudayena yasyaśāktā vyalīyanta yathodite'rke |ghūkā vṛṣadveṣiṇa eva cānyedhyāye hariṃ taṃ hṛdi dharmaputram || 6||

यत्पादपद्मेऽक्षरमुक्तचेतोभृङ्गा रमन्ते सरसीव मीनाः ।आसेव्यमाने भुवि भूरिभक्तैर्ध्याये हरिं तं हृदि धर्मपुत्रम् ॥ ७॥

yatpādapadme'kṣaramuktacetobhṛṅgā ramante sarasīva mīnāḥ |āsevyamāne bhuvi bhūribhaktairdhyāye hariṃ taṃ hṛdi dharmaputram || 7||

यदीयसौन्दर्यगुणादिपारंशेषादयो यान्ति न यस्य भक्ताः ।वाञ्छन्ति नाप्यक्षरसौख्यमन्तर्ध्याये हरिं तं हृदि धर्मपुत्रम् ॥ ८॥

yadīyasaundaryaguṇādipāraṃśeṣādayo yānti na yasya bhaktāḥ |vāñchanti nāpyakṣarasaukhyamantardhyāye hariṃ taṃ hṛdi dharmaputram || 8||

इति श्रीगोपाळानन्दस्वामिविरचितं श्रीहरिमहिमाष्टकं सम्पूर्णम् ।

iti śrīgopāḷānandasvāmiviracitaṃ śrīharimahimāṣṭakaṃ sampūrṇam |