गोविन्दविरुदावली Shri Govindavirudavali

ॐ नमः कृष्णाय ।इयं मङ्गलरूपास्याद् गोविन्दविरुदावली ।यस्याः पठनमात्रेण श्रीगोविन्दः प्रसीदति ॥ १॥

oṃ namaḥ kṛṣṇāya |iyaṃ maṅgalarūpāsyād govindavirudāvalī |yasyāḥ paṭhanamātreṇa śrīgovindaḥ prasīdati || 1||

ब्रह्मा ब्रह्माण्डभाण्डे सरसिजनयनस्रष्टुमाक्रीडनानिस्थानुर्भङ्कुं च ख्लेआखुरलितमतिना तानि येन न्ययोजि ।तादृक्क्रीडाण्डकोटीवृतज्लकुडवा यस्य वैकुण्ठकुल्याकर्तव्या तस्य का ते स्तुतिरिह कृतिभिः प्रोज्झ्य लीलायितानि ॥ २॥

brahmā brahmāṇḍabhāṇḍe sarasijanayanasraṣṭumākrīḍanānisthānurbhaṅkuṃ ca khleākhuralitamatinā tāni yena nyayoji |tādṛkkrīḍāṇḍakoṭīvṛtajlakuḍavā yasya vaikuṇṭhakulyākartavyā tasya kā te stutiriha kṛtibhiḥ projjhya līlāyitāni || 2||

निविडतरतुराषाडन्तरीणोष्मसम्पद्विघटनपटुखेलाडम्बरोर्मिच्छटस्य ।सगरिमगिरिराजच्छत्रदण्डायितश्रीर्जगदिदमघशत्रोः सव्यबाहुर्धिनोतु ॥ ३॥

niviḍataraturāṣāḍantarīṇoṣmasampadvighaṭanapaṭukhelāḍambarormicchaṭasya |sagarimagirirājacchatradaṇḍāyitaśrīrjagadidamaghaśatroḥ savyabāhurdhinotu || 3||

॥ चण्डवृत्तायाः कलिकाख्याया नखे वर्धितम् ॥अभ्रमुपतिममदमर्दिपदक्रमविभ्रमपरिमललिप्तसुहृच्छ्रमदुष्टदनुजबलदर्पविमर्दनतुष्टहृदयसुरपक्षविवर्धनदर्पकविलसितसर्गनिरर्गलसर्पतुलितभुज कर्णगकुण्डलनिर्मलमलयजचर्चितविग्रहनर्मललितकृतसर्पविनिग्रहदुष्करकृतिभरलक्षणविस्मितपुष्करभवभयमर्दनसुस्मितवत्सलहलधरतर्कितलक्षणवत्सरविरहितवत्ससुहृद्गणगर्जितविजयिविशुद्धतरस्वरतर्जितखलगणदुर्जनमत्सर॥ वीर ॥तव मुरलीध्वनिरमरीकामाम्बुधिवृद्धिशुभ्रांशुः ।अचटुलगोकुलकुलजाधरियाम्बुधिपानकुम्भजो जयति ॥ ४॥

|| caṇḍavṛttāyāḥ kalikākhyāyā nakhe vardhitam ||abhramupatimamadamardipadakramavibhramaparimalaliptasuhṛcchramaduṣṭadanujabaladarpavimardanatuṣṭahṛdayasurapakṣavivardhanadarpakavilasitasarganirargalasarpatulitabhuja karṇagakuṇḍalanirmalamalayajacarcitavigrahanarmalalitakṛtasarpavinigrahaduṣkarakṛtibharalakṣaṇavismitapuṣkarabhavabhayamardanasusmitavatsalahaladharatarkitalakṣaṇavatsaravirahitavatsasuhṛdgaṇagarjitavijayiviśuddhatarasvaratarjitakhalagaṇadurjanamatsara|| vīra ||tava muralīdhvaniramarīkāmāmbudhivṛddhiśubhrāṃśuḥ |acaṭulagokulakulajādhariyāmbudhipānakumbhajo jayati || 4||

धृतगोवर्धन सुरभीवर्धनपशुपालप्रिय रचितोपक्रिय॥ धीर ॥

dhṛtagovardhana surabhīvardhanapaśupālapriya racitopakriya|| dhīra ||

भुजङ्गरिपुचन्द्रकस्फुरदखण्डचूडाङ्कुरेनिरङ्कुशदृगञ्चल भ्रमिनिबद्धभृङ्गभ्रमे ।पतङ्गदुहितुस्तटीवनकुटीरकेलिप्रियेपरिस्फुरतु मे मुहुस्त्वयि मुकुन्द शुद्धा रतिः ॥ ५॥

bhujaṅgaripucandrakasphuradakhaṇḍacūḍāṅkureniraṅkuśadṛgañcala bhraminibaddhabhṛṅgabhrame |pataṅgaduhitustaṭīvanakuṭīrakelipriyeparisphuratu me muhustvayi mukunda śuddhā ratiḥ || 5||

॥ वीरभद्र ॥उद्यद्विद्युद्द्युतिपरिचितपटसर्पत्सर्पस्फुरदुरुभुजतटस्वस्थस्वस्थत्रिदशयुवतिनुतरक्षद्दक्षप्रियसुहृदनुसृतमुग्धस्निग्धव्रजजनकृतसुखनव्यश्रव्यस्वरविलसितमुखहस्तन्यस्तस्फुटसरसिजवरसर्जद्गर्जत्खलवृषमदहरयुद्धक्रुद्धप्रतिभटलयकरवर्णस्वर्णप्रतिमतिलकधर ।रुष्यत्तुष्यद्युवतिषु कृतरसभक्तव्यक्तप्रणयमनसि वस॥ वीर ॥प्रचुरपरमहंसैः काममाचम्यमानेप्रणतमकरचक्रैः शश्वदाक्रान्ताकुक्षौ ।अघहर जगदण्डाहिण्डिहिल्लोलहासेस्फुरतु तव गभीरे केलिसिन्धौ रतिर्नः ॥ ६॥

|| vīrabhadra ||udyadvidyuddyutiparicitapaṭasarpatsarpasphuradurubhujataṭasvasthasvasthatridaśayuvatinutarakṣaddakṣapriyasuhṛdanusṛtamugdhasnigdhavrajajanakṛtasukhanavyaśravyasvaravilasitamukhahastanyastasphuṭasarasijavarasarjadgarjatkhalavṛṣamadaharayuddhakruddhapratibhaṭalayakaravarṇasvarṇapratimatilakadhara |ruṣyattuṣyadyuvatiṣu kṛtarasabhaktavyaktapraṇayamanasi vasa|| vīra ||pracuraparamahaṃsaiḥ kāmamācamyamānepraṇatamakaracakraiḥ śaśvadākrāntākukṣau |aghahara jagadaṇḍāhiṇḍihillolahāsesphuratu tava gabhīre kelisindhau ratirnaḥ || 6||

उद्गीर्णतारुण्य विस्तीर्णकारुण्यगुञ्जालतापिञ्छपुञ्जाढ्यतापिञ्छ॥ वीर ॥

udgīrṇatāruṇya vistīrṇakāruṇyaguñjālatāpiñchapuñjāḍhyatāpiñcha|| vīra ||

उचितः पशुपत्यलङ्क्रियायैनितरां नन्दितरोहिणीयशोदः ।तव गोकुलकेलिसिन्धुजन्माजगदुद्दीपयति स्म कीर्तिचन्द्रः ॥॥ समग्रः ॥अरिष्टखण्डन स्वभक्तमण्डनप्रयुक्तचन्दन प्रपन्ननन्दनप्रसन्नचञ्चल स्फुरद्दृगञ्चलश्रुतिप्रलम्बक भ्रमत्कदम्बकप्रकृष्टकन्दरप्रविष्ट सुन्दरस्थविष्ठसिन्धुरप्रसर्पबन्धुर॥ देव ॥वृन्दारकतरुवीते वृन्दावनमण्डले वीर ।नन्दितबान्धववृन्द सुन्दर वृन्दारिका रमय ॥ ८॥

ucitaḥ paśupatyalaṅkriyāyainitarāṃ nanditarohiṇīyaśodaḥ |tava gokulakelisindhujanmājagaduddīpayati sma kīrticandraḥ |||| samagraḥ ||ariṣṭakhaṇḍana svabhaktamaṇḍanaprayuktacandana prapannanandanaprasannacañcala sphuraddṛgañcalaśrutipralambaka bhramatkadambakaprakṛṣṭakandarapraviṣṭa sundarasthaviṣṭhasindhuraprasarpabandhura|| deva ||vṛndārakataruvīte vṛndāvanamaṇḍale vīra |nanditabāndhavavṛnda sundara vṛndārikā ramaya || 8||

खलिनीडुम्बक मुरलीचुम्बकजननीवन्दकपशुपीनन्दक॥ वीर ॥

khalinīḍumbaka muralīcumbakajananīvandakapaśupīnandaka|| vīra ||

अनुदिनमनुरक्तः पद्मिनीचक्रवालेनवपरिमलमाद्यच्चञ्चरीकानुकर्षी ।कलितमधुरपद्मः कोऽपि गम्भीरवेदीजयति मिहिरकन्याकूलवन्याकरीन्द्रः ॥ ९॥

anudinamanuraktaḥ padminīcakravālenavaparimalamādyaccañcarīkānukarṣī |kalitamadhurapadmaḥ ko'pi gambhīravedījayati mihirakanyākūlavanyākarīndraḥ || 9||

॥ अच्युतः ॥जय जय वीर स्मररसधीरद्विजजितहीर प्रतिभटवीरस्फुरौरुहार पिर्यपरिवारच्छुरितविहार स्थिरमणिहारप्रकटितरास स्तवकितहासस्फुटपटवास स्फुरितविलासध्वनदलिजालस्तुतवनमालव्रजकुलपाल प्रणयविशालप्रविलसदंस भ्रमदवतंसक्वणदुरुवंशस्वनहृतहंसप्रशमितदाव प्रणयिषु तावद्विलसितभाव स्तनितविरावस्तनघनरागश्रितपरभागक्षतहरियाग त्वरितधृताग॥ वीर ॥स्थितिनियतिमतीते धीरताहारिगीतेप्रियजनपरिवीते कुङ्कुमालेपप्रीते ।कलितनवकुटीरे काञ्च्युदञ्चत्कटीरेस्फुरतु रसगभीरे गोष्ठवीरे रतिर्नः ॥ १०॥

|| acyutaḥ ||jaya jaya vīra smararasadhīradvijajitahīra pratibhaṭavīrasphurauruhāra piryaparivāracchuritavihāra sthiramaṇihāraprakaṭitarāsa stavakitahāsasphuṭapaṭavāsa sphuritavilāsadhvanadalijālastutavanamālavrajakulapāla praṇayaviśālapravilasadaṃsa bhramadavataṃsakvaṇaduruvaṃśasvanahṛtahaṃsapraśamitadāva praṇayiṣu tāvadvilasitabhāva stanitavirāvastanaghanarāgaśritaparabhāgakṣatahariyāga tvaritadhṛtāga|| vīra ||sthitiniyatimatīte dhīratāhārigītepriyajanaparivīte kuṅkumālepaprīte |kalitanavakuṭīre kāñcyudañcatkaṭīresphuratu rasagabhīre goṣṭhavīre ratirnaḥ || 10||

अम्बाविनिहित चुम्बामलतरबिम्बाधरमुखलम्बालक जय॥ देव ॥

ambāvinihita cumbāmalatarabimbādharamukhalambālaka jaya|| deva ||

दृष्ट्वा ते पदनककोटिकान्तिपूरंपूर्णानामपि शशिनां शतैर्दुरापम् ।निर्विण्णो मुरहर मुक्तरूपदर्पःकन्दर्पः स्फुटमशरीरतामयासीत् ॥ ११॥

dṛṣṭvā te padanakakoṭikāntipūraṃpūrṇānāmapi śaśināṃ śatairdurāpam |nirviṇṇo murahara muktarūpadarpaḥkandarpaḥ sphuṭamaśarīratāmayāsīt || 11||

॥ उत्पलम् ॥नर्तितशर्करकृतकर्करवृद्धमरुद्भरतर्दन निर्भरदुष्टविमर्दन शिष्टविवर्धनसर्वविलक्षण मित्रकृतक्षणसद्भुजलक्षितपर्वतरक्षितनिष्ठुरगर्जन खिन्नसुहृज्जनरुष्टदिवस्पतिगर्वसमुन्नतितर्जनविभ्रम निर्गलितभ्रमशक्रकृतस्तव विस्फुरदुत्सव॥ वीर ॥बुद्धीनां परिमोहनः किल ह्रियामुच्चाटनः स्तम्भनोधर्मोदग्रभियां मनःकरटिनां वश्यत्वनिष्पादनः ।कालिनीद्कलहंस हन्त वपुषामाकर्षणः सुभ्रुवांजीयाद् वैणवपञ्चमध्वनिमयो मन्त्राधिराजः स्तवः ॥ १२॥

|| utpalam ||nartitaśarkarakṛtakarkaravṛddhamarudbharatardana nirbharaduṣṭavimardana śiṣṭavivardhanasarvavilakṣaṇa mitrakṛtakṣaṇasadbhujalakṣitaparvatarakṣitaniṣṭhuragarjana khinnasuhṛjjanaruṣṭadivaspatigarvasamunnatitarjanavibhrama nirgalitabhramaśakrakṛtastava visphuradutsava|| vīra ||buddhīnāṃ parimohanaḥ kila hriyāmuccāṭanaḥ stambhanodharmodagrabhiyāṃ manaḥkaraṭināṃ vaśyatvaniṣpādanaḥ |kālinīdkalahaṃsa hanta vapuṣāmākarṣaṇaḥ subhruvāṃjīyād vaiṇavapañcamadhvanimayo mantrādhirājaḥ stavaḥ || 12||

काननारब्धकाकलीशब्दपाटवाकृष्ट गोपिकादृष्टचातुरीजुष्टराधिकातुष्टकामिनीलक्षमोहने दक्षभाविनीपक्ष माममुं रक्ष॥ देव ॥

kānanārabdhakākalīśabdapāṭavākṛṣṭa gopikādṛṣṭacāturījuṣṭarādhikātuṣṭakāminīlakṣamohane dakṣabhāvinīpakṣa māmamuṃ rakṣa|| deva ||

अजर्जरपतिवर्ताहृदयवज्रभेदोद्धुराःकठोरवरवर्णिनीनिकरमानवर्मच्छिदः ।अनङ्गधनुरुद्धतप्रचलचिल्लिचापच्युताःक्रियासुरघविद् विषस्तव मुदं कटाक्षेषवः ॥ १३॥

ajarjarapativartāhṛdayavajrabhedoddhurāḥkaṭhoravaravarṇinīnikaramānavarmacchidaḥ |anaṅgadhanuruddhatapracalacillicāpacyutāḥkriyāsuraghavid viṣastava mudaṃ kaṭākṣeṣavaḥ || 13||

॥ तुरङ्ग ॥सञ्चलविचकिल कुण्डल मण्डितवरतनुमण्डलकुण्डलिपतिकृतसङ्गर खण्डितभुवनभयङ्करशङ्करकमलजवन्दित किङ्करनुतिलवनन्दितगञ्जितसमदपुरन्दर चञ्चलदमनधुरन्धरबन्धुरगतिजितसिन्धुर चन्दनसुरभितकन्धरसुन्दरभुजलसदङ्गद सङ्गदसखिगणरङ्गदझङ्कृतिकरमणिकङ्कण कुन्तललुठदुरुरङ्गणकुङ्कुमारुचिलसदम्बर लङ्गिमपरिमलडम्बरनन्दभवनवरमङ्गल मञ्जुलघुसृणसुपिङ्गलहिङ्गुलरुचिपद पङ्कज सञ्चितयुवतिसदङ्गजसन्ततमृगमदपङ्किल सन्तनुमयि कुशलं किल॥ वीर ॥गिरितटीकुनटी कुलपिङ्गलेखलतृणावलिसञ्ज्वलदिङ्गले ।प्रखरसङ्गरसिन्धुतिमिङ्गिलेमम रति वलतां व्रजमङ्गले ॥ १४॥

|| turaṅga ||sañcalavicakila kuṇḍala maṇḍitavaratanumaṇḍalakuṇḍalipatikṛtasaṅgara khaṇḍitabhuvanabhayaṅkaraśaṅkarakamalajavandita kiṅkaranutilavananditagañjitasamadapurandara cañcaladamanadhurandharabandhuragatijitasindhura candanasurabhitakandharasundarabhujalasadaṅgada saṅgadasakhigaṇaraṅgadajhaṅkṛtikaramaṇikaṅkaṇa kuntalaluṭhadururaṅgaṇakuṅkumārucilasadambara laṅgimaparimalaḍambaranandabhavanavaramaṅgala mañjulaghusṛṇasupiṅgalahiṅgularucipada paṅkaja sañcitayuvatisadaṅgajasantatamṛgamadapaṅkila santanumayi kuśalaṃ kila|| vīra ||giritaṭīkunaṭī kulapiṅgalekhalatṛṇāvalisañjvaladiṅgale |prakharasaṅgarasindhutimiṅgilemama rati valatāṃ vrajamaṅgale || 14||

जय चारुदामललनाभिरामजगतीललाम रुचिहृतवाम॥ वीर ॥

jaya cārudāmalalanābhirāmajagatīlalāma rucihṛtavāma|| vīra ||

उदितहृदयेन्दुमणिः पूर्णकलः कुवलयोल्लासी ।परितः शार्वरमथ नो विलसति वृन्दाटवीचन्द्रः ॥ १५॥

uditahṛdayendumaṇiḥ pūrṇakalaḥ kuvalayollāsī |paritaḥ śārvaramatha no vilasati vṛndāṭavīcandraḥ || 15||

॥ गुणरतिः ॥प्रकटीकृतगुण शकटीविघटननिकटीकृतनवलकुटीवर वनपटलीतटचर नटलीलमधुरसुरभीकृतवन सुरभीहितकरमुरलीविलसित खुरलीहृतजगद्अरुणाधर नवतरुणायतभुजवरुणालयसमकरुणापरिमलकलभायितबलशलभायितखलधवलाधृतिहरगवलाश्रितकरसरसीरुहधर सरसीकृतनरकलशीदधिहर कलशीलितमुखललितारतिकर ललितावलिपर॥ धीर ॥हरिणीनयनावृत प्रभो करिणीवल्लभकेलिविभ्रम ।तुलसीप्रियदानवाङ्गनाकुलसीमन्तहर प्रसीद मे ॥ १६॥

|| guṇaratiḥ ||prakaṭīkṛtaguṇa śakaṭīvighaṭananikaṭīkṛtanavalakuṭīvara vanapaṭalītaṭacara naṭalīlamadhurasurabhīkṛtavana surabhīhitakaramuralīvilasita khuralīhṛtajagadaruṇādhara navataruṇāyatabhujavaruṇālayasamakaruṇāparimalakalabhāyitabalaśalabhāyitakhaladhavalādhṛtiharagavalāśritakarasarasīruhadhara sarasīkṛtanarakalaśīdadhihara kalaśīlitamukhalalitāratikara lalitāvalipara|| dhīra ||hariṇīnayanāvṛta prabho kariṇīvallabhakelivibhrama |tulasīpriyadānavāṅganākulasīmantahara prasīda me || 16||

चन्दनचर्चित गन्धसमर्चितगण्डविवर्तनकुण्डलनर्तनसन्दलदुज्ज्वलकुन्दलसद्गलसुन्दरविग्रह नन्दलसद्ग्रह॥ वीर ॥

candanacarcita gandhasamarcitagaṇḍavivartanakuṇḍalanartanasandaladujjvalakundalasadgalasundaravigraha nandalasadgraha|| vīra ||

रतिमनुवध्य गृहेभ्यःकर्षति राधां वनाय या निपुणासा जयति निसृष्टार्थातव वरवंशजकाकली दूती ॥ १७॥

ratimanuvadhya gṛhebhyaḥkarṣati rādhāṃ vanāya yā nipuṇāsā jayati nisṛṣṭārthātava varavaṃśajakākalī dūtī || 17||

॥ मातङ्गखेलितम् ॥नाथ हे नन्दगेहिनीशन्दपूतनापण्डपातने चण्डदानवे दण्डकारकाखण्डसारपौगण्डलीलयोद्दण्डगोकुलालिन्दगूढ गोविन्दपूर्तिआमन्दराधिकानन्दवेतसीकुञ्ज माधवीपुञ्जलोकनारम्भ जातसंरम्भदीपितानङ्गकेलिभागङ्गगोपसारङ्गलोचनारङ्गकारिमातङ्ग खेलितासङ्गसौहृदाशङ्कयोषितामङ्कपालिकालम्बचारुरोलम्बमालिकाकण्ठ कौतुकाकुण्ठपाटलीकुन्दमाधवीवृन्दसेवितोत्तुङ्गशेखरोत्सङ्गमां सदा हन्त पालयानन्त॥ वीर ॥स्फुरदिन्दीवरसुन्दर सान्द्रतरानन्दकन्दलीकन्द ।मां तव पदारविन्दे नन्दय गन्धेन गोविन्द ॥ १८॥

|| mātaṅgakhelitam ||nātha he nandagehinīśandapūtanāpaṇḍapātane caṇḍadānave daṇḍakārakākhaṇḍasārapaugaṇḍalīlayoddaṇḍagokulālindagūḍha govindapūrtiāmandarādhikānandavetasīkuñja mādhavīpuñjalokanārambha jātasaṃrambhadīpitānaṅgakelibhāgaṅgagopasāraṅgalocanāraṅgakārimātaṅga khelitāsaṅgasauhṛdāśaṅkayoṣitāmaṅkapālikālambacārurolambamālikākaṇṭha kautukākuṇṭhapāṭalīkundamādhavīvṛndasevitottuṅgaśekharotsaṅgamāṃ sadā hanta pālayānanta|| vīra ||sphuradindīvarasundara sāndratarānandakandalīkanda |māṃ tava padāravinde nandaya gandhena govinda || 18||

कुन्ददशन बद्धरशनरुक्मवसन रम्यहसन॥ देव ॥

kundadaśana baddharaśanarukmavasana ramyahasana|| deva ||

प्रपन्नजनतातमःक्षपणशारदेन्दुप्रभाव्रजाम्बुज विलोचनस्मरसमृद्धिसिद्धौषधिः ।विडम्बितसुधाम्बुधिप्रबलमाधुरीडम्बराबिभर्तु तव माधव स्मितकडम्बकान्तिमुर्दम् ॥ १९॥

prapannajanatātamaḥkṣapaṇaśāradenduprabhāvrajāmbuja vilocanasmarasamṛddhisiddhauṣadhiḥ |viḍambitasudhāmbudhiprabalamādhurīḍambarābibhartu tava mādhava smitakaḍambakāntimurdam || 19||

॥ तिलकम् ॥अमलकमलरुचिखञ्जनपटुपदनटनपटिमहृतकुण्डलिपतिमदनवकुवलयकुलसुन्दररुचिभरघनतडिदुपमितबन्धुरपटधरतरणिदुहितृतटमञ्जुलनटवरनयननटनजितखञ्जनपरिकरभुजतटगतहरिचन्दनपरिमलपशुपयुवतीगणनन्दनवरकलनवमदमधुरदृगञ्चलविलसितमुखपरिमलभरसञ्चलदलिवृतशरदुपचितशशिमण्डलवरमुखकनकमकरमयकुण्डलकृतसुखयुवतिहृदयशुकपञ्जरनिजभुजपरिहितविचकिलमञ्जुलशिरसिजसुतनुवदनविधुचुम्बनपटुतरदनुजनिविडमदडुम्बनरणखर॥ वीर ॥रणति हरे तव वेणौनार्यो दनुजाश्च कम्पिताः खिन्नाः ।वनमनपेक्षितदयिताःकरबालान्प्रोज्झ्य धावन्ति ॥ २०॥

|| tilakam ||amalakamalarucikhañjanapaṭupadanaṭanapaṭimahṛtakuṇḍalipatimadanavakuvalayakulasundararucibharaghanataḍidupamitabandhurapaṭadharataraṇiduhitṛtaṭamañjulanaṭavaranayananaṭanajitakhañjanaparikarabhujataṭagataharicandanaparimalapaśupayuvatīgaṇanandanavarakalanavamadamadhuradṛgañcalavilasitamukhaparimalabharasañcaladalivṛtaśaradupacitaśaśimaṇḍalavaramukhakanakamakaramayakuṇḍalakṛtasukhayuvatihṛdayaśukapañjaranijabhujaparihitavicakilamañjulaśirasijasutanuvadanavidhucumbanapaṭutaradanujaniviḍamadaḍumbanaraṇakhara|| vīra ||raṇati hare tava veṇaunāryo danujāśca kampitāḥ khinnāḥ |vanamanapekṣitadayitāḥkarabālānprojjhya dhāvanti || 20||

कुङ्कुमपुण्ड्रक गुम्फितपुण्ड्रकसङ्कुलकङ्कण कण्ठगरङ्गण॥ देव ॥

kuṅkumapuṇḍraka gumphitapuṇḍrakasaṅkulakaṅkaṇa kaṇṭhagaraṅgaṇa|| deva ||

सारङ्गाक्षीलोचनभृङ्गावलिपानचारुभृङ्गार ।त्वां मङ्गलशृङ्गारं शृङ्गाराधीश्वर स्तौमि ॥ २१॥

sāraṅgākṣīlocanabhṛṅgāvalipānacārubhṛṅgāra |tvāṃ maṅgalaśṛṅgāraṃ śṛṅgārādhīśvara staumi || 21||

॥ चण्डवृत्तस्य विशिखे पङ्केरुहम् ॥जय गतशङ्क पणयविटङ्कप्रियजनबङ्कस्मितजितशङ्खस्फुटतरशृङ्गध्वनिधृतरङ्गक्षणनटदङ्ग प्रणयिकुरङ्गव्रजकृतसङ्गश्रुतितटरिङ्गन्मधुरसपिङ्गग्रथितलवङ्गस्वनटनभङ्गव्रणितभुजङ्गस्तवकिततुङ्गक्षितिरुहशृङ्गस्थितबहुभृङ्गक्वणिततरङ्गप्रवलदनङ्ग भ्रमदुरूहभृङ्गीमुदितकुरङ्गीदृगुदितभङ्गीमृदिमभिरङ्गीकृतनवसङ्गीतकदरबङ्केक्षण नवसङ्केतगसुहृदङ्केशय सकलङ्केतरपृषदङ्केडितमुख पङ्केरुहपद रङ्के कृपय सपङ्के किल मयि॥ वीर ॥उत्तुङ्गोदयशृङ्ग सङ्गमजुषां बिभ्रत्पतङ्गत्विषांवासस्तुल्यमनङ्गसङ्गरकलाशौटीर्यपारङ्गतः ।स्वान्तं रिङ्गदपाङ्गभङ्गिभिरलं गोपाङ्गनानां गिलन्भूयास्त्वं पशुपालपुङ्गवदृशोरव्यङ्गरङ्गाय मे ॥ २२॥

|| caṇḍavṛttasya viśikhe paṅkeruham ||jaya gataśaṅka paṇayaviṭaṅkapriyajanabaṅkasmitajitaśaṅkhasphuṭataraśṛṅgadhvanidhṛtaraṅgakṣaṇanaṭadaṅga praṇayikuraṅgavrajakṛtasaṅgaśrutitaṭariṅganmadhurasapiṅgagrathitalavaṅgasvanaṭanabhaṅgavraṇitabhujaṅgastavakitatuṅgakṣitiruhaśṛṅgasthitabahubhṛṅgakvaṇitataraṅgapravaladanaṅga bhramadurūhabhṛṅgīmuditakuraṅgīdṛguditabhaṅgīmṛdimabhiraṅgīkṛtanavasaṅgītakadarabaṅkekṣaṇa navasaṅketagasuhṛdaṅkeśaya sakalaṅketarapṛṣadaṅkeḍitamukha paṅkeruhapada raṅke kṛpaya sapaṅke kila mayi|| vīra ||uttuṅgodayaśṛṅga saṅgamajuṣāṃ bibhratpataṅgatviṣāṃvāsastulyamanaṅgasaṅgarakalāśauṭīryapāraṅgataḥ |svāntaṃ riṅgadapāṅgabhaṅgibhiralaṃ gopāṅganānāṃ gilanbhūyāstvaṃ paśupālapuṅgavadṛśoravyaṅgaraṅgāya me || 22||

विलसदलिकगतकुङ्कुमपरिमलकुटितधृतमणिकिङ्किणिवरकलनवजलधरकुललङ्गिमरुचिभरमसृणमुरलिकलभङ्गमधुरतर॥ वीर ॥

vilasadalikagatakuṅkumaparimalakuṭitadhṛtamaṇikiṅkiṇivarakalanavajaladharakulalaṅgimarucibharamasṛṇamuralikalabhaṅgamadhuratara|| vīra ||

अवतंसितमञ्जुमञ्जरेतरुणीनेत्रचकोरपञ्जरे ।नवकुङ्कुमपुञ्जपिञ्जरेरतिरास्तां मम गोपकुञ्जरे ॥ २३॥

avataṃsitamañjumañjaretaruṇīnetracakorapañjare |navakuṅkumapuñjapiñjareratirāstāṃ mama gopakuñjare || 23||

॥ सितकञ्जम् ॥जय कचचञ्चद्द्युतिसमुदञ्चन्मधुरिमपञ्चस्तवकितपिञ्छस्फुरित विरिञ्चस्तुत गिरिकुञ्जव्रजपरिगुञ्जन्मधुकरपुञ्जद्रुतमृदुशिञ्ज द्विषदहिगञ्जव्रततिषु खञ्जन्नवरसमञ्जन्मरुदतिपिञ्ज प्रवलितमुञ्जानलहर गुञ्जाप्रिय गिरिकुञ्जाश्रित रतिसञ्जागर नवकञ्जामलकरझञ्झानिलहर मञ्जीरजरवपञ्जी परिमलसञ्जीवितनवपञ्चाशुगशरसञ्चारणजितपञ्चाननमद॥ धीर ॥कणिकारकृतकर्णिकाद्युतिर्वर्णिकापदनियुक्तगैरिका ।मेचका मनसि मे चकास्तु मेमेचकाभरण भारिणी तनुः ॥ २४॥

|| sitakañjam ||jaya kacacañcaddyutisamudañcanmadhurimapañcastavakitapiñchasphurita viriñcastuta girikuñjavrajapariguñjanmadhukarapuñjadrutamṛduśiñja dviṣadahigañjavratatiṣu khañjannavarasamañjanmarudatipiñja pravalitamuñjānalahara guñjāpriya girikuñjāśrita ratisañjāgara navakañjāmalakarajhañjhānilahara mañjīrajaravapañjī parimalasañjīvitanavapañcāśugaśarasañcāraṇajitapañcānanamada|| dhīra ||kaṇikārakṛtakarṇikādyutirvarṇikāpadaniyuktagairikā |mecakā manasi me cakāstu memecakābharaṇa bhāriṇī tanuḥ || 24||

मदनरसङ्गत सङ्गतपरिमलभुजतटरङ्गतरङ्गितजितबलयुवतिविलम्बित लम्बितकचभरकुसुमविटङ्कित टाङ्कतगिरिवर॥ वीर ॥

madanarasaṅgata saṅgataparimalabhujataṭaraṅgataraṅgitajitabalayuvativilambita lambitakacabharakusumaviṭaṅkita ṭāṅkatagirivara|| vīra ||

भ्रूमण्डलताण्डवितप्रसूनकोदण्डचित्रकोदण्ड ।हृत्पुण्डरीकगर्भं मण्डय मम पुण्डरीकाक्ष ॥ २५॥

bhrūmaṇḍalatāṇḍavitaprasūnakodaṇḍacitrakodaṇḍa |hṛtpuṇḍarīkagarbhaṃ maṇḍaya mama puṇḍarīkākṣa || 25||

॥ पाण्डूत्पलम् ॥जय जय दण्डप्रिय कचखण्डग्रथितशिखण्ड व्रज शशिखण्डस्फुरणसपिण्डस्मितवृतगण्डप्रणयकरण्ड दिव्जपततुण्डस्मररसकुण्ड क्षतफणिमुण्डप्रकटपिचण्डस्थितजगदण्डक्वणदनुघण्ट स्फुटरणघण्टस्फुरदुरुशुण्डाकृतिभुजदण्डाहतखलचण्डासुरगण पण्डाजनितवितण्डाजितबल भाण्डीरदयित खण्डीकृतनवहिण्डीरभदधिहण्डीगण कलकण्ठीकृतकलकण्ठीगण मणिकण्ठीस्फुरितसुकण्ठीप्रियवरकण्ठिरवरण॥ धीर ॥दण्डी कुण्डलिभोगकाण्डनिभयोरुद्दण्डदोर्दण्डयोःश्लिष्टश्चण्डिमडम्बरेण निविडश्रीखण्डपुण्ड्रोज्ज्वलः ।निर्धूतोद्यदचण्डरश्मिघटया तुण्डश्रिया मामकंकामं मण्डय पुन्ण्डरीकनयन त्वं हन्त हृन्मण्डलम् ॥ २६॥

|| pāṇḍūtpalam ||jaya jaya daṇḍapriya kacakhaṇḍagrathitaśikhaṇḍa vraja śaśikhaṇḍasphuraṇasapiṇḍasmitavṛtagaṇḍapraṇayakaraṇḍa divjapatatuṇḍasmararasakuṇḍa kṣataphaṇimuṇḍaprakaṭapicaṇḍasthitajagadaṇḍakvaṇadanughaṇṭa sphuṭaraṇaghaṇṭasphuraduruśuṇḍākṛtibhujadaṇḍāhatakhalacaṇḍāsuragaṇa paṇḍājanitavitaṇḍājitabala bhāṇḍīradayita khaṇḍīkṛtanavahiṇḍīrabhadadhihaṇḍīgaṇa kalakaṇṭhīkṛtakalakaṇṭhīgaṇa maṇikaṇṭhīsphuritasukaṇṭhīpriyavarakaṇṭhiravaraṇa|| dhīra ||daṇḍī kuṇḍalibhogakāṇḍanibhayoruddaṇḍadordaṇḍayoḥśliṣṭaścaṇḍimaḍambareṇa niviḍaśrīkhaṇḍapuṇḍrojjvalaḥ |nirdhūtodyadacaṇḍaraśmighaṭayā tuṇḍaśriyā māmakaṃkāmaṃ maṇḍaya punṇḍarīkanayana tvaṃ hanta hṛnmaṇḍalam || 26||

कन्दर्पकोदण्डदर्पक्रियोद्दण्डदृग्भङ्गिकाण्डीर सञ्जुष्टभाण्डीर॥ धीर ॥

kandarpakodaṇḍadarpakriyoddaṇḍadṛgbhaṅgikāṇḍīra sañjuṣṭabhāṇḍīra|| dhīra ||

त्वमुपेन्द्र कलिन्दनन्दिनीतटवृन्दावनगन्धसिन्धुर ।जय सुन्दर कान्तिकन्दलैःस्फुरदिन्दीवरवृन्दबन्धुभिः ॥ २७॥

tvamupendra kalindanandinītaṭavṛndāvanagandhasindhura |jaya sundara kāntikandalaiḥsphuradindīvaravṛndabandhubhiḥ || 27||

॥ इन्दीवरम् ॥जय जय हन्त द्विषदभिहन्तर्मधुरिमसन्तर्पितजगदन्तमृदुल वसन्तप्रिय सितदन्त स्फुरितदृगन्त प्रसरदुदन्तप्रभवदनन्तप्रियसख सन्तस्त्वयि रतिमन्तः स्वमुदहरन्तप्रभुवर नन्दात्मजगुणकन्दासितनवकन्दाकृतिधर कुन्दामलरद तुन्दात्तभुवन वृन्दावनभवगन्धास्पदमकरन्दानिव्तनवमन्दारकुसुमवृन्दार्चितकच वन्दारुनिखिलवृन्दारकवरवन्दीडित विधुसन्दीपितलसदिन्दीवरपरिनिन्दीक्षणयुग नन्दीश्वरपतिनन्दीहित जय॥ धीर ॥स्मितरुचिमकरन्दस्यन्दि वक्त्रारविन्दंतव पुरुपरहंसान्विष्टगन्धं मुकुन्द ।विरचितपशुपालीनेत्रसारङ्गरङ्गंमम हृदयतडागे सङ्गमङ्गीकरोतु ॥ २८॥

|| indīvaram ||jaya jaya hanta dviṣadabhihantarmadhurimasantarpitajagadantamṛdula vasantapriya sitadanta sphuritadṛganta prasaradudantaprabhavadanantapriyasakha santastvayi ratimantaḥ svamudaharantaprabhuvara nandātmajaguṇakandāsitanavakandākṛtidhara kundāmalarada tundāttabhuvana vṛndāvanabhavagandhāspadamakarandānivtanavamandārakusumavṛndārcitakaca vandārunikhilavṛndārakavaravandīḍita vidhusandīpitalasadindīvaraparinindīkṣaṇayuga nandīśvarapatinandīhita jaya|| dhīra ||smitarucimakarandasyandi vaktrāravindaṃtava puruparahaṃsānviṣṭagandhaṃ mukunda |viracitapaśupālīnetrasāraṅgaraṅgaṃmama hṛdayataḍāge saṅgamaṅgīkarotu || 28||

अम्बरगतसुरविनतिविलम्बिततुम्बुरुपरिभवमुरलिकरम्बितशम्बरमुखमृगनिकरकुटुम्बितसम्भम्ववल्यितयुवति विचुम्बित॥ वीर ॥

ambaragatasuravinativilambitatumburuparibhavamuralikarambitaśambaramukhamṛganikarakuṭumbitasambhamvavalyitayuvati vicumbita|| vīra ||

अम्बुजकुटुम्बदुहितुः कदम्बसम्बाधबन्धुरे पुलिने ।पीताम्बर कुरु केलिं त्वं वीरनितम्बिनीघटया ॥ २९॥

ambujakuṭumbaduhituḥ kadambasambādhabandhure puline |pītāmbara kuru keliṃ tvaṃ vīranitambinīghaṭayā || 29||

॥ अरुणाम्भोरुहम् ॥जय रससम्पद्विरचितझम्प स्मरकृतकम्प प्रियजनशम्पप्रवणितकम्पस्फुरदनुकम्प द्युतिजितशम्पस्फुटनवचम्पश्रितकचगुम्प श्रुतिपरिलम्बस्फुरितकदम्बस्तुतमुख डिम्भप्रिय रविबिम्बोदयपरिजृम्भोन्मुखलसदम्भोरुहमुख लम्बोध्बटभुज लम्बोदरवरकुम्भोपमकुचबिम्बोष्ठयुवतिचुम्बोद्भटपरिरम्भोत्सुक कुरु शं भोस्तडिदवलम्बोर्जितमिलदम्भोधरसुविडम्बोद्भुर नतशम्भो परिजितदम्भोलिगरिमसम्भावितभुजजम्भाहितमद लम्पाकमनसि सम्पादय मयि तं पाकिममनुकम्पालवमिह॥ धीर ॥दिव्ये दण्डधरस्वसुस्तटभवे फुल्लाटवीमण्डलेवल्लीमण्डपभाजि लब्धमदिरस्तम्बेरमाडम्बरः ।कुर्वन्नञ्जनपुञ्जगञ्जनमतिश्यामाङ्गकान्तिश्रियालीलापाङ्गतरङ्गितेन तरसा मां हन्त सन्तर्पय ॥ ३०॥

|| aruṇāmbhoruham ||jaya rasasampadviracitajhampa smarakṛtakampa priyajanaśampapravaṇitakampasphuradanukampa dyutijitaśampasphuṭanavacampaśritakacagumpa śrutiparilambasphuritakadambastutamukha ḍimbhapriya ravibimbodayaparijṛmbhonmukhalasadambhoruhamukha lambodhbaṭabhuja lambodaravarakumbhopamakucabimboṣṭhayuvaticumbodbhaṭaparirambhotsuka kuru śaṃ bhostaḍidavalamborjitamiladambhodharasuviḍambodbhura nataśambho parijitadambholigarimasambhāvitabhujajambhāhitamada lampākamanasi sampādaya mayi taṃ pākimamanukampālavamiha|| dhīra ||divye daṇḍadharasvasustaṭabhave phullāṭavīmaṇḍalevallīmaṇḍapabhāji labdhamadirastamberamāḍambaraḥ |kurvannañjanapuñjagañjanamatiśyāmāṅgakāntiśriyālīlāpāṅgataraṅgitena tarasā māṃ hanta santarpaya || 30||

अम्बुजकिरणविडम्बकखञ्जनपरिचलदम्बकचुम्बितयुवतिकदम्बककुन्तललुठितकदम्बक॥ वीर ॥

ambujakiraṇaviḍambakakhañjanaparicaladambakacumbitayuvatikadambakakuntalaluṭhitakadambaka|| vīra ||

प्रेमोद्वेल्लितवल्गुभिर्वलयितस्त्वं वल्लवीभिर्विभोरागोल्लापितवल्लकीविततिभिः कल्याणवल्लीभुवि ।सोल्लुण्ठं मुरलीकलाभिरमलं मल्लारमुल्लासयन्बाल्येनोल्लसिते दृशौ मम तडिल्लीलाभिरुत्फुल्लय ॥ ३१॥

premodvellitavalgubhirvalayitastvaṃ vallavībhirvibhorāgollāpitavallakīvitatibhiḥ kalyāṇavallībhuvi |solluṇṭhaṃ muralīkalābhiramalaṃ mallāramullāsayanbālyenollasite dṛśau mama taḍillīlābhirutphullaya || 31||

॥ फुल्लाम्बुजम् ॥व्रजपृथुपल्लीपरिसरवल्लीवनभुवि तल्लीगणभृति मल्लीमनसिजभल्लीजितशिवमल्लीकुमुदमतल्लीजुषि गतझिल्लीपरिषदि हल्लीसकसुखझल्लीरत परिफुल्लीकृतचलचिल्लीजितरतिमल्लीमदभर सल्लीलतिलक कल्यातनुशततुल्याहवरसकुल्याचटुलितखल्याप्रमथन कल्याणचरित॥ धीर ॥गोपीः सम्भृतचापलचापलताचित्रया भ्रुवा भ्रमयन् ।विलस यशोदावत्सल वत्सलसद्धेनुसंवीत ॥ ३२॥

|| phullāmbujam ||vrajapṛthupallīparisaravallīvanabhuvi tallīgaṇabhṛti mallīmanasijabhallījitaśivamallīkumudamatallījuṣi gatajhillīpariṣadi hallīsakasukhajhallīrata pariphullīkṛtacalacillījitaratimallīmadabhara sallīlatilaka kalyātanuśatatulyāhavarasakulyācaṭulitakhalyāpramathana kalyāṇacarita|| dhīra ||gopīḥ sambhṛtacāpalacāpalatācitrayā bhruvā bhramayan |vilasa yaśodāvatsala vatsalasaddhenusaṃvīta || 32||

वल्लवलीलासमुदयसमुचित पल्लवरागाधरपुटविलसितवल्लभगोपीप्रवणित मुनिगणदुर्लभकेलीभरमधुरिमकणमल्लविहाराद्भुततरुणिमधर फुल्लमृगाक्षीपरिवृतपरिसरचिल्लिविलासार्पितमनसिजमद मल्लिकलापामलपरिमलपदरल्लकराजीहरसुमधुरकल हल्लकमालापरिवृतकचकुल॥ वीर ॥

vallavalīlāsamudayasamucita pallavarāgādharapuṭavilasitavallabhagopīpravaṇita munigaṇadurlabhakelībharamadhurimakaṇamallavihārādbhutataruṇimadhara phullamṛgākṣīparivṛtaparisaracillivilāsārpitamanasijamada mallikalāpāmalaparimalapadarallakarājīharasumadhurakala hallakamālāparivṛtakacakula|| vīra ||

वल्लवललनावल्लीकरपल्लवशीलितस्कन्धम् ।उल्लसितः परिफुल्लं भजाम्यहं कृष्णकङ्केल्लिम् ॥ ३३॥

vallavalalanāvallīkarapallavaśīlitaskandham |ullasitaḥ pariphullaṃ bhajāmyahaṃ kṛṣṇakaṅkellim || 33||

॥ चम्पकम् ॥सञ्चलदरुणचञ्चलकरुणसुन्दरनयन कन्दरशयनवल्लवशरण पल्लवचरण मङ्गलघुसृणपिङ्गलमसृणचन्दनरचन नन्दनवचन खण्डितशकट दण्डितविकटगर्वितदनुज पर्वितमनुज रक्षितधवल लक्षितगवलपन्नगदलन सन्नगकलन बन्धुरवलन सिन्धुरचलनकल्पितमदनजल्पितसदन मञ्जुलमुकुट वञ्जुललकुटरञ्जितकरभ गञ्जितशरभमण्डलवलित कुण्डलचलितसन्दितलपन नन्दिततपनकन्यकसुषुम वन्यककुसुमगर्भक विरणदर्भकशरण तर्णकवलित वर्णकललितशं वरवलय डम्बर कलय॥ देव ॥दानवघटालवित्रे धातुविचित्रे जगच्चित्रे ।हृदयानन्दिचरित्रे रतिरास्तां बल्लवीमित्रे ॥ ३४॥

|| campakam ||sañcaladaruṇacañcalakaruṇasundaranayana kandaraśayanavallavaśaraṇa pallavacaraṇa maṅgalaghusṛṇapiṅgalamasṛṇacandanaracana nandanavacana khaṇḍitaśakaṭa daṇḍitavikaṭagarvitadanuja parvitamanuja rakṣitadhavala lakṣitagavalapannagadalana sannagakalana bandhuravalana sindhuracalanakalpitamadanajalpitasadana mañjulamukuṭa vañjulalakuṭarañjitakarabha gañjitaśarabhamaṇḍalavalita kuṇḍalacalitasanditalapana nanditatapanakanyakasuṣuma vanyakakusumagarbhaka viraṇadarbhakaśaraṇa tarṇakavalita varṇakalalitaśaṃ varavalaya ḍambara kalaya|| deva ||dānavaghaṭālavitre dhātuvicitre jagaccitre |hṛdayānandicaritre ratirāstāṃ ballavīmitre || 34||

रिङ्गदुरुभृङ्गतुङ्गगिरिशृङ्गरुतभङ्गसङ्गधृतरङ्ग॥ वीर ॥

riṅgadurubhṛṅgatuṅgagiriśṛṅgarutabhaṅgasaṅgadhṛtaraṅga|| vīra ||

त्वमत्र चण्डासुरमण्डलीनांरण्डावशिष्टानि गृहाणि कृत्वा ।पूर्णान्यकार्षीर्व्रजसुन्दरीभिर्वृन्दाटवीपुण्ड्रकमण्डपानि ॥ ३६॥

tvamatra caṇḍāsuramaṇḍalīnāṃraṇḍāvaśiṣṭāni gṛhāṇi kṛtvā |pūrṇānyakārṣīrvrajasundarībhirvṛndāṭavīpuṇḍrakamaṇḍapāni || 36||

॥ वञ्जुलम् ॥जय जय सुन्दरविहसित मन्दरविजितपुरन्दर निजगिरिकन्दररतिरसशन्धर मणियुतकन्धर गुणमणिमन्दिर हृदि वलदिन्दिरगतिजितसिन्धुर परिजनबन्धुर पशुपतिनन्दन तिलकितचन्दनविधिकृतवन्दन पृथुहरिचन्दनपरिवृतनन्दनमधुरिमनिन्दनमधुवन वन्दितकुसुमसुगन्धितवनवररञ्जित रतिभरसञ्जितशिखिदलकुण्डलसहकृतभण्डिल नवसिततन्दुलजयिरदमण्डलरतिरणपण्डित वरतनुभण्डित नखपदमण्डित दशनविखण्डित॥ धीर ॥निनिन्द निजमिन्दिरा वपुरवेक्ष्य यासां श्रियंविचार्य गुणचातुरीमचलजा च लज्जां गता ।लसत्पशुपनन्दिनीततिभिराभिरानन्दितंभवन्तमतिसुन्दरं व्रजकुलेन्द्र वन्देमहि ॥ ३६॥

|| vañjulam ||jaya jaya sundaravihasita mandaravijitapurandara nijagirikandararatirasaśandhara maṇiyutakandhara guṇamaṇimandira hṛdi valadindiragatijitasindhura parijanabandhura paśupatinandana tilakitacandanavidhikṛtavandana pṛthuharicandanaparivṛtanandanamadhurimanindanamadhuvana vanditakusumasugandhitavanavararañjita ratibharasañjitaśikhidalakuṇḍalasahakṛtabhaṇḍila navasitatandulajayiradamaṇḍalaratiraṇapaṇḍita varatanubhaṇḍita nakhapadamaṇḍita daśanavikhaṇḍita|| dhīra ||nininda nijamindirā vapuravekṣya yāsāṃ śriyaṃvicārya guṇacāturīmacalajā ca lajjāṃ gatā |lasatpaśupanandinītatibhirābhirānanditaṃbhavantamatisundaraṃ vrajakulendra vandemahi || 36||

रसपरिपाटीस्फुटतरुवाटीमनसिजधाटीप्रिय नवशातीहर जय॥ वीर ॥

rasaparipāṭīsphuṭataruvāṭīmanasijadhāṭīpriya navaśātīhara jaya|| vīra ||

सम्भ्रान्तैः सषडङ्गपातमभितो वेदैर्मुदा वन्दितासीमन्तोपरि गौरवादुपनिषद्देवीभिरप्यर्पिता ।आनम्रं प्रणवेन च प्रणयतो हृष्टात्मनाभिष्टुतामृद्वी ते मुरलीरुतिर्मुररिपो शर्माणि निर्मातु नः ॥ ३७॥

sambhrāntaiḥ saṣaḍaṅgapātamabhito vedairmudā vanditāsīmantopari gauravādupaniṣaddevībhirapyarpitā |ānamraṃ praṇavena ca praṇayato hṛṣṭātmanābhiṣṭutāmṛdvī te muralīrutirmuraripo śarmāṇi nirmātu naḥ || 37||

॥ कुन्दम् ॥नन्दकुलचन्द्र लुप्तभवतन्द्र कुन्दजयिदन्त दुष्टकुलहन्तरिष्टसुवसन्त मिष्टसमुदन्त सन्दलितमल्लिकन्दलितवल्लिगुञ्जदलिपुञ्जमञ्जुतरकुञ्जलब्धरतिरङ्ग हृद्यजनसङ्गशर्मलसदङ्ग हर्षकृदनङ्ग मत्तपरपुष्टरम्यकलघुष्टगन्धभरजुष्ट पुष्पवनतुष्ट कृत्तखलयक्ष युद्धनयदक्षवल्गुकचपक्षबद्धशिखिपक्ष पिष्टनततृष्ण तिष्ठ हृदि कृष्ण॥ वीर ॥तव कृष्ण केलिमुरलीहितमहितं च स्फुटं विमोहयति ।एकं सुधोर्मिसुहृदाविषविषमेणापरं ध्वनिना ॥ ३८॥

|| kundam ||nandakulacandra luptabhavatandra kundajayidanta duṣṭakulahantariṣṭasuvasanta miṣṭasamudanta sandalitamallikandalitavalliguñjadalipuñjamañjutarakuñjalabdharatiraṅga hṛdyajanasaṅgaśarmalasadaṅga harṣakṛdanaṅga mattaparapuṣṭaramyakalaghuṣṭagandhabharajuṣṭa puṣpavanatuṣṭa kṛttakhalayakṣa yuddhanayadakṣavalgukacapakṣabaddhaśikhipakṣa piṣṭanatatṛṣṇa tiṣṭha hṛdi kṛṣṇa|| vīra ||tava kṛṣṇa kelimuralīhitamahitaṃ ca sphuṭaṃ vimohayati |ekaṃ sudhormisuhṛdāviṣaviṣameṇāparaṃ dhvaninā || 38||

सन्नीतदैतेयनिस्तार कल्याणकारुण्यविस्तारपुष्पेषु कोदण्डटङ्कारविस्फारमञ्जीरझङ्कार॥ वीर ॥

sannītadaiteyanistāra kalyāṇakāruṇyavistārapuṣpeṣu kodaṇḍaṭaṅkāravisphāramañjīrajhaṅkāra|| vīra ||

रङ्गस्थले ताण्डवमण्डलेननिरस्य मल्लोत्तमपुण्डरीकान् ।कंसद्विषं चण्डमखण्डयद् योहृत्पुण्डरीके स हरिस्तवास्तु ॥ ३९॥

raṅgasthale tāṇḍavamaṇḍalenanirasya mallottamapuṇḍarīkān |kaṃsadviṣaṃ caṇḍamakhaṇḍayad yohṛtpuṇḍarīke sa haristavāstu || 39||

॥ बकुलभासुरम् ॥जय जय वंशीवाद्यविशारद शारदसरसीरुहपरिभावकभावकलितलोचनसञ्चारण चारणसिद्धवधूधृतिहारकहारकलापरुचाञ्चितकुण्डल कुण्डलसद्गोवर्धनभूषितभूषितभूषणचिद्घनविग्रह विग्रहखण्डितखलवृषभासुरभासुरकुटिलकचार्पितचन्द्रक चन्द्रकलापरुचाभ्यधिकाननकाननकुञ्जगृहस्मरसङ्गर सङ्गरसोद्धुरबाहुभुजङ्गमजङ्गमनवतापिच्छनगोपम गोपमनीषितसिद्धिषु दक्षिणदक्षिणपाणिगदण्डसभाजित भाजितकोटिशशाङ्कविरोचनरोचनया कृतचारुविशेषक शेसकमलभवसनकसनन्दननन्दनगुण मा नन्दय सुन्दर॥ वीर ॥भवतः प्रतापतरणावुदेतुमिह लोहितायति स्फीते ।दनुजान्धकारनिकराः शरणं भेजुर्गुहाकुहरम् ॥ ४०॥

|| bakulabhāsuram ||jaya jaya vaṃśīvādyaviśārada śāradasarasīruhaparibhāvakabhāvakalitalocanasañcāraṇa cāraṇasiddhavadhūdhṛtihārakahārakalāparucāñcitakuṇḍala kuṇḍalasadgovardhanabhūṣitabhūṣitabhūṣaṇacidghanavigraha vigrahakhaṇḍitakhalavṛṣabhāsurabhāsurakuṭilakacārpitacandraka candrakalāparucābhyadhikānanakānanakuñjagṛhasmarasaṅgara saṅgarasoddhurabāhubhujaṅgamajaṅgamanavatāpicchanagopama gopamanīṣitasiddhiṣu dakṣiṇadakṣiṇapāṇigadaṇḍasabhājita bhājitakoṭiśaśāṅkavirocanarocanayā kṛtacāruviśeṣaka śesakamalabhavasanakasanandananandanaguṇa mā nandaya sundara|| vīra ||bhavataḥ pratāpataraṇāvudetumiha lohitāyati sphīte |danujāndhakāranikarāḥ śaraṇaṃ bhejurguhākuharam || 40||

पुलिनधृतरङ्गयुवतिकृतसङ्गमदनरसभङ्गगरिमलसदङ्ग॥ वीर ॥

pulinadhṛtaraṅgayuvatikṛtasaṅgamadanarasabhaṅgagarimalasadaṅga|| vīra ||

पशुषु कृपां तव दृष्ट्वा नूनमिहारिष्टवत्सकेशिमुखाः ।दर्पं विमुच्य भीताः पशुभावं भेजिरे दनुजाः ॥ ४१॥

paśuṣu kṛpāṃ tava dṛṣṭvā nūnamihāriṣṭavatsakeśimukhāḥ |darpaṃ vimucya bhītāḥ paśubhāvaṃ bhejire danujāḥ || 41||

॥ बकुलमङ्गलम् ॥त्वं जय केशव केशबलस्तुत वीर्यविलक्षण लक्षणबोधितकेलिषु नागर नागरणोद्धत गोकुलनन्दन नन्दनतिव्रतसान्द्रमुदर्पक दर्पकमोहन हे सुषमानवमानवतीगणमाननिरासक रासकलाश्रित सस्तनगौरवगौरवधूवृतकुञ्जशतोषित तोषितयौवत रूपभराधिकराधिकयार्चितभीरुविलम्बित लम्बितशेखर केलिकुलालसलालसलोचनरोषमदारुणदारुणदानवमुक्तिदलोकन लोकनमस्कृतगोपसभावक भावकशर्मद हन्त कृपालय पालय मामपि॥ वीर ॥पराभवं फेनिलवक्त्रतां चबन्धं च भीतिं च मृतिं च कृत्वा ।पवर्गदातापि शिखण्डमौलेत्वं शात्रवाणामपवर्गदोऽसि ॥ ४२॥

|| bakulamaṅgalam ||tvaṃ jaya keśava keśabalastuta vīryavilakṣaṇa lakṣaṇabodhitakeliṣu nāgara nāgaraṇoddhata gokulanandana nandanativratasāndramudarpaka darpakamohana he suṣamānavamānavatīgaṇamānanirāsaka rāsakalāśrita sastanagauravagauravadhūvṛtakuñjaśatoṣita toṣitayauvata rūpabharādhikarādhikayārcitabhīruvilambita lambitaśekhara kelikulālasalālasalocanaroṣamadāruṇadāruṇadānavamuktidalokana lokanamaskṛtagopasabhāvaka bhāvakaśarmada hanta kṛpālaya pālaya māmapi|| vīra ||parābhavaṃ phenilavaktratāṃ cabandhaṃ ca bhītiṃ ca mṛtiṃ ca kṛtvā |pavargadātāpi śikhaṇḍamauletvaṃ śātravāṇāmapavargado'si || 42||

प्रणयभरितमधुरचरितभजनसहितपशुपमहित॥ देव ॥

praṇayabharitamadhuracaritabhajanasahitapaśupamahita|| deva ||

नवशिखिशिखण्डशिखराप्रसूनकोदण्डचित्रशस्त्रीव ।क्षोभयति कृष्ण वेणीश्रेणीरेणीदृशां भवतः ॥ ४३॥

navaśikhiśikhaṇḍaśikharāprasūnakodaṇḍacitraśastrīva |kṣobhayati kṛṣṇa veṇīśreṇīreṇīdṛśāṃ bhavataḥ || 43||

अनुभूय विक्रमं ते युधिलब्धाः कान्दिशीकत्वम् ।भित्त्वा किल जगदण्डंप्रपलायाञ्चक्रिरे दनुजाः ॥ ४४॥

anubhūya vikramaṃ te yudhilabdhāḥ kāndiśīkatvam |bhittvā kila jagadaṇḍaṃprapalāyāñcakrire danujāḥ || 44||

॥ मञ्जर्यां कोरकः ॥मानवतीमदहारिविलोचन दानवसञ्चयधूकविरोचनडिण्डिमवादिसुरालिसभाजित चण्डिमशालिभुजार्गलराजितदीक्षितयौवतचित्तविलोभनवीक्षित सुस्मितमार्दवशोभनपर्वतसन्धृतिनिर्धुतपीवरगर्वतमःपरिमुग्धशचीवररञ्जितमञ्जुपरिस्फुरदम्बर गञ्जितकेशिपराक्रमडम्बरकोमलताङ्कितवागवतारक सोमललाममहोत्सवकारकहंसरथस्तुतिशंसैतवंशक कंसवधूश्रुतिनुन्नवतंसकरङ्गतरङ्गितचारुदृगञ्चल सङ्गतपञ्चशरोदयचञ्चललुञ्चितगोपसुतागणशाटक सञ्चितरङ्गमहोत्सवनाटकतारय मामुरुसंसृतिशातन धारय लोचनमत्र सनातन॥ धीर ॥तुरगदनुसुताङ्गग्रावभेदे दधानःकुलिशघटितटङ्कोद्दण्डविस्फूर्जितानि ।तदुरुविकटदंष्ट्रोन्मृष्टकेयूरमुद्रःप्रथयतु पटुतां वः कैशवो वामबाहुः ॥ ४५॥२

|| mañjaryāṃ korakaḥ ||mānavatīmadahārivilocana dānavasañcayadhūkavirocanaḍiṇḍimavādisurālisabhājita caṇḍimaśālibhujārgalarājitadīkṣitayauvatacittavilobhanavīkṣita susmitamārdavaśobhanaparvatasandhṛtinirdhutapīvaragarvatamaḥparimugdhaśacīvararañjitamañjuparisphuradambara gañjitakeśiparākramaḍambarakomalatāṅkitavāgavatāraka somalalāmamahotsavakārakahaṃsarathastutiśaṃsaitavaṃśaka kaṃsavadhūśrutinunnavataṃsakaraṅgataraṅgitacārudṛgañcala saṅgatapañcaśarodayacañcalaluñcitagopasutāgaṇaśāṭaka sañcitaraṅgamahotsavanāṭakatāraya māmurusaṃsṛtiśātana dhāraya locanamatra sanātana|| dhīra ||turagadanusutāṅgagrāvabhede dadhānaḥkuliśaghaṭitaṭaṅkoddaṇḍavisphūrjitāni |taduruvikaṭadaṃṣṭronmṛṣṭakeyūramudraḥprathayatu paṭutāṃ vaḥ kaiśavo vāmabāhuḥ || 45||2

माधव विस्फुर दानवनिष्ठुरयौवतरञ्जित सौरभसञ्जित॥ वीर ॥

mādhava visphura dānavaniṣṭhurayauvatarañjita saurabhasañjita|| vīra ||

पलितङ्करणी दशा प्रभो मुहुरन्धङ्करणी च मां गता ।सुभङ्करणी कृपा शुभैर्न तवाढङ्करणी च मय्यभूत् ॥ ४६॥

palitaṅkaraṇī daśā prabho muhurandhaṅkaraṇī ca māṃ gatā |subhaṅkaraṇī kṛpā śubhairna tavāḍhaṅkaraṇī ca mayyabhūt || 46||

॥ गुच्छः ॥जय जलदमण्डलीध्युतिनिवहसुन्दरस्फुरदमलकौमुदीमृदुहसितबन्धुरव्रजहरिणलोचनावदनशशिचुम्बकप्रचुरतरखञ्जनद्युतिविलसदम्बकस्मरसमरचातुरीनिचयवरपण्डितप्रणययुतराधिकापटिमभरभण्डितक्वणदतुलवंशिकाहृतपशुपयौवतस्थिरसमरमाधुरीकुलरमितदैवतग्रथितशिखिचन्द्रकस्फुटकुटिलकुन्तलश्रवणतटसञ्चरन्मणिमकरकुण्डलग्रथितनवताण्डवप्रकटगतिमण्डलद्विजकिरणधोरणीविजितसिततण्डुलस्फुरितवरदाडिमीकुसुमयुतकर्णकछदनवरकाकलीहृतचटुलतर्णक॥ धीर ॥पुन्नागस्तवकनिबद्धकेशजुटःकोटीरीकृतवरकेकिपक्षकूटः ।पायान् मां मरकतमेदुरः स तन्वाकालिन्दीतटविपिनप्रसूनधन्वा ॥ ४७॥

|| gucchaḥ ||jaya jaladamaṇḍalīdhyutinivahasundarasphuradamalakaumudīmṛduhasitabandhuravrajahariṇalocanāvadanaśaśicumbakapracuratarakhañjanadyutivilasadambakasmarasamaracāturīnicayavarapaṇḍitapraṇayayutarādhikāpaṭimabharabhaṇḍitakvaṇadatulavaṃśikāhṛtapaśupayauvatasthirasamaramādhurīkularamitadaivatagrathitaśikhicandrakasphuṭakuṭilakuntalaśravaṇataṭasañcaranmaṇimakarakuṇḍalagrathitanavatāṇḍavaprakaṭagatimaṇḍaladvijakiraṇadhoraṇīvijitasitataṇḍulasphuritavaradāḍimīkusumayutakarṇakachadanavarakākalīhṛtacaṭulatarṇaka|| dhīra ||punnāgastavakanibaddhakeśajuṭaḥkoṭīrīkṛtavarakekipakṣakūṭaḥ |pāyān māṃ marakatameduraḥ sa tanvākālindītaṭavipinaprasūnadhanvā || 47||

गर्गप्रिय जय भर्गस्तुत रससर्गस्थिरनिजवर्गप्रवणित॥ वीर ॥

gargapriya jaya bhargastuta rasasargasthiranijavargapravaṇita|| vīra ||

दनुजवधूवैधव्यव्रतदीक्षाशिक्षणाचार्यः ।स जयति विदूरपाती मुकुन्द तव शृङ्गनिर्घोषः ॥ ४८॥

danujavadhūvaidhavyavratadīkṣāśikṣaṇācāryaḥ |sa jayati vidūrapātī mukunda tava śṛṅganirghoṣaḥ || 48||

॥ कुसुमम् ॥कुसुमनिकरनिचितचिकुर नखरविजितमणिजमुकुरसुभटपटिमरमितमथुर विकटसमरनटनचतुरसमदभुजगदमनचरण निखिलपशुपपनिचयशरणमुदितमदिरमधुरनयन शिखरिकुहररचितशयनरमितपशुपयुवतिपटल मदनकलहघटनचटुलविषमदनुजनिवहमथन भुवनरसदविशदकथनकुमुदमृदुलविलसदमलहसितमधुरवदनकमलमधुपसदृशविचलदलक मसृणघुसृणकलिततिलकनिभृतमुषितमथितकलस सततमजित मनसि विलस॥ वीर ॥सखिचातकजीवातुर्माधवसुरकेकिमण्डलोल्लासि ।तव दैत्यहंसभयदंशृङ्गाम्बुदगर्जितं जयति ॥ ४९॥

|| kusumam ||kusumanikaranicitacikura nakharavijitamaṇijamukurasubhaṭapaṭimaramitamathura vikaṭasamaranaṭanacaturasamadabhujagadamanacaraṇa nikhilapaśupapanicayaśaraṇamuditamadiramadhuranayana śikharikuhararacitaśayanaramitapaśupayuvatipaṭala madanakalahaghaṭanacaṭulaviṣamadanujanivahamathana bhuvanarasadaviśadakathanakumudamṛdulavilasadamalahasitamadhuravadanakamalamadhupasadṛśavicaladalaka masṛṇaghusṛṇakalitatilakanibhṛtamuṣitamathitakalasa satatamajita manasi vilasa|| vīra ||sakhicātakajīvāturmādhavasurakekimaṇḍalollāsi |tava daityahaṃsabhayadaṃśṛṅgāmbudagarjitaṃ jayati || 49||

पुरुषोत्तम वीरव्रत यमुनाद्भुततीरस्थितमुरलिध्वनिपूरक्रिय सुरभीव्रजनादप्रिय॥ धीर ॥

puruṣottama vīravrata yamunādbhutatīrasthitamuralidhvanipūrakriya surabhīvrajanādapriya|| dhīra ||

जगतीसभावलम्बःस तव जयत्यम्बुजाक्ष दोःस्तम्भः ।रभसाद् विभेद दनुजान्प्रतापनृहरिर्यतोऽभ्युदितः ॥ ५०॥

jagatīsabhāvalambaḥsa tava jayatyambujākṣa doḥstambhaḥ |rabhasād vibheda danujānpratāpanṛhariryato'bhyuditaḥ || 50||

चित्रं मुरारे सुरवैरिपक्षस्त्वया समन्तादनुबद्धयुद्धः ।अमित्रमुच्चैरविभिद्य भेदंमित्रस्य कुर्वन्नमृतं प्रयाति ॥ ५१॥

citraṃ murāre suravairipakṣastvayā samantādanubaddhayuddhaḥ |amitramuccairavibhidya bhedaṃmitrasya kurvannamṛtaṃ prayāti || 51||

॥ त्रिभङ्ग्यां दण्डकत्रिभङ्गी ॥श्रितमघजलधेर्वहित्रं चरित्रं सुचित्रं विचित्रंफणित्रं समित्रं पवित्रं लवित्रं रुजांजगदपरिमितप्रतिष्ठं पटिष्ठं बलिष्ठं गरिष्ठंवरिष्ठं म्रदिष्ठं सुनिष्ठं दविष्ठं धियांनिखिलविलसितेऽभिरामं सरामं मुदा मञ्जुदामन्नभामं ललामं धृतामन्दधामत्रयेमधुमथन हरे मुरारे पुरारे पारे ससारेविहारे सुरारेरुदारे च दारे प्रभुंस्फुर्तमिनसुतातरङ्गे विहङ्गेशरङ्गेण गङ्गेष्टभङ्गे भुजङ्गेन्द्रसङ्गे सदङ्गेन भोःशिखरिवरदरीनिशान्तं प्रयान्तं सकान्तं विभान्तंनितान्तं च कान्तं प्रशान्तं कृतान्तं द्विषांदनुजहर भजाम्यनन्तं सुदन्तं नुदन्तं दृगन्तंहसन्तं वसन्तं भजन्तं भवन्तं सदा॥ वीर ॥पीत्वा बिन्दुकणं मुकुन्द भवतः सौन्दर्यसिन्धोः सकृत्कन्दर्पस्य वशं गता विमुमुहुः के वा न साध्वीगणाः ।दूरे राज्यमयन्त्रितस्मितकलाभ्रूवल्लरीताण्डवक्रीडापाङ्गतरङ्गितप्रभृतयः कुर्वन्तु ते विभ्रमाः ॥ ५२॥

|| tribhaṅgyāṃ daṇḍakatribhaṅgī ||śritamaghajaladhervahitraṃ caritraṃ sucitraṃ vicitraṃphaṇitraṃ samitraṃ pavitraṃ lavitraṃ rujāṃjagadaparimitapratiṣṭhaṃ paṭiṣṭhaṃ baliṣṭhaṃ gariṣṭhaṃvariṣṭhaṃ mradiṣṭhaṃ suniṣṭhaṃ daviṣṭhaṃ dhiyāṃnikhilavilasite'bhirāmaṃ sarāmaṃ mudā mañjudāmannabhāmaṃ lalāmaṃ dhṛtāmandadhāmatrayemadhumathana hare murāre purāre pāre sasārevihāre surārerudāre ca dāre prabhuṃsphurtaminasutātaraṅge vihaṅgeśaraṅgeṇa gaṅgeṣṭabhaṅge bhujaṅgendrasaṅge sadaṅgena bhoḥśikharivaradarīniśāntaṃ prayāntaṃ sakāntaṃ vibhāntaṃnitāntaṃ ca kāntaṃ praśāntaṃ kṛtāntaṃ dviṣāṃdanujahara bhajāmyanantaṃ sudantaṃ nudantaṃ dṛgantaṃhasantaṃ vasantaṃ bhajantaṃ bhavantaṃ sadā|| vīra ||pītvā bindukaṇaṃ mukunda bhavataḥ saundaryasindhoḥ sakṛtkandarpasya vaśaṃ gatā vimumuhuḥ ke vā na sādhvīgaṇāḥ |dūre rājyamayantritasmitakalābhrūvallarītāṇḍavakrīḍāpāṅgataraṅgitaprabhṛtayaḥ kurvantu te vibhramāḥ || 52||

चारुतटरासनट गोपभट पीतपटपद्मकर दैत्यहर कुञ्जचर वीरवरनर्ममय कृष्ण जय॥ नाथ ॥

cārutaṭarāsanaṭa gopabhaṭa pītapaṭapadmakara daityahara kuñjacara vīravaranarmamaya kṛṣṇa jaya|| nātha ||

संसाराम्भसि दुस्तरोर्मिगहने गम्भीरतापत्रयीकुम्भीरेण गृहीतमुग्रमतिना क्रोशन्तमन्तर्भयात् ।दीप्रेणाद्य सुदर्शनेन विबुधक्लान्तिच्छिदाकारिणाचिन्तासन्ततिरुद्धमुद्धर हरे मच्चित्तदन्तीश्वरम् ॥ ५३॥

saṃsārāmbhasi dustarormigahane gambhīratāpatrayīkumbhīreṇa gṛhītamugramatinā krośantamantarbhayāt |dīpreṇādya sudarśanena vibudhaklānticchidākāriṇācintāsantatiruddhamuddhara hare maccittadantīśvaram || 53||

॥ विदग्धत्रिभङ्गी ॥चण्डीप्रियनत चण्डीकृतबलरण्डीकृतखलवल्लभ वल्लवपट्टाम्बरधर भट्टारक बककुट्टाक ललितपण्डितमण्डितनन्दीश्वरपतिनन्दीहितभर सन्दीपितरससागर नागरअङ्गीकृतनवसङ्गीतक वरभङ्गीलवहृतजङ्गमलङ्गिमऊर्वीप्रियकर खर्वीकृतखलदर्वीकरपतिगर्वितपर्वतगोत्राहितकर गोत्राहितदय गोत्राधिपधृतिशोभनलोभनवन्यास्थितबहुकन्यापटहर धन्याशयमणिचोर मनोरमशम्पारुचिपट सम्पालितभवकम्पाकुलजन फुल्ल समुल्लस॥ धीर ॥पिष्ट्वा सङ्ग्रामपट्टे पटलमकुटिले दैत्यगोकण्टकानांक्रीडालोटीविघट्टैः स्फुटमरतिकरं नैचिकीचारुकाणाम् ।वृन्दारण्यं चकाराखिलजगदगदङ्कारकारुण्यधारोयः सञ्चारोचितं वः सुखयतु स पटुः कुञ्जपट्टाधिराजः ॥ ४५॥

|| vidagdhatribhaṅgī ||caṇḍīpriyanata caṇḍīkṛtabalaraṇḍīkṛtakhalavallabha vallavapaṭṭāmbaradhara bhaṭṭāraka bakakuṭṭāka lalitapaṇḍitamaṇḍitanandīśvarapatinandīhitabhara sandīpitarasasāgara nāgaraaṅgīkṛtanavasaṅgītaka varabhaṅgīlavahṛtajaṅgamalaṅgimaūrvīpriyakara kharvīkṛtakhaladarvīkarapatigarvitaparvatagotrāhitakara gotrāhitadaya gotrādhipadhṛtiśobhanalobhanavanyāsthitabahukanyāpaṭahara dhanyāśayamaṇicora manoramaśampārucipaṭa sampālitabhavakampākulajana phulla samullasa|| dhīra ||piṣṭvā saṅgrāmapaṭṭe paṭalamakuṭile daityagokaṇṭakānāṃkrīḍāloṭīvighaṭṭaiḥ sphuṭamaratikaraṃ naicikīcārukāṇām |vṛndāraṇyaṃ cakārākhilajagadagadaṅkārakāruṇyadhāroyaḥ sañcārocitaṃ vaḥ sukhayatu sa paṭuḥ kuñjapaṭṭādhirājaḥ || 45||

पिच्छलसद्घननीलकेश चन्दनचर्चितचारुवेशखण्डितदुर्जनभूर्माय मण्डितनिर्मलहारिकाय॥ वीर ॥

picchalasadghananīlakeśa candanacarcitacāruveśakhaṇḍitadurjanabhūrmāya maṇḍitanirmalahārikāya|| vīra ||

गीर्वाणं स्फुटमखिलं विवर्धयन्तंनिर्वाणं दनुजघटासु सङ्घटय्य ।कुर्वाणं व्रजनिलयं निरन्तरोद्यत्पर्वाणं मुरमथन स्तुवे भवन्तम् ॥ ५५॥

gīrvāṇaṃ sphuṭamakhilaṃ vivardhayantaṃnirvāṇaṃ danujaghaṭāsu saṅghaṭayya |kurvāṇaṃ vrajanilayaṃ nirantarodyatparvāṇaṃ muramathana stuve bhavantam || 55||

उदञ्चदतिमञ्जुलस्मितसुधोर्मिलीलास्पदंतरङ्गितवराङ्गनास्फुरदनङ्गरङ्गाम्बुधिः ।दृगिन्दुमणिमण्डलीसलिलनिर्झरस्यन्दनोमुकुन्द मुखचन्द्रमास्तव तनोति शर्माणि नः ॥ ५६॥

udañcadatimañjulasmitasudhormilīlāspadaṃtaraṅgitavarāṅganāsphuradanaṅgaraṅgāmbudhiḥ |dṛgindumaṇimaṇḍalīsalilanirjharasyandanomukunda mukhacandramāstava tanoti śarmāṇi naḥ || 56||

॥ मिश्रकलिका ॥दुष्टदुर्दमारिष्टकण्ठीरवकुण्ठविखण्डनखेलदष्टापद नवीनाष्टापदविस्पर्धिपट्टाम्बरपरीत गरिष्ठगण्डशैलसपिण्डवक्षःपट्ट पाटवदण्डितचटुलभुजङ्गम कन्दुकविलसितलङ्घिमभण्डिलविचकिलमण्डित सङ्गरविहरणपण्डितदन्तुरदनुजविडम्बक कुण्ठितकुटिलकदम्बकखचिताखण्डलोपलविराजदण्डजराजकुण्डलमण्डितमञ्जुलगण्डस्थलविशङ्कटभाण्डीरतटीताण्डवकलारञ्जितसुहृन्मण्डल नन्दविचुम्बितकुन्दनिभस्मित गन्धकरम्बित शन्दविचेष्टित तुन्दपरिस्फुरदण्डकडम्बरदुर्जनभोजेन्द्रकण्टककन्दोद्धारणोद्दामकुद्दाल विनम्रविपद्दारुणध्वान्तविद्रावणमार्तण्डोपमकृपाकटाक्ष शारदाचण्डमरीचिमाधुर्यविडम्बितुण्डमण्डल लोष्ठीकृतमण्डिकोष्ठीकुलमुनिगोष्ठीश्वर मधुरोष्ठीप्रियपरमेष्ठीडित परमेष्ठीकृतनर॥ धीर ॥

|| miśrakalikā ||duṣṭadurdamāriṣṭakaṇṭhīravakuṇṭhavikhaṇḍanakheladaṣṭāpada navīnāṣṭāpadavispardhipaṭṭāmbaraparīta gariṣṭhagaṇḍaśailasapiṇḍavakṣaḥpaṭṭa pāṭavadaṇḍitacaṭulabhujaṅgama kandukavilasitalaṅghimabhaṇḍilavicakilamaṇḍita saṅgaraviharaṇapaṇḍitadanturadanujaviḍambaka kuṇṭhitakuṭilakadambakakhacitākhaṇḍalopalavirājadaṇḍajarājakuṇḍalamaṇḍitamañjulagaṇḍasthalaviśaṅkaṭabhāṇḍīrataṭītāṇḍavakalārañjitasuhṛnmaṇḍala nandavicumbitakundanibhasmita gandhakarambita śandaviceṣṭita tundaparisphuradaṇḍakaḍambaradurjanabhojendrakaṇṭakakandoddhāraṇoddāmakuddāla vinamravipaddāruṇadhvāntavidrāvaṇamārtaṇḍopamakṛpākaṭākṣa śāradācaṇḍamarīcimādhuryaviḍambituṇḍamaṇḍala loṣṭhīkṛtamaṇḍikoṣṭhīkulamunigoṣṭhīśvara madhuroṣṭhīpriyaparameṣṭhīḍita parameṣṭhīkṛtanara|| dhīra ||

उपहितपशुपालीनेत्रसारङ्गतुष्टिःप्रसरदमृतधाराधोरणीधौतविश्वा ।पिहितरविसुधांशुः प्रांशुतापिञ्छरम्यारमयतु बकहन्तुः कान्तिकादम्बिनी वः ॥ ५७॥

upahitapaśupālīnetrasāraṅgatuṣṭiḥprasaradamṛtadhārādhoraṇīdhautaviśvā |pihitaravisudhāṃśuḥ prāṃśutāpiñcharamyāramayatu bakahantuḥ kāntikādambinī vaḥ || 57||

॥ अथवा साप्तविभक्तिकी कलिका ॥यः स्थिरकरुणस्तर्जितवरुणस्तर्पितजनकः सम्मदजनकःप्रणतविमायं जगुरनपायं घनरुचिकायं सुकृतजना यंसुजनकलितकथनेन प्रबलदनुजमथनेनप्रणयिषु रतमभयेन प्रकटरतिषु किल येनयस्मै परिध्वस्तदुष्टाय चक्रुः स्पृहां माल्यजुष्टायघृतोत्साहपूराद्द्युतिक्षिप्तसूराद् यतोऽरिर्विदूराद् भयं प्राप शूरात् ।यस्योज्ज्वलाङ्गस्य सञ्चार्यपाङ्गस्य वेणुर्ललामस्य हस्तेऽभिरामस्यस्मितविस्फुरितेऽजनि यत्र हिते रतिरुल्लसिते सुदृशां ललिते ।स त्वं जय जय दुष्टप्रतिभय भक्तिस्थिरदय लुप्तव्रजभय॥ वीर ॥हंसोत्तमाभिलषिता सेवकचक्रेषु दर्शितोत्सेका ।मुरजयिनः कल्याणी करुणाकल्लोलिनी जयति ॥ ५८॥

|| athavā sāptavibhaktikī kalikā ||yaḥ sthirakaruṇastarjitavaruṇastarpitajanakaḥ sammadajanakaḥpraṇatavimāyaṃ jaguranapāyaṃ ghanarucikāyaṃ sukṛtajanā yaṃsujanakalitakathanena prabaladanujamathanenapraṇayiṣu ratamabhayena prakaṭaratiṣu kila yenayasmai paridhvastaduṣṭāya cakruḥ spṛhāṃ mālyajuṣṭāyaghṛtotsāhapūrāddyutikṣiptasūrād yato'rirvidūrād bhayaṃ prāpa śūrāt |yasyojjvalāṅgasya sañcāryapāṅgasya veṇurlalāmasya haste'bhirāmasyasmitavisphurite'jani yatra hite ratirullasite sudṛśāṃ lalite |sa tvaṃ jaya jaya duṣṭapratibhaya bhaktisthiradaya luptavrajabhaya|| vīra ||haṃsottamābhilaṣitā sevakacakreṣu darśitotsekā |murajayinaḥ kalyāṇī karuṇākallolinī jayati || 58||

मित्रकुलोदितनर्मसुमोदितरञ्जितराधिक शर्मभराधिक॥ धीर ॥

mitrakuloditanarmasumoditarañjitarādhika śarmabharādhika|| dhīra ||

मधुरेश माधुरीमय माधव मुरलीमतल्लिकामुग्ध ।मम मदनमोहन मुदा मर्दय मनसो महामोहम् ॥ ५९॥

madhureśa mādhurīmaya mādhava muralīmatallikāmugdha |mama madanamohana mudā mardaya manaso mahāmoham || 59||

॥ अक्षरमयी ॥अच्युत जय जय आर्तकृपामय इन्द्रमखार्दन ईतिविशातनउज्ज्वलविभ्रम ऊर्जितविक्रम ऋद्धिधुरोद्धर एभुदयापरऌदिवकृपेक्षित ऌऌवदलक्षित एधितवल्लव ऐन्दवकुलभवओजःस्फूर्जित औग्र्यविवर्जित अंसविशङ्कट अष्टापदपटकङ्कणयुतकर खण्डितखलवर गतिजितकुञ्जर घनघुसृणाम्बरङुतमुरलीरत चलचिल्लीलत छलितसतीशत जलजोद्भवनुतझषवरकुण्डल ञोङुयितदल टङ्कितभूधर ठनिभाननवरडमरघटाहर ढक्कितकरतल णखरधृताचल तरलविलोचनथूत्कृतखञ्जन दनुजविमर्दन धवलावर्धन नन्दसुखास्पदपङ्कजसमपद फञेनुतिमोदित बन्धुविनोदित भङ्गुरितालकमञ्जुलमालक यष्टिलसद्भुज रम्यमुखाम्बुज ललितविशारदवल्लवरङ्गद शर्मदचेष्टित षट्पदवेष्टित सरसीरुहधरहलधरसोदर क्षणदगुणोत्कर॥ वीर ॥कर्णे कल्पितकर्णिकः कलिकया कामायितः कान्तिभिःकान्तानां किलकिञ्चितं किसलयकीलालधीः कीर्तिभिः ।कुर्वन्कूर्दनकानि केशरितया कैशोरवान्कोटिशःकोपी कौकुरकंसकष्टकृतिकः कृष्णः क्रियात् काङ्क्षितम् ॥ ६०॥

|| akṣaramayī ||acyuta jaya jaya ārtakṛpāmaya indramakhārdana ītiviśātanaujjvalavibhrama ūrjitavikrama ṛddhidhuroddhara ebhudayāparaḷdivakṛpekṣita ḷḷvadalakṣita edhitavallava aindavakulabhavaojaḥsphūrjita augryavivarjita aṃsaviśaṅkaṭa aṣṭāpadapaṭakaṅkaṇayutakara khaṇḍitakhalavara gatijitakuñjara ghanaghusṛṇāmbaraṅutamuralīrata calacillīlata chalitasatīśata jalajodbhavanutajhaṣavarakuṇḍala ñoṅuyitadala ṭaṅkitabhūdhara ṭhanibhānanavaraḍamaraghaṭāhara ḍhakkitakaratala ṇakharadhṛtācala taralavilocanathūtkṛtakhañjana danujavimardana dhavalāvardhana nandasukhāspadapaṅkajasamapada phañenutimodita bandhuvinodita bhaṅguritālakamañjulamālaka yaṣṭilasadbhuja ramyamukhāmbuja lalitaviśāradavallavaraṅgada śarmadaceṣṭita ṣaṭpadaveṣṭita sarasīruhadharahaladharasodara kṣaṇadaguṇotkara|| vīra ||karṇe kalpitakarṇikaḥ kalikayā kāmāyitaḥ kāntibhiḥkāntānāṃ kilakiñcitaṃ kisalayakīlāladhīḥ kīrtibhiḥ |kurvankūrdanakāni keśaritayā kaiśoravānkoṭiśaḥkopī kaukurakaṃsakaṣṭakṛtikaḥ kṛṣṇaḥ kriyāt kāṅkṣitam || 60||

सौरीतटचर गौरीव्रतपरगौरीपटहर चौरीकृतकर॥ वीर ॥

saurītaṭacara gaurīvrataparagaurīpaṭahara caurīkṛtakara|| vīra ||

प्रेमोरुहट्टहिण्डक कक्खटसुभटेन्द्रकण्ठकुट्टाक ।कुरु कौङ्कुमपट्टाम्बर भट्टारक ताण्डवं हृदि मे ॥ ६१॥

premoruhaṭṭahiṇḍaka kakkhaṭasubhaṭendrakaṇṭhakuṭṭāka |kuru kauṅkumapaṭṭāmbara bhaṭṭāraka tāṇḍavaṃ hṛdi me || 61||

॥ सर्वलघुः ॥चरणचलनहतजरठशकटकरजकदलन वशगतपरकटकनटनघटनलसदगवरकटकसकनकमरकतमयनवकटककपटरुदित नटदकठिनपदतटविघटितदधिघटनिविडितसुशकटरुचितुलितपुरटपटलरुचिरपटघटितविपुलकट कुटिलचिकुरघटरविदुहितृनिकटलुठदजरठजटविटपनिचितवटतटपटुतरनटनिजविलसितहठविचटितसुविकटचटुलदनुजघट जय युवतिषु शठ॥ वीर ॥स्फुटनाट्यकडम्बदण्डितद्रढिमोड्डामरदुष्टकुण्डली ।जय गोष्ठकुटुम्बसंवृत्तस्त्वमिडाडिम्बकदम्बडुम्बक ॥ ६२॥

|| sarvalaghuḥ ||caraṇacalanahatajaraṭhaśakaṭakarajakadalana vaśagataparakaṭakanaṭanaghaṭanalasadagavarakaṭakasakanakamarakatamayanavakaṭakakapaṭarudita naṭadakaṭhinapadataṭavighaṭitadadhighaṭaniviḍitasuśakaṭarucitulitapuraṭapaṭalarucirapaṭaghaṭitavipulakaṭa kuṭilacikuraghaṭaraviduhitṛnikaṭaluṭhadajaraṭhajaṭaviṭapanicitavaṭataṭapaṭutaranaṭanijavilasitahaṭhavicaṭitasuvikaṭacaṭuladanujaghaṭa jaya yuvatiṣu śaṭha|| vīra ||sphuṭanāṭyakaḍambadaṇḍitadraḍhimoḍḍāmaraduṣṭakuṇḍalī |jaya goṣṭhakuṭumbasaṃvṛttastvamiḍāḍimbakadambaḍumbaka || 62||

रसनमुखर सुखरनखरदशनशिखरविजितशिखर॥ धीर ॥विवृतविविधबाधे भ्रान्तिवेगादगाधेबलवति भवपूरे मज्जतो मेऽविदूरे ।अशरणगणबन्धो हे कृपाकौमुदीन्दोसकृदकृतविलम्बं देहि हस्तावलम्बम् ॥ ६३॥

rasanamukhara sukharanakharadaśanaśikharavijitaśikhara|| dhīra ||vivṛtavividhabādhe bhrāntivegādagādhebalavati bhavapūre majjato me'vidūre |aśaraṇagaṇabandho he kṛpākaumudīndosakṛdakṛtavilambaṃ dehi hastāvalambam || 63||

नामानि प्रणयेन ते सुकृतिनां तन्वन्ति तुण्डोत्सवंधामानि प्रथयन्ति हन्त जलदश्यामानि नेत्राञ्जनम् ।सामानि श्रुतिशष्कुलीं मुरलिकाजातान्यलङ्कुर्वतेकामानि निर्वृतचेतसामिह विभो नाशापि नः शोभते ॥ ६४॥

nāmāni praṇayena te sukṛtināṃ tanvanti tuṇḍotsavaṃdhāmāni prathayanti hanta jaladaśyāmāni netrāñjanam |sāmāni śrutiśaṣkulīṃ muralikājātānyalaṅkurvatekāmāni nirvṛtacetasāmiha vibho nāśāpi naḥ śobhate || 64||

व्युत्पन्नः सुस्थिरमतिर्गतग्लानिर्गलस्वनः ।भक्तः कृष्णे भवेद् यः स विरुदावलिपाठकः ॥ ६५॥

vyutpannaḥ susthiramatirgataglānirgalasvanaḥ |bhaktaḥ kṛṣṇe bhaved yaḥ sa virudāvalipāṭhakaḥ || 65||

रम्यया विरुदावल्या प्रोक्तलक्षणयुक्तया ।स्तूयमानः प्रमुदितो वासुदेवः प्रसीदति ॥ ६६॥

ramyayā virudāvalyā proktalakṣaṇayuktayā |stūyamānaḥ pramudito vāsudevaḥ prasīdati || 66||

यः स्तौति विरुदावल्या मथुरामण्डले हरिम् ।अनया रम्यया तस्मै तूर्णमेष प्रसीदति ॥ ६७॥

yaḥ stauti virudāvalyā mathurāmaṇḍale harim |anayā ramyayā tasmai tūrṇameṣa prasīdati || 67||

इति श्रीरूपगोस्वामिविरचितस्तवमालायां गोविन्दविरुदावली समाप्ता ।

iti śrīrūpagosvāmiviracitastavamālāyāṃ govindavirudāvalī samāptā |