गोविन्दराजस्तुतिः Shri Govindaraja Stuti

सेवे गोविन्दराजं सुरनरमुनिभिः सेव्यमानाङ्घ्रिपद्मंलक्ष्मीभूभ्यां लसन्तं मणिमयमकुटोद्भासमानाननाब्जम् ।बिभ्राणं शङ्खचक्रे शशिरविलसिते हस्तपद्मद्वयाभ्यांप्रत्नं भोगीन्द्रतल्पं वरगुणजलधिं मेघसच्छायदेहम् ॥ १॥

seve govindarājaṃ suranaramunibhiḥ sevyamānāṅghripadmaṃlakṣmībhūbhyāṃ lasantaṃ maṇimayamakuṭodbhāsamānānanābjam |bibhrāṇaṃ śaṅkhacakre śaśiravilasite hastapadmadvayābhyāṃpratnaṃ bhogīndratalpaṃ varaguṇajaladhiṃ meghasacchāyadeham || 1||

मुग्धनीलाळकास्येन्दुमुत्फुलाम्भोजलोचनम् ।कुन्दकुड्मलसञ्छात्रदशनं पल्लवाधरम् ॥ २॥ (सच्छात्र)

mugdhanīlāḷakāsyendumutphulāmbhojalocanam |kundakuḍmalasañchātradaśanaṃ pallavādharam || 2|| (sacchātra)

सुभूलतं चम्पकालीविडम्ब्युन्नतनासिकम् ।चारुमन्दस्मितं हेमकर्णभूषणमञ्जुळम् ॥ ३॥

subhūlataṃ campakālīviḍambyunnatanāsikam |cārumandasmitaṃ hemakarṇabhūṣaṇamañjuḷam || 3||

चलत्कुण्डलसंशोभिकपोलफलकद्वयम् ।ग्रैवेयकोल्लसत्कम्बुकण्ठं कौस्तुभभूषितम् ॥ ४॥

calatkuṇḍalasaṃśobhikapolaphalakadvayam |graiveyakollasatkambukaṇṭhaṃ kaustubhabhūṣitam || 4||

सुगन्धतुलसीमालामुक्ताहारकवक्षसम् ।शङ्खचक्रधरं रुक्मवलयाङ्गदबाहुकम् ॥ ५॥

sugandhatulasīmālāmuktāhārakavakṣasam |śaṅkhacakradharaṃ rukmavalayāṅgadabāhukam || 5||

कटीतटीप्रविलसद्दृतहेमाम्बरं प्रभुम् ।गजशुद्धास्वर्मिसक्थिं मुकुरामुग्धजानुकम् ॥ ६॥ (गजशुण्डास्पर्धिसक्थं)

kaṭītaṭīpravilasaddṛtahemāmbaraṃ prabhum |gajaśuddhāsvarmisakthiṃ mukurāmugdhajānukam || 6|| (gajaśuṇḍāspardhisakthaṃ)

कामतूणीरसदृशजङ्घादण्डोपशोभितंक्वणत्प्रत्युप्तमाणिक्यमञ्जीरपदपङ्कजम् ॥ ७॥

kāmatūṇīrasadṛśajaṅghādaṇḍopaśobhitaṃkvaṇatpratyuptamāṇikyamañjīrapadapaṅkajam || 7||

कन्दर्पकोटिसंङ्काशं नीलाम्बुधरविग्रहम् ।आनन्दकन्दलं गोपरमणीनयनोत्सवम् ॥ ८॥

kandarpakoṭisaṃṅkāśaṃ nīlāmbudharavigraham |ānandakandalaṃ goparamaṇīnayanotsavam || 8||

पुण्यराशिं वेदवेद्यं दयाजन्मनिकेतनम् ।लोकदुःखतमोवृन्दचण्डभानुं नरोत्तमम् ॥ ९॥

puṇyarāśiṃ vedavedyaṃ dayājanmaniketanam |lokaduḥkhatamovṛndacaṇḍabhānuṃ narottamam || 9||

नित्यं निरञ्जनं भक्तजनाम्बुधिकलानिधिम् ।दशरूपधरं देवं सृष्टिस्थित्यन्तकारिणम् ॥ १०॥

nityaṃ nirañjanaṃ bhaktajanāmbudhikalānidhim |daśarūpadharaṃ devaṃ sṛṣṭisthityantakāriṇam || 10||

निबिडोत्फुल्लकुसुमफलकोरकमण्डितैः ।शङ्खस्वनत्परभृतप्रमुखाण्डजशेभितैः ॥ ११॥

nibiḍotphullakusumaphalakorakamaṇḍitaiḥ |śaṅkhasvanatparabhṛtapramukhāṇḍajaśebhitaiḥ || 11||

चम्पकाशोकपुन्नागचिञ्जाम्रवकुळुद्रमैः ।रम्ये विशाले स्वच्छाम्बुपुण्डरीकसरस्तटे ॥ १२॥

campakāśokapunnāgaciñjāmravakuḷudramaiḥ |ramye viśāle svacchāmbupuṇḍarīkasarastaṭe || 12||

प्राकारगोपुरोदग्रमण्डपान्वितसन्निभौ । (सन्निधौ)शान्तं गोविन्दराजं तमहर्निशमहं भजे ॥ १३॥

prākāragopurodagramaṇḍapānvitasannibhau | (sannidhau)śāntaṃ govindarājaṃ tamaharniśamahaṃ bhaje || 13||

रङ्गाधिपं रविकुलीनन्रुनृपैः सुपूज्यंभोगीन्द्रभोगशयनीयतले शयानम् ।ज्ञानप्रदं तनुभृतां वरदं वरेण्यंश्रीनाथमादरमहं सततं भजामि ॥ १४॥

raṅgādhipaṃ ravikulīnanrunṛpaiḥ supūjyaṃbhogīndrabhogaśayanīyatale śayānam |jñānapradaṃ tanubhṛtāṃ varadaṃ vareṇyaṃśrīnāthamādaramahaṃ satataṃ bhajāmi || 14||

इति सुदर्शनवरदनारायणदासकृता श्रीगोविन्दराजस्तुतिः सम्पूर्णा ।

iti sudarśanavaradanārāyaṇadāsakṛtā śrīgovindarājastutiḥ sampūrṇā |