गोविन्दस्तवराजः Shri Govindastavaraja

स्थिते मनसि गोविन्द दूरतो याति पातकम् ।उदयाचलमारूढे दिलनाथे तमो यथा ॥ १॥

sthite manasi govinda dūrato yāti pātakam |udayācalamārūḍhe dilanāthe tamo yathā || 1||

गोविन्देति तथा प्रोक्तं भक्त्या वा भक्तिवर्जितैः ।सर्वपापानि दहति कल्पान्ताग्निर्गिरीन् यथा ॥ २॥

govindeti tathā proktaṃ bhaktyā vā bhaktivarjitaiḥ |sarvapāpāni dahati kalpāntāgnirgirīn yathā || 2||

शौनक उवादअम्बरीष शुभं वाक्यं मयोक्तं शृणु भक्तितः ।धर्मार्थकाममोक्षाणां कुरु गोविन्दकीर्तनम् ॥ ३॥

śaunaka uvādaambarīṣa śubhaṃ vākyaṃ mayoktaṃ śṛṇu bhaktitaḥ |dharmārthakāmamokṣāṇāṃ kuru govindakīrtanam || 3||

यदीच्छसि परं ज्ञानं ज्ञानात्तत्परमं पदम् ।तदादरेण राजेन्द्र कुरु गोविन्दकीर्तनम् ॥ ४॥

yadīcchasi paraṃ jñānaṃ jñānāttatparamaṃ padam |tadādareṇa rājendra kuru govindakīrtanam || 4||

कर्मणा मनसा वाचा यदीच्छसि भवक्षयम् ।तदा सदा महीपाल कुरु गोविन्दकीर्तनम् ॥ ५॥

karmaṇā manasā vācā yadīcchasi bhavakṣayam |tadā sadā mahīpāla kuru govindakīrtanam || 5||

सर्वरोगविनाशाय चात्मनः शुभवाञ्छया ।अहर्निशं सदा नित्यं कुरु गोविन्दकीर्तनम् ॥ ६॥

sarvarogavināśāya cātmanaḥ śubhavāñchayā |aharniśaṃ sadā nityaṃ kuru govindakīrtanam || 6||

संसारानलतापस्य यदीच्छसि शमं नृप ।तदा चित्तं स्थिरं कृत्वा कुरु गोविन्दकीर्तनम् ॥ ७॥

saṃsārānalatāpasya yadīcchasi śamaṃ nṛpa |tadā cittaṃ sthiraṃ kṛtvā kuru govindakīrtanam || 7||

यदीच्छसि भयं त्यक्तुं परलोकसमुद्भवम् ।तदा नित्यं महीपाल कुरु गोविन्दकीर्तनम् ॥ ८॥

yadīcchasi bhayaṃ tyaktuṃ paralokasamudbhavam |tadā nityaṃ mahīpāla kuru govindakīrtanam || 8||

जीवितस्य फलं नित्यं यदि वाञ्छसि भूपते ।प्रत्यहं परया भक्त्या कुरु गोविन्दकीर्तनम् ॥ ९॥

jīvitasya phalaṃ nityaṃ yadi vāñchasi bhūpate |pratyahaṃ parayā bhaktyā kuru govindakīrtanam || 9||

ब्रह्महत्यादिपापानां यदीच्छसि परं क्षयम् ।संयतेन्द्रियसन्दोहः कुरु गोविन्दकीर्तनम् ॥ १०॥

brahmahatyādipāpānāṃ yadīcchasi paraṃ kṣayam |saṃyatendriyasandohaḥ kuru govindakīrtanam || 10||

राज्यं भोगांश्च विपुलान् पुत्रं वेच्छसि सम्पदम् ।तदा यत्नेन महता कुरु गोविन्दकीर्तनम् ॥ ११॥

rājyaṃ bhogāṃśca vipulān putraṃ vecchasi sampadam |tadā yatnena mahatā kuru govindakīrtanam || 11||

त्यक्तुमिच्छसि रजेन्द्र जन्मरोगज्वरादिकम् ।भयं यदि सदा भक्त्या कुरु गोविन्दकीर्तनम् ॥ १२॥

tyaktumicchasi rajendra janmarogajvarādikam |bhayaṃ yadi sadā bhaktyā kuru govindakīrtanam || 12||

रणे यदि भ यं जेतुं त्वमिच्छसि नराधिप ।सदा सर्वात्मना नित्यं कुरु गोविन्दकीर्तनम् ॥ १३॥

raṇe yadi bha yaṃ jetuṃ tvamicchasi narādhipa |sadā sarvātmanā nityaṃ kuru govindakīrtanam || 13||

वाजियज्ञसहस्त्राणां फलं नित्यं यदीप्ससि ।प्रातरुत्थाय भूपाल कुरु गोविन्दकीर्तनम् ॥ १४॥

vājiyajñasahastrāṇāṃ phalaṃ nityaṃ yadīpsasi |prātarutthāya bhūpāla kuru govindakīrtanam || 14||

यदि संसारजं दुःखं हन्तुमिच्छसि भूमिप ।तदा भक्तिं समास्थाय कुरु गोविन्दकीर्तनम् ॥ १५॥

yadi saṃsārajaṃ duḥkhaṃ hantumicchasi bhūmipa |tadā bhaktiṃ samāsthāya kuru govindakīrtanam || 15||

वैष्णवस्य च धर्मस्य पारं गन्तुं यदीच्छसि ।नरेन्द्र तन्मना भूत्वा कुरु गोविन्दकीर्तनम् ॥ १६॥

vaiṣṇavasya ca dharmasya pāraṃ gantuṃ yadīcchasi |narendra tanmanā bhūtvā kuru govindakīrtanam || 16||

किं करिष्यसि साङ्ख्येन पोगेन नरनायक ।मुक्तिमिच्छसि राजेन्द्र कुरु गोविन्दकीर्तनम् ॥ १७॥

kiṃ kariṣyasi sāṅkhyena pogena naranāyaka |muktimicchasi rājendra kuru govindakīrtanam || 17||

परान्नं गर्हितं भुक्तं पर्वकाले विशेषतः ।सुनिष्टप्तं गतं पापं कुरु गोविन्दकीर्तनम् ॥ १८॥

parānnaṃ garhitaṃ bhuktaṃ parvakāle viśeṣataḥ |suniṣṭaptaṃ gataṃ pāpaṃ kuru govindakīrtanam || 18||

अभक्षसम्भवं राजन् दुष्परिग्रहसम्भवम् ।तत्पापं यातु विलयं कुरु गोविन्दकीर्तनम् ॥ १९॥

abhakṣasambhavaṃ rājan duṣparigrahasambhavam |tatpāpaṃ yātu vilayaṃ kuru govindakīrtanam || 19||

संसर्गे पापिना नित्यं पाषण्डजनरक्षणे ।तत्पापं यातु राजेन्द्र कुरु गोविन्दकीर्तनम् ॥ २०॥

saṃsarge pāpinā nityaṃ pāṣaṇḍajanarakṣaṇe |tatpāpaṃ yātu rājendra kuru govindakīrtanam || 20||

यद्बाल्ये यौवने चैव वार्धके समुपार्जितम् ।तत्पापं यातु राजेन्द्र कुरु गोविन्दकीर्तनम् ॥ २१॥

yadbālye yauvane caiva vārdhake samupārjitam |tatpāpaṃ yātu rājendra kuru govindakīrtanam || 21||

पूर्वाह्णे वापराह्णे वा मध्याह्ने यदुपार्जितम् ।तत्पापं यातु राजेन्द्र कुरु गोविन्दकीर्तनम् ॥ २२॥

pūrvāhṇe vāparāhṇe vā madhyāhne yadupārjitam |tatpāpaṃ yātu rājendra kuru govindakīrtanam || 22||

वर्तमानं च यत्पापं यद्भूतं यद्भविष्यति ।तत्पापं यातु राजेन्द्र कुरु गोविन्दकीर्तनम् ॥ २३॥

vartamānaṃ ca yatpāpaṃ yadbhūtaṃ yadbhaviṣyati |tatpāpaṃ yātu rājendra kuru govindakīrtanam || 23||

मेरुमन्दरतुल्यं तु मनसा समुपार्जितम् ।तत्पापं यातु राजेन्द्र कुरु गोविन्दकीर्तनम् ॥ २४॥

merumandaratulyaṃ tu manasā samupārjitam |tatpāpaṃ yātu rājendra kuru govindakīrtanam || 24||

यत्त्वया पापमनसा परदाराभिमर्शनम् ।तत्पापं यातु राजेन्द्र कुरु गोविन्दकीर्तनम् ॥ २५॥

yattvayā pāpamanasā paradārābhimarśanam |tatpāpaṃ yātu rājendra kuru govindakīrtanam || 25||

धर्मं वै पितृदेवानां वित्तशाठ्येन यत्कृतम् ।तत्पापं यातु राजेन्द्र कुरु गोविन्दकीर्तनम् ॥ २६॥

dharmaṃ vai pitṛdevānāṃ vittaśāṭhyena yatkṛtam |tatpāpaṃ yātu rājendra kuru govindakīrtanam || 26||

गुरुनिन्दाकृतं पापं वेदशास्त्रद्विजादिजम् ।तत्पापं यातु राजेन्द्र कुरु गोविन्दकीर्तनम् ॥ २७॥

gurunindākṛtaṃ pāpaṃ vedaśāstradvijādijam |tatpāpaṃ yātu rājendra kuru govindakīrtanam || 27||

गतायां तीर्थयात्रायां परान्नेन तु पातकम् ।तत्पापं यातु राजेन्द्र कुरु गोविन्दकीर्तनम् ॥ २८॥

gatāyāṃ tīrthayātrāyāṃ parānnena tu pātakam |tatpāpaṃ yātu rājendra kuru govindakīrtanam || 28||

पूज्यानामवमानेन यत्कृतं पातकं महत् ।तत्पापं यातु राजेन्द्र कुरु गोविन्दकीर्तनम् ॥ २९॥

pūjyānāmavamānena yatkṛtaṃ pātakaṃ mahat |tatpāpaṃ yātu rājendra kuru govindakīrtanam || 29||

वसतां महतां चासे कुग्रामे च सतां च यत् ।तत्पापं यातु राजेन्द्र कुरु गोविन्दकीर्तनम् ॥ ३०॥

vasatāṃ mahatāṃ cāse kugrāme ca satāṃ ca yat |tatpāpaṃ yātu rājendra kuru govindakīrtanam || 30||

तटाककूपवापीषु जलविघ्नकृतं गवाम् ।तत्तापं यातु राजेन्द्र कुरु गोविन्दकीर्तनम् ॥ ३१॥

taṭākakūpavāpīṣu jalavighnakṛtaṃ gavām |tattāpaṃ yātu rājendra kuru govindakīrtanam || 31||

मार्गभङ्गकृतं पापं क्षेत्रसेतुविभेदजम् ।तत्तापं यातु राजेन्द्र कुरु गोविन्दकीर्तनम् ॥ ३२॥

mārgabhaṅgakṛtaṃ pāpaṃ kṣetrasetuvibhedajam |tattāpaṃ yātu rājendra kuru govindakīrtanam || 32||

गुरुतल्पाभिगमने स्वजनस्त्रीनिषेवणे ।तत्पापं यातु राजेन्द्र कुरु गोविन्दकीर्तनम् ॥ ३३॥

gurutalpābhigamane svajanastrīniṣevaṇe |tatpāpaṃ yātu rājendra kuru govindakīrtanam || 33||

अनभ्यर्च्य पि तॄन् देवान् यत्र यत्र च भोजनम् ।तत्पापं यादु राजेन्द्र कुरु गोविन्दकीर्तनम् ॥ ३४॥

anabhyarcya pi tṝn devān yatra yatra ca bhojanam |tatpāpaṃ yādu rājendra kuru govindakīrtanam || 34||

कथायां कथ्यमानायां विघ्नाचरणजं च यत् ।तत्पापं यातु राजेन्द्र कुरु गोविन्दकीर्तनम् ॥ ३५॥

kathāyāṃ kathyamānāyāṃ vighnācaraṇajaṃ ca yat |tatpāpaṃ yātu rājendra kuru govindakīrtanam || 35||

अकुर्वतामातिथेयं होमान्ते च विशेषतः ।तत्पापं यातु राजेन्द्र कुरु गोविन्दकीर्तनम् ॥ ३६॥

akurvatāmātitheyaṃ homānte ca viśeṣataḥ |tatpāpaṃ yātu rājendra kuru govindakīrtanam || 36||

सूर्योदयमुखे राजन् यत्पापं समुपार्जितम् ।तत्पापं यातु राजेन्द्र कुरु गोविन्दकीर्तनम् ॥ ३७॥

sūryodayamukhe rājan yatpāpaṃ samupārjitam |tatpāpaṃ yātu rājendra kuru govindakīrtanam || 37||

हेतुवादभरेणापि धर्मपक्षनिषूदनम् ।तत्पापं यातु राजेन्द्र कुरु गोविन्दकीर्तनम् ॥ ३८॥

hetuvādabhareṇāpi dharmapakṣaniṣūdanam |tatpāpaṃ yātu rājendra kuru govindakīrtanam || 38||

एकेन यत्त्वया भुक्तमेकान्ते शुभसंस्थितेः ।तत्पापं यातु राजेन्द्र कुरु गोविन्दकीर्तनम् ॥ ३९॥

ekena yattvayā bhuktamekānte śubhasaṃsthiteḥ |tatpāpaṃ yātu rājendra kuru govindakīrtanam || 39||

समं तु भागं न पिता पुत्रादीनां न यच्छति ।तत्पापं यातु राजेन्द्र कुरु गोविन्दुकीर्तनम् ॥ ४०॥

samaṃ tu bhāgaṃ na pitā putrādīnāṃ na yacchati |tatpāpaṃ yātu rājendra kuru govindukīrtanam || 40||

मातापित्रोरभक्तानां भार्यापुत्रहतादिजम् ।तत्पापं यातु राजेन्द्र कुरु गोविन्दकीर्तनम् ॥ ४१॥

mātāpitrorabhaktānāṃ bhāryāputrahatādijam |tatpāpaṃ yātu rājendra kuru govindakīrtanam || 41||

दिवामैथुनजं पापं पर्वकाले विशेषतः ।तत्पापं यातु राजेन्द्र कुरु गोविन्दकीर्तनम् ॥ ४२॥

divāmaithunajaṃ pāpaṃ parvakāle viśeṣataḥ |tatpāpaṃ yātu rājendra kuru govindakīrtanam || 42||

मित्रद्रोहकृतं पापं स्वामिद्रोहकृतं च यत् ।तत्पापं यातु राजेन्द्र कुरु गोविन्दकीर्तनम् ॥ ४३॥

mitradrohakṛtaṃ pāpaṃ svāmidrohakṛtaṃ ca yat |tatpāpaṃ yātu rājendra kuru govindakīrtanam || 43||

नित्य क्रियाविहीनानां देवतातिथिवञ्चनात् ।तत्पापं यातु राजेन्द्र कुरु गोविन्दकीर्तनम् ॥ ४४॥

nitya kriyāvihīnānāṃ devatātithivañcanāt |tatpāpaṃ yātu rājendra kuru govindakīrtanam || 44||

अयथोक्तं व्रतं कृत्वा यत्त्वया पातकं कृतम् ।तत्पापं यातु राजेन्द्र कुरु गोविन्दकीर्तनम् ॥ ४५॥

ayathoktaṃ vrataṃ kṛtvā yattvayā pātakaṃ kṛtam |tatpāpaṃ yātu rājendra kuru govindakīrtanam || 45||

गोवधादिसमं पापं ब्रह्महत्यासमं च यत् ।तत्पापं यातु राजेन्द्र कुरु गोविन्दकीर्तनम् ॥ ४६॥

govadhādisamaṃ pāpaṃ brahmahatyāsamaṃ ca yat |tatpāpaṃ yātu rājendra kuru govindakīrtanam || 46||

पत्यौ जीवति या नारी मृते वा व्यभिचारिणी ।तत्पापं यातु राजेन्द्र कुरु गोविन्दकीर्तनम् ॥ ४७॥

patyau jīvati yā nārī mṛte vā vyabhicāriṇī |tatpāpaṃ yātu rājendra kuru govindakīrtanam || 47||

भुक्तं क्षीरमवत्साया घृतं दुग्धं तथा दधि ।तत्पापं यातु राजेन्द्र कुरु गोविन्दकीर्तनम् ॥ ४८॥

bhuktaṃ kṣīramavatsāyā ghṛtaṃ dugdhaṃ tathā dadhi |tatpāpaṃ yātu rājendra kuru govindakīrtanam || 48||

वर्णधर्मपरित्यागे यत्पापं सञ्चितं त्वया ।तत्पापं यातु राजेन्द्र कुरु गोविन्दकीर्तनम् ॥ ४९॥

varṇadharmaparityāge yatpāpaṃ sañcitaṃ tvayā |tatpāpaṃ yātu rājendra kuru govindakīrtanam || 49||

विना चान्द्रायणैः कृच्छस्तीर्थैर्दानैर्व्रतैर्मखैः ।तत्पापं यातु राजेन्द्र कुरु गोविन्दकीर्तनम् ॥ ५०॥

vinā cāndrāyaṇaiḥ kṛcchastīrthairdānairvratairmakhaiḥ |tatpāpaṃ yātu rājendra kuru govindakīrtanam || 50||

गोविन्दकीर्तनं नाम स्तवानामुत्तमः स्तवः ।पापप्रणाशमभ्येति सिंहस्येव यथा गजः ॥ ५१॥

govindakīrtanaṃ nāma stavānāmuttamaḥ stavaḥ |pāpapraṇāśamabhyeti siṃhasyeva yathā gajaḥ || 51||

कृत्वा पापसहस्राणि स्तवं गोविन्दकीर्तनम् ।यः पठेदन्तकालेऽपि स गच्छेत् परमं पदम् ॥ ५२॥

kṛtvā pāpasahasrāṇi stavaṃ govindakīrtanam |yaḥ paṭhedantakāle'pi sa gacchet paramaṃ padam || 52||

नित्यं पठति यो ममर्त्यः शृणोति हरिवासरे ।विष्णूत्सवेषु राजेन्द्र मोक्षमाप्नोत्यसंशयः ॥ ५३॥

nityaṃ paṭhati yo mamartyaḥ śṛṇoti harivāsare |viṣṇūtsaveṣu rājendra mokṣamāpnotyasaṃśayaḥ || 53||

हत्यासमानि पापानि गोविन्दस्तवकीर्तनात् ।विलयं यान्ति राजेन्द्र प्रोक्तं देवेन शम्भुना ॥ ५४॥

hatyāsamāni pāpāni govindastavakīrtanāt |vilayaṃ yānti rājendra proktaṃ devena śambhunā || 54||

कृष्णाचैर्बहुभिः स्तोत्रैः पठितैर्यत्फलं श्रुतम् ।स्तवेनैकेन तत्प्रोक्तं गोविन्दाख्येन भूमिप ॥ ५५॥

kṛṣṇācairbahubhiḥ stotraiḥ paṭhitairyatphalaṃ śrutam |stavenaikena tatproktaṃ govindākhyena bhūmipa || 55||

यत्फलं पठितैर्वेदैः पुराणैश्च प्रकीर्तितम् ।तत्फलं पठिते स्तोत्रे गोविन्दाख्ये प्रकीर्तितम् ॥ ५६॥

yatphalaṃ paṭhitairvedaiḥ purāṇaiśca prakīrtitam |tatphalaṃ paṭhite stotre govindākhye prakīrtitam || 56||

तावत् पापानि तिष्ठन्ति जन्मकोटिशतैरपि ।यावत् पठति जन्तुर्न गोविन्दाख्यं स्तवं कलौ ॥ ५७॥

tāvat pāpāni tiṣṭhanti janmakoṭiśatairapi |yāvat paṭhati janturna govindākhyaṃ stavaṃ kalau || 57||

लोके न तं च स्पृशति भयमित्यक्षरद्वयम् ।कलौ पठति यो नित्यं गोविन्दाख्यं महास्तवम ॥ ५८॥

loke na taṃ ca spṛśati bhayamityakṣaradvayam |kalau paṭhati yo nityaṃ govindākhyaṃ mahāstavama || 58||

लिखितस्तिष्ठति यस्य गोविन्दाख्यो महास्तवः ।ग्रहशान्तिर्गृहे नित्यं सुप्रसन्नाः पितामहाः ॥ ५९॥

likhitastiṣṭhati yasya govindākhyo mahāstavaḥ |grahaśāntirgṛhe nityaṃ suprasannāḥ pitāmahāḥ || 59||

गोविन्देति कृतोच्चारे अहन्यहनि भू भुज ।क्षिप्त्वा कलिमुखे पांसुं दोर्भ्यां तु मनुजेश्वर ।गतोऽसौ परमं लोकं कृत्वा गोविन्दकीर्तनम् ॥ ६०॥

govindeti kṛtoccāre ahanyahani bhū bhuja |kṣiptvā kalimukhe pāṃsuṃ dorbhyāṃ tu manujeśvara |gato'sau paramaṃ lokaṃ kṛtvā govindakīrtanam || 60||

इति श्रीगोविन्दस्तवराजः सम्पूर्णः ।

iti śrīgovindastavarājaḥ sampūrṇaḥ |