गीतावली २ Shri Gitavali 2

प्रभो कृष्णचैतन्य गौराङ्गविश्वम्भर श्रीशचीनन्दन प्रेमसिन्धो ।हरे कृष्ण गोपाल गोविन्दनन्दात्मज गोष्ठगोपीजनप्राणबन्धो ॥ धृ॥

prabho kṛṣṇacaitanya gaurāṅgaviśvambhara śrīśacīnandana premasindho |hare kṛṣṇa gopāla govindanandātmaja goṣṭhagopījanaprāṇabandho || dhṛ||

पायय कृपया प्रेमसुधा मांकारय निजसेवा बहुधा माम् ।श्रीगोविन्द मदनगोपाल गोपीनाथश्रीकृष्ण हरे व्रजजनगीतलीलागाथ ॥मधुरिमगरिमसरसकरुणालयलोचनकोणविकाशम् ।मामनुभावय भावय निजगुणरूपकलापविलासम् ॥श्रीवृन्दावनकुञ्जविहारिणिराधे हरिदयिते ।नय निजचरणसरोजतलंमामुररीकुरु ललिते ॥ १॥

pāyaya kṛpayā premasudhā māṃkāraya nijasevā bahudhā mām |śrīgovinda madanagopāla gopīnāthaśrīkṛṣṇa hare vrajajanagītalīlāgātha ||madhurimagarimasarasakaruṇālayalocanakoṇavikāśam |māmanubhāvaya bhāvaya nijaguṇarūpakalāpavilāsam ||śrīvṛndāvanakuñjavihāriṇirādhe haridayite |naya nijacaraṇasarojatalaṃmāmurarīkuru lalite || 1||

राग कानडावन्दे श्रीवृषभानुसुतापद !कमलनयनलोचनसम्पद ॥नखर मुकुरजित कोटिसुधाकर ।माधव हृदयचकोर मनोहर ॥कमलानुत सौभगरेखाञ्चित ।ललितादिकरयावकरञ्जित ॥संसेवया गिरिधर मतिमण्डित ।रासविलास नटनरसपण्डित ॥

rāga kānaḍāvande śrīvṛṣabhānusutāpada !kamalanayanalocanasampada ||nakhara mukurajita koṭisudhākara |mādhava hṛdayacakora manohara ||kamalānuta saubhagarekhāñcita |lalitādikarayāvakarañjita ||saṃsevayā giridhara matimaṇḍita |rāsavilāsa naṭanarasapaṇḍita ||

राग तुडिइह नववञ्जुलकुञ्जे ।कुरुवककुसुमसुषमनवगुञ्जे ॥तामभिसारय धीराम् ।त्रिजगदतुलगुणभरिमगभीराम् ॥गुरुमङ्गीकुरु भारम् ।विरचय मदनमहोदधिपारम् ॥भवतीं गरिमवलम्बे ।मदुचितमिह कुरु विगतविलम्बे ॥इति गदिता मधुरिपुणा ।त्वरितमगादियमतिनिपुणा ॥रहसि सरसि चटु राधा ।समबोधयदघहर पुरुबाधाम् ॥हृदि सखि ! वससि मुरारेः ।ज्वलयसि तदपि किमकृतविचारे ॥अधुना दृशि च बलवन्ती ।शिशिरय तदमितरुचि विभवन्ती ॥हरिवल्लभ गिरममलाम् ।श्रवसि रचय सुमनसमिव मृदुलाम् ॥

rāga tuḍiiha navavañjulakuñje |kuruvakakusumasuṣamanavaguñje ||tāmabhisāraya dhīrām |trijagadatulaguṇabharimagabhīrām ||gurumaṅgīkuru bhāram |viracaya madanamahodadhipāram ||bhavatīṃ garimavalambe |maducitamiha kuru vigatavilambe ||iti gaditā madhuripuṇā |tvaritamagādiyamatinipuṇā ||rahasi sarasi caṭu rādhā |samabodhayadaghahara purubādhām ||hṛdi sakhi ! vasasi murāreḥ |jvalayasi tadapi kimakṛtavicāre ||adhunā dṛśi ca balavantī |śiśiraya tadamitaruci vibhavantī ||harivallabha giramamalām |śravasi racaya sumanasamiva mṛdulām ||

केदार रागसुन्दरि कलय सपदि निजचरितम् ।त्वमतनुकार्मणविदुषि रसिकममूंआकर्षसि गुणकलितम् ॥

kedāra rāgasundari kalaya sapadi nijacaritam |tvamatanukārmaṇaviduṣi rasikamamūṃākarṣasi guṇakalitam ||

निजमन्दिरमनुपदलसदिन्दिरंअपि परिहाय विलासी ।अभवदपास्तसमस्तकलं गिरिकन्दरतटवनवासी ॥भवदनुरागनृपोऽकृत हा किंअकारणवैरमपारम् ।प्रहरति मनसिज धन्वामुनाप्रहितो यदमुं कति वारम् ॥जीवयितुं यदि कान्तमनङ्गगुणालयमिच्छसि कान्ते ।अभिसर सम्प्रति भामिनिहरिवल्लभभुवि तान्ते ॥

nijamandiramanupadalasadindiraṃapi parihāya vilāsī |abhavadapāstasamastakalaṃ girikandarataṭavanavāsī ||bhavadanurāganṛpo'kṛta hā kiṃakāraṇavairamapāram |praharati manasija dhanvāmunāprahito yadamuṃ kati vāram ||jīvayituṃ yadi kāntamanaṅgaguṇālayamicchasi kānte |abhisara samprati bhāminiharivallabhabhuvi tānte ||

वराडीमा तुद मुञ्च पटान्तमिति स्फुटकुटिलमुखं स्मितमिश्रम् ।षाडवमिव प्रीतिश्रितभुजबलराशिरघारिरकृष्टम् ॥सखि हे ! पश्य नयनसुखसारम् ।रसिकमुकुटतनुयुगलमधि श्रितबहुविधमदनविकारम् ॥चटुलितविकटचिल्लिधनुरर्पितशानितशोणकटाक्षा ।तर्जति दयितमिमं तदपि प्रतिपरिरम्भणरसदक्षा ॥मुखमतिपूतमिदं युवति व्रजरसनारसितमखण्डम् ।स्पर्शय मा दयितेत्यभिधाय पुनर्धयति प्रियगण्डम् ॥विरम सतीत्वमजनि मम खण्डितमिति हितमपि तव सिद्धम् ।इति सा रुषेव रदैर्निजवल्लभमधरे रचयति विद्धम् ॥

varāḍīmā tuda muñca paṭāntamiti sphuṭakuṭilamukhaṃ smitamiśram |ṣāḍavamiva prītiśritabhujabalarāśiraghārirakṛṣṭam ||sakhi he ! paśya nayanasukhasāram |rasikamukuṭatanuyugalamadhi śritabahuvidhamadanavikāram ||caṭulitavikaṭacillidhanurarpitaśānitaśoṇakaṭākṣā |tarjati dayitamimaṃ tadapi pratiparirambhaṇarasadakṣā ||mukhamatipūtamidaṃ yuvati vrajarasanārasitamakhaṇḍam |sparśaya mā dayitetyabhidhāya punardhayati priyagaṇḍam ||virama satītvamajani mama khaṇḍitamiti hitamapi tava siddham |iti sā ruṣeva radairnijavallabhamadhare racayati viddham ||

हरिभुजकलितमधुरमृदुलाङ्गा ।तदमलमुखशशिविलसदपाङ्गा ॥राधा ललितविलासा ।अधि रतिशयनमजनि मृदुहासा ॥असद्कृदुदञ्चितघनपरिरम्भा ।खरनखराङ्कुशोदितकुचकुम्भा ॥स्मरशरखण्डितधृतिमतिलज्जा ।प्रेमसुधाजलधिकृतमज्जा ॥सरभसवलितरदनच्छदपाना ।श्रमसलिलाप्लुतवपुरपिधाना ॥कङ्कणकिङ्किणिझङ्कृतरुचिरा ।परिमलमिलितमधुव्रतनिकरा ॥मृगमदरसचर्चितनवनलिना ।कृतिधरतिमितचिकुरवृतवदना ॥वल्लभरसिककलारससारा ।सफलीकृतनिजमधुरिमभारा ॥

haribhujakalitamadhuramṛdulāṅgā |tadamalamukhaśaśivilasadapāṅgā ||rādhā lalitavilāsā |adhi ratiśayanamajani mṛduhāsā ||asadkṛdudañcitaghanaparirambhā |kharanakharāṅkuśoditakucakumbhā ||smaraśarakhaṇḍitadhṛtimatilajjā |premasudhājaladhikṛtamajjā ||sarabhasavalitaradanacchadapānā |śramasalilāplutavapurapidhānā ||kaṅkaṇakiṅkiṇijhaṅkṛtarucirā |parimalamilitamadhuvratanikarā ||mṛgamadarasacarcitanavanalinā |kṛtidharatimitacikuravṛtavadanā ||vallabharasikakalārasasārā |saphalīkṛtanijamadhurimabhārā ||

कृष्णा नन्दगोपनन्दना ।जय कृष्णमन्दहास्यवदना ॥कङ्कणकिङ्किणि केयूरभूषणकौस्तुभमणिराजिता ।कृष्णा पद्मनिन्दिचरणा ।वञ्जुलसद्मवीथिचलना ॥इन्दुकोटिजयिनखमणिदर्पणदण्डितघनतिमिरा ॥कृष्णा राजदङ्कललिता ।मदगजराजवर्यचलिता ॥मञ्जुलशिञ्जितमञ्जीरचुम्बितचञ्चलमाल्यतटा ॥कृष्णा हाटकरुचिवसना ।नवरसनाटकमणिरसना ॥नाभिसरोवरतीरसमुत्थितवीचिवलित्रितया ॥कृष्णा कुन्ददामचपला ।बन्धुरतुन्दशोभितरला ॥कृष्णा पीनबाहुयुगला ।नियतनवीनरङ्गकुशला ॥राधिका सुखसागरनागरसुन्दराब्जनयना ॥कृष्णा कर्णलम्बिकुण्डला ।कुवलयवर्णनिन्दिकुन्तला ॥भालरञ्जितिलकावलिनासिकादम्भरोचिरतुला ॥कृष्णा वंशवाद्यचतुरा ।लसदवतंसपिञ्छमधुरा ॥नीलखञ्जघनपुञ्जजिष्णुनव्यसुषमा ॥कृष्णा रासलास्यविदिता ।मधुरविलासनित्यमुदिता ॥

kṛṣṇā nandagopanandanā |jaya kṛṣṇamandahāsyavadanā ||kaṅkaṇakiṅkiṇi keyūrabhūṣaṇakaustubhamaṇirājitā |kṛṣṇā padmanindicaraṇā |vañjulasadmavīthicalanā ||indukoṭijayinakhamaṇidarpaṇadaṇḍitaghanatimirā ||kṛṣṇā rājadaṅkalalitā |madagajarājavaryacalitā ||mañjulaśiñjitamañjīracumbitacañcalamālyataṭā ||kṛṣṇā hāṭakarucivasanā |navarasanāṭakamaṇirasanā ||nābhisarovaratīrasamutthitavīcivalitritayā ||kṛṣṇā kundadāmacapalā |bandhuratundaśobhitaralā ||kṛṣṇā pīnabāhuyugalā |niyatanavīnaraṅgakuśalā ||rādhikā sukhasāgaranāgarasundarābjanayanā ||kṛṣṇā karṇalambikuṇḍalā |kuvalayavarṇanindikuntalā ||bhālarañjitilakāvalināsikādambharociratulā ||kṛṣṇā vaṃśavādyacaturā |lasadavataṃsapiñchamadhurā ||nīlakhañjaghanapuñjajiṣṇunavyasuṣamā ||kṛṣṇā rāsalāsyaviditā |madhuravilāsanityamuditā ||

श्रीराग विहागडामधुरगोकुलनन्दन छविल वृन्दावनचन्द्र ।मुरलीधर मधुसूदन माधव गोपीनाथ मुकुन्द ।केलिकलानिधि कुञ्जविहारिन् गिरिधर आनन्दकन्द ॥राधे कृष्ण राधे ॥

śrīrāga vihāgaḍāmadhuragokulanandana chavila vṛndāvanacandra |muralīdhara madhusūdana mādhava gopīnātha mukunda |kelikalānidhi kuñjavihārin giridhara ānandakanda ||rādhe kṛṣṇa rādhe ||

जय माधुर्यपताके श्रीराधे ।जय वृषभानुसुते ॥ललितादिसखिकुमुदावलिराके !प्रेममहामृतभावितरसमयतनु गुणरूपकलापे ।निजपरिजनपरिषदि मामुपनय कलितललितममताके ॥

jaya mādhuryapatāke śrīrādhe |jaya vṛṣabhānusute ||lalitādisakhikumudāvalirāke !premamahāmṛtabhāvitarasamayatanu guṇarūpakalāpe |nijaparijanapariṣadi māmupanaya kalitalalitamamatāke ||

नन्दसूनो कृष्ण गोविन्द ।दृशमयि दिश मयि निजकृपया ।मां जीवय मन्दस्मितसुधया ॥पीतवसन मम कलय मनो ।नव नीलनलिनकमनीयतनो ॥वल्लवनगरवतंस विभो ।वल्लभ मामुररीकुरु भोः ॥

nandasūno kṛṣṇa govinda |dṛśamayi diśa mayi nijakṛpayā |māṃ jīvaya mandasmitasudhayā ||pītavasana mama kalaya mano |nava nīlanalinakamanīyatano ||vallavanagaravataṃsa vibho |vallabha māmurarīkuru bhoḥ ||

इति महामहोपाध्यायश्रीविश्वनाथचक्रवर्तिविरचितं श्रीगीतावली समाप्ता ।

iti mahāmahopādhyāyaśrīviśvanāthacakravartiviracitaṃ śrīgītāvalī samāptā |