श्रीकृष्णस्तोत्रम् (इन्द्रकृतं हरिवंशान्तर्गतम् प्रणाममकरोच्छक्रः क्षन्तव्यमिति चाब्रवीत्) Indrakritam Shri Krishna Stotram (2)

प्रणाममकरोच्छक्रः क्षन्तव्यमिति चाब्रवीत् ।तुष्टाव च हरिं विष्णुं गोपवेषविभूषितम् ॥ १॥

praṇāmamakarocchakraḥ kṣantavyamiti cābravīt |tuṣṭāva ca hariṃ viṣṇuṃ gopaveṣavibhūṣitam || 1||

नमस्ते देवदेवेश भूतभावनभावन ।हिरण्यरेतसे तुभ्यं नमः सोमप्रदायिने ॥ २॥

namaste devadeveśa bhūtabhāvanabhāvana |hiraṇyaretase tubhyaṃ namaḥ somapradāyine || 2||

नमो वेदैकतत्त्वार्थ तन्निबोधन बोधन ।नमः प्रणववाच्याय वाचकाय नमो नमः ॥ ३॥

namo vedaikatattvārtha tannibodhana bodhana |namaḥ praṇavavācyāya vācakāya namo namaḥ || 3||

नमस्ते विश्वरूपाय नमो लोकहिताय ते ।नमो गोपविरूपाय नमो गोधरधारिणे ॥ ४॥

namaste viśvarūpāya namo lokahitāya te |namo gopavirūpāya namo godharadhāriṇe || 4||

नमः पुराणरूपाय नमस्ते मधुसूदन ।किं वानेन जगन्नाथ नमस्कारेण केशव ॥ ५॥

namaḥ purāṇarūpāya namaste madhusūdana |kiṃ vānena jagannātha namaskāreṇa keśava || 5||

या यास्तु देवदेवस्य मूर्तयो मूर्तिमत्तर ।नमस्ताभ्यस्तथा विष्णो सर्वाभ्यः सर्वकामद ॥ ६॥

yā yāstu devadevasya mūrtayo mūrtimattara |namastābhyastathā viṣṇo sarvābhyaḥ sarvakāmada || 6||

क्षन्तव्यं मम देवेश कृतं गोपालनन्दन ।अज्ञानातोऽथवा ज्ञानाद्रोषाद्वा यदुनन्दन ॥ ७॥

kṣantavyaṃ mama deveśa kṛtaṃ gopālanandana |ajñānāto'thavā jñānādroṣādvā yadunandana || 7||

समर्थेष्वसमर्थेषु रोषः प्रस्फुरति प्रभो ।न केनचिद्भवान् शास्यः शास्ता सर्वस्य वै प्रभो ॥ ८॥

samartheṣvasamartheṣu roṣaḥ prasphurati prabho |na kenacidbhavān śāsyaḥ śāstā sarvasya vai prabho || 8||

त्वन्निमित्तमिदं सर्वमैन्द्रं मम सुदुर्लभम् ।त्वत्प्रसादज्जगन्नाथ देवानामिश्वरो यतः ॥ ९॥

tvannimittamidaṃ sarvamaindraṃ mama sudurlabham |tvatprasādajjagannātha devānāmiśvaro yataḥ || 9||

इति हरिवंशान्तर्गतं द्वितीयं विष्णुपर्वे शक्रकृतं श्रीकृष्णस्तोत्रम् ।हरिवंश । अध्याय ६२\।१०॥हरिवंश । अध्याय ६२।१०॥

iti harivaṃśāntargataṃ dvitīyaṃ viṣṇuparve śakrakṛtaṃ śrīkṛṣṇastotram |harivaṃśa | adhyāya 62\|10||harivaṃśa | adhyāya 62|10||