नित्यानन्दाष्टकम् १ Hymn to Nitai or Nityananda

शरच्चन्द्रभ्रान्तिं स्फुरदमलकान्तिं गजगतिंहरिप्रेमोन्मत्तं धृतपरमसत्त्वं स्मितमुखम् ।सदाघूर्णन्नेत्रं करकलितवेत्रं कलिभिदंभजे नित्यानन्दं भजनतरुकन्दं निरवधि ॥ १॥

śaraccandrabhrāntiṃ sphuradamalakāntiṃ gajagatiṃharipremonmattaṃ dhṛtaparamasattvaṃ smitamukham |sadāghūrṇannetraṃ karakalitavetraṃ kalibhidaṃbhaje nityānandaṃ bhajanatarukandaṃ niravadhi || 1||

रसानामागारं स्वजनगणसर्वस्वमतुलंतदीयैकप्राणप्रमितवसुधाजाह्नवपतिम् ।सदाप्रेमोन्मादं परमविदितं मन्दमनसांभजे नित्यानन्दं भजनतरुकन्दं निरवधि ॥ २॥

rasānāmāgāraṃ svajanagaṇasarvasvamatulaṃtadīyaikaprāṇapramitavasudhājāhnavapatim |sadāpremonmādaṃ paramaviditaṃ mandamanasāṃbhaje nityānandaṃ bhajanatarukandaṃ niravadhi || 2||

शचीसूनुप्रेष्ठं निखिलजगदिष्टं सुखमयंकलौ मज्जज्जिवोद्धरणकरणोद्दामकरुणम् ।हरेराख्यानाद्वा भवजलधिगर्वोन्नतिहरंभजे नित्यानन्दं भजनतरुकन्दं निरवधि ॥ ३॥

śacīsūnupreṣṭhaṃ nikhilajagadiṣṭaṃ sukhamayaṃkalau majjajjivoddharaṇakaraṇoddāmakaruṇam |harerākhyānādvā bhavajaladhigarvonnatiharaṃbhaje nityānandaṃ bhajanatarukandaṃ niravadhi || 3||

अये भ्रातर्नॄणां कलिकलुषिणां किं नु भवितातथा प्रायश्चित्तं रचय यदनायासत इमे ।व्रजन्ति त्वामित्थं सह भगवता मन्त्रयति योभजे नित्यानन्दं भजनतरुकन्दं निरवधि ॥ ४॥

aye bhrātarnṝṇāṃ kalikaluṣiṇāṃ kiṃ nu bhavitātathā prāyaścittaṃ racaya yadanāyāsata ime |vrajanti tvāmitthaṃ saha bhagavatā mantrayati yobhaje nityānandaṃ bhajanatarukandaṃ niravadhi || 4||

यथेष्ठं रे भ्रातः कुरु हरिहरिध्वानमनिशंततो वः संसाराम्बुधितरणदायो मयि लगेत् ।इदं बाहुस्फोटैरटति रटयन् यः प्रतिगृहंभजे नित्यानन्दं भजनतरुकन्दं निरवधि ॥ ५॥

yatheṣṭhaṃ re bhrātaḥ kuru hariharidhvānamaniśaṃtato vaḥ saṃsārāmbudhitaraṇadāyo mayi laget |idaṃ bāhusphoṭairaṭati raṭayan yaḥ pratigṛhaṃbhaje nityānandaṃ bhajanatarukandaṃ niravadhi || 5||

बलात् संसाराम्भोनिधिहरणकुम्भोद्भवमहोसतां श्रेयःसिन्धून्नतिकुमुदबन्धुं समुदितम् ।खलश्रेणीस्फूर्जित्तिमिरहरसूर्यप्रभमहंभजे नित्यानन्दं भजनतरुकन्दं निरवधि ॥ ६॥

balāt saṃsārāmbhonidhiharaṇakumbhodbhavamahosatāṃ śreyaḥsindhūnnatikumudabandhuṃ samuditam |khalaśreṇīsphūrjittimiraharasūryaprabhamahaṃbhaje nityānandaṃ bhajanatarukandaṃ niravadhi || 6||

नटन्तं गायन्तं हरिमनुवदन्तं पथि पथिव्रजन्तं पश्यन्तं स्वमपि न दयन्तं जनगणम् ।प्रकुर्वन्तं सन्तं सकरुणदृगन्तं प्रकलनाद्भजे नित्यानन्दं भजनतरुकन्दं निरवधि ॥ ७॥

naṭantaṃ gāyantaṃ harimanuvadantaṃ pathi pathivrajantaṃ paśyantaṃ svamapi na dayantaṃ janagaṇam |prakurvantaṃ santaṃ sakaruṇadṛgantaṃ prakalanādbhaje nityānandaṃ bhajanatarukandaṃ niravadhi || 7||

सुबिभ्राणं भ्रातुः करसरसिजं कोमलतरंमिथो वक्त्रालोकोच्छलितपरमानन्दहृदयम् ।भ्रमन्तं माधुर्यैरहह मदयन्तं पुरजनान्भजे नित्यानन्दं भजनतरुकन्दं निरवधि ॥ ८॥

subibhrāṇaṃ bhrātuḥ karasarasijaṃ komalataraṃmitho vaktrālokocchalitaparamānandahṛdayam |bhramantaṃ mādhuryairahaha madayantaṃ purajanānbhaje nityānandaṃ bhajanatarukandaṃ niravadhi || 8||

रसानामाधारं रसिकवरसद्वैष्णवधनंरसागारं सारं पतितततितारं स्मरणतः ।परं नित्यानन्दाष्टकमिदमपूर्वं पठति यःतदङ्घ्रिद्वन्द्वाब्जं स्फुरतु नितरां तस्य हृदये ॥ ९॥

rasānāmādhāraṃ rasikavarasadvaiṣṇavadhanaṃrasāgāraṃ sāraṃ patitatatitāraṃ smaraṇataḥ |paraṃ nityānandāṣṭakamidamapūrvaṃ paṭhati yaḥtadaṅghridvandvābjaṃ sphuratu nitarāṃ tasya hṛdaye || 9||

इति वृन्दावनदासठाकूरविरचितं नित्यानन्दाष्टकं सम्पूर्णम् ।

iti vṛndāvanadāsaṭhākūraviracitaṃ nityānandāṣṭakaṃ sampūrṇam |