गोवर्धनधराष्टकम् ४ Govardhanadhara Ashtakam

गोपनारी मुखांभोजभास्करं वेणुवाद्यकम् ।राधिकारसभोक्तारं गोवर्धनधरं भजे ॥ १॥

gopanārī mukhāṃbhojabhāskaraṃ veṇuvādyakam |rādhikārasabhoktāraṃ govardhanadharaṃ bhaje || 1||

आभीरनगरीप्राणप्रियं सत्यपराक्रमम् ।स्वभृत्यभयभेत्तारं गोवर्धनधरं भजे ॥ २॥

ābhīranagarīprāṇapriyaṃ satyaparākramam |svabhṛtyabhayabhettāraṃ govardhanadharaṃ bhaje || 2||

व्रजस्त्री विप्रयोगाग्नि निवारिकमहर्निशम् ।महामरकतश्यामं गोवर्धनधरं भजे ॥ ३॥

vrajastrī viprayogāgni nivārikamaharniśam |mahāmarakataśyāmaṃ govardhanadharaṃ bhaje || 3||

नवकञ्जनिभाक्षं च गोपीजनमनोहरम् ।वनमालाधरं शश्वद्गोवर्धनधरं भजे ॥ ४॥

navakañjanibhākṣaṃ ca gopījanamanoharam |vanamālādharaṃ śaśvadgovardhanadharaṃ bhaje || 4||

भक्तवाञ्छाकल्पवृक्षं नवनीतपयोमुखम् ।यशोदामातृसानन्दं गोवर्धनधरं भजे ॥ ५॥

bhaktavāñchākalpavṛkṣaṃ navanītapayomukham |yaśodāmātṛsānandaṃ govardhanadharaṃ bhaje || 5||

अनन्यकृतहृद्भावपूरकं पीतवसनम् ।रासमन्डलमध्यस्थं गोवर्धनधरं भजे ॥ ६॥

ananyakṛtahṛdbhāvapūrakaṃ pītavasanam |rāsamanḍalamadhyasthaṃ govardhanadharaṃ bhaje || 6||

ध्वजवज्रादिसच्चिह्न राजच्चरणपङ्कजम् ।शृङ्गाररसमर्मज्ञं गोवर्धनधरं भजे ॥ ७॥

dhvajavajrādisaccihna rājaccaraṇapaṅkajam |śṛṅgārarasamarmajñaṃ govardhanadharaṃ bhaje || 7||

पुरुहूतमहावृष्टिर्नाशकं गोगणावृतम् ।भक्तनेत्रचकोरेन्दुं गोवर्धनधरं भजे ॥ ८॥

puruhūtamahāvṛṣṭirnāśakaṃ gogaṇāvṛtam |bhaktanetracakorenduṃ govardhanadharaṃ bhaje || 8||

गोवर्धनधराष्टकमिदं यः प्रपठेत्सुधीः ।सर्वदानन्यभावेन सकृष्णो रतिमाप्नुयात् ॥ ९॥

govardhanadharāṣṭakamidaṃ yaḥ prapaṭhetsudhīḥ |sarvadānanyabhāvena sakṛṣṇo ratimāpnuyāt || 9||

रचितं भक्तिलाभाय धारकानां सनातम् ।मुक्तिदं सर्वजन्तूनां गोवर्धनधराष्टकम् ॥ १०॥

racitaṃ bhaktilābhāya dhārakānāṃ sanātam |muktidaṃ sarvajantūnāṃ govardhanadharāṣṭakam || 10||

इति श्रीगोकुलचन्द्रकृतं गोवर्धनधराष्टकं सम्पूर्णम् ॥

iti śrīgokulacandrakṛtaṃ govardhanadharāṣṭakaṃ sampūrṇam ||