गोवर्धनवासप्रार्थनादशकम् Govardhanavasaprarthanadashakam

निजपतिभुजदण्डच्छत्रभावं प्रपद्यप्रतिहतमदधृष्टोद्दण्डदेवेन्द्रगर्व ।अतुलपृथुलशैलश्रेणिभूप प्रियं मेनिजनिकटनिवासं देहि गोवर्धन त्वम् ॥ १॥

nijapatibhujadaṇḍacchatrabhāvaṃ prapadyapratihatamadadhṛṣṭoddaṇḍadevendragarva |atulapṛthulaśailaśreṇibhūpa priyaṃ menijanikaṭanivāsaṃ dehi govardhana tvam || 1||

प्रमदमदनलीलाः कन्दरे कन्दरे तेरचयति नवयूनोर्द्वन्द्वमस्मिन्नमन्दम् ।इति किल कलनार्थं लग्नकस्तद्द्वयोर्मेनिजनिकटनिवासं देहि गोवर्धन त्वम् ॥ २॥

pramadamadanalīlāḥ kandare kandare teracayati navayūnordvandvamasminnamandam |iti kila kalanārthaṃ lagnakastaddvayormenijanikaṭanivāsaṃ dehi govardhana tvam || 2||

अनुपममणिवेदीरत्नसिंहासनोर्वीरुहझरदरसानुद्रोणिसङ्घेषु रङ्गैः ।सह बलसखिभिः सङ्खेलयन्स्वप्रियं मेनिजनिकटनिवासं देहि गोवर्धन त्वम् ॥ ३॥

anupamamaṇivedīratnasiṃhāsanorvīruhajharadarasānudroṇisaṅgheṣu raṅgaiḥ |saha balasakhibhiḥ saṅkhelayansvapriyaṃ menijanikaṭanivāsaṃ dehi govardhana tvam || 3||

रसनिधिनवयूनोः साक्षिणीं दानकेलेर्द्युतिपरिमलविद्धं श्यामवेदिं प्रकर्ष्य ।रसिकवरकुलानां मोदमास्फालयन्मेनिजनिकटनिवासं देहि गोवर्धन त्वम् ॥ ४॥

rasanidhinavayūnoḥ sākṣiṇīṃ dānakelerdyutiparimalaviddhaṃ śyāmavediṃ prakarṣya |rasikavarakulānāṃ modamāsphālayanmenijanikaṭanivāsaṃ dehi govardhana tvam || 4||

हरिदयितमपूर्वं राधिकाकुण्डमात्मप्रियसखमिह कण्ठे नर्मणालिङ्ग्य गुप्तः ।नवयुवयुगखेलास्तत्र पश्यन्रहो मेनिजनिकटनिवासं देहि गोवर्धन त्वम् ॥ ५॥

haridayitamapūrvaṃ rādhikākuṇḍamātmapriyasakhamiha kaṇṭhe narmaṇāliṅgya guptaḥ |navayuvayugakhelāstatra paśyanraho menijanikaṭanivāsaṃ dehi govardhana tvam || 5||

स्थलजलतलशष्पैर्भूरुहछायया चप्रतिपदमनुकालं हन्त संवर्धयन्गाः ।त्रिजगति निजगोत्रं सार्थकं ख्यापयन्मेनिजनिकटनिवासं देहि गोवर्धन त्वम् ॥ ६॥

sthalajalatalaśaṣpairbhūruhachāyayā capratipadamanukālaṃ hanta saṃvardhayangāḥ |trijagati nijagotraṃ sārthakaṃ khyāpayanmenijanikaṭanivāsaṃ dehi govardhana tvam || 6||

सुरपतिकृतदीर्घद्रोहतो गोष्ठरक्षांतव नवगृहरूपस्यान्तरे कुर्वतैव ।अघबकरिपुणोच्चैर्दत्तमान द्रुतं मेनिजनिकटनिवासं देहि गोवर्धन त्वम् ॥ ७॥

surapatikṛtadīrghadrohato goṣṭharakṣāṃtava navagṛharūpasyāntare kurvataiva |aghabakaripuṇoccairdattamāna drutaṃ menijanikaṭanivāsaṃ dehi govardhana tvam || 7||

गिरिनृपहरिदासश्रेणिवर्येतिनामामृतमिदमुदितं श्रीराधिकावक्त्रचन्द्रात् ।व्रजनवतिलकत्वे कॢप्तवेदैः स्फुटं मेनिजनिकटनिवासं देहि गोवर्धन त्वम् ॥ ८॥

girinṛpaharidāsaśreṇivaryetināmāmṛtamidamuditaṃ śrīrādhikāvaktracandrāt |vrajanavatilakatve kḷptavedaiḥ sphuṭaṃ menijanikaṭanivāsaṃ dehi govardhana tvam || 8||

निजजनयुतराधाकृष्णमैत्रीरसाक्तव्रजनरपशुपक्षिव्रातसौख्यैकदातः ।अगणितकरुणत्वान्मं उरीकृत्य तान्तंनिजनिकटनिवासं देहि गोवर्धन त्वम् ॥ ९॥

nijajanayutarādhākṛṣṇamaitrīrasāktavrajanarapaśupakṣivrātasaukhyaikadātaḥ |agaṇitakaruṇatvānmaṃ urīkṛtya tāntaṃnijanikaṭanivāsaṃ dehi govardhana tvam || 9||

निरुपधिकरुणेन श्रीशचीनन्दनेनत्वयि कपटिशठोऽपि त्वत्प्रियेनार्पितोऽस्मि ।इति खलु मम योग्यायोग्यतां मामगृह्णन्निजनिकटनिवासं देहि गोवर्धन त्वम् ॥ १०॥

nirupadhikaruṇena śrīśacīnandanenatvayi kapaṭiśaṭho'pi tvatpriyenārpito'smi |iti khalu mama yogyāyogyatāṃ māmagṛhṇannijanikaṭanivāsaṃ dehi govardhana tvam || 10||

रसददशकमस्य श्रीलगोवर्धनस्यक्षितिधरकुलभर्तुर्यः प्रयत्नादधीते ।स सपदि सुखदेऽस्मिन्वासमासाद्य साक्षाच्छुबदयुगलसेवारत्नमाप्नोति तूर्णम् ॥ ११॥

rasadadaśakamasya śrīlagovardhanasyakṣitidharakulabharturyaḥ prayatnādadhīte |sa sapadi sukhade'sminvāsamāsādya sākṣācchubadayugalasevāratnamāpnoti tūrṇam || 11||

इति श्रीरघुनाथदासगोस्वामिविरचितस्तवावल्यांश्रीगोवर्धनवासप्रार्थनादशकं सम्पूर्णम् ।

iti śrīraghunāthadāsagosvāmiviracitastavāvalyāṃśrīgovardhanavāsaprārthanādaśakaṃ sampūrṇam |