गोविन्दस्तोत्रम् Govinda stotram

श्री कल्याणी देवी विरचितम् ।श्रीवर बालक रिङ्खणतत्पर पद्मदलायतलोचन देव ।कुन्तलसन्ततिराजितसन्मुख देवकीनन्दन गोविन्द वन्दे ॥ १॥

śrī kalyāṇī devī viracitam |śrīvara bālaka riṅkhaṇatatpara padmadalāyatalocana deva |kuntalasantatirājitasanmukha devakīnandana govinda vande || 1||

हाटकनूपुरशक्वरिपूर्वकभूषणभूषित श्यामलदेह ।कुन्तलसन्ततिराजितसन्मुख देवकीनन्दन गोविन्द वन्दे ॥ २॥

hāṭakanūpuraśakvaripūrvakabhūṣaṇabhūṣita śyāmaladeha |kuntalasantatirājitasanmukha devakīnandana govinda vande || 2||

देवकीनन्दन नन्दवन्दित मध्वविभीषणसान्द्रसरोज ।कुन्तलसन्ततिराजितसन्मुख देवकीनन्दन गोविन्द वन्दे ॥ ३॥

devakīnandana nandavandita madhvavibhīṣaṇasāndrasaroja |kuntalasantatirājitasanmukha devakīnandana govinda vande || 3||

अद्वयविक्रम गोविन्दकिङ्कर श्रीमध्ववल्लभ गुरुतर नमः ।कुन्तलसन्ततिराजितसन्मुख देवकीनन्दन गोविन्द वन्दे ॥ ४॥

advayavikrama govindakiṅkara śrīmadhvavallabha gurutara namaḥ |kuntalasantatirājitasanmukha devakīnandana govinda vande || 4||

॥ इति श्रीमत्कल्याणीदेवी विरचितं गोविन्दस्तोत्रं संपूर्णम् ॥

|| iti śrīmatkalyāṇīdevī viracitaṃ govindastotraṃ saṃpūrṇam ||