श्रीहरिस्तुतिः (गोपालयोगिकृता) Gopalayogikrita Shri Hari Stuti

महातेजःपुञ्जस्फुरदमलसिंहासनवरेस्थितं सर्वाधीशं विमलतरतेजोमयतनुम् ।भृशं धन्योऽहं त्वां दृशि समधिगम्याक्षरशरण्य त्वं शश्वद् नयनपथगो मे भव विभो ॥ १॥

mahātejaḥpuñjasphuradamalasiṃhāsanavaresthitaṃ sarvādhīśaṃ vimalataratejomayatanum |bhṛśaṃ dhanyo'haṃ tvāṃ dṛśi samadhigamyākṣaraśaraṇya tvaṃ śaśvad nayanapathago me bhava vibho || 1||

यतः सर्वं जातं वियदनिलमुख्यं जगदिदंस्थितौ निःशेषं योऽवति निजसुखांशेन बहुधा ।ये सर्वं स्वस्मिन् हरति कलया यस्तु स प्रभुःशरण्य त्वं शश्वद् नयनपथगो मे भव विभो ॥ २॥

yataḥ sarvaṃ jātaṃ viyadanilamukhyaṃ jagadidaṃsthitau niḥśeṣaṃ yo'vati nijasukhāṃśena bahudhā |ye sarvaṃ svasmin harati kalayā yastu sa prabhuḥśaraṇya tvaṃ śaśvad nayanapathago me bhava vibho || 2||

असूनाम्यादौ यमनियममुख्यैः सुकरणैनिरुध्येदं चित्तं हृदि विलयमानीय सकलम् ।यमीड्यं पश्यन्ति प्रवरमतयोऽसौ स्वहृदयेशरण्य त्वं शश्वद् नयनपथगो मे भव विभो ॥ ३॥

asūnāmyādau yamaniyamamukhyaiḥ sukaraṇainirudhyedaṃ cittaṃ hṛdi vilayamānīya sakalam |yamīḍyaṃ paśyanti pravaramatayo'sau svahṛdayeśaraṇya tvaṃ śaśvad nayanapathago me bhava vibho || 3||

पृथिव्यां तिष्ठन् यो यमयति महीं वेद न धरायमित्यादौ वेदो वदति जगतामीशममलम् ।नियन्तारं ध्येयं मुनिसुरनृणां मोक्षदमौशरण्य त्वं शश्वद् नयनपथगो मे भव विभो ॥ ४॥

pṛthivyāṃ tiṣṭhan yo yamayati mahīṃ veda na dharāyamityādau vedo vadati jagatāmīśamamalam |niyantāraṃ dhyeyaṃ munisuranṛṇāṃ mokṣadamauśaraṇya tvaṃ śaśvad nayanapathago me bhava vibho || 4||

जयन्तीन्द्राद्यास्ते दितिजनिचयान् यस्य बलतःस्वतन्त्रो नो कश्चित् क्वचिदपि कृतौ यत्कृतिमृते ।कवित्वादेर्वं परिहरति योऽसौ विजयिनःशरण्य त्वं शश्वद् नयनपथगो मे भव विभो ॥ ५॥

jayantīndrādyāste ditijanicayān yasya balataḥsvatantro no kaścit kvacidapi kṛtau yatkṛtimṛte |kavitvādervaṃ pariharati yo'sau vijayinaḥśaraṇya tvaṃ śaśvad nayanapathago me bhava vibho || 5||

विना यस्य ध्यानं व्रजति पशुतां सूकरमुखांविना यस्य ज्ञानं जनिमृतिभयं याति जनता ।विना यस्य स्मृत्या कृमिशतजनिं याति स हरिःशरण्य त्वं शश्वद् नयनपथगो मे भव विभो ॥ ६॥

vinā yasya dhyānaṃ vrajati paśutāṃ sūkaramukhāṃvinā yasya jñānaṃ janimṛtibhayaṃ yāti janatā |vinā yasya smṛtyā kṛmiśatajaniṃ yāti sa hariḥśaraṇya tvaṃ śaśvad nayanapathago me bhava vibho || 6||

यदा धर्मग्लानिर्भवति जगतीक्षोभकरणीतदा सर्वस्वामिन् प्रकटितवपुः सेतुधृगजः ।सतां धाता चैवं निगमप्रमुखागीतगुणकःशरण्य त्वं शश्वद् नयनपथगो मे भव विभो ॥ ७॥

yadā dharmaglānirbhavati jagatīkṣobhakaraṇītadā sarvasvāmin prakaṭitavapuḥ setudhṛgajaḥ |satāṃ dhātā caivaṃ nigamapramukhāgītaguṇakaḥśaraṇya tvaṃ śaśvad nayanapathago me bhava vibho || 7||

स्वयं प्रादुर्भूतः परमकृपयाद्यात्र वृषजोघनश्यामो वर्णी मुनिजनसखो बन्धुरपि मे ।सदा स्मरास्याब्जः शरणशरणो भ्रान्तिहरणःशरण्य त्वं शश्वद् नयनपथगो मे भव विभो ॥ ८॥

svayaṃ prādurbhūtaḥ paramakṛpayādyātra vṛṣajoghanaśyāmo varṇī munijanasakho bandhurapi me |sadā smarāsyābjaḥ śaraṇaśaraṇo bhrāntiharaṇaḥśaraṇya tvaṃ śaśvad nayanapathago me bhava vibho || 8||

इति श्रीस्वामिनारायणबापाचरित्रामृतसागरे द्वितीयप्रवाहेसप्तमे तरङ्गे गोपालयोगिकृता श्रीहरिस्तुतिः सम्पूर्णा ।

iti śrīsvāminārāyaṇabāpācaritrāmṛtasāgare dvitīyapravāhesaptame taraṅge gopālayogikṛtā śrīharistutiḥ sampūrṇā |