कामाख्याकवचम् १ हरिप्रोक्तं ) Hariproktam Kamakhya Kavacham

ॐ श्रीकामाख्याकवचस्यर्षिर्बृहस्पतिः स्मृतः ॥ ४५॥

oṃ śrīkāmākhyākavacasyarṣirbṛhaspatiḥ smṛtaḥ || 45||

देवी कामेश्वरी तस्य अनुष्टुप्छन्द इष्यते ।विनियोगः सर्वसिद्धौ तं च शृण्वन्तु देवताः ॥ ४६॥

devī kāmeśvarī tasya anuṣṭupchanda iṣyate |viniyogaḥ sarvasiddhau taṃ ca śṛṇvantu devatāḥ || 46||

शिरः कामेश्वरी देवी कामाख्या चक्षुषी मम ।शारदा कर्णयुगलं त्रिपुरा वदनं तथा ॥ ४७॥

śiraḥ kāmeśvarī devī kāmākhyā cakṣuṣī mama |śāradā karṇayugalaṃ tripurā vadanaṃ tathā || 47||

कण्ठे पातु महामाया हृदि कामेश्वरी पुनः ।कामाख्या जठरे पातु शारदा मां तु नाभितः ॥ ४८॥

kaṇṭhe pātu mahāmāyā hṛdi kāmeśvarī punaḥ |kāmākhyā jaṭhare pātu śāradā māṃ tu nābhitaḥ || 48||

त्रिपुरा पार्श्वयोः पातु महामाया तु मेहने ।गुदे कामेश्वरी पातु कामाख्योरुद्वये तु माम् ॥ ४९॥

tripurā pārśvayoḥ pātu mahāmāyā tu mehane |gude kāmeśvarī pātu kāmākhyorudvaye tu mām || 49||

जानुनो शारदा पातु त्रिपुरा पातु जङ्घयोः ।महामाया पादयुगे नित्यं रक्षतु कामदा ॥ ५०॥

jānuno śāradā pātu tripurā pātu jaṅghayoḥ |mahāmāyā pādayuge nityaṃ rakṣatu kāmadā || 50||

केशे कोटेश्वरी पातु नासायां पातु दीर्घिका ।भैरवी दन्तसङ्घाते मातङ्ग्यवतु चाङ्गयोः ॥ ५१॥

keśe koṭeśvarī pātu nāsāyāṃ pātu dīrghikā |bhairavī dantasaṅghāte mātaṅgyavatu cāṅgayoḥ || 51||

बाह्वोर्मां ललिता पातु पाण्योस्तु वनवासिनी ।विन्ध्यवासिन्यङ्गुलिषु श्रीकामा नखकोटिषु ॥ ५२॥

bāhvormāṃ lalitā pātu pāṇyostu vanavāsinī |vindhyavāsinyaṅguliṣu śrīkāmā nakhakoṭiṣu || 52||

रोमकूपेषु सर्वेषु गुप्तकमा सदावतु ।पादाङ्गुलीः पार्ष्णिभागे पातु मां भुवनेश्वरी ॥ ५३॥

romakūpeṣu sarveṣu guptakamā sadāvatu |pādāṅgulīḥ pārṣṇibhāge pātu māṃ bhuvaneśvarī || 53||

जिह्वायां पातु मां सेतुः कः कण्ठाभ्यन्तरेऽवतु ।लः पातु चान्तरे वक्ष हः पातु जठरान्तरे ॥ ५४॥

jihvāyāṃ pātu māṃ setuḥ kaḥ kaṇṭhābhyantare'vatu |laḥ pātu cāntare vakṣa haḥ pātu jaṭharāntare || 54||

सामीन्दुः पातु मां वस्ताविन्दुबिन्द्वन्तरेऽवतु ।अकारस्त्वचि मां पातु रकारोऽस्थिषु सर्वदा ॥ ५५॥

sāmīnduḥ pātu māṃ vastāvindubindvantare'vatu |akārastvaci māṃ pātu rakāro'sthiṣu sarvadā || 55||

लकारः सर्वनाडीषु ईकारः सर्वसन्धिषु ।चन्द्रः स्नायुषु मां पातु विन्दुमज्जासु सन्ततम् ॥ ५६॥

lakāraḥ sarvanāḍīṣu īkāraḥ sarvasandhiṣu |candraḥ snāyuṣu māṃ pātu vindumajjāsu santatam || 56||

पूर्वस्यां दिशि चाग्नेय्यां दक्षिणे नैरृते तथा ।वारुण्यां चैव वायव्यां कौबेरे हरमन्दिरे ॥ ५७॥

pūrvasyāṃ diśi cāgneyyāṃ dakṣiṇe nairṛte tathā |vāruṇyāṃ caiva vāyavyāṃ kaubere haramandire || 57||

अकाराद्यास्तु वैष्णव्या अष्टौ वर्णास्तु मन्त्रगाः ।पान्तु तिष्ठन्तु सततं समुद्भवविवृद्धये ॥ ५८॥

akārādyāstu vaiṣṇavyā aṣṭau varṇāstu mantragāḥ |pāntu tiṣṭhantu satataṃ samudbhavavivṛddhaye || 58||

ऊर्ध्वाधः पातु सततं मां तु सेतुद्वयं सदा ।नवाक्षराणि मन्त्रेषु शारदामन्त्रगोचरे ॥ ५९॥

ūrdhvādhaḥ pātu satataṃ māṃ tu setudvayaṃ sadā |navākṣarāṇi mantreṣu śāradāmantragocare || 59||

नवस्वरं तु मां नित्यं नासादिषु समन्ततः ।वातपित्तकफेभ्यस्तु त्रिपुरायास्तु त्र्यक्षरम् ॥ ६०॥

navasvaraṃ tu māṃ nityaṃ nāsādiṣu samantataḥ |vātapittakaphebhyastu tripurāyāstu tryakṣaram || 60||

नित्यं रक्षतु भूतेभ्यः पिशाचेभ्यस्तथैव च ।तत्सेतू सततं पातां क्रव्याद्भ्योमान्निवारकौ ॥ ६१॥

nityaṃ rakṣatu bhūtebhyaḥ piśācebhyastathaiva ca |tatsetū satataṃ pātāṃ kravyādbhyomānnivārakau || 61||

नमः कामेश्वरीं देवीं महामायां जगन्मयीम् ।या भूत्वा प्रकृतिर्नित्यं तनोति जगदाद्यताम् ॥ ६२॥

namaḥ kāmeśvarīṃ devīṃ mahāmāyāṃ jaganmayīm |yā bhūtvā prakṛtirnityaṃ tanoti jagadādyatām || 62||

कामाख्यामक्षमालाभयवरदकरां सिद्धसूत्रैकहस्तांश्वेतप्रेतोपरिस्थां मणिकनकयुतां कुङ्कुमापीतवर्णाम् ।ज्ञानध्यानप्रतिष्ठामतिशयविनयां ब्रह्मशक्रादिवन्द्यामग्नौ बिन्द्वन्तमन्त्रप्रियतमविषयां नौमि सिद्।ह्ध्यै रतिस्थाम् ॥ ६३॥

kāmākhyāmakṣamālābhayavaradakarāṃ siddhasūtraikahastāṃśvetapretoparisthāṃ maṇikanakayutāṃ kuṅkumāpītavarṇām |jñānadhyānapratiṣṭhāmatiśayavinayāṃ brahmaśakrādivandyāmagnau bindvantamantrapriyatamaviṣayāṃ naumi sid|hdhyai ratisthām || 63||

मध्ये मध्यस्य भागे सततविनमिता भावहावावलीयालीला लोकस्य कोष्ठे सकलगुणयुता व्यक्तरूपैकनम्रा ।विद्याविद्यैकशान्ता शमनशमकरी क्षेमकर्त्री वरास्यानित्यं पातात् पवित्रप्रणववरकरा कामपूर्वैश्वरी नः ॥ ६४॥

madhye madhyasya bhāge satatavinamitā bhāvahāvāvalīyālīlā lokasya koṣṭhe sakalaguṇayutā vyaktarūpaikanamrā |vidyāvidyaikaśāntā śamanaśamakarī kṣemakartrī varāsyānityaṃ pātāt pavitrapraṇavavarakarā kāmapūrvaiśvarī naḥ || 64||

इति हरकवचं तनुस्थितं शमयति वै शमनं तथा यदि ।इह गृहाण यतस्व विमोक्षणे सहित एष विधिः सह चामरैः ॥ ६५॥

iti harakavacaṃ tanusthitaṃ śamayati vai śamanaṃ tathā yadi |iha gṛhāṇa yatasva vimokṣaṇe sahita eṣa vidhiḥ saha cāmaraiḥ || 65||

इत्ययं कवचं यस्तु कामाख्यायाः पठेद्बुधः ।सकृत् तं तु महादेवी त्वनुव्रजति नित्यदा ॥ ६६॥

ityayaṃ kavacaṃ yastu kāmākhyāyāḥ paṭhedbudhaḥ |sakṛt taṃ tu mahādevī tvanuvrajati nityadā || 66||

नाधिव्याधिभयं तस्य न क्रव्याद्भ्यो भयं तथा ।नाग्नितो नापि तोयेभ्यो न रिपुभ्यो न राजतः ॥ ६७॥

nādhivyādhibhayaṃ tasya na kravyādbhyo bhayaṃ tathā |nāgnito nāpi toyebhyo na ripubhyo na rājataḥ || 67||

दीर्घायुर्बहुभोगी च पुत्रपौत्रसमन्वितः ।आवर्तयञ्छतं देवीमन्दिरे मोदते परे ॥ ६८॥

dīrghāyurbahubhogī ca putrapautrasamanvitaḥ |āvartayañchataṃ devīmandire modate pare || 68||

यथा तथा भवेद्बद्धः सङ्ग्रामेऽन्यत्र वा बुधः ।तत् क्षणादेव मुक्तः स्यात् स्मरणात् कवचस्य तु ॥ ६९॥

yathā tathā bhavedbaddhaḥ saṅgrāme'nyatra vā budhaḥ |tat kṣaṇādeva muktaḥ syāt smaraṇāt kavacasya tu || 69||

इति कालिकापुराणे द्विसप्ततितमाध्यायान्तर्गतंहरिप्रोक्तं कामाख्याकवचं सम्पूर्णम् ।

iti kālikāpurāṇe dvisaptatitamādhyāyāntargataṃhariproktaṃ kāmākhyākavacaṃ sampūrṇam |