विवेकानन्दस्मरणम् Svami Padashrivivekanandasmaranam

यदा धर्मोग्लानिं बहति बहुधा दुर्गतिवशादधर्मा वर्धन्ते जगतिजनदुःखाय महते ।तदा दीप्तप्रेमा किमपि वपुराधाय भगवान्विनेतुं दौर्गत्यं चरति सुचिरं क्षौणिवलये ॥ १॥

yadā dharmoglāniṃ bahati bahudhā durgativaśādadharmā vardhante jagatijanaduḥkhāya mahate |tadā dīptapremā kimapi vapurādhāya bhagavānvinetuṃ daurgatyaṃ carati suciraṃ kṣauṇivalaye || 1||

स्वदेशप्रीत्या यो विमलतमनीत्या प्रथितयाकयाचिद् विख्यातो जगति बहुमानं खलु भजन् ।प्रियो नः सौभाग्यादजनि धरणौ भारतनृणांविवेकानन्दोऽसौ जयति यतिवृत्तान्तविबुधः ॥ २॥

svadeśaprītyā yo vimalatamanītyā prathitayākayācid vikhyāto jagati bahumānaṃ khalu bhajan |priyo naḥ saubhāgyādajani dharaṇau bhāratanṛṇāṃvivekānando'sau jayati yativṛttāntavibudhaḥ || 2||

विदित्वा वेदान्तं विविधविधिशान्तं सुमनसांतपः स्मारं स्मारं मुनिनियमसारं परिचरन् ।चरन् देशे देशे निरदिशदहो तत्त्वमतुलंविवेकानन्दोऽसौ जयति यतिवृत्तान्तविबुधः ॥ ३॥

viditvā vedāntaṃ vividhavidhiśāntaṃ sumanasāṃtapaḥ smāraṃ smāraṃ muniniyamasāraṃ paricaran |caran deśe deśe niradiśadaho tattvamatulaṃvivekānando'sau jayati yativṛttāntavibudhaḥ || 3||

यदीयो वेदान्तः प्रथमनवसिद्धान्तमहिमाहिमार्तानां दीप्तो रविरिव ददौ शान्तिमसमाम् ।य एकः प्रोद्दीप्तः प्रतिभयजडं धर्ममतनोद्विवेकानन्दोऽसौ जयति यतिवृत्तान्तविबुधः ॥ ४॥

yadīyo vedāntaḥ prathamanavasiddhāntamahimāhimārtānāṃ dīpto raviriva dadau śāntimasamām |ya ekaḥ proddīptaḥ pratibhayajaḍaṃ dharmamatanodvivekānando'sau jayati yativṛttāntavibudhaḥ || 4||

पवित्रे चारित्रे निरवधिविनीतेन विधिनासुविज्ञातो लोके विविधविधिमार्गानुपदिशन् ।महामोहध्वान्तं सपदि लयमानीय महसाविवेकानन्दोऽसौ जयति यतिवृत्तान्तविबुधः ॥ ५॥

pavitre cāritre niravadhivinītena vidhināsuvijñāto loke vividhavidhimārgānupadiśan |mahāmohadhvāntaṃ sapadi layamānīya mahasāvivekānando'sau jayati yativṛttāntavibudhaḥ || 5||

गुणानामाधारः शुभचरितसारो यतिवरः ।प्रसारं धर्माणां विदधदपि पारे जलनिधेः ।निधिं शास्त्राम्भोधेरनुगुणगणं यः समतनोद्विवेकानन्दोऽसौ जयति यतिवृतान्तविबुधः ॥ ६॥

guṇānāmādhāraḥ śubhacaritasāro yativaraḥ |prasāraṃ dharmāṇāṃ vidadhadapi pāre jalanidheḥ |nidhiṃ śāstrāmbhodheranuguṇagaṇaṃ yaḥ samatanodvivekānando'sau jayati yativṛtāntavibudhaḥ || 6||

बहूनां शिष्याणां गुरुरमरधामातिथिरभूत्समुद्देश्यंलोके सुचिरमुपदेष्टुं व्यवसितः ।तमादर्शीकृत्य प्रचरति सतीशिष्यसमितिस्ततो जीयादेषा सकल शुभसम्पादनपरा ॥ ७॥

bahūnāṃ śiṣyāṇāṃ gururamaradhāmātithirabhūtsamuddeśyaṃloke suciramupadeṣṭuṃ vyavasitaḥ |tamādarśīkṛtya pracarati satīśiṣyasamitistato jīyādeṣā sakala śubhasampādanaparā || 7||

जीयात् स्वामिवरस्य भूमिवलये धर्मोपदेशावलिर्जीयाद् गौरवदीप्त तत्त्वविभवः प्राचीनशास्त्राश्रयः ।जीयात् स्वामिविनीतशिष्यसमितिः सर्वोच्चभावप्रियाजीयाद्भारतभूतलं सुविपुलं जन्मावनिः स्वामिनः ॥ ८॥

jīyāt svāmivarasya bhūmivalaye dharmopadeśāvalirjīyād gauravadīpta tattvavibhavaḥ prācīnaśāstrāśrayaḥ |jīyāt svāmivinītaśiṣyasamitiḥ sarvoccabhāvapriyājīyādbhāratabhūtalaṃ suvipulaṃ janmāvaniḥ svāminaḥ || 8||

इति श्रीकालीपदतर्काचार्यविरचितंस्वामिपादश्रीविवेकानन्दस्मरणम् सम्पूर्णम् ।

iti śrīkālīpadatarkācāryaviracitaṃsvāmipādaśrīvivekānandasmaraṇam sampūrṇam |