वेदान्तदेशिकाष्टोत्तरशतनामस्तोत्रम् १ Shrimad Vedantadeshika Ashtottarashatanama Shtotram

श्रीः ।अथ श्रीमद्वेदान्तदेशिकाष्टोत्तरशतनामस्तोत्रम् ।निगमान्तगुरोर्नाम्नां प्रभावो येन वर्णितः ।तं वेङ्कटार्यमनिशं तातार्यतनयं भजे ॥विदुषा वेङ्कटार्येण तातार्यतनुजन्मना ।वेदान्तार्यगुरोर्नाम्नां प्रभावो वर्ण्यतेतराम् ॥सुदर्शनकृपालब्ध वेदतत्त्वार्थसागरम् ।अनुष्ठितः क्रतुशतं वन्देऽस्मत्पितरं गुरुम् ॥ १॥

śrīḥ |atha śrīmadvedāntadeśikāṣṭottaraśatanāmastotram |nigamāntagurornāmnāṃ prabhāvo yena varṇitaḥ |taṃ veṅkaṭāryamaniśaṃ tātāryatanayaṃ bhaje ||viduṣā veṅkaṭāryeṇa tātāryatanujanmanā |vedāntāryagurornāmnāṃ prabhāvo varṇyatetarām ||sudarśanakṛpālabdha vedatattvārthasāgaram |anuṣṭhitaḥ kratuśataṃ vande'smatpitaraṃ gurum || 1||

कुमारतातयाचार्य सदाचारपरं सदा ।वेदान्ताचार्यसिद्धान्तविजयध्वजमाश्रये ॥ २॥

kumāratātayācārya sadācāraparaṃ sadā |vedāntācāryasiddhāntavijayadhvajamāśraye || 2||

साङ्ख्यसौगतचार्वाकशाङ्करादितमोनुदम् ।त्रय्यन्तदेशिकं वन्दे वेङ्कटेशाह्वयं महः ॥ ३॥

sāṅkhyasaugatacārvākaśāṅkarāditamonudam |trayyantadeśikaṃ vande veṅkaṭeśāhvayaṃ mahaḥ || 3||

श्रीमद्वेङ्कटनाथस्य नाम्नामष्टोत्तरं शतम् ।सङ्गृह्य तत्प्रसादाय वक्ष्ये सर्वार्थसिद्धिदम् ॥ ४॥

śrīmadveṅkaṭanāthasya nāmnāmaṣṭottaraṃ śatam |saṅgṛhya tatprasādāya vakṣye sarvārthasiddhidam || 4||

अथ स्तोत्रम् ।ॐ घण्टावतारोऽनन्तार्यतनयो वेङ्कटाधिपः ।श्रीमल्लक्ष्मणयोग्यंशो वरदाचार्यवीक्षितः ॥ ५॥

atha stotram |oṃ ghaṇṭāvatāro'nantāryatanayo veṅkaṭādhipaḥ |śrīmallakṣmaṇayogyaṃśo varadācāryavīkṣitaḥ || 5||

रामानुजार्यसन्दृष्टस्सौपर्णमनुचिन्तकः ।तार्क्ष्यदत्तवरश्शुद्धः प्रसादितहयाननः ॥ ६॥

rāmānujāryasandṛṣṭassauparṇamanucintakaḥ |tārkṣyadattavaraśśuddhaḥ prasāditahayānanaḥ || 6||

अधीतसाङ्गसकलश्रुतिस्मृतिविदग्रणीः ।इतिहासपुराणज्ञस्सुकविस्तर्कतत्त्ववित् ॥ ७॥

adhītasāṅgasakalaśrutismṛtividagraṇīḥ |itihāsapurāṇajñassukavistarkatattvavit || 7||

भाष्यकारो भयहरस्सुधाशीदुग्धराशिकृत् ।प्रधानप्रतितन्त्रज्ञो देवतापारमार्थ्यवित् ॥ ८॥

bhāṣyakāro bhayaharassudhāśīdugdharāśikṛt |pradhānapratitantrajño devatāpāramārthyavit || 8||

श्रुतविद्यश्श्रावयिता श्रुतपालश्श्रुतप्रदः ।श्रितः पाण्डित्यदाता च कृतकृत्यः कृती सुधीः ॥ ९॥

śrutavidyaśśrāvayitā śrutapālaśśrutapradaḥ |śritaḥ pāṇḍityadātā ca kṛtakṛtyaḥ kṛtī sudhīḥ || 9||

निरस्तसाङ्ख्यः प्रत्युक्तयोगः काणादभञ्जनःअचिच्चैतन्यवादघ्नः क्षणिकाणुमतार्दनः ॥ १०॥

nirastasāṅkhyaḥ pratyuktayogaḥ kāṇādabhañjanaḥaciccaitanyavādaghnaḥ kṣaṇikāṇumatārdanaḥ || 10||

साकारधी निराकर्ता शून्यवादतमोनुदः ।कुदृष्ट्युरगपक्षीशः सप्तभङ्गीविलोपनः ॥ ११॥

sākāradhī nirākartā śūnyavādatamonudaḥ |kudṛṣṭyuragapakṣīśaḥ saptabhaṅgīvilopanaḥ || 11||

भेदाभेदमतछेत्ता धूतयादवकल्पनः ।अनीशवादिदम्भोलिः पाषण्डमतखण्डनः ॥ १२॥

bhedābhedamatachettā dhūtayādavakalpanaḥ |anīśavādidambholiḥ pāṣaṇḍamatakhaṇḍanaḥ || 12||

संरक्षितागमश्शङ्खचक्रधारणरक्षिता ।ऊर्ध्वपुण्ड्राङ्कनत्राता शुद्धसत्त्वमयाकृतिः ॥ १३॥

saṃrakṣitāgamaśśaṅkhacakradhāraṇarakṣitā |ūrdhvapuṇḍrāṅkanatrātā śuddhasattvamayākṛtiḥ || 13||

यत्याचारप्रतिष्ठाता सर्वतन्त्रस्वतन्त्रधीः ।अवतार रहस्यज्ञस्त्वर्चासौन्दर्यसक्तधीः ॥ १४॥

yatyācārapratiṣṭhātā sarvatantrasvatantradhīḥ |avatāra rahasyajñastvarcāsaundaryasaktadhīḥ || 14||

अर्थपञ्चक तत्त्वज्ञः तत्त्वत्रयविशेषवित् ।भक्तियोग विरोधिघ्नो भक्तिमान् भगवत्प्रियः ॥ १५॥

arthapañcaka tattvajñaḥ tattvatrayaviśeṣavit |bhaktiyoga virodhighno bhaktimān bhagavatpriyaḥ || 15||

ज्ञानैकसारो द्वयविद्विभक्ताधिकृतित्रयः ।चतुश्श्लोक्यर्थ सारज्ञः सम्यग्ज्ञाताङ्गपञ्चकः ॥ १६॥

jñānaikasāro dvayavidvibhaktādhikṛtitrayaḥ |catuśślokyartha sārajñaḥ samyagjñātāṅgapañcakaḥ || 16||

षडङ्गयोग निर्णेता सप्ततन्तुकृदुत्तमः ।अष्टाक्षरैकनिरतो नवमैकरसाश्रयः ॥ १७॥

ṣaḍaṅgayoga nirṇetā saptatantukṛduttamaḥ |aṣṭākṣaraikanirato navamaikarasāśrayaḥ || 17||

दशतात्पर्यविज्ञाता शतकृच्च सहस्रवित्स्थूललक्षोऽनेकनानाकोटिज्ञाननिवर्तकः ॥ १८॥

daśatātparyavijñātā śatakṛcca sahasravitsthūlalakṣo'nekanānākoṭijñānanivartakaḥ || 18||

धर्मशङ्कुस्साधुबृन्दवन्दिताङ्घ्रिसरोरुहः ।पद्माक्षानन्दजनकस्तथाऽनन्तगुणाकरः ॥ १९॥

dharmaśaṅkussādhubṛndavanditāṅghrisaroruhaḥ |padmākṣānandajanakastathā'nantaguṇākaraḥ || 19||

त्यागशब्दार्थविद्धर्मवेदी विधिविशेषवित् ।उत्तमश्लोकभावज्ञः पञ्चकालपरायणः ॥ २०॥

tyāgaśabdārthaviddharmavedī vidhiviśeṣavit |uttamaślokabhāvajñaḥ pañcakālaparāyaṇaḥ || 20||

सुरसेव्यः पूर्णमनास्सूरीन्द्रप्रतिरूपकः ।कवितार्किकपञ्चास्यो निगमाञ्चलदेशिकः ॥ २१॥

surasevyaḥ pūrṇamanāssūrīndrapratirūpakaḥ |kavitārkikapañcāsyo nigamāñcaladeśikaḥ || 21||

वैद्यो मुनीन्द्रस्सर्वज्ञः उपकर्ता तथैव च ।सत्सम्प्रदायस्थिरधीरनघस्सत्यवागपि ॥ २२॥

vaidyo munīndrassarvajñaḥ upakartā tathaiva ca |satsampradāyasthiradhīranaghassatyavāgapi || 22||

साधुवृत्तिर्मुक्तडम्भो जिताक्षो दीर्घबन्धुमान् ।दयालुश्शासिता सर्वहिताचरणतत्परः ॥ २३॥

sādhuvṛttirmuktaḍambho jitākṣo dīrghabandhumān |dayāluśśāsitā sarvahitācaraṇatatparaḥ || 23||

महागुरुस्स्वर्णवर्णस्सुबाहुः पुण्डरीकदृक् ।पवित्रपाणिर्व्याख्यानमुद्राङ्कितकराम्बुजः ॥ २४॥

mahāgurussvarṇavarṇassubāhuḥ puṇḍarīkadṛk |pavitrapāṇirvyākhyānamudrāṅkitakarāmbujaḥ || 24||

सव्यपाणितलन्यस्तदिव्यपुस्तकभूषणः ।परशीर्षन्यस्तवामपादाब्जकटकोज्ज्वलः ॥ २५॥

savyapāṇitalanyastadivyapustakabhūṣaṇaḥ |paraśīrṣanyastavāmapādābjakaṭakojjvalaḥ || 25||

फलश्रुतिःइतीदं देशिकेन्द्रस्य नाम्नामष्टोत्तरं शतम् ।सङ्कीर्तयेदनुदिनं सर्वपापापनुत्तये ॥ २६॥

phalaśrutiḥitīdaṃ deśikendrasya nāmnāmaṣṭottaraṃ śatam |saṅkīrtayedanudinaṃ sarvapāpāpanuttaye || 26||

पठन्नामशतं भक्त्या श्रुत्वा गुरुमुखाम्बुजात् ।प्रसादाद्देशिकेन्द्रस्य भुक्तिमुक्ति समश्नुते ॥ २७॥

paṭhannāmaśataṃ bhaktyā śrutvā gurumukhāmbujāt |prasādāddeśikendrasya bhuktimukti samaśnute || 27||

एकैकमपि तन्नाम कीर्तयन् सकृदुत्तमम् ।सर्वान्कामानवाप्नोति किमुताष्टोत्तरं शतम् ॥ २८॥

ekaikamapi tannāma kīrtayan sakṛduttamam |sarvānkāmānavāpnoti kimutāṣṭottaraṃ śatam || 28||

इति श्रीमद्वेदान्तदेशिकाष्टोत्तरशतनामस्तोत्रं सम्पूर्णम् ।

iti śrīmadvedāntadeśikāṣṭottaraśatanāmastotraṃ sampūrṇam |