कृष्णचैतन्यचन्द्रसहस्रनामस्तोत्रम् ३ Shrikrishnachaitanyachandra Sahasranama Stotram (2)

कृष्णवर्णं त्विषाकृष्णं साङ्गोपाङ्गास्त्रपार्षदम् ।यज्ञैः सङ्कीर्तनप्रायैर्यजन्ति हि सुमेधसः ॥ १॥

kṛṣṇavarṇaṃ tviṣākṛṣṇaṃ sāṅgopāṅgāstrapārṣadam |yajñaiḥ saṅkīrtanaprāyairyajanti hi sumedhasaḥ || 1||

तं नत्वा कृष्णचैतन्यं साङ्गोपाङ्गं जगद्गुरुम् ।दिव्यनाम्नां सहस्रेण संस्तौमि परमेश्वरम् ॥ २॥

taṃ natvā kṛṣṇacaitanyaṃ sāṅgopāṅgaṃ jagadgurum |divyanāmnāṃ sahasreṇa saṃstaumi parameśvaram || 2||

षडैश्वर्यो ब्रह्मकान्तिः पुरुषांशी स्वयंहरिः ।सच्चिदानन्दशक्तिश्च सच्चिदानन्दविग्रहः ॥ ३॥

ṣaḍaiśvaryo brahmakāntiḥ puruṣāṃśī svayaṃhariḥ |saccidānandaśaktiśca saccidānandavigrahaḥ || 3||

सर्वगः सर्वविद्योगी महाज्ञानी महाविभुः ।सर्वोत्तमः सर्वगतः सर्वभूतगुहाशयः ॥ ४॥

sarvagaḥ sarvavidyogī mahājñānī mahāvibhuḥ |sarvottamaḥ sarvagataḥ sarvabhūtaguhāśayaḥ || 4||

सर्वात्मा सर्वसाक्षी च सर्वदेवनमस्कृतः ।संसाराश्वत्थबीजञ्चाश्वत्थमूलनिकृन्तकः ॥ ५॥

sarvātmā sarvasākṣī ca sarvadevanamaskṛtaḥ |saṃsārāśvatthabījañcāśvatthamūlanikṛntakaḥ || 5||

पुराणपुरुषोऽव्यक्तः सदाख्यः सदसत्परः ।शुद्धः प्रणववाच्यश्च क्षराक्षरपरो वरः ॥ ६॥

purāṇapuruṣo'vyaktaḥ sadākhyaḥ sadasatparaḥ |śuddhaḥ praṇavavācyaśca kṣarākṣaraparo varaḥ || 6||

अक्षरो निर्विकारश्च निरीहो निरुपाधिकः ।निरञ्जनो नित्यनित्यः सर्वकल्याणविग्रहः ॥ ७॥

akṣaro nirvikāraśca nirīho nirupādhikaḥ |nirañjano nityanityaḥ sarvakalyāṇavigrahaḥ || 7||

भगवान् भगहा भर्गो भवत्राताऽखिलेश्वरः ॥शिवः शिवप्रदो विष्णुः प्रभविष्णुरनामयः ॥ ८॥

bhagavān bhagahā bhargo bhavatrātā'khileśvaraḥ ||śivaḥ śivaprado viṣṇuḥ prabhaviṣṇuranāmayaḥ || 8||

मुकुन्दो मुक्तिबीजञ्च मुक्तो मुक्तिपतिर्हरिः ।सहस्राख्यः सहस्राक्षो बहुपाणिः सहस्रपात् ॥ ९॥

mukundo muktibījañca mukto muktipatirhariḥ |sahasrākhyaḥ sahasrākṣo bahupāṇiḥ sahasrapāt || 9||

सहस्रशीर्षा साहस्रजन्मधृक् सर्वतोमुखः ।त्रय्यात्मा त्रय्यन्तवेद्यस्त्रिदशादिस्त्रिखेश्वरः ॥ १०॥

sahasraśīrṣā sāhasrajanmadhṛk sarvatomukhaḥ |trayyātmā trayyantavedyastridaśādistrikheśvaraḥ || 10||

जितारिश्च जितक्रोधः शत्रुहा शत्रुतापनः ।वैकुण्ठनाथो लोकेशो भक्ताभिमतरूपधृक् ॥ ११॥

jitāriśca jitakrodhaḥ śatruhā śatrutāpanaḥ |vaikuṇṭhanātho lokeśo bhaktābhimatarūpadhṛk || 11||

नारायणो नरसखः शास्ता भुवनपालनः ।निराश्रयो निराधारः सर्वाधारो जगत्पतिः ॥ १२॥

nārāyaṇo narasakhaḥ śāstā bhuvanapālanaḥ |nirāśrayo nirādhāraḥ sarvādhāro jagatpatiḥ || 12||

कूटस्थोऽकूटदर्शी च मायेशो मायिनांवरः ।वरेण्यो वरदो वर्यो वरिष्ठो भयनाशनः ॥ १३॥

kūṭastho'kūṭadarśī ca māyeśo māyināṃvaraḥ |vareṇyo varado varyo variṣṭho bhayanāśanaḥ || 13||

सर्वनामा सर्वरूपो नामरूपादिकारणम् ।हिरण्यकेशो रुक्माङ्गो रुक्ममाली हिरण्मयः ॥ १४॥

sarvanāmā sarvarūpo nāmarūpādikāraṇam |hiraṇyakeśo rukmāṅgo rukmamālī hiraṇmayaḥ || 14||

उत्त्रिपादेकपादेकरूपश्च बहुरूपकः ।अशरीरः शरीरी च अग्राह्यः शाश्वतः स्वयम् ॥ १५॥

uttripādekapādekarūpaśca bahurūpakaḥ |aśarīraḥ śarīrī ca agrāhyaḥ śāśvataḥ svayam || 15||

वैभवः प्राभवोंशी च विलासी स्वप्रकाशकः ।प्रकाशी च तदेकात्मरूपी स्वांश्यपराजितः ॥ १६॥

vaibhavaḥ prābhavoṃśī ca vilāsī svaprakāśakaḥ |prakāśī ca tadekātmarūpī svāṃśyaparājitaḥ || 16||

ज्ञानासाध्यो भक्तिसाध्यो योगासाध्यो नराकृतिः ।भिन्नोऽभिन्नश्च सन्मात्रं मधुरो मधुराश्रयः ॥ १७॥

jñānāsādhyo bhaktisādhyo yogāsādhyo narākṛtiḥ |bhinno'bhinnaśca sanmātraṃ madhuro madhurāśrayaḥ || 17||

त्रिमूर्तिश्च चतुर्मूर्तिश्चतुर्वर्णचतुर्गतिः ।अकारणः कारणञ्च सर्वकारणकारणम् ॥ १८॥

trimūrtiśca caturmūrtiścaturvarṇacaturgatiḥ |akāraṇaḥ kāraṇañca sarvakāraṇakāraṇam || 18||

अद्वैतोऽद्वैतरूपश्च सृष्टिस्थितिलयेश्वरः ।चिद्विभूतिर्महायोगी भक्ताराध्यः पराश्रयः ॥ १९॥

advaito'dvaitarūpaśca sṛṣṭisthitilayeśvaraḥ |cidvibhūtirmahāyogī bhaktārādhyaḥ parāśrayaḥ || 19||

सर्वाराध्यः पराराध्योऽनाराध्यो विश्वभावनः ।परव्योमोर्ध्वनिलयः कृपालुगुरुर्विग्रहः ॥ २०॥

sarvārādhyaḥ parārādhyo'nārādhyo viśvabhāvanaḥ |paravyomordhvanilayaḥ kṛpālugururvigrahaḥ || 20||

स्रष्टा पाता च संहर्ताऽनन्तश्रीः पुरुषोत्तमः ।अत्याचार्यः पुण्यलीलो निगुणः सगुणः स्वराट् ॥ २१॥

sraṣṭā pātā ca saṃhartā'nantaśrīḥ puruṣottamaḥ |atyācāryaḥ puṇyalīlo niguṇaḥ saguṇaḥ svarāṭ || 21||

चतुर्विंशतिमूर्तिश्च दशमूर्तिरनन्तकः ।अकालः कालकालश्च छन्नोऽच्छन्नो विभूतिपः ॥ २२॥

caturviṃśatimūrtiśca daśamūrtiranantakaḥ |akālaḥ kālakālaśca channo'cchanno vibhūtipaḥ || 22||

अनादिरादिः क्षेत्रज्ञो ह्यमायी मायिनां प्रियः ।श्रोतव्यः परमात्मांशी त्र्यन्तर्यामी महाप्रभुः ॥ २३॥

anādirādiḥ kṣetrajño hyamāyī māyināṃ priyaḥ |śrotavyaḥ paramātmāṃśī tryantaryāmī mahāprabhuḥ || 23||

ब्रह्माभो ब्रह्मकिरणो ब्रह्मयोनिस्तदाश्रयः ।चतुश्चतुःकलापादः सर्वास्पदपदो गतिः ॥ २४॥

brahmābho brahmakiraṇo brahmayonistadāśrayaḥ |catuścatuḥkalāpādaḥ sarvāspadapado gatiḥ || 24||

सर्वावतारी सर्वश्रीः सर्वदिव्यविभूतिधृक् ।गुणसङ्गी गुणातीतो गम्योऽगम्यो महामनाः ॥ २५॥

sarvāvatārī sarvaśrīḥ sarvadivyavibhūtidhṛk |guṇasaṅgī guṇātīto gamyo'gamyo mahāmanāḥ || 25||

इत्यैश्वर्यनामानि ।

ityaiśvaryanāmāni |

बाललीलाधरवरो द्व्येकमूर्तिगुणाश्रयः ।शचीगर्भोदधिशयः स्वयमाविःकलेवरः ॥ २६॥

bālalīlādharavaro dvyekamūrtiguṇāśrayaḥ |śacīgarbhodadhiśayaḥ svayamāviḥkalevaraḥ || 26||

ब्रजेन्द्रनन्दनः श्रीमान् राधिकाप्राणवल्लभः ।द्वापरोडुपतिः कृष्णो माधुर्यरसनायकः ॥ २७॥

brajendranandanaḥ śrīmān rādhikāprāṇavallabhaḥ |dvāparoḍupatiḥ kṛṣṇo mādhuryarasanāyakaḥ || 27||

अन्तः कृष्णो बहिर्गौऔरः कलित्राता शुभाश्रयः ।अद्वैतामन्त्रितोऽद्वैतानीतोऽद्वैतप्रियप्रभुः ॥ २॥

antaḥ kṛṣṇo bahirgauauraḥ kalitrātā śubhāśrayaḥ |advaitāmantrito'dvaitānīto'dvaitapriyaprabhuḥ || 2||

जगन्नाथात्मजो ब्रह्मसुतो ब्रह्मकुलाम्बुजः ।शचीसूनुः शचीनन्दिः शचीगर्भोदजः परः ॥ २९॥

jagannāthātmajo brahmasuto brahmakulāmbujaḥ |śacīsūnuḥ śacīnandiḥ śacīgarbhodajaḥ paraḥ || 29||

नवद्वीपोदयः पूर्णोदयश्चन्द्रग्रहोदयः ।प्राग्वसन्तोदयः फाल्गुन्युदयो मङ्गलोदयः ॥ ३०॥

navadvīpodayaḥ pūrṇodayaścandragrahodayaḥ |prāgvasantodayaḥ phālgunyudayo maṅgalodayaḥ || 30||

नामसङ्कीर्तनप्रीतिर्नामसङ्कीर्तनोदयःगौडचन्द्रो गौडनाथो गौरो गोद्रुमचन्द्रमाः ॥ ३१॥

nāmasaṅkīrtanaprītirnāmasaṅkīrtanodayaḥgauḍacandro gauḍanātho gauro godrumacandramāḥ || 31||

चैतन्यः कृष्णचैतन्यः स्वयङ्कृष्णो रसात्मकः ।त्रिसुखास्वादको राधाभावो राधाद्युतिग्रहः ॥ ३२॥

caitanyaḥ kṛṣṇacaitanyaḥ svayaṅkṛṣṇo rasātmakaḥ |trisukhāsvādako rādhābhāvo rādhādyutigrahaḥ || 32||

साङ्गोपाङ्गावतीर्णश्च त्रिस्रोतस्तीरसम्भवः ।कलिसन्ध्यावतारश्च त्रियुगस्त्रिदिवेश्वरः ॥ ३३॥

sāṅgopāṅgāvatīrṇaśca trisrotastīrasambhavaḥ |kalisandhyāvatāraśca triyugastridiveśvaraḥ || 33||

विश्वरूपानुजः शान्तः शुभर्क्षग्रहतारकः ।शुभाङ्कितपदाम्भोजः शुभाङ्कितकराम्बुजः ॥ ३४॥

viśvarūpānujaḥ śāntaḥ śubharkṣagrahatārakaḥ |śubhāṅkitapadāmbhojaḥ śubhāṅkitakarāmbujaḥ || 34||

द्वात्रिशल्लक्षणोपेतो महापुरुषलक्षणः ।आजानुलम्बितभुजोऽन्तर्भुजः शुभविग्रहः ॥ ३५॥

dvātriśallakṣaṇopeto mahāpuruṣalakṣaṇaḥ |ājānulambitabhujo'ntarbhujaḥ śubhavigrahaḥ || 35||

विश्वम्भरः सुदिव्यश्रीर्नामक्रन्दनसंवरः ।त्यक्तमृत्स्तन्यपायी च मातृपितृसुखप्रदः ॥ ३६॥

viśvambharaḥ sudivyaśrīrnāmakrandanasaṃvaraḥ |tyaktamṛtstanyapāyī ca mātṛpitṛsukhapradaḥ || 36||

अतिथ्यन्नत्रिभोजी च अतिथित्राणकारकः ।कन्यानैवेद्यभोक्ता च कन्याभीष्टवरप्रदः ॥ ३७॥

atithyannatribhojī ca atithitrāṇakārakaḥ |kanyānaivedyabhoktā ca kanyābhīṣṭavarapradaḥ || 37||

चपलश्च छलग्राही चापल्यसुखदायकः ।लक्ष्मीसन्दर्शनाह्लादो लक्ष्मीस्रक्चन्दनार्चितः ॥ ३८॥

capalaśca chalagrāhī cāpalyasukhadāyakaḥ |lakṣmīsandarśanāhlādo lakṣmīsrakcandanārcitaḥ || 38||

मातृज्ञानप्रदाता च मात्राज्ञाप्रतिपालकः ।दिव्यलोकागमगृहः शून्यपान्नूपुरध्वनिः ॥ ३९॥

mātṛjñānapradātā ca mātrājñāpratipālakaḥ |divyalokāgamagṛhaḥ śūnyapānnūpuradhvaniḥ || 39||

आश्चर्यबाल्यलीलश्च अद्भुतप्रियदर्शनः ।बालकानन्ददाता च बालकप्राणवल्लभः ॥ ४०॥

āścaryabālyalīlaśca adbhutapriyadarśanaḥ |bālakānandadātā ca bālakaprāṇavallabhaḥ || 40||

पितृवाक्यानुवर्ती च मातृवाक्यानुवर्त्यपि ।सर्वानन्दननृत्यश्च कृष्णलीलाऽनुकारकः ॥ ४१॥

pitṛvākyānuvartī ca mātṛvākyānuvartyapi |sarvānandananṛtyaśca kṛṣṇalīlā'nukārakaḥ || 41||

कृष्णवद्बाल्यलीलश्च गृहभाण्डादिभेदकः ।विद्याभ्यासरतोऽध्येता पाठदक्षः सुपाठकः ॥ ४२॥

kṛṣṇavadbālyalīlaśca gṛhabhāṇḍādibhedakaḥ |vidyābhyāsarato'dhyetā pāṭhadakṣaḥ supāṭhakaḥ || 42||

अन्तेवास्यप्रणीर्गङ्गादासशिष्यः कविः सुधीः ।पितृसन्तोषकः पितृभक् महायशाः ॥ ४३॥

antevāsyapraṇīrgaṅgādāsaśiṣyaḥ kaviḥ sudhīḥ |pitṛsantoṣakaḥ pitṛbhak mahāyaśāḥ || 43||

पितृयज्ञविधेयात्मा धार्मिकः पितृयज्ञकृत् ।पुण्यवान् पुण्यकीर्तिश्च पुण्यश्लोकः सुपुण्यदः ॥ ४४॥

pitṛyajñavidheyātmā dhārmikaḥ pitṛyajñakṛt |puṇyavān puṇyakīrtiśca puṇyaślokaḥ supuṇyadaḥ || 44||

उद्वाहासक्तचित्तश्च गार्हस्थ्यधर्मवासनः ।श्रीपतिर्माधवो लक्ष्मीपतिः श्रीरुक्मिणीपतिः ॥ ४५॥

udvāhāsaktacittaśca gārhasthyadharmavāsanaḥ |śrīpatirmādhavo lakṣmīpatiḥ śrīrukmiṇīpatiḥ || 45||

श्रीधरः श्रीनिवासश्च श्रीनाथो जानकीपतिः ।किशोरो रसराजश्च मदनोज्ज्वलविग्रहः ॥ ४६॥

śrīdharaḥ śrīnivāsaśca śrīnātho jānakīpatiḥ |kiśoro rasarājaśca madanojjvalavigrahaḥ || 46||

मनोहराङ्गप्रत्यङ्गस्तप्तकाञ्चनविग्रहः ।कोटिसूर्यप्रभः कोटिमृगाङ्कस्निग्धशीतलः ॥ ४७॥

manoharāṅgapratyaṅgastaptakāñcanavigrahaḥ |koṭisūryaprabhaḥ koṭimṛgāṅkasnigdhaśītalaḥ || 47||

कोटिकन्दर्पलावण्यः कोटिगीष्पतिभाषणः ।विद्वत्प्रियो वावदूकः सत्यवादी जितेन्द्रियः ॥ ४८॥

koṭikandarpalāvaṇyaḥ koṭigīṣpatibhāṣaṇaḥ |vidvatpriyo vāvadūkaḥ satyavādī jitendriyaḥ || 48||

विपश्विच्छाब्दिको विद्वान् सर्वशास्त्रविशारदः ।अध्यापको महामान्यो बहुशिष्यसमन्वितः ॥ ४९॥

vipaśvicchābdiko vidvān sarvaśāstraviśāradaḥ |adhyāpako mahāmānyo bahuśiṣyasamanvitaḥ || 49||