वेदान्तदेशिकमङ्गलाशासनम् Shrimad Vedantadeshika Mangalashasanam

श्रीःश्रीमान् वेङ्कटनाथार्यः कवितार्किककेसरी ।वेदान्ताचार्यवर्यो मे सन्निधत्तां सदा हृदि ॥श्रीमल्लक्ष्मणयोगीन्द्र सिद्धान्तविजयध्वजम् ।विश्वामित्रकुलोद्भूतं वरदार्यमहं भजे ॥सर्वतन्त्रस्वतन्त्राय सिंहाय कविवादिनाम् ।वेदान्ताचार्यवर्यीय वेङ्कटेशाय मङ्गलम् ॥ १॥

śrīḥśrīmān veṅkaṭanāthāryaḥ kavitārkikakesarī |vedāntācāryavaryo me sannidhattāṃ sadā hṛdi ||śrīmallakṣmaṇayogīndra siddhāntavijayadhvajam |viśvāmitrakulodbhūtaṃ varadāryamahaṃ bhaje ||sarvatantrasvatantrāya siṃhāya kavivādinām |vedāntācāryavaryīya veṅkaṭeśāya maṅgalam || 1||

नभस्यमासि श्रोणायामवतीर्णाय सूरये ।विश्वामित्रान्वयायास्तु वेङ्कटेशाय मङ्गलम् ॥ २॥

nabhasyamāsi śroṇāyāmavatīrṇāya sūraye |viśvāmitrānvayāyāstu veṅkaṭeśāya maṅgalam || 2||

पिता यस्यानन्तसूरिः पुण्डरीकाक्षयज्वनः ।पौत्रो यस्तनयस्तोतारम्बायास्तस्य मङ्गलम् ॥ ३॥ वर् यस्तनयस्तोताद्र्यम्बायाः

pitā yasyānantasūriḥ puṇḍarīkākṣayajvanaḥ |pautro yastanayastotārambāyāstasya maṅgalam || 3|| var yastanayastotādryambāyāḥ

वेङ्कटेशावतारोऽयं तद्धण्टांशोऽथवा भवेत् ।यतीन्द्रांशोऽथवेत्येवं वितर्क्यायास्तु मङ्गलम् ॥ ४॥

veṅkaṭeśāvatāro'yaṃ taddhaṇṭāṃśo'thavā bhavet |yatīndrāṃśo'thavetyevaṃ vitarkyāyāstu maṅgalam || 4||

श्रीभाष्यकारः पन्थानमात्मना दर्शितं पुनः ।उद्धर्तुमागतो नूनमित्युक्तायास्तु मङ्गरम् ॥ ५॥

śrībhāṣyakāraḥ panthānamātmanā darśitaṃ punaḥ |uddhartumāgato nūnamityuktāyāstu maṅgaram || 5||

यो बाल्ये वरदार्यस्य प्राचार्यस्य परां दयाम् ।अवाप्य वृद्धिं गमितः तस्मै योग्याय मङ्गलम् ॥ ६॥

yo bālye varadāryasya prācāryasya parāṃ dayām |avāpya vṛddhiṃ gamitaḥ tasmai yogyāya maṅgalam || 6||

रामानुजार्यादात्रेयान्मातुलात् सकलाः कलाः ।अवाप विंशत्यब्दे यस्तस्मै प्राज्ञाय मङ्गलम् ॥ ७॥

rāmānujāryādātreyānmātulāt sakalāḥ kalāḥ |avāpa viṃśatyabde yastasmai prājñāya maṅgalam || 7||

श्रुतप्रकाशिका भूमौ येनादौ परिरक्षिता ।प्रवर्तिता च पात्रेषु तस्मै श्रेष्ठाय मङ्गलम् ॥ ८॥

śrutaprakāśikā bhūmau yenādau parirakṣitā |pravartitā ca pātreṣu tasmai śreṣṭhāya maṅgalam || 8||

सांस्क्रतीभिद्राविडीभिः बह्वीभिः कृतिभिजनान् ।यस्समुज्जीवयामास तस्मै सेव्याय मङ्गलम् ॥ ९॥

sāṃskratībhidrāviḍībhiḥ bahvībhiḥ kṛtibhijanān |yassamujjīvayāmāsa tasmai sevyāya maṅgalam || 9||

यः ख्यातिलाभपूजासु विमुखो वैष्णवे जने ।क्रयणीयदशां प्राप्तः तस्मै भव्याय मङ्गलम् ॥ १०॥

yaḥ khyātilābhapūjāsu vimukho vaiṣṇave jane |krayaṇīyadaśāṃ prāptaḥ tasmai bhavyāya maṅgalam || 10||

यस्मादेव मया सर्व शास्त्रमग्राहि नान्यतः ।तस्मै वेङ्कटनाथाय मम नाथाय मङ्गलम् ॥ ११॥

yasmādeva mayā sarva śāstramagrāhi nānyataḥ |tasmai veṅkaṭanāthāya mama nāthāya maṅgalam || 11||

पित्रे ब्रह्मोपदेष्ट्रे मे गुरवे दैवताय च ।प्राप्याय प्रापकायास्तु वेङ्कटेशाय मङ्गलम् ॥ १२॥

pitre brahmopadeṣṭre me gurave daivatāya ca |prāpyāya prāpakāyāstu veṅkaṭeśāya maṅgalam || 12||

यः कृतं वरदार्येण वेदान्ताचार्य मङ्गलम् ।आशास्तेऽनुदिनं सोऽपि भवेन्मङ्गल भाजनम् ॥ १३॥

yaḥ kṛtaṃ varadāryeṇa vedāntācārya maṅgalam |āśāste'nudinaṃ so'pi bhavenmaṅgala bhājanam || 13||

इति श्री कुमार वरदाचार्येण कृतंश्रीमद् वेदान्तदेशिकमङ्गलाशासनम् ॥देशिक मङ्गलम् :

iti śrī kumāra varadācāryeṇa kṛtaṃśrīmad vedāntadeśikamaṅgalāśāsanam ||deśika maṅgalam :