विवेकानन्दजयगीतम् Shri Vivekanandajayagitam

पुरानन्तध्वान्तैरुपहतशिवज्ञानविभवेभवे नाना मार्गैरिह समुदिते दूषणशते ।हितं तत्त्वं चेतुं शितमतिरगाद् यः प्रतिदिशंनरेन्द्राख्यः सोऽसौ जयतिविषयापास्तहृदयः ॥ १॥

purānantadhvāntairupahataśivajñānavibhavebhave nānā mārgairiha samudite dūṣaṇaśate |hitaṃ tattvaṃ cetuṃ śitamatiragād yaḥ pratidiśaṃnarendrākhyaḥ so'sau jayativiṣayāpāstahṛdayaḥ || 1||

ततो गत्वा गत्वा विविधमतमाश्रित्य भजतांसमीपे सन्देहादनुपगतमुक्तिः कथमपि ।श्रितो यः संसिद्धं द्विजमथ जहौ संशयमलंविवेकानन्दोऽसौ जयति जड़तामुक्तहृदयः ॥ २॥

tato gatvā gatvā vividhamatamāśritya bhajatāṃsamīpe sandehādanupagatamuktiḥ kathamapi |śrito yaḥ saṃsiddhaṃ dvijamatha jahau saṃśayamalaṃvivekānando'sau jayati jaड़tāmuktahṛdayaḥ || 2||

तमेनं विश्वासाद् गुरुमकृत दृष्टार्थमवशःस चाप्येनं मेने कुशल शरणं भारतभुवः ।तदादेशाद्धर्मं प्रथयितुमगाद् योऽपरभुवंविवेकानन्दोऽसौ जयति जनताजाड्यहरणः ॥ ३॥

tamenaṃ viśvāsād gurumakṛta dṛṣṭārthamavaśaḥsa cāpyenaṃ mene kuśala śaraṇaṃ bhāratabhuvaḥ |tadādeśāddharmaṃ prathayitumagād yo'parabhuvaṃvivekānando'sau jayati janatājāḍyaharaṇaḥ || 3||

गुरोराशीर्वादाद् समनिजशक्तेरपि बलात्प्रसादादाद्याया वरूणदिशि संसत् परिगतान् ।क्षणेन व्याख्यानैरकृत परिमुग्धान्मनसि योविवेकानन्दोऽसौ जयति जयहेतुर्जनिभुवः ॥ ४॥

gurorāśīrvādād samanijaśakterapi balātprasādādādyāyā varūṇadiśi saṃsat parigatān |kṣaṇena vyākhyānairakṛta parimugdhānmanasi yovivekānando'sau jayati jayaheturjanibhuvaḥ || 4||

ततः प्रत्यावृत्तौ ह्यभयमयमन्त्रान् प्रतिदिशंचितालस्यान् सञ्जागरयितुमना भारतजनान् ।य उच्चार्योदात्तं व्यघटयमदीषां भयचयंविवेकानन्दोऽसौ जयति भयहृद्भारतभुवः ॥ ५॥

tataḥ pratyāvṛttau hyabhayamayamantrān pratidiśaṃcitālasyān sañjāgarayitumanā bhāratajanān |ya uccāryodāttaṃ vyaghaṭayamadīṣāṃ bhayacayaṃvivekānando'sau jayati bhayahṛdbhāratabhuvaḥ || 5||

दिशन् सेवावृत्तिं परमहितहेतुं जनिमतामनैषीद् यो निष्ठां दिशिदिशि च सेवाश्रमगणान् ! ।सुसन्तानः श्रेयः प्रचयजननः सर्वजगतांविवेकानन्दोऽसौ जयति तिमिरोत्पाततपनः ॥ ६॥

diśan sevāvṛttiṃ paramahitahetuṃ janimatāmanaiṣīd yo niṣṭhāṃ diśidiśi ca sevāśramagaṇān ! |susantānaḥ śreyaḥ pracayajananaḥ sarvajagatāṃvivekānando'sau jayati timirotpātatapanaḥ || 6||

इति महामहोपाध्याय श्रीकालीपदतर्काचार्येण विरचितंविवेकानन्दजयगीतम् सम्पूर्णम् ।

iti mahāmahopādhyāya śrīkālīpadatarkācāryeṇa viracitaṃvivekānandajayagītam sampūrṇam |