विवेकानन्दप्रभातप्राञ्जलिः Shri Vivekanandaprabhatapranjalih

समाधिस्थः शिवः स्वलोके निर्भरंजनानां क्रन्दनाद् भवाग्नौ भीषणे ।प्रदग्धानां प्रबोधितस्त्वं ह्यागतःविवेकानन्द ते प्रभाते प्राञ्जलिः ॥ १॥

samādhisthaḥ śivaḥ svaloke nirbharaṃjanānāṃ krandanād bhavāgnau bhīṣaṇe |pradagdhānāṃ prabodhitastvaṃ hyāgataḥvivekānanda te prabhāte prāñjaliḥ || 1||

नरेन्द्रः शैशवे नरेन्द्रो यौवनेनरेन्द्रः क्रीड़ने नरेन्द्रः शिक्षणे ।नरेन्द्रः पालने नरेन्द्राह्यर्पणेविवेकानन्द ते प्रभाते प्राञ्जलिः ॥ २॥

narendraḥ śaiśave narendro yauvanenarendraḥ krīड़ne narendraḥ śikṣaṇe |narendraḥ pālane narendrāhyarpaṇevivekānanda te prabhāte prāñjaliḥ || 2||

हरीन्द्रश्चेष्टितैः कलाज्ञो गायनैःपरिज्ञानैबुर्धो महर्षिर्दर्शनैः ।यतीन्द्रोऽसक्तिभिर्भवान् यन्नास्ति किंविवेकानन्द ते प्रभाते प्राञ्जलिः ॥ ३॥

harīndraśceṣṭitaiḥ kalājño gāyanaiḥparijñānaiburdho maharṣirdarśanaiḥ |yatīndro'saktibhirbhavān yannāsti kiṃvivekānanda te prabhāte prāñjaliḥ || 3||

मुमुक्षादर्शिताऽभिहंसं धावनैःविनैकां पादुकां नितान्तोन्मत्तवत् ।समानां देहि मे मुमुक्षां मद्गुरोविवेकानन्द ते प्रभाते प्राञ्जलिः ॥ ४॥

mumukṣādarśitā'bhihaṃsaṃ dhāvanaiḥvinaikāṃ pādukāṃ nitāntonmattavat |samānāṃ dehi me mumukṣāṃ madgurovivekānanda te prabhāte prāñjaliḥ || 4||

गुरोरङ्घ्र्यत्पले स्वमात्मानः ददौपरीक्ष्यानन्तरं बहुप्रश्नैर्भृशम् ।विशुद्धैः सेवनैर्भवांस्त्वं पिप्रियेविवेकानन्द ते प्रभाते प्राञ्जलिः ॥ ५॥

guroraṅghryatpale svamātmānaḥ dadauparīkṣyānantaraṃ bahupraśnairbhṛśam |viśuddhaiḥ sevanairbhavāṃstvaṃ pipriyevivekānanda te prabhāte prāñjaliḥ || 5||

सुगन्धः श्री गुरुर्भवान्वायुः खलुस तूर्यं त्वं च भो महोचैर्घोषकः ।गुरुस्सूर्यस्तु हे किलादर्शो भवान्विवेकानन्द ते प्रभाते प्राञ्जलिः ॥ ६॥

sugandhaḥ śrī gururbhavānvāyuḥ khalusa tūryaṃ tvaṃ ca bho mahocairghoṣakaḥ |gurussūryastu he kilādarśo bhavānvivekānanda te prabhāte prāñjaliḥ || 6||

स्वधर्मश्रेष्ठतां सगर्वं शंसतांजनानां धृष्टता त्वयैवाभाज्यहो ।स्वधर्मो वैदिको ह्यनर्घो दर्शितःविवेकानन्द ते प्रभाते प्राञ्जलिः ॥ ७॥

svadharmaśreṣṭhatāṃ sagarvaṃ śaṃsatāṃjanānāṃ dhṛṣṭatā tvayaivābhājyaho |svadharmo vaidiko hyanargho darśitaḥvivekānanda te prabhāte prāñjaliḥ || 7||

स्फुलिङ्गान् स्फोटयन् सुदीप्ताग्निर्यथातथैव त्वं यते विकीर्यामानुषीम् ।परिज्ञानप्रभामचारीर्भारतेविवेकानन्द ते प्रभाते प्राञ्जलिः ॥ ८॥

sphuliṅgān sphoṭayan sudīptāgniryathātathaiva tvaṃ yate vikīryāmānuṣīm |parijñānaprabhāmacārīrbhāratevivekānanda te prabhāte prāñjaliḥ || 8||

अहो आकर्षणं तवास्यास्यातुलंतवाहो पौरुषं विरागो मुग्धता ।प्रगाढं प्रेम च ह्यगाधं वेदनंविवेकानन्द ते प्रभाते प्राञ्जलिः ॥ ९॥

aho ākarṣaṇaṃ tavāsyāsyātulaṃtavāho pauruṣaṃ virāgo mugdhatā |pragāḍhaṃ prema ca hyagādhaṃ vedanaṃvivekānanda te prabhāte prāñjaliḥ || 9||

विमोक्षं स्वात्मनश्चतुर्योगाध्वभिःपृथग्वा संहतैर्हितं लोकस्य च ।तवाज्ञा साधयेदिति प्रीत्या नरःविवेकानन्द ते प्रभाते प्राञ्जलिः ॥ १०॥

vimokṣaṃ svātmanaścaturyogādhvabhiḥpṛthagvā saṃhatairhitaṃ lokasya ca |tavājñā sādhayediti prītyā naraḥvivekānanda te prabhāte prāñjaliḥ || 10||

यतेऽनुरूस्तव प्रणामं दास्यतिप्रफुल्लं षट्पदैः प्रसूनं प्रावृतम् ।तवार्थं कोकिलो मनोज्ञं कूजतिविवेकानन्द ते प्रभाते प्राञ्जलिः ॥ ११॥

yate'nurūstava praṇāmaṃ dāsyatipraphullaṃ ṣaṭpadaiḥ prasūnaṃ prāvṛtam |tavārthaṃ kokilo manojñaṃ kūjativivekānanda te prabhāte prāñjaliḥ || 11||

उषः काले पदे नमस्कृत्याशिषालभेरन् धन्यतामिति श्रद्धालवः ।समेता सम्मुखे ददेथा दर्शनंविवेकानन्द ते प्रभाते प्राञ्जलिः ॥ १२॥

uṣaḥ kāle pade namaskṛtyāśiṣālabheran dhanyatāmiti śraddhālavaḥ |sametā sammukhe dadethā darśanaṃvivekānanda te prabhāte prāñjaliḥ || 12||

हिमाद्रेराश्रमे जयन्त्यां निर्मितःभुजङ्गस्रग्विणीति वृते नूतने ।स्तवोऽयं यः पठेत् सभक्त्या तं नरःस शक्तिं पौरुषं विरागं चार्जति ॥ १३॥

himādrerāśrame jayantyāṃ nirmitaḥbhujaṅgasragviṇīti vṛte nūtane |stavo'yaṃ yaḥ paṭhet sabhaktyā taṃ naraḥsa śaktiṃ pauruṣaṃ virāgaṃ cārjati || 13||

इति स्वामिहर्षानन्दविरचितः श्रीविवेकानन्दप्रभातप्राञ्जलिः समाप्तः ।

iti svāmiharṣānandaviracitaḥ śrīvivekānandaprabhātaprāñjaliḥ samāptaḥ |