विवेकानन्दाष्टकम् Shri Vivekananda Ashtakam

दधद् दिव्यज्योतिः परमरमणीयं नयनयोःप्रसन्नास्यः सौम्यो मुनिकनकशोभाधरवपुः ।सुधीः सत्यद्रष्टा भुवनवरणीयः श्रुतिधरोविवेकानन्दोऽसौ मनुजतनुधारी स्मरहरः ॥ १॥

dadhad divyajyotiḥ paramaramaṇīyaṃ nayanayoḥprasannāsyaḥ saumyo munikanakaśobhādharavapuḥ |sudhīḥ satyadraṣṭā bhuvanavaraṇīyaḥ śrutidharovivekānando'sau manujatanudhārī smaraharaḥ || 1||

किशोरो ध्यानस्थो भुजगभयशून्यो ह्यविचलोयुवा दण्डी वैश्वानरसदृशदीप्तिर्भुवि चरन् ।स्वधर्मभ्रष्टानां कलुषितधियां त्राणनिरतोविवेकानन्दोऽसौ गहनतिमिरे भास्वररविः ॥ २॥

kiśoro dhyānastho bhujagabhayaśūnyo hyavicaloyuvā daṇḍī vaiśvānarasadṛśadīptirbhuvi caran |svadharmabhraṣṭānāṃ kaluṣitadhiyāṃ trāṇaniratovivekānando'sau gahanatimire bhāsvararaviḥ || 2||

गुरोरन्तेवासी परमपुरुषस्य प्रियतमोनरेन्द्रः सर्वेषामवनतजनानामभयदः ।प्रतिज्ञायां भीष्मो विपदि च महीध्रोन्नतशिरोविवेकानन्दोऽसौ कुसुमललितो वज्रकठिनः ॥ ३॥

gurorantevāsī paramapuruṣasya priyatamonarendraḥ sarveṣāmavanatajanānāmabhayadaḥ |pratijñāyāṃ bhīṣmo vipadi ca mahīdhronnataśirovivekānando'sau kusumalalito vajrakaṭhinaḥ || 3||

गृहे वित्ताभावाद्विचलितमनाः शान्तिरहितोगतो बारं बारं गुरुवचनतो मातृसदनम् ।धनं मातर्देही इत्यनुनयवचस्तु प्रतिहतंविवेकानन्दः किं भवति धनतृष्णावशगतः ? ॥ ४॥

gṛhe vittābhāvādvicalitamanāḥ śāntirahitogato bāraṃ bāraṃ guruvacanato mātṛsadanam |dhanaṃ mātardehī ityanunayavacastu pratihataṃvivekānandaḥ kiṃ bhavati dhanatṛṣṇāvaśagataḥ ? || 4||

गुरोः पादं ध्यात्वा किमपि नवतेजो हृदि वहन्महासिन्धुं तीर्त्वा निखिलजगतो धर्मसदसि ।नवीनः संन्यासी विजित जयमाल्यो बहुमतोविवेकानन्दोऽसौ भुवनविजयी भारतनिधिः ॥ ५॥

guroḥ pādaṃ dhyātvā kimapi navatejo hṛdi vahanmahāsindhuṃ tīrtvā nikhilajagato dharmasadasi |navīnaḥ saṃnyāsī vijita jayamālyo bahumatovivekānando'sau bhuvanavijayī bhāratanidhiḥ || 5||

अविद्याया बैरी श्रुतिविहितविद्यामधुकरःसुखे चानासक्तः परमपदचिन्तास्थिरमतिः ।जगत् सेवा मन्त्रैर्जगदधिपतेः पूजनपरोविवेकानन्दोऽसौ भुवि सुविरलो मानवगुरुः ॥ ६॥

avidyāyā bairī śrutivihitavidyāmadhukaraḥsukhe cānāsaktaḥ paramapadacintāsthiramatiḥ |jagat sevā mantrairjagadadhipateḥ pūjanaparovivekānando'sau bhuvi suviralo mānavaguruḥ || 6||

दरिद्राणां बन्धुर्निखिलमनुजानां प्रियकरःसमो ज्ञाने कर्मण्यविचलितभक्त्यां गुरुपदे ।समः शत्रौ मित्रेऽप्रतिममहिमोद्दीप्ततपनोविवेकानन्दो मे हृदयगगने भातु सततम् ॥ ७॥

daridrāṇāṃ bandhurnikhilamanujānāṃ priyakaraḥsamo jñāne karmaṇyavicalitabhaktyāṃ gurupade |samaḥ śatrau mitre'pratimamahimoddīptatapanovivekānando me hṛdayagagane bhātu satatam || 7||

अभय वरद मूर्तिःकालिकाविश्वधात्रीचरणकमल संस्थौ शारदारामकृष्णौ ।शरणगत विवेकानन्द सानन्दमूर्तिःभवभयहरशून्यं पश्य रे मुग्धनेत्रे ! ॥ ८॥

abhaya varada mūrtiḥkālikāviśvadhātrīcaraṇakamala saṃsthau śāradārāmakṛṣṇau |śaraṇagata vivekānanda sānandamūrtiḥbhavabhayaharaśūnyaṃ paśya re mugdhanetre ! || 8||

इति श्रीकालीपदबन्द्योपाध्यायविरचितं श्रीविवेकानन्दाष्टकम् सम्पूर्णम् ।

iti śrīkālīpadabandyopādhyāyaviracitaṃ śrīvivekānandāṣṭakam sampūrṇam |