व्यासनामावलीस्तोत्रम् Shri Vyasa Namavali Stotram

ईशिता श्रुतिभर्ताच भुवन प्रभुरेव च ।जगद्गुरुः सद्गुरुश्च मुनिवंशस्य शेखरः ॥ १॥

īśitā śrutibhartāca bhuvana prabhureva ca |jagadguruḥ sadguruśca munivaṃśasya śekharaḥ || 1||

भगवत्तमो वेदराट् च तथा सत्यवतीसुतः ।श्रुतीश्वरो नीलभाश्च पाराशर्यो महाप्रभुः ॥ २॥

bhagavattamo vedarāṭ ca tathā satyavatīsutaḥ |śrutīśvaro nīlabhāśca pārāśaryo mahāprabhuḥ || 2||

वेदव्यासः सत्पतिश्च द्विजेन्द्रान्वयजस्तथा ।जगत्पिताजितश्चैव मुनीन्द्रोवेदनायकः ॥ ३॥

vedavyāsaḥ satpatiśca dvijendrānvayajastathā |jagatpitājitaścaiva munīndrovedanāyakaḥ || 3||

देवतापूज्यचरणश्चाम्नायानां सुपालकः ।भारतानां वरगुरुः ब्रह्मसूत्रप्रणायकः ॥ ४॥

devatāpūjyacaraṇaścāmnāyānāṃ supālakaḥ |bhāratānāṃ varaguruḥ brahmasūtrapraṇāyakaḥ || 4||

द्वैपायनो मध्वनाथो ज्ञानसूर्यः सदिष्टदः ।विद्यापतिः श्रुतिपतिः विद्याराजो गिरां प्रभुः ॥ ५॥

dvaipāyano madhvanātho jñānasūryaḥ sadiṣṭadaḥ |vidyāpatiḥ śrutipatiḥ vidyārājo girāṃ prabhuḥ || 5||

विद्याधिराजो वेदेशस्तथा वेदपतिः स्वभूः ।विद्याधिनाथो वेदराट् तथाम्नाय विकासकः ॥ ६॥

vidyādhirājo vedeśastathā vedapatiḥ svabhūḥ |vidyādhinātho vedarāṭ tathāmnāya vikāsakaḥ || 6||

विद्याधीशः श्रुतीशश्च श्रुतिपङ्कज भास्करः ।कृष्णद्वैपायनो व्यासो भक्तचिन्तामणिस्तथा ॥ ७॥

vidyādhīśaḥ śrutīśaśca śrutipaṅkaja bhāskaraḥ |kṛṣṇadvaipāyano vyāso bhaktacintāmaṇistathā || 7||

महाभारत निर्माता कवीन्द्रो बादरायणः ।स्मृतिमात्रार्तिहा चैव भक्तवित्रासहा तथा ॥ ८॥

mahābhārata nirmātā kavīndro bādarāyaṇaḥ |smṛtimātrārtihā caiva bhaktavitrāsahā tathā || 8||

विश्ववेत्ता विश्वपतिर्भक्ता ज्ञान विनाशकः ।विघ्नौघध्वान्ततरणिर्विघ्नाटव्याश्च हव्यवाट् ॥ ९॥

viśvavettā viśvapatirbhaktā jñāna vināśakaḥ |vighnaughadhvāntataraṇirvighnāṭavyāśca havyavāṭ || 9||

विघ्नव्याल विपश्चैव विघ्नौघ घन मारुतः ।विघ्नर्भ पञ्चाननश्च विघ्नपर्वत सत्पविः ॥ १०॥

vighnavyāla vipaścaiva vighnaugha ghana mārutaḥ |vighnarbha pañcānanaśca vighnaparvata satpaviḥ || 10||

विघ्नाब्धिकुम्भजश्चैव विघ्नतूल सरागतिः ।बादरिर्जैमिनिश्चैव सुमन्तुर्वैशम्पायनः ॥ ११॥

vighnābdhikumbhajaścaiva vighnatūla sarāgatiḥ |bādarirjaiminiścaiva sumanturvaiśampāyanaḥ || 11||

आत्मरथ्यश्च पैलश्च काशकृत्स्नश्च लोमशः ।कार्ष्णाजनिश्चौडुलोमिरात्रेयो रोमहर्षणः ॥ १२॥

ātmarathyaśca pailaśca kāśakṛtsnaśca lomaśaḥ |kārṣṇājaniścauḍulomirātreyo romaharṣaṇaḥ || 12||

इत्येते मुनयः शिष्या यस्यासौ मुनिशेखरः ।ब्रह्माद्यैः प्रार्थितो विष्णुः सत्यवत्यां पराशरात् ॥ १३॥

ityete munayaḥ śiṣyā yasyāsau muniśekharaḥ |brahmādyaiḥ prārthito viṣṇuḥ satyavatyāṃ parāśarāt || 13||

प्रादुर्भूतो व्यासरूपी वेदोद्धारकस्तथा ।विज्ञानरोचिषा पूर्णो ब्रह्माण्डान्तर्बहिस्तथा ॥ १४॥

prādurbhūto vyāsarūpī vedoddhārakastathā |vijñānarociṣā pūrṇo brahmāṇḍāntarbahistathā || 14||

योगिमानस कञ्जस्थः हरितोपलसन्निभः ।भक्ताज्ञान सुसंहारी तर्क मुद्रायुतः करे ॥ १५॥

yogimānasa kañjasthaḥ haritopalasannibhaḥ |bhaktājñāna susaṃhārī tarka mudrāyutaḥ kare || 15||

दक्षिणे भवभीतानां भवनाशाय मुद्रया ।अभयाख्यया युतः सव्ये करे सन्मङ्गलप्रदः ॥ १६॥

dakṣiṇe bhavabhītānāṃ bhavanāśāya mudrayā |abhayākhyayā yutaḥ savye kare sanmaṅgalapradaḥ || 16||

प्राज्ञमौलिश्च पुरुधीः सुखकान्तिर्विबोध भाः ।शतेन्द्वधिक सत्कान्तिरयोग्य जनमोहकः ॥ १७॥

prājñamauliśca purudhīḥ sukhakāntirvibodha bhāḥ |śatendvadhika satkāntirayogya janamohakaḥ || 17||

शुक्लरक्त विदूरश्च ब्रह्माद्यैर्वर्णमानिभिः ॥संस्तुतानन्द सुगुणो योगीन्द्रः पद्मजार्चितः ॥ १८॥

śuklarakta vidūraśca brahmādyairvarṇamānibhiḥ ||saṃstutānanda suguṇo yogīndraḥ padmajārcitaḥ || 18||

आचार्यवर्यो विप्रात्मा पापनाशननामवान् ।वेदान्तकर्ता भक्तानां कविताधिगुणप्रदः ॥ १९॥

ācāryavaryo viprātmā pāpanāśananāmavān |vedāntakartā bhaktānāṃ kavitādhiguṇapradaḥ || 19||

वादे विजयदश्चैव रणे च विजयप्रदः ।कीटराज्यप्रदः कीटमोक्षदाता च सत्प्रभुः ॥ २०॥

vāde vijayadaścaiva raṇe ca vijayapradaḥ |kīṭarājyapradaḥ kīṭamokṣadātā ca satprabhuḥ || 20||

आम्नायोद्धारकश्चैव तथा सत्परुवंशकृत् ।मुनेः शुकस्य जनको जनकस्योपदेशकः ॥ २१॥

āmnāyoddhārakaścaiva tathā satparuvaṃśakṛt |muneḥ śukasya janako janakasyopadeśakaḥ || 21||

मातुः स्म्यत्यैवागमन वरदातेश्वरेश्वरः ।यमुनाद्वीप सुजनिर्यमुनाद्वीप भासकः ॥ २२॥

mātuḥ smyatyaivāgamana varadāteśvareśvaraḥ |yamunādvīpa sujaniryamunādvīpa bhāsakaḥ || 22||

मात्राज्ञापालनार्थाय भगवान् पुरुषोत्तमः ।धृतराष्ट्र पाण्डु विदुरजनको ज्ञानदस्तथा ॥ २३॥

mātrājñāpālanārthāya bhagavān puruṣottamaḥ |dhṛtarāṣṭra pāṇḍu vidurajanako jñānadastathā || 23||

उग्ररूपः शान्तरूपोचिन्त्यशक्तिः परात्परः ।पाण्डवानां दुःखहन्ता तथापरिमितान्तरः ॥ २४॥

ugrarūpaḥ śāntarūpocintyaśaktiḥ parātparaḥ |pāṇḍavānāṃ duḥkhahantā tathāparimitāntaraḥ || 24||

हिडिम्बासङ्ग्रहार्ताय भीमाज्ञा संप्रदायकः ।शाक्तः कानीन इन्द्रश्च शास्त्रकृद्धरिरेव च ॥ २५॥

hiḍimbāsaṅgrahārtāya bhīmājñā saṃpradāyakaḥ |śāktaḥ kānīna indraśca śāstrakṛddharireva ca || 25||

द्विषामज्ञानपापानामतिसङ्क्रामकस्तथा ।कर्म बन्ध सुभेत्ता च मुक्तानां स्वात्मवाहकः ॥ २६॥

dviṣāmajñānapāpānāmatisaṅkrāmakastathā |karma bandha subhettā ca muktānāṃ svātmavāhakaḥ || 26||

वासवी हृदयानन्द वेदशास्त्र प्रणायकम् ।वेदव्यासं गुरूपास्यं वन्देभिष्टप्रदायकम् ॥ २७॥

vāsavī hṛdayānanda vedaśāstra praṇāyakam |vedavyāsaṃ gurūpāsyaṃ vandebhiṣṭapradāyakam || 27||

(न्यायामृत प्रकाशः)इति श्रीबिदरहऌ श्रीनिवासतीर्थकृतं श्रीव्यासनामावलिस्तोत्रं सम्पूर्णम् ।

(nyāyāmṛta prakāśaḥ)iti śrībidarahaḷ śrīnivāsatīrthakṛtaṃ śrīvyāsanāmāvalistotraṃ sampūrṇam |