शारदादेव्यष्टकम् ४ Shri Sharada Devi Ashtakam (4)

न याचे समृद्धिं न चानित्यमायुर्न रूपं न धर्मं यशो वा समित्रम् ।अधर्मं न कार्यं न दैन्यं दिवं वामतिर्मे तु भूयात् पदे शारदायाः ॥ १॥

na yāce samṛddhiṃ na cānityamāyurna rūpaṃ na dharmaṃ yaśo vā samitram |adharmaṃ na kāryaṃ na dainyaṃ divaṃ vāmatirme tu bhūyāt pade śāradāyāḥ || 1||

स्वदेशे विदेशे भव त्वं दयार्द्रात्वनीचे सुनीचे समाना विधात्री ।जले वा भुवि त्वं प्रजानां शरण्यानमस्ते नमस्ते पदे शारदायाः ॥ २॥

svadeśe videśe bhava tvaṃ dayārdrātvanīce sunīce samānā vidhātrī |jale vā bhuvi tvaṃ prajānāṃ śaraṇyānamaste namaste pade śāradāyāḥ || 2||

अजस्रं यथा ते भजाम्यङ्घ्रि युग्मंयथा नाम तेऽहं जपामि सचिन्त्यः ।अपूर्वान् गुणांस्ते स्मरामि प्रहृष्टस्तथा शारदा त्वं विधेहि प्रसन्ना ॥ ३॥

ajasraṃ yathā te bhajāmyaṅghri yugmaṃyathā nāma te'haṃ japāmi sacintyaḥ |apūrvān guṇāṃste smarāmi prahṛṣṭastathā śāradā tvaṃ vidhehi prasannā || 3||

वृथैव प्रयाति क्षणं मे वरेण्ये !त्विदानीं प्रबोधो न जातस्त्रिनेत्रे ! ।यदा शारदा त्वं ममासि प्रपद्याभयं किं यमात् स्यान्नमः शारदायै ॥ ४॥

vṛthaiva prayāti kṣaṇaṃ me vareṇye !tvidānīṃ prabodho na jātastrinetre ! |yadā śāradā tvaṃ mamāsi prapadyābhayaṃ kiṃ yamāt syānnamaḥ śāradāyai || 4||

अहो कः शुभोऽयं प्रवृत्तोऽस्ति कालोयतः शारदाम्बागताऽस्यां धरित्र्याम् ।विचिन्त्य नरास्तां लीलां पवित्राममर्त्या भवन्त्वप्रमत्ता भवन्तः ॥ ५॥

aho kaḥ śubho'yaṃ pravṛtto'sti kāloyataḥ śāradāmbāgatā'syāṃ dharitryām |vicintya narāstāṃ līlāṃ pavitrāmamartyā bhavantvapramattā bhavantaḥ || 5||

यथा जानकी सा सरामा समर्च्याह्यसौ राधिका वा सकृष्णा नमस्या ।सती सा सशम्भुर्यथाराधनीयातथा शारदा मे सरामासकृष्णा ॥ ६॥

yathā jānakī sā sarāmā samarcyāhyasau rādhikā vā sakṛṣṇā namasyā |satī sā saśambhuryathārādhanīyātathā śāradā me sarāmāsakṛṣṇā || 6||

रविस्त्वं शशी त्वं त्वमिन्द्रो यमस्त्वंप्रचेतास्त्वमग्निर्विराझत्मनास्याः ।भयानां भयं त्वं करालापि कालीधुनीते मनो मे कथं त्वाऽभिवन्दे ॥ ७॥

ravistvaṃ śaśī tvaṃ tvamindro yamastvaṃpracetāstvamagnirvirājhatmanāsyāḥ |bhayānāṃ bhayaṃ tvaṃ karālāpi kālīdhunīte mano me kathaṃ tvā'bhivande || 7||

न कोऽप्यस्ति सत्यं मदीयो बिना त्वांविषाक्ते द्वितीये गतिर्यो भवाब्धौ ।असङ्ख्यानि जन्मानि सन्त्वम्बिके मेसदा चेत् स्मरामि त्वदीये पदाब्जे ॥ ८॥

na ko'pyasti satyaṃ madīyo binā tvāṃviṣākte dvitīye gatiryo bhavābdhau |asaṅkhyāni janmāni santvambike mesadā cet smarāmi tvadīye padābje || 8||

वृथा शब्दं परित्यज्य वद जिह्वे निरन्तरम् ।शारदे शारदे मातः जयानन्दमयीति च ॥इति पं\। श्रीदीनानाथत्रिपाठी काव्यव्याकरणन्यायतर्कसाङ्ख्यवेदान्ततीर्थविरचितं श्रीश्रीशारदादेव्यष्टकम् सम्पूर्णम् ।

vṛthā śabdaṃ parityajya vada jihve nirantaram |śārade śārade mātaḥ jayānandamayīti ca ||iti paṃ\| śrīdīnānāthatripāṭhī kāvyavyākaraṇanyāyatarkasāṅkhyavedāntatīrthaviracitaṃ śrīśrīśāradādevyaṣṭakam sampūrṇam |