शङ्करार्यपदावलम्वसुवर्णमालास्तुतिः Shri Shankararyapadavalamva Suvarnamalastutih

(श्रीकालटिक्षेत्रे)ओङ्कारपङ्कजमधुव्रत वेदशीर्षकञ्जातबालदिननाथ कृपासमुद्र ।वृन्दारकेन्द्रपदतौच्छ्यमनःप्रदायिन्श्रीशङ्करार्य मम देहि पदावलम्बम् ॥ १॥

(śrīkālaṭikṣetre)oṅkārapaṅkajamadhuvrata vedaśīrṣakañjātabāladinanātha kṛpāsamudra |vṛndārakendrapadataucchyamanaḥpradāyinśrīśaṅkarārya mama dehi padāvalambam || 1||

नत्वा पदाम्बुजनियुग्ममहो यदायंवाचस्पतित्वमधिगच्छति जन्ममूकः ।स त्वं कृपार्णव सरोरुहपत्रनेत्रश्रीशङ्करार्य मम देहि पदाबलम्बम् ॥ २॥

natvā padāmbujaniyugmamaho yadāyaṃvācaspatitvamadhigacchati janmamūkaḥ |sa tvaṃ kṛpārṇava saroruhapatranetraśrīśaṅkarārya mama dehi padābalambam || 2||

मत्तो मनःप्रभव एष पुरा यदीयनेत्राग्निनाऽऽप तरसा भसितस्वभावम् ।स त्वं विरक्तिमचलां प्रवितीर्य मह्यंश्रीशङ्करार्य मम देहि पदावलम्बम् ॥ ३॥

matto manaḥprabhava eṣa purā yadīyanetrāgninā''pa tarasā bhasitasvabhāvam |sa tvaṃ viraktimacalāṃ pravitīrya mahyaṃśrīśaṅkarārya mama dehi padāvalambam || 3||

शङ्कानिवारणपटो प्रणतव्रजस्ययं कालकाल इति कुम्भभवो जगाद ।स त्वं वितीर्य परमायुरभीष्टपूगंश्रीशङ्करार्य मम देहि पदावलम्बम् ॥ ४॥

śaṅkānivāraṇapaṭo praṇatavrajasyayaṃ kālakāla iti kumbhabhavo jagāda |sa tvaṃ vitīrya paramāyurabhīṣṭapūgaṃśrīśaṅkarārya mama dehi padāvalambam || 4||

कन्येव रूपगुणशालिनमादरेणमर्त्यं प्रमोदभरतः स्वयमेव मुक्तिः ।यद्वाक्सुधाप्रणयिनं वृणुते हि स त्वंश्रीशङ्करार्य मम देहि पदावलम्बम् ॥ ५॥

kanyeva rūpaguṇaśālinamādareṇamartyaṃ pramodabharataḥ svayameva muktiḥ |yadvāksudhāpraṇayinaṃ vṛṇute hi sa tvaṃśrīśaṅkarārya mama dehi padāvalambam || 5||

राजाधिराजपेदवीं तरसा प्रयातियत्पादपङ्कजयुगं सकृदेव नत्वा ।दीनाग्रयाम्यपि विना कमपि प्रयत्नंश्रीशङ्करार्य मम देहि पदावलम्बम् ॥ ६॥

rājādhirājapedavīṃ tarasā prayātiyatpādapaṅkajayugaṃ sakṛdeva natvā |dīnāgrayāmyapi vinā kamapi prayatnaṃśrīśaṅkarārya mama dehi padāvalambam || 6||

यत्यग्रयायिजनतावनबद्धदीक्षतत्त्वं प्रबोध्य तरसा बहुलैः स्वकीयैः ।ग्रन्थैश्च पूर्णकरुणाभरितैः कटाक्षैःश्रीशङ्करार्य मम देहि पदावलम्बम् ॥ ७॥

yatyagrayāyijanatāvanabaddhadīkṣatattvaṃ prabodhya tarasā bahulaiḥ svakīyaiḥ |granthaiśca pūrṇakaruṇābharitaiḥ kaṭākṣaiḥśrīśaṅkarārya mama dehi padāvalambam || 7||

स्तोत्रं त्वदङ्घ्रिकमलालितमानसेनसूक्तं पठेद्य इह भक्तियुतान्तरङ्गः ।पात्रं भवेत्स खलु सर्वसुखस्य सत्यंन द्वापरोऽत्र विषये मनसापि कार्यः ॥ ८॥

stotraṃ tvadaṅghrikamalālitamānasenasūktaṃ paṭhedya iha bhaktiyutāntaraṅgaḥ |pātraṃ bhavetsa khalu sarvasukhasya satyaṃna dvāparo'tra viṣaye manasāpi kāryaḥ || 8||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचिता श्रीशङ्करार्यपदावलम्बसुवर्णमालास्तुतिःसम्पूर्णा ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitā śrīśaṅkarāryapadāvalambasuvarṇamālāstutiḥsampūrṇā |