शारदादेव्यष्टकम् २ Shri Sharada Devi Ashtakam (2)

पादाम्भोजरजः कणैर्वसुमतीं कृत्स्नां पुनन्ती स्वकैर्जाता या शुभलक्षणा जनगणक्षेमाय सौम्याकृतिः ।बङ्गान्तर्जयरामवाट्यभिहिते ग्रामे द्विजस्यान्वयेवन्दे तां खलु शारदामणिमहं श्रीरामकृष्णप्रियाम् ॥ १॥

pādāmbhojarajaḥ kaṇairvasumatīṃ kṛtsnāṃ punantī svakairjātā yā śubhalakṣaṇā janagaṇakṣemāya saumyākṛtiḥ |baṅgāntarjayarāmavāṭyabhihite grāme dvijasyānvayevande tāṃ khalu śāradāmaṇimahaṃ śrīrāmakṛṣṇapriyām || 1||

यां मातां पथि दस्युरप्यवनतः क्रौर्यं निरस्यादवाद्द्रागङ्गीकृतवांश्चिराय दुहितेत्याख्याय मोहात्ययात् ।सेवाद्यैरचिरात् प्रसाद्य दयितस्थानं तथा नीतवान्वन्दे तां खलु शारदामणिमहं श्रीरामकृष्णप्रियाम् ॥ २॥

yāṃ mātāṃ pathi dasyurapyavanataḥ krauryaṃ nirasyādavāddrāgaṅgīkṛtavāṃścirāya duhitetyākhyāya mohātyayāt |sevādyairacirāt prasādya dayitasthānaṃ tathā nītavānvande tāṃ khalu śāradāmaṇimahaṃ śrīrāmakṛṣṇapriyām || 2||

पूर्वं कल्पितया विवाहविधये दैवेन सद्वृत्तयाबध्वा शिक्षितयात्मना स्वमनसो वाञ्छानुरूपं शनैः ।शुद्धात्मापि पतिर्यया शुचितरो जातः कृतार्थोऽप्यहोवन्दे तां खलु शारदामणिमहं श्रीरामकृष्णप्रियाम् ॥ ३॥

pūrvaṃ kalpitayā vivāhavidhaye daivena sadvṛttayābadhvā śikṣitayātmanā svamanaso vāñchānurūpaṃ śanaiḥ |śuddhātmāpi patiryayā śucitaro jātaḥ kṛtārtho'pyahovande tāṃ khalu śāradāmaṇimahaṃ śrīrāmakṛṣṇapriyām || 3||

चित्रं भोः फलहारिणीतिथिरजन्यर्धे स्व सिद्धेः फलंपूजान्ते पुरुषोत्तमेन गुरुणा यस्यै रहस्यार्पितम् ।षोडश्यै विधिवत् त्रिलोकजननी बुद्।ह्ध्या जपाक्षस्रजावन्दे तां खलु शारदामणिमहं श्रीरामकृष्णप्रियाम् ॥ ४॥

citraṃ bhoḥ phalahāriṇītithirajanyardhe sva siddheḥ phalaṃpūjānte puruṣottamena guruṇā yasyai rahasyārpitam |ṣoḍaśyai vidhivat trilokajananī bud|hdhyā japākṣasrajāvande tāṃ khalu śāradāmaṇimahaṃ śrīrāmakṛṣṇapriyām || 4||

यस्या नो द्विजते स्म जीवनिवहः शिष्या नरेन्द्रादयः ।प्राप्याज्ञामपि सम्भ्रमादपि भयात् प्रीत्यान्वतिष्ठन्नपि ।लीयन्ते रिपवः प्रणश्यति भवः शान्तिश्च सञ्जायते ।वन्दे तां खलु शारदामणिमहं श्रीरामकृष्णप्रियाम् ॥ ५॥

yasyā no dvijate sma jīvanivahaḥ śiṣyā narendrādayaḥ |prāpyājñāmapi sambhramādapi bhayāt prītyānvatiṣṭhannapi |līyante ripavaḥ praṇaśyati bhavaḥ śāntiśca sañjāyate |vande tāṃ khalu śāradāmaṇimahaṃ śrīrāmakṛṣṇapriyām || 5||

सेवाप्रेम दयात्रपामति कथा यस्याः परं गीयते ।श्रद्धाभक्तिभराज्जनैरहरहः पारेऽब्धि राष्ट्रेष्वपि ।कारुण्यं नयनेऽभयं करतले मुक्तिश्च पादाम्बुजे ।वन्दे तां खलु शारदामणिमहं श्रीरामकृष्णप्रियाम् ॥ ६॥

sevāprema dayātrapāmati kathā yasyāḥ paraṃ gīyate |śraddhābhaktibharājjanairaharahaḥ pāre'bdhi rāṣṭreṣvapi |kāruṇyaṃ nayane'bhayaṃ karatale muktiśca pādāmbuje |vande tāṃ khalu śāradāmaṇimahaṃ śrīrāmakṛṣṇapriyām || 6||

यस्यां स्नेहनिधौ प्रकामविनताः सौजन्यमुग्धान्तराः ।साध्वीसङ्घशिरोमणौ पृथुतपो निष्ठाम्बुधौ सज्जनाः ।स्वेषामादधति प्रसन्प्रवदनाः सर्वस्वमप्यार्तितो ।वन्दे तां खलु शारदामणिमहं श्रीरामकृष्णप्रियाम् ॥ ७॥

yasyāṃ snehanidhau prakāmavinatāḥ saujanyamugdhāntarāḥ |sādhvīsaṅghaśiromaṇau pṛthutapo niṣṭhāmbudhau sajjanāḥ |sveṣāmādadhati prasanpravadanāḥ sarvasvamapyārtito |vande tāṃ khalu śāradāmaṇimahaṃ śrīrāmakṛṣṇapriyām || 7||

मातर्मातरये ! कृपामयि ! धरोद्धारार्धमभ्यागते !त्रायस्वेह सुताननाथपतितांस्तत्पादपद्माश्रितान् ।सम्प्रार्थ्येति वरं क्रमादुपगताः प्राच्याः प्रतीच्याश्च यांवन्दे तां खलु शारदामणिमहं श्री रामकृष्णप्रियाम् ॥ ८॥

mātarmātaraye ! kṛpāmayi ! dharoddhārārdhamabhyāgate !trāyasveha sutānanāthapatitāṃstatpādapadmāśritān |samprārthyeti varaṃ kramādupagatāḥ prācyāḥ pratīcyāśca yāṃvande tāṃ khalu śāradāmaṇimahaṃ śrī rāmakṛṣṇapriyām || 8||

श्री शारदाफुल्लपदारविन्दे लग्नो यथालिर्मकरन्दमत्तःअत्याल्पधीमातृकृपार्थिदुर्गादासास्तृतोऽस्तु स्तव एष शस्तः ॥ ९॥

śrī śāradāphullapadāravinde lagno yathālirmakarandamattaḥatyālpadhīmātṛkṛpārthidurgādāsāstṛto'stu stava eṣa śastaḥ || 9||

इति अध्यापकश्रीदुर्गादासगोस्वामीविरचितं श्रीश्रीशारदादेव्यष्टकम् सम्पूर्णम् ।

iti adhyāpakaśrīdurgādāsagosvāmīviracitaṃ śrīśrīśāradādevyaṣṭakam sampūrṇam |