शारदादेव्यष्टकम् १ Shri Sharada Devi Ashtakam

दक्षिणेश्वरपुराधिवासिनि दक्षजाभगिनि दुःखनाशिनि ।स्वर्णनदीतटनिवासमोदिनि पाहि मां जननि शारदाम्बिके ॥ १॥

dakṣiṇeśvarapurādhivāsini dakṣajābhagini duḥkhanāśini |svarṇanadītaṭanivāsamodini pāhi māṃ janani śāradāmbike || 1||

सत्त्ववर्णविमलाम्बरावृते ध्यानगे दरानिमीलितेक्षणे ।कङ्कणोल्लसित सत्कराम्बुजे पाहि मां जननि शारदाम्बिके ॥ २॥

sattvavarṇavimalāmbarāvṛte dhyānage darānimīlitekṣaṇe |kaṅkaṇollasita satkarāmbuje pāhi māṃ janani śāradāmbike || 2||

शैशवे धृतविवाहमङ्गले तापसेन्द्रपति पूजितेऽनघे ।सर्वमङ्गल गुणैर्विराजिते पाहि मां जननि शारदाम्बिके ॥ ३॥

śaiśave dhṛtavivāhamaṅgale tāpasendrapati pūjite'naghe |sarvamaṅgala guṇairvirājite pāhi māṃ janani śāradāmbike || 3||

ब्रह्मयोगिसहधर्मचारिणि प्रेमवर्षिणि महातपस्विनि ।मौक्तिकामलवचोविलासिनि पाहि मां जननि शारदाम्बिके ॥ ४॥

brahmayogisahadharmacāriṇi premavarṣiṇi mahātapasvini |mauktikāmalavacovilāsini pāhi māṃ janani śāradāmbike || 4||

भक्तलोकभवभेदकारिणि दुष्टपावनि सदा विरागिनि ।ब्रह्मवादिनि तमोनिवारिणि पाहि मां जननि शारदाम्बिके ॥ ५॥

bhaktalokabhavabhedakāriṇi duṣṭapāvani sadā virāgini |brahmavādini tamonivāriṇi pāhi māṃ janani śāradāmbike || 5||

श्री जगद्गुरु वचः प्रचारिणि धर्मरक्षिणि गुणानुरञ्जिनि ।योगिवृन्दजननीष्टदायिनि पाहि मां जननि शारदाम्बिके ॥ ६॥

śrī jagadguru vacaḥ pracāriṇi dharmarakṣiṇi guṇānurañjini |yogivṛndajananīṣṭadāyini pāhi māṃ janani śāradāmbike || 6||

भेषजं भवरोगाणां ज्योतिरज्ञाननाशनम् ।त्वत्पादपङ्कजं देवि, प्रणमामि मुहुर्मुहुः ॥ ७॥

bheṣajaṃ bhavarogāṇāṃ jyotirajñānanāśanam |tvatpādapaṅkajaṃ devi, praṇamāmi muhurmuhuḥ || 7||

मातरं सर्वलोकानां सर्वमङ्गलविग्रहाम् ।भक्तेष्वमितकारुण्यां मातृदेवीं नमाम्यहम् ॥ ८॥

mātaraṃ sarvalokānāṃ sarvamaṅgalavigrahām |bhakteṣvamitakāruṇyāṃ mātṛdevīṃ namāmyaham || 8||

इति श्रीमतीदेवकी, के, मेननविरचितं श्रीशारदादेव्यष्टकम् सम्पूर्णम् ।

iti śrīmatīdevakī, ke, menanaviracitaṃ śrīśāradādevyaṣṭakam sampūrṇam |