शङ्करार्यपदावलम्बस्तवः Shri Shankararyapadavalambastavah

(कालटिक्षेत्रे ) ॥नाकादिलोकविरतिः प्रभवेद्दृढा यद्वाक्यामृतश्रवणतोऽप्यतिकामुकस्य ।स त्वं विरक्तिद जवात्पदनम्रपङ्क्त्यैश्रीशङ्करार्य मम देहि पदावलम्बम् ॥ १॥

(kālaṭikṣetre ) ||nākādilokaviratiḥ prabhaveddṛḍhā yadvākyāmṛtaśravaṇato'pyatikāmukasya |sa tvaṃ viraktida javātpadanamrapaṅktyaiśrīśaṅkarārya mama dehi padāvalambam || 1||

अन्नासुचित्तमुखकोशविवेचनेनतत्त्वं परं द्रुततरं प्रतिबोधयंस्त्वम् ।मोक्षप्रदायक पदाम्बुजसन्नतेभ्यःश्रीशङ्करार्य मम देहि पदावलम्बम् ॥ २॥

annāsucittamukhakośavivecanenatattvaṃ paraṃ drutataraṃ pratibodhayaṃstvam |mokṣapradāyaka padāmbujasannatebhyaḥśrīśaṅkarārya mama dehi padāvalambam || 2||

क्लेशान्निवार्य कृपया तरसास्मितादीन्पञ्चापि साधनचतुष्टयमाशु दत्त्वा ।बुद्धिं विचारपरमां प्रविधाय सम्यक्श्रीशङ्करार्य मम देहि पदावलम्बम् ॥ ३॥

kleśānnivārya kṛpayā tarasāsmitādīnpañcāpi sādhanacatuṣṭayamāśu dattvā |buddhiṃ vicāraparamāṃ pravidhāya samyakśrīśaṅkarārya mama dehi padāvalambam || 3||

बद्।ह्ध्वा त्वदङ्घ्रिसरसीरुहभक्तिरज्ज्वाचेतःकपिं विषयकण्टकपादपेषु ।छायाफलादिरहितेषु वृथा चरन्तंश्रीशङ्करार्य मम देहि पदावत्ठम्बम् ॥ ४॥

bad|hdhvā tvadaṅghrisarasīruhabhaktirajjvācetaḥkapiṃ viṣayakaṇṭakapādapeṣu |chāyāphalādirahiteṣu vṛthā carantaṃśrīśaṅkarārya mama dehi padāvatṭhambam || 4||

प्राणैर्विहीनतनयं तरसा समीपमानीय रोदनकरौ पितरौ समीक्ष्य ।यः प्रातनोदसुयुतं तनयं हि स त्वंश्रीशङ्करार्य मम देहि पदावलम्बम् ॥ ५॥

prāṇairvihīnatanayaṃ tarasā samīpamānīya rodanakarau pitarau samīkṣya |yaḥ prātanodasuyutaṃ tanayaṃ hi sa tvaṃśrīśaṅkarārya mama dehi padāvalambam || 5||

भट्टादिभास्करसितेतरकण्ठमुख्यान्वादे विजित्य कुतुकाद्विदुषां वरेण्यान् ।अद्वैतमार्गपरिरक्षणजागरूकश्रीशङ्करार्य मम देहि पदावलम्बम् ॥ ६॥

bhaṭṭādibhāskarasitetarakaṇṭhamukhyānvāde vijitya kutukādviduṣāṃ vareṇyān |advaitamārgaparirakṣaṇajāgarūkaśrīśaṅkarārya mama dehi padāvalambam || 6||

श्रीमत्प्रणीतशुकतातमुनीन्द्रसूत्रभाष्यादिपाठनविधावधिकं पटुत्वम् ।दत्वापि शून्यपरिमाणजडत्ववार्धेःश्रीशङ्करार्य मम देहि पदावलम्बम् ॥ ७॥

śrīmatpraṇītaśukatātamunīndrasūtrabhāṣyādipāṭhanavidhāvadhikaṃ paṭutvam |datvāpi śūnyaparimāṇajaḍatvavārdheḥśrīśaṅkarārya mama dehi padāvalambam || 7||

भाष्याख्यपुष्परसपूर्णमुखारविन्दनम्रान्तरङ्गमधुकृत्परितुष्टिदक्ष ।रुद्राक्षकण्ठ निजनीलगलत्वसिद्।ह्ध्यैश्रीशङ्करार्य मम देहि पदावलम्बम् ॥ ८॥

bhāṣyākhyapuṣparasapūrṇamukhāravindanamrāntaraṅgamadhukṛtparituṣṭidakṣa |rudrākṣakaṇṭha nijanīlagalatvasid|hdhyaiśrīśaṅkarārya mama dehi padāvalambam || 8||

आस्तिक्यरत्नमिह पुण्यचयेन लभ्यंकल्यम्बुधौ निपतितं तरसाऽऽर्यपाद ।उद्धृत्य तेन परिपालय लोकमेनंश्रीशङ्करार्य मम देहि पदावलम्बम् ॥ ९॥

āstikyaratnamiha puṇyacayena labhyaṃkalyambudhau nipatitaṃ tarasā''ryapāda |uddhṛtya tena paripālaya lokamenaṃśrīśaṅkarārya mama dehi padāvalambam || 9||

योगप्रदायक जवान्नतमस्करिभ्योभोगप्रदाथ गृहिणामविरक्तिभाजाम् ।कालस्मयापह विपापजनेड्यपादश्रीशङ्करार्य मम देहि पदावलम्बम् ॥ १०॥

yogapradāyaka javānnatamaskaribhyobhogapradātha gṛhiṇāmaviraktibhājām |kālasmayāpaha vipāpajaneḍyapādaśrīśaṅkarārya mama dehi padāvalambam || 10||

छिन्नेऽपि शस्त्रनिचयैर्बहुधा शरीरेखेदं न कञ्चिदपि याति यथा मनो मे ।तद्वत्स्थिरां कुरु मतिं सुखचित्स्वरूपेश्रीशङ्करार्य मम देहि पदावलम्बम् ॥ ११॥

chinne'pi śastranicayairbahudhā śarīrekhedaṃ na kañcidapi yāti yathā mano me |tadvatsthirāṃ kuru matiṃ sukhacitsvarūpeśrīśaṅkarārya mama dehi padāvalambam || 11||

अन्यैर्भिषग्भिरनिवार्यमहाऽऽमयं मेयस्मात्त्वमाद्यभिषगस्यचिरान्निवार्य ।अज्ञानसंज्ञमतिनिश्चलबोधदानाच्छ्रीशङ्करार्य मम देहि पदावलम्बम् ॥ १२॥

anyairbhiṣagbhiranivāryamahā''mayaṃ meyasmāttvamādyabhiṣagasyacirānnivārya |ajñānasaṃjñamatiniścalabodhadānācchrīśaṅkarārya mama dehi padāvalambam || 12||

वातावधूतवरुणालयभङ्गगर्वभङ्गप्रचण्डवचसः प्रभवन्ति यत्ते ।मूका अपि प्रणमनात्पदयोः सकृत्तच्छ्रीशङ्करार्य मम देहि पदावलम्बम् ॥ १३॥

vātāvadhūtavaruṇālayabhaṅgagarvabhaṅgapracaṇḍavacasaḥ prabhavanti yatte |mūkā api praṇamanātpadayoḥ sakṛttacchrīśaṅkarārya mama dehi padāvalambam || 13||

लीनं तथा कुरु मनः परमार्थवस्तुन्यैक्यावबोधनवशान्मम निःसरेन्न ।यद्वत्पुनः परमकारुणिकाग्रगण्यश्रीशङ्करार्य मम देहि पदावद्।ह्ध्यबम् ॥ १४॥

līnaṃ tathā kuru manaḥ paramārthavastunyaikyāvabodhanavaśānmama niḥsarenna |yadvatpunaḥ paramakāruṇikāgragaṇyaśrīśaṅkarārya mama dehi padāvad|hdhyabam || 14||

संन्यासिनां हि विषवद्विषयेषु बुद्धिंतन्वस्तथा च गृहिणां शुभकर्मवाञ्छाम् ।सर्वान्क्रमेण च परं पदमापयंस्त्वंश्रीशङ्करार्य मम देहि पदाबलम्बम् ॥ १५॥

saṃnyāsināṃ hi viṣavadviṣayeṣu buddhiṃtanvastathā ca gṛhiṇāṃ śubhakarmavāñchām |sarvānkrameṇa ca paraṃ padamāpayaṃstvaṃśrīśaṅkarārya mama dehi padābalambam || 15||

यत्पादपङ्कजनतेरपि जातु मूकलोकोऽपि दिव्यकवितामयते हि तूर्णम् ।स त्वं तव स्तुतिकृते कवितां वितीर्यश्रीशङ्करार्य मम देहि पदावलम्बम् ॥ १६॥

yatpādapaṅkajanaterapi jātu mūkaloko'pi divyakavitāmayate hi tūrṇam |sa tvaṃ tava stutikṛte kavitāṃ vitīryaśrīśaṅkarārya mama dehi padāvalambam || 16||

आकर्ण्य दीनगृहिणीवचनं कृपार्द्रःस्वर्णात्मकामलकसन्ततिमासमन्तात् ।गेहस्य योऽतितरसा हि ववर्ष स त्वंश्रीशङ्करार्य मम देहि पदावलम्बम् ॥ १७॥

ākarṇya dīnagṛhiṇīvacanaṃ kṛpārdraḥsvarṇātmakāmalakasantatimāsamantāt |gehasya yo'titarasā hi vavarṣa sa tvaṃśrīśaṅkarārya mama dehi padāvalambam || 17||

आनेष्ट दूरगनदीं जननीहिताययो बाल्य एव जगतां हितकृत्स्वभावःस त्वं समस्तजनरक्षणबद्धदीक्षश्रीशङ्करार्य मम देहि पदावलम्बम् ॥ १८॥

āneṣṭa dūraganadīṃ jananīhitāyayo bālya eva jagatāṃ hitakṛtsvabhāvaḥsa tvaṃ samastajanarakṣaṇabaddhadīkṣaśrīśaṅkarārya mama dehi padāvalambam || 18||

मोहाद्वृथा विरसगन्धविहीनशब्दस्पर्शाख्यपुष्पचलनादतिखेदभाजम् ।हृद्भृङ्गमात्मपदपद्मगतं विधायश्रीशङ्करार्य मम देहि पदावलम्बम् ॥ १९॥

mohādvṛthā virasagandhavihīnaśabdasparśākhyapuṣpacalanādatikhedabhājam |hṛdbhṛṅgamātmapadapadmagataṃ vidhāyaśrīśaṅkarārya mama dehi padāvalambam || 19||

सर्वान्स्वकीयमततत्त्वपरीक्षणेच्छूंस्तत्तन्मतार्थकथनेन विजित्य मोदम् ।सर्वज्ञपीठमधिरुह्य य आप स त्वंश्रीशङ्करार्य मम देहि पदावलम्बम् ॥ २०॥

sarvānsvakīyamatatattvaparīkṣaṇecchūṃstattanmatārthakathanena vijitya modam |sarvajñapīṭhamadhiruhya ya āpa sa tvaṃśrīśaṅkarārya mama dehi padāvalambam || 20||

शान्त्यादिसाधनवता पुरुषोत्तमेनसम्प्राप्य सद्गुरुमतः श्रवणादि कृत्वा ।यः प्राप्यते विमलबोधतनुर्हि स त्वंश्रीशङ्करार्य मम देहि पदावलम्बम् ॥ २१॥

śāntyādisādhanavatā puruṣottamenasamprāpya sadgurumataḥ śravaṇādi kṛtvā |yaḥ prāpyate vimalabodhatanurhi sa tvaṃśrīśaṅkarārya mama dehi padāvalambam || 21||

श्रीनाथशम्भुविधिशुद्धपरात्मरूपकाशान्तचञ्चलहृदां पदसन्नतानाम् ।पाषाणनिश्चलमनस्त्वनिधानदक्षश्रीशङ्करार्य मम देहि पदावलम्बम् ॥ २२॥

śrīnāthaśambhuvidhiśuddhaparātmarūpakāśāntacañcalahṛdāṃ padasannatānām |pāṣāṇaniścalamanastvanidhānadakṣaśrīśaṅkarārya mama dehi padāvalambam || 22||

राजीवपादमुखलभ्यमनन्तपुण्यैराजाधिराजनिचयार्थितमन्वहं च ।निर्व्याजपूर्णकृपयास्य वराकराजःश्रीशङ्करार्य मम देहि पदावलम्बम् ॥ २३॥

rājīvapādamukhalabhyamanantapuṇyairājādhirājanicayārthitamanvahaṃ ca |nirvyājapūrṇakṛpayāsya varākarājaḥśrīśaṅkarārya mama dehi padāvalambam || 23||

वाचोऽपि चित्तसहिता न हि यत्र गन्तुंशक्ष्यन्ति तद्विषयतां कथमेति वस्तु ।त्यक्त्वा कृपां गुरुवरस्य हि चित्स्वरूपश्रीशङ्करार्य मम देहि पदावलम्बम् ॥ २४॥

vāco'pi cittasahitā na hi yatra gantuṃśakṣyanti tadviṣayatāṃ kathameti vastu |tyaktvā kṛpāṃ guruvarasya hi citsvarūpaśrīśaṅkarārya mama dehi padāvalambam || 24||

जाड्याम्बुधौ निरवधौ दृढमग्नमग्नमत्यन्तविस्मृतचिदात्मसुखस्वरूपम् ।उद्धृत्य धीरशनया तरसा कृपाब्धेश्रीशङ्करार्य मम देहि पदावलम्बम् ॥ २५॥

jāḍyāmbudhau niravadhau dṛḍhamagnamagnamatyantavismṛtacidātmasukhasvarūpam |uddhṛtya dhīraśanayā tarasā kṛpābdheśrīśaṅkarārya mama dehi padāvalambam || 25||

हस्ताम्बुजं शिरसि हेतुविहीनपूर्णकारुण्यतोऽतितरसा विनिधाय मत्के ।स्वाराज्यमाशुवितरात्मपदेऽभिषिच्यश्रीशङ्करार्य मम देहि पदावलम्बम् ॥ २६॥

hastāmbujaṃ śirasi hetuvihīnapūrṇakāruṇyato'titarasā vinidhāya matke |svārājyamāśuvitarātmapade'bhiṣicyaśrīśaṅkarārya mama dehi padāvalambam || 26||

माता पिता च भगिनी तनुजश्च जायानैवाश्रयाय पुरुषस्य भवन्ति काले ।एकं विना गुरुवराङ्घ्रिपयःप्रभूतंश्रीशङ्करार्य मम देहि पदाबलम्बम् ॥ २७॥

mātā pitā ca bhaginī tanujaśca jāyānaivāśrayāya puruṣasya bhavanti kāle |ekaṃ vinā guruvarāṅghripayaḥprabhūtaṃśrīśaṅkarārya mama dehi padābalambam || 27||

सम्प्राप्तयोगसरणिं सदसद्विवेकदक्षं दमादिगुणसम्भृतमानसं च ।कृत्वा सरोजभवचित्तपयोजभानोश्रीशङ्करार्य मम देहि पदाबलम्बम् ॥ २८॥

samprāptayogasaraṇiṃ sadasadvivekadakṣaṃ damādiguṇasambhṛtamānasaṃ ca |kṛtvā sarojabhavacittapayojabhānośrīśaṅkarārya mama dehi padābalambam || 28||

श्रीशङ्करेति सततं परिकीर्तयन्तिपादाम्बुजं परगुरोर्हृदि चिन्तयन्ति ।ये वै त एव सुखिनः पुरुषा हि लोकेश्रीशङ्करार्य मम देहि पदावलम्बम् ॥ २९॥

śrīśaṅkareti satataṃ parikīrtayantipādāmbujaṃ paragurorhṛdi cintayanti |ye vai ta eva sukhinaḥ puruṣā hi lokeśrīśaṅkarārya mama dehi padāvalambam || 29||

मात्सर्यमुख्यभयहेतुमृगावर्कार्णेसङ्कल्पनामकमहाजवपक्षियुक्ते ।स्वान्ताख्यघोरविपिने चरतः कृपाब्धेश्रीशङ्करार्य मम देहि पदावलम्बम् ॥ ३०॥

mātsaryamukhyabhayahetumṛgāvarkārṇesaṅkalpanāmakamahājavapakṣiyukte |svāntākhyaghoravipine carataḥ kṛpābdheśrīśaṅkarārya mama dehi padāvalambam || 30||

वर्णाश्रमादिपरिपालनसक्तिमाशुदत्त्वा दृढां नृपततेरपि भूयसीं च ।श्रद्धां श्रुतिस्मृतिततिष्वचलां च लक्ष्मींश्रीशङ्करार्य मम देहि पदावलम्बम् ॥ ३१॥

varṇāśramādiparipālanasaktimāśudattvā dṛḍhāṃ nṛpataterapi bhūyasīṃ ca |śraddhāṃ śrutismṛtitatiṣvacalāṃ ca lakṣmīṃśrīśaṅkarārya mama dehi padāvalambam || 31||

आदौ तु साधनचतुष्टयहेतुभूतंपश्चाच्छ्रुतार्थपरिचिन्तनसाधनं च ।अन्ते च दृश्यरहितात्मसुखप्रदं तेश्रीशङ्करार्य मम देहि पदावलम्बम् ॥ ३२॥

ādau tu sādhanacatuṣṭayahetubhūtaṃpaścācchrutārthaparicintanasādhanaṃ ca |ante ca dṛśyarahitātmasukhapradaṃ teśrīśaṅkarārya mama dehi padāvalambam || 32||

विद्यानिधे विशदितानतचित्तपद्मविद्याप्रदाननिरताङ्घ्रिसरोजपूज ।विष्ण्वीशभेदमतिवारणपञ्चवक्त्रश्रीशङ्करार्य मम देहि पदावलम्बम् ॥ ३३॥

vidyānidhe viśaditānatacittapadmavidyāpradānaniratāṅghrisarojapūja |viṣṇvīśabhedamativāraṇapañcavaktraśrīśaṅkarārya mama dehi padāvalambam || 33||

दक्षेण पाणिकमलेन विबोधमुद्रामन्येन नम्रवरदानसमर्थचिह्नम् ।बिभ्राणपद्मनिभनेत्र कृपाम्बुराशेश्रीशङ्करार्य मम देहि पदावलम्बम् ॥ ३४॥

dakṣeṇa pāṇikamalena vibodhamudrāmanyena namravaradānasamarthacihnam |bibhrāṇapadmanibhanetra kṛpāmburāśeśrīśaṅkarārya mama dehi padāvalambam || 34||

श्रीकालटीधरणिभूषणभूतजन्मन्जन्मादिदुःखविनिवारणबद्धदीक्ष ।कारुण्यपूर्णनयनावनिदेवभाग्यश्रीशङ्करार्य मम देहि पदावलम्बम् ॥ ३५॥

śrīkālaṭīdharaṇibhūṣaṇabhūtajanmanjanmādiduḥkhavinivāraṇabaddhadīkṣa |kāruṇyapūrṇanayanāvanidevabhāgyaśrīśaṅkarārya mama dehi padāvalambam || 35||

वेदाविरुद्धमतसाधनबद्धदीक्षवादे विजित्य तरसा क्षितिमण्डलं यः ।अद्वैतरक्षणमहो कृतवांश्च स त्वंश्रीशङ्करार्य मम देहि पदावलम्बम् ॥ ३६॥

vedāviruddhamatasādhanabaddhadīkṣavāde vijitya tarasā kṣitimaṇḍalaṃ yaḥ |advaitarakṣaṇamaho kṛtavāṃśca sa tvaṃśrīśaṅkarārya mama dehi padāvalambam || 36||

त्तत्त्वार्थबोधनविहीनहृदम्बुजस्यरागादिदोषपरिपूरितचेतसो मे ।तत्त्वं विबोध्य विनिवार्य च रागरोगंश्रीशङ्करार्य मम देहि पदाबलम्बम् ॥ ३७॥

ttattvārthabodhanavihīnahṛdambujasyarāgādidoṣaparipūritacetaso me |tattvaṃ vibodhya vinivārya ca rāgarogaṃśrīśaṅkarārya mama dehi padābalambam || 37||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचितः श्रीशङ्करार्यपदावलम्बस्तवः सम्पूर्णः ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitaḥ śrīśaṅkarāryapadāvalambastavaḥ sampūrṇaḥ |