राघवेन्द्रतन्त्रम् Shri Raghavendra Tantram

॥ श्रीराघवेन्द्रतन्त्रम् ॥अनुक्रमणिकाप्रथमपटलः ॥ १॥

|| śrīrāghavendratantram ||anukramaṇikāprathamapaṭalaḥ || 1||

द्वितीयपटलः मन्त्रविधिवर्णनम् ॥ २॥

dvitīyapaṭalaḥ mantravidhivarṇanam || 2||

तृतीयपटलः राघवेन्द्रहृदयम् ॥ ३॥

tṛtīyapaṭalaḥ rāghavendrahṛdayam || 3||

चतुर्थपटलः राघवेन्द्रपूजाविधानम् ॥ ४॥

caturthapaṭalaḥ rāghavendrapūjāvidhānam || 4||

पञ्चमपटलः राघवेन्द्ररक्षाकवचम् ॥ ५॥

pañcamapaṭalaḥ rāghavendrarakṣākavacam || 5||

षष्ठपटलः राघवेन्द्रबन्धमोचनकवचम् ॥ ६॥

ṣaṣṭhapaṭalaḥ rāghavendrabandhamocanakavacam || 6||

सप्तमपटलः राघवेन्द्राष्टोत्तरशतनामस्तोत्रम् ॥ ७॥

saptamapaṭalaḥ rāghavendrāṣṭottaraśatanāmastotram || 7||

अष्टमपटलः राघवेन्द्रसहस्रनामस्तोत्रम् ॥ ८॥

aṣṭamapaṭalaḥ rāghavendrasahasranāmastotram || 8||

नवमपटलः राघवेन्द्रगुरुदशस्तोत्राणि ॥ ९॥

navamapaṭalaḥ rāghavendragurudaśastotrāṇi || 9||

अध्यायः १ राघवेन्द्राभयप्रदानंअध्यायः २ राघवेन्द्रापत्परिहरणस्तोत्रं (अश्वधाटि)अध्यायः ३ राघवेन्द्रदुःखहरणस्तोत्रंअध्यायः ४ राघवेन्द्रकरावलम्बनस्तोत्रंअध्यायः ५ राघवेन्द्रसंसारोद्धरणस्तोत्रंअध्यायः ६ राघवेन्द्रहृद्रोगहरणस्तोत्रंअध्यायः ७ राघवेन्द्र प्रतिकूल स्वानुकूलीकरणस्तोत्रंअध्यायः ८ राघवेन्द्रसन्तोषप्रदस्तोत्रंअध्यायः ९ राघवेन्द्रदारिद्र्यमोचनस्तोत्रंअध्यायः १० राघवेन्द्रगुरुकरुणासम्पादनस्तोत्रंदशमपटलः राघवेन्द्रप्रदक्षिणागद्यम् ॥ १०॥

adhyāyaḥ 1 rāghavendrābhayapradānaṃadhyāyaḥ 2 rāghavendrāpatpariharaṇastotraṃ (aśvadhāṭi)adhyāyaḥ 3 rāghavendraduḥkhaharaṇastotraṃadhyāyaḥ 4 rāghavendrakarāvalambanastotraṃadhyāyaḥ 5 rāghavendrasaṃsāroddharaṇastotraṃadhyāyaḥ 6 rāghavendrahṛdrogaharaṇastotraṃadhyāyaḥ 7 rāghavendra pratikūla svānukūlīkaraṇastotraṃadhyāyaḥ 8 rāghavendrasantoṣapradastotraṃadhyāyaḥ 9 rāghavendradāridryamocanastotraṃadhyāyaḥ 10 rāghavendragurukaruṇāsampādanastotraṃdaśamapaṭalaḥ rāghavendrapradakṣiṇāgadyam || 10||

एकादशपटलः राघवेन्द्रगाथास्तुतिः ॥ ११॥

ekādaśapaṭalaḥ rāghavendragāthāstutiḥ || 11||

द्वादशपटलः राघवेन्द्रऋणमोचनस्तोत्रम् ॥ १२॥

dvādaśapaṭalaḥ rāghavendraṛṇamocanastotram || 12||

त्रयोदशपटलः राघवेन्द्रपादुकापूजाविधानम् ॥ १३॥

trayodaśapaṭalaḥ rāghavendrapādukāpūjāvidhānam || 13||

चतुर्दशपटलः राघवेन्द्रक्षमापणस्तोत्रम् ॥ १४॥

caturdaśapaṭalaḥ rāghavendrakṣamāpaṇastotram || 14||

पञ्चदशपटलः राघवेन्द्रगुरुराजस्तवराजः ॥ १५॥

pañcadaśapaṭalaḥ rāghavendragururājastavarājaḥ || 15||

अथ श्रीराघवेन्द्रतन्त्रम् ।अथातः श्रीराघवेन्द्रतन्त्रं वक्ष्ये तवाज्ञया ।कृष्णावधूतनामाऽहं कलौ प्रत्यक्षसिद्धिदम् ॥ १॥

atha śrīrāghavendratantram |athātaḥ śrīrāghavendratantraṃ vakṣye tavājñayā |kṛṣṇāvadhūtanāmā'haṃ kalau pratyakṣasiddhidam || 1||

नारायणं नमस्कृत्य रामकृष्णद्वयात्मकम् ।मारुतित्रितयं प्राणं ततो ग्रन्थमुदीरयेद् ॥ २॥

nārāyaṇaṃ namaskṛtya rāmakṛṣṇadvayātmakam |mārutitritayaṃ prāṇaṃ tato granthamudīrayed || 2||

श्रीराघवेन्द्रगुरुराट् सार्वभौमाङ्घ्रिरेणवः ।सिद्धिं दिशन्तु मे वाचां रसार्णव इवाम्भसाम् ॥ ३॥

śrīrāghavendragururāṭ sārvabhaumāṅghrireṇavaḥ |siddhiṃ diśantu me vācāṃ rasārṇava ivāmbhasām || 3||

राघवेन्द्रगुरोः पादपद्मपांसुलुठन्मनाः ।अप्पणाचार्यवर्योऽत्र सिद्धिं दिशतु कर्मणि ॥ ४॥

rāghavendraguroḥ pādapadmapāṃsuluṭhanmanāḥ |appaṇācāryavaryo'tra siddhiṃ diśatu karmaṇi || 4||

यः पूर्वं बोधयामास स्वप्ने मां विमुखं गुरोः ।द्वात्रिंशद्वर्षपर्यन्तं दुराचाररतं सदा ॥ ५॥

yaḥ pūrvaṃ bodhayāmāsa svapne māṃ vimukhaṃ guroḥ |dvātriṃśadvarṣaparyantaṃ durācārarataṃ sadā || 5||

प्रबोधितोऽप्यविश्वासादप्पणार्येण मूढधीः ।नाकार्षं श्रीगुरौ भक्तिं पुनरासं कुकर्मणि ॥ ६॥

prabodhito'pyaviśvāsādappaṇāryeṇa mūḍhadhīḥ |nākārṣaṃ śrīgurau bhaktiṃ punarāsaṃ kukarmaṇi || 6||

पुनः स्वप्ने समागत्य मन्त्रौ स व्यासकृष्णयोः ।अप्पणाचार्योऽहमित्युक्त्वा सेवां चोपाविशद्गुरोः ॥ ७॥

punaḥ svapne samāgatya mantrau sa vyāsakṛṣṇayoḥ |appaṇācāryo'hamityuktvā sevāṃ copāviśadguroḥ || 7||

अज्ञात श्रीगुरुस्तोत्रोऽप्येतत्प्रभृति विश्वसन् ।गुरुस्तोत्रार्थमेवाहं पठन् गुरुमपूजयम् ॥ ८॥

ajñāta śrīgurustotro'pyetatprabhṛti viśvasan |gurustotrārthamevāhaṃ paṭhan gurumapūjayam || 8||

एवं कतिपये काले निवृत्ते कोऽपि सद्यतिः ।स्वप्ने यदाह गोप्यत्वात् तद्वक्तुं न हि साम्प्रतम् ॥ ९॥

evaṃ katipaye kāle nivṛtte ko'pi sadyatiḥ |svapne yadāha gopyatvāt tadvaktuṃ na hi sāmpratam || 9||

तदारभ्यावधूयाहं विषयान् बान्धवान् गृहम् ।कोशं पित्रार्जितं पुत्रान् पत्नीद्वयमपि प्रियम् ॥ १०॥

tadārabhyāvadhūyāhaṃ viṣayān bāndhavān gṛham |kośaṃ pitrārjitaṃ putrān patnīdvayamapi priyam || 10||

मनसापि परित्यज्य गृहादन्यत्र तस्थिवान् ।उपास्य गुरुपादाब्जमवधूतस्ततोऽभवम् ॥ ११॥

manasāpi parityajya gṛhādanyatra tasthivān |upāsya gurupādābjamavadhūtastato'bhavam || 11||

लोके पित्रोर्यथा पुत्रे ततोऽपि प्रेमतोऽधिकात् ।मां रक्षति गुरुस्तस्मात् स पिताऽहं च तत्सुतः ॥ १२॥

loke pitroryathā putre tato'pi premato'dhikāt |māṃ rakṣati gurustasmāt sa pitā'haṃ ca tatsutaḥ || 12||

तत्राप्यनुसरन्ती मां दवतीयाभूद् द्वितीयका ।गुरुराजानुमत्याऽहं स्वीचकार पतिव्रताम् ॥ १३॥

tatrāpyanusarantī māṃ davatīyābhūd dvitīyakā |gururājānumatyā'haṃ svīcakāra pativratām || 13||

सुतं च जनयाञ्चक्रे तस्यां गुर्वत्यनुग्रहात् ।कुटुम्बजीवनं तत्राप्यासीत्तस्य प्रसादतः ॥ १४॥

sutaṃ ca janayāñcakre tasyāṃ gurvatyanugrahāt |kuṭumbajīvanaṃ tatrāpyāsīttasya prasādataḥ || 14||

पदे पदे समागत्य साक्षात् स्वप्ने ब्रवीति यत् ।गोप्यं वक्तुं न तद्युक्तं गुरुराजः कृपानिधिः ॥ १५॥

pade pade samāgatya sākṣāt svapne bravīti yat |gopyaṃ vaktuṃ na tadyuktaṃ gururājaḥ kṛpānidhiḥ || 15||

चोदितस्तेन वक्ष्यामि भक्तानुग्रहकाङ्क्षिणा ।श्रीराघवेन्द्रतन्त्राख्यं ग्रन्थं प्रत्यक्षसिद्धिदम् ॥ १६॥

coditastena vakṣyāmi bhaktānugrahakāṅkṣiṇā |śrīrāghavendratantrākhyaṃ granthaṃ pratyakṣasiddhidam || 16||

धनस्य देवता विष्णुर्जामदग्न्योऽखिलेश्वरः ।स शङ्करशरीरस्थो यज्ञोच्छिष्टधनप्रदः ॥ १७॥

dhanasya devatā viṣṇurjāmadagnyo'khileśvaraḥ |sa śaṅkaraśarīrastho yajñocchiṣṭadhanapradaḥ || 17||

इत्यादि गुरुवाक्येन धनदं पठनादिदम् ।गङ्गादिसर्वतीर्थानां लभते स्नानजं फलम् ॥ १८॥

ityādi guruvākyena dhanadaṃ paṭhanādidam |gaṅgādisarvatīrthānāṃ labhate snānajaṃ phalam || 18||

वेदान्तभारतादीनां वेदानामपि साङ्गतः ।पठने यत्फलं तच्च सकृत् पठनतो भवेत् ॥ १९॥

vedāntabhāratādīnāṃ vedānāmapi sāṅgataḥ |paṭhane yatphalaṃ tacca sakṛt paṭhanato bhavet || 19||

सर्वमङ्गलमाङ्गल्यं सर्वतापप्रणाशनम् ।सर्वरोगप्रशमनमायुर्वर्धनमुत्तमम् ॥ २०॥

sarvamaṅgalamāṅgalyaṃ sarvatāpapraṇāśanam |sarvarogapraśamanamāyurvardhanamuttamam || 20||

स्त्रीहत्या बालघातश्च गोहत्या ब्रह्मशासनम् ।सर्वहत्याकृतं पापं क्षयं यात्यस्य पाठतः ॥ २१॥

strīhatyā bālaghātaśca gohatyā brahmaśāsanam |sarvahatyākṛtaṃ pāpaṃ kṣayaṃ yātyasya pāṭhataḥ || 21||

स्तेयी गुर्वङ्गनागामी तथा विश्वासघातकः ।अयोनिगामी यो मूढो ब्राह्मण्या सह सङ्गमी ॥ २२॥

steyī gurvaṅganāgāmī tathā viśvāsaghātakaḥ |ayonigāmī yo mūḍho brāhmaṇyā saha saṅgamī || 22||

कुयोनिमैथुनाद्दुष्टो दुष्टो दुर्बुद्धिचेतसः ।नष्टस्वधर्मोऽप्येतस्य पठनात् शुद्धिमाप्नुयात् ॥ २३॥

kuyonimaithunādduṣṭo duṣṭo durbuddhicetasaḥ |naṣṭasvadharmo'pyetasya paṭhanāt śuddhimāpnuyāt || 23||

विना पूजां विना ध्यानं विना न्यासं विना तपः ।विना जपं विना यज्ञं विना योगं च भावनाम् ॥ २४॥

vinā pūjāṃ vinā dhyānaṃ vinā nyāsaṃ vinā tapaḥ |vinā japaṃ vinā yajñaṃ vinā yogaṃ ca bhāvanām || 24||

फलं तु लभते तेषां पठनादस्य नित्यशः ।अत्यन्तचित्तनैर्मल्यकरं दुःस्वप्ननाशनम् ॥ २५॥

phalaṃ tu labhate teṣāṃ paṭhanādasya nityaśaḥ |atyantacittanairmalyakaraṃ duḥsvapnanāśanam || 25||

योगानन्दकरं ज्ञानभक्तिवैराग्यदायकम् ।भूतप्रेतपिशाचोग्रब्रह्मराक्षसनाशनम् ॥ २६॥

yogānandakaraṃ jñānabhaktivairāgyadāyakam |bhūtapretapiśācograbrahmarākṣasanāśanam || 26||

गान्धर्वमारीकूष्माण्डबालग्रहविनाशनम् ।स्वामिद्रोह पितृद्रोह पितृव्यद्रोहहारकम् ॥ २७॥

gāndharvamārīkūṣmāṇḍabālagrahavināśanam |svāmidroha pitṛdroha pitṛvyadrohahārakam || 27||

वश्याकर्षणविद्वेषमारणोच्चाटनप्रदम् ।स्तम्भनं शत्रुवचसां प्रत्यर्थीकृतकर्मणाम् ॥ २८॥

vaśyākarṣaṇavidveṣamāraṇoccāṭanapradam |stambhanaṃ śatruvacasāṃ pratyarthīkṛtakarmaṇām || 28||

यन्त्रतन्त्रप्रशमनं चोरव्याघ्रभयापहम् ।राजबाधां क्षुद्रवाधां हरेत् कैवल्यदायकम् ॥ २९॥

yantratantrapraśamanaṃ coravyāghrabhayāpaham |rājabādhāṃ kṣudravādhāṃ haret kaivalyadāyakam || 29||

हृद्रोगं कुक्षिरोगं च शूलापस्मारगुल्मजम् ।एकाहिकं द्वाहिकं च त्र्याहिकं चतुराहिकम् ॥ ३०॥

hṛdrogaṃ kukṣirogaṃ ca śūlāpasmāragulmajam |ekāhikaṃ dvāhikaṃ ca tryāhikaṃ caturāhikam || 30||

अनेकज्वरसम्बाधकुष्ठशोधक्षयाधिकम् ।आधयो व्याधयः सर्वे प्रत्यङ्गिरपुरोगमाः ॥ ३१॥

anekajvarasambādhakuṣṭhaśodhakṣayādhikam |ādhayo vyādhayaḥ sarve pratyaṅgirapurogamāḥ || 31||

एतस्य पाठमात्रेण पलायन्तेऽतिदूरतः ।प्रतिवादिजयं विद्यां धनं राज्यं पशून् सुतान् ॥ ३२॥

etasya pāṭhamātreṇa palāyante'tidūrataḥ |prativādijayaṃ vidyāṃ dhanaṃ rājyaṃ paśūn sutān || 32||

कन्यां पत्नीं च लभते लोकपूज्यत्वमाप्नुयात् ।कृत्याभिचारगरलसर्वबन्धनिवारणम् ॥ ३३॥

kanyāṃ patnīṃ ca labhate lokapūjyatvamāpnuyāt |kṛtyābhicāragaralasarvabandhanivāraṇam || 33||

प्रतिकूलवती भार्याप्यनुकूलवती भवेत् ।मातापितृसुहृद्बन्धुनिन्दकः सर्वदूषकः ॥ ३४॥

pratikūlavatī bhāryāpyanukūlavatī bhavet |mātāpitṛsuhṛdbandhunindakaḥ sarvadūṣakaḥ || 34||

अभक्ष्यभक्षको वाऽपि मुच्यते पातकात् ततः ।एकावृत्त्या पठेदेतत् सर्वपापैः प्रमुच्यते ॥ ३५॥

abhakṣyabhakṣako vā'pi mucyate pātakāt tataḥ |ekāvṛttyā paṭhedetat sarvapāpaiḥ pramucyate || 35||