राघवेन्द्रसुप्रभातस्तोत्रम् Shri Raghavendrasuprabhata Stotram

श्रीमते राघवेन्द्राय सर्वाभीष्टप्रदायिने ।मन्त्रालयनिवासाय गुरुराजाय मङ्गलम् ॥ १॥

śrīmate rāghavendrāya sarvābhīṣṭapradāyine |mantrālayanivāsāya gururājāya maṅgalam || 1||

सीतापते विधिकरार्चितकूर्मराजभण्डारितो नृहरितीर्थमुनीन्द्रलब्धआनन्दतीर्थमुनिवंश्ययतीन्द्रपूज्यश्रीमूलराम भवतात्तव सुप्रभातम् ॥ २॥

sītāpate vidhikarārcitakūrmarājabhaṇḍārito nṛharitīrthamunīndralabdhaānandatīrthamunivaṃśyayatīndrapūjyaśrīmūlarāma bhavatāttava suprabhātam || 2||

श्रीरामदूतहनुमान् यदुनाथदूतश्रीभीमसेनवररौप्यपुरावतार ।श्रीव्यासहृत्प्रियतमामितशुद्धबुद्धेश्रीमूलराम भवतात्तव सुप्रभातम् ॥ ३॥

śrīrāmadūtahanumān yadunāthadūtaśrībhīmasenavararaupyapurāvatāra |śrīvyāsahṛtpriyatamāmitaśuddhabuddheśrīmūlarāma bhavatāttava suprabhātam || 3||

ब्रह्माज्ञया दितिकुले बहुदोषपूर्णेजातोऽपि भक्तिभरितो भुवनं समस्तम् ।यो पीपवो दिविषदां वर शङ्कुकर्णश्रीमूलराम भवतात्तव सुप्रभातम् ॥ ४॥

brahmājñayā ditikule bahudoṣapūrṇejāto'pi bhaktibharito bhuvanaṃ samastam |yo pīpavo diviṣadāṃ vara śaṅkukarṇaśrīmūlarāma bhavatāttava suprabhātam || 4||

दैत्येश्वरं हरिविरोधि हिरण्यकं तंयो नीनयो हरिपदं पितरं स्वभक्त्या ।प्रह्लादमृत्युहरिसम्भवकारणात्मन्श्रीमूलराम भवतात्तव सुप्रभातम् ॥ ५॥

daityeśvaraṃ harivirodhi hiraṇyakaṃ taṃyo nīnayo haripadaṃ pitaraṃ svabhaktyā |prahlādamṛtyuharisambhavakāraṇātmanśrīmūlarāma bhavatāttava suprabhātam || 5||

सोमान्वयोद्भव समस्तसुराजमौलेभूभारसंहरणतोषितकृष्णमूर्ते ।बाह्लीकराज बहुराज सुधर्मधामन्श्रीमूलराम भवतात्तव सुप्रभातम् ॥ ६॥

somānvayodbhava samastasurājamaulebhūbhārasaṃharaṇatoṣitakṛṣṇamūrte |bāhlīkarāja bahurāja sudharmadhāmanśrīmūlarāma bhavatāttava suprabhātam || 6||

श्रीकृष्णदेवनृपतिस्सकलं स्वराज्यंयस्मिन् स्वमप्यमलमर्पयदात्मभक्त्या ।श्रीव्यासराज विदुषां वर दिव्यमूर्तेश्रीमूलराम भवतात्तव सुप्रभातम् ॥ ७॥

śrīkṛṣṇadevanṛpatissakalaṃ svarājyaṃyasmin svamapyamalamarpayadātmabhaktyā |śrīvyāsarāja viduṣāṃ vara divyamūrteśrīmūlarāma bhavatāttava suprabhātam || 7||

श्रीमूलरामपदपङ्कजलोलभृङ्गश्रीपूर्णबोधमतरम्यसुधाब्धिचन्द्र ।श्रीगौतमान्वयविभासकभव्यसूर्यश्रीमूलराम भवतात्तव सुप्रभातम् ॥ ८॥

śrīmūlarāmapadapaṅkajalolabhṛṅgaśrīpūrṇabodhamataramyasudhābdhicandra |śrīgautamānvayavibhāsakabhavyasūryaśrīmūlarāma bhavatāttava suprabhātam || 8||

स्वीयान् समस्तनिगमान् प्रविलोक्य सूक्ष्मैःसद्भाष्यसङ्ग्रहमिषे यदुवर्यवक्त्रे ।श्रीजैमिनिर्यमभिपूजयतेऽतिमोदात्श्रीमूलराम भवतात्तव सुप्रभातम् ॥ ९॥

svīyān samastanigamān pravilokya sūkṣmaiḥsadbhāṣyasaṅgrahamiṣe yaduvaryavaktre |śrījaiminiryamabhipūjayate'timodātśrīmūlarāma bhavatāttava suprabhātam || 9||

स्पष्टार्थकैरनतिविस्तृतसूक्ष्मवाक्यैःसूत्रार्थभाष्यमवेक्ष्य च तन्त्रदीपम् ।व्यासो यशोभिरभिपूरयते दसायं(?)श्रीमूलराम भवतात्तव सुप्रभातम् ॥ १०॥

spaṣṭārthakairanativistṛtasūkṣmavākyaiḥsūtrārthabhāṣyamavekṣya ca tantradīpam |vyāso yaśobhirabhipūrayate dasāyaṃ(?)śrīmūlarāma bhavatāttava suprabhātam || 10||

स्वस्वीयशास्त्रगतमर्थमतोऽधिकं चदृष्ट्वा यतीन्द्रकृतिषु प्रणयातिनम्राम् ।अर्चन्ति पाणिनिमुखा यमगाधबोधाःश्रीमूलराम भवतात्तव सुप्रभातम् ॥ ११॥

svasvīyaśāstragatamarthamato'dhikaṃ cadṛṣṭvā yatīndrakṛtiṣu praṇayātinamrām |arcanti pāṇinimukhā yamagādhabodhāḥśrīmūlarāma bhavatāttava suprabhātam || 11||

रम्या सुधापरिमलोल्लसिता चकास्तेसच्चन्द्रिकापि शुशुभे विलसत्प्रकाशा ।टीकास्थलेषु रमितैः स्फुटभावदीपैःश्रीमूलराम भवतात्तव सुप्रभातम् ॥ १२॥

ramyā sudhāparimalollasitā cakāstesaccandrikāpi śuśubhe vilasatprakāśā |ṭīkāsthaleṣu ramitaiḥ sphuṭabhāvadīpaiḥśrīmūlarāma bhavatāttava suprabhātam || 12||

रम्यार्थरत्नपरिभूषितसर्वगात्रसर्वाश्श्रुतीस्स्वशिरसा सहितेन्दिरा यम् ।आरोप्य रक्षति सदा निगमान्तराज्येश्रीमूलराम भवतात्तव सुप्रभातम् ॥ १४॥

ramyārtharatnaparibhūṣitasarvagātrasarvāśśrutīssvaśirasā sahitendirā yam |āropya rakṣati sadā nigamāntarājyeśrīmūlarāma bhavatāttava suprabhātam || 14||

श्रीवेङ्कटार्यवरतिम्मनगोपिकाम्बादम्पत्यनुत्तमतपःफलवैणिकाग्र्यः ।दारिद्र्यदुःखभयभञ्जनपुण्यमूर्तेश्रीमूलराम भवतात्तव सुप्रभातम् ॥ १४॥

śrīveṅkaṭāryavaratimmanagopikāmbādampatyanuttamatapaḥphalavaiṇikāgryaḥ |dāridryaduḥkhabhayabhañjanapuṇyamūrteśrīmūlarāma bhavatāttava suprabhātam || 14||

आनन्दतीर्थजयतीर्थकवीन्द्रतीर्थांश्रीरामचन्द्रविबुधेन्द्रजयेन्द्रतीर्थाम् ।आशीश्शतं प्रददति स्पृहयन्ति यस्मैश्रीमूलराम भवतात्तव सुप्रभातम् ॥ १५॥

ānandatīrthajayatīrthakavīndratīrthāṃśrīrāmacandravibudhendrajayendratīrthām |āśīśśataṃ pradadati spṛhayanti yasmaiśrīmūlarāma bhavatāttava suprabhātam || 15||

वादीन्द्रतीर्थसुमतीन्द्रमूखां स्तुवन्तिकर्मादिनो गुणगणस्तवनैरुदारैः ।त्वां पश्यता ननु गृहाण दयार्द्रदृष्ट्याश्रीमूलराम भवतात्तव सुप्रभातम् ॥ १६॥

vādīndratīrthasumatīndramūkhāṃ stuvantikarmādino guṇagaṇastavanairudāraiḥ |tvāṃ paśyatā nanu gṛhāṇa dayārdradṛṣṭyāśrīmūlarāma bhavatāttava suprabhātam || 16||

गार्हस्थ्यमुत्तममयाचितलब्धवृत्त्याकष्टो नयो निरनयो ह्यधुनाऽऽश्रितान् स्वान् ।सर्वेष्टलाभपुरिपुष्टतमान्करोषिश्रीमूलराम भवतात्तव सुप्रभातम् ॥ १७॥

gārhasthyamuttamamayācitalabdhavṛttyākaṣṭo nayo niranayo hyadhunā''śritān svān |sarveṣṭalābhapuripuṣṭatamānkaroṣiśrīmūlarāma bhavatāttava suprabhātam || 17||

श्रीमत्सुधीन्द्रवरयोगिसरस्वतीभ्यांसंप्रेरितो यतिरभूर्बहुना श्रमेण ।मन्त्रान् वहस्यनुदिनं स्वगतीन् पुनासिश्रीमूलराम भवतात्तव सुप्रभातम् ॥ १८॥

śrīmatsudhīndravarayogisarasvatībhyāṃsaṃprerito yatirabhūrbahunā śrameṇa |mantrān vahasyanudinaṃ svagatīn punāsiśrīmūlarāma bhavatāttava suprabhātam || 18||

गङ्गादिपुण्यसरितः प्रणयातिबद्धाःसद्रत्नहेमजलकुम्भशतैरिदानीम् ।त्वां स्नापयन्ति विधिवत्त्यज योगनिद्रांश्रीमूलराम भवतात्तव सुप्रभातम् ॥ १९॥

gaṅgādipuṇyasaritaḥ praṇayātibaddhāḥsadratnahemajalakumbhaśatairidānīm |tvāṃ snāpayanti vidhivattyaja yoganidrāṃśrīmūlarāma bhavatāttava suprabhātam || 19||

मन्दारपुष्पदधिकुङ्कुममुख्यवस्तुप्रत्यर्प्य मङ्गलकरं वनिता मुनीनाम् ।नीराजनं विदधतेऽद्य सुरत्नदीपैःश्रीमूलराम भवतात्तव सुप्रभातम् ॥ २०॥

mandārapuṣpadadhikuṅkumamukhyavastupratyarpya maṅgalakaraṃ vanitā munīnām |nīrājanaṃ vidadhate'dya suratnadīpaiḥśrīmūlarāma bhavatāttava suprabhātam || 20||

एते च कश्यपमुखा मुनयः श्रुतिस्थैःआशीर्वचोभिरधुनाऽऽशिषमर्पयन्ति ।लब्धाशिषं वरमथार्थिजनाय दद्याःश्रीमूलराम भवतात्तव सुप्रभातम् ॥ २१॥

ete ca kaśyapamukhā munayaḥ śrutisthaiḥāśīrvacobhiradhunā''śiṣamarpayanti |labdhāśiṣaṃ varamathārthijanāya dadyāḥśrīmūlarāma bhavatāttava suprabhātam || 21||

एते नृपा धनचयं बहुवाहनस्थामानीय दर्शनकृते बहिरावसन्ति ।तान्पावयाद्य कृपया निरपेक्षयोगिन्श्रीमूलराम भवतात्तव सुप्रभातम् ॥ २२॥

ete nṛpā dhanacayaṃ bahuvāhanasthāmānīya darśanakṛte bahirāvasanti |tānpāvayādya kṛpayā nirapekṣayoginśrīmūlarāma bhavatāttava suprabhātam || 22||

एषा समस्तजनता पररात्रकालेशीतार्दितापि दधती वसनं जलार्द्रम् ।त्वां सेवतेऽथ परिपूरय तत्तदिष्टंश्रीमूलराम भवतात्तव सुप्रभातम् ॥ २३॥

eṣā samastajanatā pararātrakāleśītārditāpi dadhatī vasanaṃ jalārdram |tvāṃ sevate'tha paripūraya tattadiṣṭaṃśrīmūlarāma bhavatāttava suprabhātam || 23||

श्रीमूलराम जय दिग्विजयाख्य रामवैकुण्ठवासमथ पूजयितुं समेहि ।सर्वेऽप्यमी विधिकरा विहितात्मकृत्यांश्रीमूलराम भवतात्तव सुप्रभातम् ॥ २४॥

śrīmūlarāma jaya digvijayākhya rāmavaikuṇṭhavāsamatha pūjayituṃ samehi |sarve'pyamī vidhikarā vihitātmakṛtyāṃśrīmūlarāma bhavatāttava suprabhātam || 24||

धन्या इमे तव गुणस्तवनैरसङ्ख्यैःकण्ठोद्गतैर्दशदिशामशुभं हरन्ति ।शृण्वन्ति देवसुजना नतकन्धरेणश्रीमूलराम भवतात्तव सुप्रभातम् ॥ २५॥

dhanyā ime tava guṇastavanairasaṅkhyaiḥkaṇṭhodgatairdaśadiśāmaśubhaṃ haranti |śṛṇvanti devasujanā natakandhareṇaśrīmūlarāma bhavatāttava suprabhātam || 25||

छात्त्रा इमे परिमलादिनिबन्धपाठ्यभागावलोकनकृतः पठनाय सज्जाम् ।उत्तिष्ठ पाठय सुधामधुरारवेणश्रीमूलराम भवतात्तव सुप्रभातम् ॥ २६॥

chāttrā ime parimalādinibandhapāṭhyabhāgāvalokanakṛtaḥ paṭhanāya sajjām |uttiṣṭha pāṭhaya sudhāmadhurāraveṇaśrīmūlarāma bhavatāttava suprabhātam || 26||

शास्त्रेषु पूर्णधिषणा अपि पण्डितास्तेद्वार्यासते स्वबहुसंशययापनाय ।उत्तिष्ठ छिन्धि हृदयस्थितसंशयांस्तान्श्रीमूलराम भवतात्तव सुप्रभातम् ॥ २७॥

śāstreṣu pūrṇadhiṣaṇā api paṇḍitāstedvāryāsate svabahusaṃśayayāpanāya |uttiṣṭha chindhi hṛdayasthitasaṃśayāṃstānśrīmūlarāma bhavatāttava suprabhātam || 27||

मन्त्रालये सुरुचिरे वरतुङ्गभद्रातीरं गते सकलदैवतसन्निधाने ।वृन्दावने निवसते गुरवेऽर्पितोऽहंश्रीमूलराम भवतात्तव सुप्रभातम् ॥ २८॥

mantrālaye surucire varatuṅgabhadrātīraṃ gate sakaladaivatasannidhāne |vṛndāvane nivasate gurave'rpito'haṃśrīmūlarāma bhavatāttava suprabhātam || 28||

सन्तानसम्पदतिशुद्धविरक्तिभक्तिविज्ञानमुक्तिमुखसर्पफलप्रदातः ।वाग्देहसौष्ठवकरातिपवित्रमूर्तेश्रीमूलराम भवतात्तव सुप्रभातम् ॥ २९॥

santānasampadatiśuddhaviraktibhaktivijñānamuktimukhasarpaphalapradātaḥ |vāgdehasauṣṭhavakarātipavitramūrteśrīmūlarāma bhavatāttava suprabhātam || 29||

चिन्तामणिस्सुरतरुस्सुरधेनुपूर्वाभक्तेष्टदानकुशले त्वयि नम्रनम्राम् ।स्वीये पदे समभिषिच्य समर्चयन्तिश्रीमूलराम भवतात्तव सुप्रभातम् ॥ ३०॥

cintāmaṇissuratarussuradhenupūrvābhakteṣṭadānakuśale tvayi namranamrām |svīye pade samabhiṣicya samarcayantiśrīmūlarāma bhavatāttava suprabhātam || 30||

नानर्ति भक्तिभरपूरितदासगोष्ठीविस्मृत्य देहमुत लोकमिमं स्मरन्ती ।त्वां स्मारयन्त्यतुलनारदगानगोष्ठींश्रीमूलराम भवतात्तव सुप्रभातम् ॥ ३१॥

nānarti bhaktibharapūritadāsagoṣṭhīvismṛtya dehamuta lokamimaṃ smarantī |tvāṃ smārayantyatulanāradagānagoṣṭhīṃśrīmūlarāma bhavatāttava suprabhātam || 31||

खञ्जोऽपि रावति जडः कवितां विधत्तेमूकोऽपि वक्ति बहु पश्यति सर्वमन्धः ।एडश्शृणोति कृपया तव पश्य लीलांश्रीमूलराम भवतात्तव सुप्रभातम् ॥ ३२॥

khañjo'pi rāvati jaḍaḥ kavitāṃ vidhattemūko'pi vakti bahu paśyati sarvamandhaḥ |eḍaśśṛṇoti kṛpayā tava paśya līlāṃśrīmūlarāma bhavatāttava suprabhātam || 32||

वृन्दावनेषु जगतीतलमध्यगेषुसर्वेषु सन्निहितया बहुरम्यमूर्त्या ।सर्वेष्टमाकलय सन्त्यज भूमिशय्यांश्रीमूलराम भवतात्तव सुप्रभातम् ॥ ३३॥

vṛndāvaneṣu jagatītalamadhyageṣusarveṣu sannihitayā bahuramyamūrtyā |sarveṣṭamākalaya santyaja bhūmiśayyāṃśrīmūlarāma bhavatāttava suprabhātam || 33||

श्रीकृष्णभक्तिमतुलामवलम्बमानेसर्वास्ति शक्तिरिति डिण्डिमघोषपूर्वम् ।यो बूबुधः(?) स्वमहिमातिशयप्रकाशैःश्रीमूलराम भवतात्तव सुप्रभातम् ॥ ३४॥

śrīkṛṣṇabhaktimatulāmavalambamānesarvāsti śaktiriti ḍiṇḍimaghoṣapūrvam |yo būbudhaḥ(?) svamahimātiśayaprakāśaiḥśrīmūlarāma bhavatāttava suprabhātam || 34||

तं त्वत्समं विदधतो भवतः प्रभावंदृष्ट्वा जहाति जनता खलु नास्तिकत्वम् ।आस्तिक्यवर्धन जगद्गुरुवर्य भूम्नाश्रीमूलराम भवतात्तव सुप्रभातम् ॥ ३५॥

taṃ tvatsamaṃ vidadhato bhavataḥ prabhāvaṃdṛṣṭvā jahāti janatā khalu nāstikatvam |āstikyavardhana jagadguruvarya bhūmnāśrīmūlarāma bhavatāttava suprabhātam || 35||

ऐरावतप्रमुखदैवतवाहनानिसिद्धानि सर्वविबुधैरभियापितानि ।तेषु स्थितो महिगतो दिश भक्तकामान्श्रीमूलराम भवतात्तव सुप्रभातम् ॥ ३६॥

airāvatapramukhadaivatavāhanānisiddhāni sarvavibudhairabhiyāpitāni |teṣu sthito mahigato diśa bhaktakāmānśrīmūlarāma bhavatāttava suprabhātam || 36||

एत्येति भक्तिभरितास्सुजयेन्द्रतीर्थावृन्दावनोद्भवसमात्रिशते महेऽस्मिन् ।अञ्चन्ति हेमकवचेन गुरो समेहिश्रीमूलराम भवतात्तव सुप्रभातम् ॥ ३७॥

etyeti bhaktibharitāssujayendratīrthāvṛndāvanodbhavasamātriśate mahe'smin |añcanti hemakavacena guro samehiśrīmūlarāma bhavatāttava suprabhātam || 37||

श्रीराघवेन्द्र भवतात्तव सुप्रभातंत्वत्सुप्रभातपठनस्य सुखं प्रभातम् ।भूयात्त्वदीयकृपया मम सुप्रभातंत्वत्सुप्रभातकवनस्य च सुप्रभातम् ॥ ३८॥

śrīrāghavendra bhavatāttava suprabhātaṃtvatsuprabhātapaṭhanasya sukhaṃ prabhātam |bhūyāttvadīyakṛpayā mama suprabhātaṃtvatsuprabhātakavanasya ca suprabhātam || 38||

येनोद्धृतः पापकूपाल्लक्ष्मीनारायणाभिधः ।अञ्चाम्यहमुपाध्यायस्सुप्रभातेन तं गुरुम् ॥ ३९॥

yenoddhṛtaḥ pāpakūpāllakṣmīnārāyaṇābhidhaḥ |añcāmyahamupādhyāyassuprabhātena taṃ gurum || 39||

इति श्रीराघवेन्द्रसुप्रभातं समाप्तम् ।

iti śrīrāghavendrasuprabhātaṃ samāptam |