राघवेन्द्रगुरुस्तोत्रम् Shri Raghavendraguru Stotram

श्रीपूर्णबोधगुरुतीर्थपयोब्बिपाराकामारिमाक्षविषमाक्षशिरःस्पृशन्ती ।पूर्वोत्तरामिततरङ्गचरत्सुहंसादेवालिसेवितपदाम्फ्रिपयोजलग्ना ॥ १॥

śrīpūrṇabodhagurutīrthapayobbipārākāmārimākṣaviṣamākṣaśiraḥspṛśantī |pūrvottarāmitataraṅgacaratsuhaṃsādevālisevitapadāmphripayojalagnā || 1||

जीवेशभेदगुणपूर्तिजगत्सुसत्वानीचोच्छभावमुखनक्रगणैः समेता ।दुर्वाद्यजापतिगिलैर्गुरुराघवेन्द्रवाग्देवतासरिदमुं विमलीकरोतु ॥ २॥

jīveśabhedaguṇapūrtijagatsusatvānīcocchabhāvamukhanakragaṇaiḥ sametā |durvādyajāpatigilairgururāghavendravāgdevatāsaridamuṃ vimalīkarotu || 2||

श्रीराघवेन्द्रः सकलप्रदातास्वपादकञ्जद्वयभक्तिमद्भ्यः ।अघाद्रिसम्भेदनदृष्टिवज्रःक्षमासुरेन्द्रोवतु मां सदायम् ॥ ३॥

śrīrāghavendraḥ sakalapradātāsvapādakañjadvayabhaktimadbhyaḥ |aghādrisambhedanadṛṣṭivajraḥkṣamāsurendrovatu māṃ sadāyam || 3||

श्रीराघवेन्द्रोहरिपादकञ्जनिषेवणाल्लब्ध समस्तसम्पत् ।देवस्वभावो दिविजद्रुमोयंइष्टप्रदो मे सततं स भूयात् ॥ ४॥

śrīrāghavendroharipādakañjaniṣevaṇāllabdha samastasampat |devasvabhāvo divijadrumoyaṃiṣṭaprado me satataṃ sa bhūyāt || 4||

भव्यस्वरूपो भवदुःखतूलसङ्घाग्निचर्यः सुखधैर्यशाली ।समस्तदुष्टग्रहनिग्रहेशो दुरत्ययोपप्लवसिन्धुसेतुः ॥ ५॥

bhavyasvarūpo bhavaduḥkhatūlasaṅghāgnicaryaḥ sukhadhairyaśālī |samastaduṣṭagrahanigraheśo duratyayopaplavasindhusetuḥ || 5||

निरस्तदोषो निरवद्यवेषः प्रत्यर्थिमूकत्वनिदानभाषः ।विद्वत्परिज्ञेयमहाविशेषो वाग्ग्वैखरीनिर्जितभव्यशेषः ॥ ६॥

nirastadoṣo niravadyaveṣaḥ pratyarthimūkatvanidānabhāṣaḥ |vidvatparijñeyamahāviśeṣo vāggvaikharīnirjitabhavyaśeṣaḥ || 6||

सन्तानसम्पत्परिशुद्ध भक्तिविज्ञानवाग्देहसुपाटवादीन्ग् ।दत्वा शरीरोत्थसमस्तदोषान् हत्वा स नोव्यात्ग् गुरुराघवेन्द्रः ॥ ७॥

santānasampatpariśuddha bhaktivijñānavāgdehasupāṭavādīng |datvā śarīrotthasamastadoṣān hatvā sa novyātg gururāghavendraḥ || 7||

यत्पादोदकसञ्चयः सुरनदीमुख्यापगासादितासङ्ख्यानुत्तमपुण्यसङ्घविलसत्प्रख्यातपुण्यावहः ।दुस्तापत्रयनाशनो भुवि महावन्ध्यासुपुत्रप्रदोव्यङ्गस्वङ्गसमृद्धिदो ग्रहमहापापापहस्तं श्रये ॥ ८॥

yatpādodakasañcayaḥ suranadīmukhyāpagāsāditāsaṅkhyānuttamapuṇyasaṅghavilasatprakhyātapuṇyāvahaḥ |dustāpatrayanāśano bhuvi mahāvandhyāsuputrapradovyaṅgasvaṅgasamṛddhido grahamahāpāpāpahastaṃ śraye || 8||

यत्पादकञ्जरजसा परिभूषिताङ्गायत्पादपद्ममधुपायितमानसा ये ।यत्पादपद्मपरिकीर्तनजीर्णवाचःतद्दर्शनं दुरितकाननदावभूतम् ॥ ९॥

yatpādakañjarajasā paribhūṣitāṅgāyatpādapadmamadhupāyitamānasā ye |yatpādapadmaparikīrtanajīrṇavācaḥtaddarśanaṃ duritakānanadāvabhūtam || 9||

सर्वतन्त्रस्वतन्त्रोसौ श्रीमध्वमतवर्धनः ।विजयीन्द्रकराब्जोत्थ सुधीन्द्र वरपुत्रकः ॥ १०॥

sarvatantrasvatantrosau śrīmadhvamatavardhanaḥ |vijayīndrakarābjottha sudhīndra varaputrakaḥ || 10||

श्रीराघवेन्द्रो यतिराट् गुरुर्मे स्याद्ग्भयापहः ।ज्ञानभक्तिसुपुत्रा युर्यशः श्रीपुण्यवर्धनः ॥ ११॥

śrīrāghavendro yatirāṭ gururme syādgbhayāpahaḥ |jñānabhaktisuputrā yuryaśaḥ śrīpuṇyavardhanaḥ || 11||

प्रतिवादिजयस्वान्तभेदचिह्नादरो गुरुः ।सर्वविद्याप्रवीणोन्यो राघवेन्द्रान् न विद्यते ॥ १२॥

prativādijayasvāntabhedacihnādaro guruḥ |sarvavidyāpravīṇonyo rāghavendrān na vidyate || 12||

अपरोक्षीकृतश्रीशः समुपेक्षित भावजः ।अपेक्षितप्रदातान्यो राघवेन्द्रान् न विद्यते ॥ १३॥

aparokṣīkṛtaśrīśaḥ samupekṣita bhāvajaḥ |apekṣitapradātānyo rāghavendrān na vidyate || 13||

दयादाक्षिण्यवैराग्यवाक्पाटवमुखाङ्कितः ।शापानुग्रहशक्तोन्यो राघवेन्द्रान् न विद्यते ॥ १४॥

dayādākṣiṇyavairāgyavākpāṭavamukhāṅkitaḥ |śāpānugrahaśaktonyo rāghavendrān na vidyate || 14||

अज्ञानविस्मृतिर्भ्रान्तिसंशयापस्मृतिक्षयाः ।तन्द्राकम्पवचः कौण्ठ्यमुखा ये चेन्द्रियोद्भवाः ।दोषास्ते नाशमायान्ति राघवेन्द्र प्रसादतः ॥ १५॥

ajñānavismṛtirbhrāntisaṃśayāpasmṛtikṣayāḥ |tandrākampavacaḥ kauṇṭhyamukhā ye cendriyodbhavāḥ |doṣāste nāśamāyānti rāghavendra prasādataḥ || 15||

श्रीराघवेन्द्राय नमः इत्यष्टाक्षरमन्त्रतः ।जपिताद्भावितान्ग् नित्यं इष्टार्था स्युर्न संशयः ॥ १६॥

śrīrāghavendrāya namaḥ ityaṣṭākṣaramantrataḥ |japitādbhāvitāng nityaṃ iṣṭārthā syurna saṃśayaḥ || 16||

हन्तु नः कायजान् दोषान्ग् आत्मात्मीयसमुद्भवान् ।सर्वानपि पुमर्थांश्च ददातु गुरुरात्मवित् ॥ १७॥

hantu naḥ kāyajān doṣāng ātmātmīyasamudbhavān |sarvānapi pumarthāṃśca dadātu gururātmavit || 17||

इति कालत्रये नित्यं प्रार्थनां यः करोति सः ।इहामुत्राप्तसर्वेष्टो मोदते नात्र संशयः ॥ १८॥

iti kālatraye nityaṃ prārthanāṃ yaḥ karoti saḥ |ihāmutrāptasarveṣṭo modate nātra saṃśayaḥ || 18||

अगम्यमहिमा लोके राघवेन्द्रो महायशाः ।श्रीमध्वमतदुग्धाब्धिचन्द्रोवतु सदानघः ॥ १९॥

agamyamahimā loke rāghavendro mahāyaśāḥ |śrīmadhvamatadugdhābdhicandrovatu sadānaghaḥ || 19||

सर्वयात्राफलावाप्त्यै यथाशक्ति प्रदक्षिणम् ।करोमि तव सिद्धस्य वृन्दावनगतं जलम् ।शिरसा धारयाम्यद्य सर्वतीर्थफलाप्तये ॥ २०॥

sarvayātrāphalāvāptyai yathāśakti pradakṣiṇam |karomi tava siddhasya vṛndāvanagataṃ jalam |śirasā dhārayāmyadya sarvatīrthaphalāptaye || 20||

सर्वाभीष्टार्थसिद्।ह्ध्यर्थं नमस्कारं करोम्यहम् ।तव सङ्कीर्तनं वेदशास्त्रार्थज्ञानसिद्दये ॥ २१॥

sarvābhīṣṭārthasid|hdhyarthaṃ namaskāraṃ karomyaham |tava saṅkīrtanaṃ vedaśāstrārthajñānasiddaye || 21||

संसारेक्षयसागरे प्रकृतितोगाधे सदा दुस्तरेसर्वावद्यजलग्रहैरनुपमैः कामादिभङ्गाकुले ।नानाविभ्रमदुर्भ्रमेमितभयस्तोमाधिघेनोत्कटेदुःखोत्क्रष्टविषे समुद्धर गुरो मां मग्नरूपं सदा ॥ २२॥

saṃsārekṣayasāgare prakṛtitogādhe sadā dustaresarvāvadyajalagrahairanupamaiḥ kāmādibhaṅgākule |nānāvibhramadurbhramemitabhayastomādhighenotkaṭeduḥkhotkraṣṭaviṣe samuddhara guro māṃ magnarūpaṃ sadā || 22||

राघवेन्द्र गुरुस्तोत्रं यः पठेत् भक्तिपूर्वकम्ग् ।तस्य कुष्ठादिरोगाणां निवृत्तिःः त्वरया भवेत् ॥ २३॥

rāghavendra gurustotraṃ yaḥ paṭhet bhaktipūrvakamg |tasya kuṣṭhādirogāṇāṃ nivṛttiḥḥ tvarayā bhavet || 23||

अन्धोऽपि दिव्यदृष्टिः स्याद् एडमूकोऽपि वाक्पतिः ।पूर्णायुः पूर्णसम्पत्तिः स्तोत्रस्यास्य जपाद्भवेत् ॥ २४॥

andho'pi divyadṛṣṭiḥ syād eḍamūko'pi vākpatiḥ |pūrṇāyuḥ pūrṇasampattiḥ stotrasyāsya japādbhavet || 24||

यः पिबेज्जलमेतेन स्तोत्रेणैवाभिमन्त्रितम् ।तस्य कुक्षगता दोषाः सर्वे नश्यन्ति तत् क्षणात्ग् ॥ २५॥

yaḥ pibejjalametena stotreṇaivābhimantritam |tasya kukṣagatā doṣāḥ sarve naśyanti tat kṣaṇātg || 25||

यद्वृन्दावनमासाद्य पङ्गुः खञ्जोऽपि वा जनः ।स्तोत्रेणानेन यः कुर्यात् प्रदक्षिणनमस्क्रती ।स जङ्घालो भवेदेव गुरुराजप्रसादतः ॥ २६॥

yadvṛndāvanamāsādya paṅguḥ khañjo'pi vā janaḥ |stotreṇānena yaḥ kuryāt pradakṣiṇanamaskratī |sa jaṅghālo bhavedeva gururājaprasādataḥ || 26||

सोमसूर्योपरागे च पुष्यार्कादिसमागमे ।योनुत्तममिदं स्तोत्रं अष्टोत्तरशतं जपेत् ।भूतप्रेतपिशाचादि पीडा तस्य न जायते ॥ २७॥

somasūryoparāge ca puṣyārkādisamāgame |yonuttamamidaṃ stotraṃ aṣṭottaraśataṃ japet |bhūtapretapiśācādi pīḍā tasya na jāyate || 27||

एतत् स्तोत्रं समुच्चार्य गुरोर्वृन्दावनान्तिके ।दीपसंयोजनात् ज्ञानं पुत्र लाभो भवेद्धृवम्ग् ॥ २८॥

etat stotraṃ samuccārya gurorvṛndāvanāntike |dīpasaṃyojanāt jñānaṃ putra lābho bhaveddhṛvamg || 28||

परवादि जयो दिव्य ज्ञानभक्त्यादि वर्धनम् ।सर्वाभीष्टप्रवृद्दिः स्यान्नात्र कार्या विचारणा ॥ २९॥

paravādi jayo divya jñānabhaktyādi vardhanam |sarvābhīṣṭapravṛddiḥ syānnātra kāryā vicāraṇā || 29||

राजचोरमहाव्याघ्रसर्पनक्रादिपीडनम् ।न जायतेस्य स्तोत्रस्य प्रभावान् नात्र संशयः ॥ ३०॥

rājacoramahāvyāghrasarpanakrādipīḍanam |na jāyatesya stotrasya prabhāvān nātra saṃśayaḥ || 30||

यो भक्त्या गुरुराघवेन्द्रचरणद्वन्द्वं स्मरन् यः पठेत्ग्स्तोत्रं दिव्यमिदं सदा न हि भवेत् तस्या सुखं किञ्चन ।किं त्विष्टार्थसमृद्धिरेव कमलानाथप्रसादो दयात्कीर्तिर्दिग्विदिता विभूतिरतुला साक्षीहयास्तोत्र हि ॥ ३१॥

yo bhaktyā gururāghavendracaraṇadvandvaṃ smaran yaḥ paṭhetgstotraṃ divyamidaṃ sadā na hi bhavet tasyā sukhaṃ kiñcana |kiṃ tviṣṭārthasamṛddhireva kamalānāthaprasādo dayātkīrtirdigviditā vibhūtiratulā sākṣīhayāstotra hi || 31||

इति श्रीराघवेन्द्रार्यगुरुराजप्रसादतः ।कृतं स्तोत्रमिदं पुण्यं श्रीमद्भिर्ह्यप्पणाभिध्यः ॥ ३२॥

iti śrīrāghavendrāryagururājaprasādataḥ |kṛtaṃ stotramidaṃ puṇyaṃ śrīmadbhirhyappaṇābhidhyaḥ || 32||

पूज्याय राघवेन्द्राय सत्यधर्मरताय च ।भजतां कल्पवृक्षाय नमतां कामधेनवे ॥ ३३॥

pūjyāya rāghavendrāya satyadharmaratāya ca |bhajatāṃ kalpavṛkṣāya namatāṃ kāmadhenave || 33||

दुर्वादिध्वान्तरवये वैष्णवेन्दीवरेन्दवे ।श्रीराघवेन्द्रगुरवे नमोत्यन्त दयालवे ॥ ३४॥

durvādidhvāntaravaye vaiṣṇavendīvarendave |śrīrāghavendragurave namotyanta dayālave || 34||

इति श्रीअप्पणाचार्यविरचितं श्रीराघवेन्द्रगुरुस्तोत्रं सम्पूर्णम् ।

iti śrīappaṇācāryaviracitaṃ śrīrāghavendragurustotraṃ sampūrṇam |