राघवेन्द्रऋणमोचनस्तोत्रम् Shri Raghavendra Rinamochana Stotram

श्रितजनदुरितघ्नं भक्तवर्गस्य निघ्नंसुरतरुसमरूपं सर्वसाम्राज्यभूपम् ।भजकजनशरण्यं नौमि कारुण्यपूर्णंकुरु ऋणपरिहारं तात मे राघवेन्द्र ॥ १॥

śritajanaduritaghnaṃ bhaktavargasya nighnaṃsuratarusamarūpaṃ sarvasāmrājyabhūpam |bhajakajanaśaraṇyaṃ naumi kāruṇyapūrṇaṃkuru ṛṇaparihāraṃ tāta me rāghavendra || 1||

रचितभयविनाश श्रीद सम्पत्समृद्ध ।प्रियतमपर दीनाऽनाथबन्धो नमस्ते ।निटिलगतकुवर्णश्रेणिवैय्यर्थकारिन्कुरु ऋणपरिहारं तात मे राघवेन्द्र ॥ २॥

racitabhayavināśa śrīda sampatsamṛddha |priyatamapara dīnā'nāthabandho namaste |niṭilagatakuvarṇaśreṇivaiyyarthakārinkuru ṛṇaparihāraṃ tāta me rāghavendra || 2||

घनतरहरिसेवोत्कर्षलब्धाष्टसिद्धेवितरणगुणलीलाधिक्कृत स्वर्द्रुकीर्ते ।निखिलगुणनिधानश्लाघ्यसौभाग्यमूर्तेकुरु ऋणपरिहारं तात मे राघवेन्द्र ॥ ३॥

ghanataraharisevotkarṣalabdhāṣṭasiddhevitaraṇaguṇalīlādhikkṛta svardrukīrte |nikhilaguṇanidhānaślāghyasaubhāgyamūrtekuru ṛṇaparihāraṃ tāta me rāghavendra || 3||

विदितविविधवेदव्यासवाक्यार्थमध्वप्रकटितमतभावव्याकृतिप्रोपकर्तः ।कृतकलिकृतदोषोच्चाटन क्षेमकारिन्कुरु ऋणपरिहारं तात मे राघवेन्द्र ॥ ४॥

viditavividhavedavyāsavākyārthamadhvaprakaṭitamatabhāvavyākṛtipropakartaḥ |kṛtakalikṛtadoṣoccāṭana kṣemakārinkuru ṛṇaparihāraṃ tāta me rāghavendra || 4||

द्रविणरहितलोकास्त्वामुपाश्रित्य सर्वेकलितसकलकामाः सन्ति सौख्येन भूमौ ।इदमहमपि मत्वा संसृतस्त्वामुदारंकुरु ऋणपरिहारं तात मे राघवेन्द्र ॥ ५॥

draviṇarahitalokāstvāmupāśritya sarvekalitasakalakāmāḥ santi saukhyena bhūmau |idamahamapi matvā saṃsṛtastvāmudāraṃkuru ṛṇaparihāraṃ tāta me rāghavendra || 5||

यतिवर बहुभक्तत्राणनात् पाटवं तेकिमु गलितमुताऽहं नास्मि किं रक्षणार्हः ।द्वयमपि न हि युक्तं सर्वतन्त्रस्वतन्त्रेकुरु ऋणपरिहारं तात मे राघवेन्द्र ॥ ६॥

yativara bahubhaktatrāṇanāt pāṭavaṃ tekimu galitamutā'haṃ nāsmi kiṃ rakṣaṇārhaḥ |dvayamapi na hi yuktaṃ sarvatantrasvatantrekuru ṛṇaparihāraṃ tāta me rāghavendra || 6||

नरमितरमुदारसेवमानोऽपि भूयःसुखमहमिह नापं पूर्वकर्मानुरोधात् ।तदपि झटति धूत्वा रक्षसीत्याश्रये त्वांकुरु ऋण परिहारं तात मे राघवेन्द्र ॥ ७॥

naramitaramudārasevamāno'pi bhūyaḥsukhamahamiha nāpaṃ pūrvakarmānurodhāt |tadapi jhaṭati dhūtvā rakṣasītyāśraye tvāṃkuru ṛṇa parihāraṃ tāta me rāghavendra || 7||

मम तु भवति मित्रे बान्धवे मातरीष्टेपितरि सदि वदान्ये सद्गुरौ वा समर्थे ।व्यसनमनुभवामि त्वत्सुतः साम्प्रतं किंकुरु ऋणपरिहारं तात मे राघवेन्द्र ॥ ८॥

mama tu bhavati mitre bāndhave mātarīṣṭepitari sadi vadānye sadgurau vā samarthe |vyasanamanubhavāmi tvatsutaḥ sāmprataṃ kiṃkuru ṛṇaparihāraṃ tāta me rāghavendra || 8||

इति गुरुवर पुत्रो नाम कृष्णावधूतःचकर ऋणविनाशस्तोत्रमेतद्गुणानाम् ।पठति शतदिनं यो नित्यमेतत्त्रिवारंकुरु ऋणपरिहारं तात मे राघवेन्द्र ॥ ९॥

iti guruvara putro nāma kṛṣṇāvadhūtaḥcakara ṛṇavināśastotrametadguṇānām |paṭhati śatadinaṃ yo nityametattrivāraṃkuru ṛṇaparihāraṃ tāta me rāghavendra || 9||

ऋणमोचनकं नाम स्तोत्रं प्रत्यक्षसिद्धिदम् ।कुरु ऋणपरिहारं तात मे राघवेन्द्र ॥ १०॥

ṛṇamocanakaṃ nāma stotraṃ pratyakṣasiddhidam |kuru ṛṇaparihāraṃ tāta me rāghavendra || 10||

इति श्रीमत्कृष्णावधूतपण्डितकृतौ श्रीराघवेन्द्रतन्त्रे द्वादशपटलेऋणमोचनस्तोत्रं सम्पूर्णम् ।

iti śrīmatkṛṣṇāvadhūtapaṇḍitakṛtau śrīrāghavendratantre dvādaśapaṭaleṛṇamocanastotraṃ sampūrṇam |